Morgunblaðið - 14.05.1996, Qupperneq 17

MORGUNBLAÐIÐ
ÞRIÐJUDAGUR 14. MAÍ 1996 17
___________________ERLEIMT_____
Reynt að fjarlægja riffilskot
úr höfði stúlkubarns
TENNEH Cole lifði af um 400 km ferð í gegnum skóga Sierra Leone með riffilskot í höfði. Skotið,
sem fjarlægja á, sést greinilega á röntgenmyndinni til hægri.
London. Reuter.
BRESKIR skurðlæknar
freista þess í dag að fjarlægja
riffilskot úr heila lítillar
stúlku, sem fannst í skógum
Sierra Leone fyrir rúmu ári.
Kúlan er á bak við hægra
auga stúlkunnar og telja
læknar nauðsynlegt að fjar-
lægja hana vegna sýkingar-
hættunnar sem af henni staf-
ar. Kváðust þeir í gær bjart-
sýnir um árangurinn og telja
að stúlkan geti haft fótavist
á miðvikudag.
Stúlkan, Tenneh Cole, er
fimm ára og varð fyrir skoti
úr AK-47 riffli fyrir 16
mánuðum í átökum í borgara-
stríðinu í Sierra Leone. Hún
er munaðarlaus og fundu
Malomoh og Mariama Cole
hana í janúar á síðasta ári,
grátandi og umkomulausa.
Þau voru þá á flótta undan
stríðandi fylkingum.
Nokkrum dögum síðar
missti stúlkan meðvitund og
blóðið streymdi úr höfði
hennar. Akváðu Cole-hjónin
þá að gefa sig fram við hóp
skæruliða í von um hjálp. Sú
von brást og var Malomoh
pyntaður áður en honum
tókst að flýja með konu sína
og stúlkuna. Gengu þau um
400 km í gegnum skóga Si-
erra Leone með Tenneh og
komu henni loks undir
læknishendur í Freetown, þar
sem röntgenmyndir voru
teknar af höfði stúlkunnar
og ástæða veikinda hennar
kom í ljós. Breskt líknarfélag
í borginni sá til þess að hún
var send til Bretlands í upp-
skurð.
Tenneh hefur misst sjón á
öðru auganu og er talið úti-
lokað að hún fái hana aftur.
Þá hefur heyrn hennar skað-
ast og hún drafar. Vonast
læknar til þess að hún hljóti
bata en hann byggist m.a. á
því að þeir komist að því
hvaðan skotið barst inn í höf-
uðkúpuna. Engin ummerki
sjást á röntgenmyndunum um
það. I samtali við breska blað-
ið The Times sagði einn lækn-
anna sem skera hana upp, að
sár Tenneh væru í „mótsögn
við lífið. Hefði skotið ekki
orðið henni samstundis að
bana, hefði verið viðbúið að
sýking hefði orðið henni að
aldurtila.“
Norðursam-
bandið kýs
skugga-
ráðuneyti
Mantúa. Reuter.
NORÐURSAMBANDIÐ, flokkur
Umbertos Bossis á Ítalíu, færðist
um helgina skrefi nær draumi Boss-
is um aðskilnað Norður- og Suður-
Italíu, er hann kaus skuggaráðu-
neyti og samþykkti áætlun í fimm
liðum um aðskilnað. Bossi sagði við
þetta tækifæri að tímabært væri
að sýna fram á að norðurhlutinn
gæti stjórnað sér sjálfur og tæpti
auk þess á hugmyndinni um eigin
gjaldmiðil svæðisins.
Skuggaráðuneytið var kjörið á
fundi Norðursambandsins í Mantúa
á sunnudag og samþykktu fundar-
menn einróma að velja Giancarlo
Pagliarini í forsæti þess. Pagliarini
átti sæti í skammlífri stjórn Silvios
Berlusconis árið 1994.
í ræðu sinni beindi hann spjótum
sínum að nýkjörnum forseta ítalska
þingsins, sem lýsti því yfir í setning-
arræðu sinni í síðustu viku að vald-
beiting væri ekki útilokuð af hálfu
ríkisins til að koma í veg fyrir að-
skilnað. „Ég mun aldrei beita valdi,“
sagði Pagliarini og lagði áherslu á
sættir við stjórnina í Róm.
Áætlun skuggaráðuneytisins um
aðskilnað norðurs og suðurs kveður
m.a. á um valddreifingu, að norður-
hlutanum verði gert kleift að ræða
eigin lagasetningu, og um breyting-
ar á skattkerfinu sem miði að því
að halda eftir fjármagni í norður-
hlutanum.
Viðskipti í Nova Scotia
- einstakt sóknarfæri!
Fyrirtæki af öllum stærðum og gerðum í Nova
Scotia leita eftir samstarfi við íslendinga.
Aðstæður til viðskipta í Nova Scotia eru mjög
hagstæðar. Flugleiðir hefja áætlunarflug þangað
í dag, 14. maí, tvisvar í viku. Þetta er einstakt
tækifæri fyrir framsækin íslensk fyrirtæki sem vilja
sækja á ný mið!
Frekari upplýsingar:
Aðalræðisskrifstofa Kanada.
Suðurlandsbraut 10, 108 Reykjavík.
Merkt: Nova Scotia/Iceland Program.
Sími: 568 0820.
Fax: 568 0899.
Láttu sjá þig á Nova Scotia dögunum
sem haldnir verða dagana 22. - 24. maí nk. Hingað fjölmenna
fulltrúar ferða-, viðskipta- og menntamála með ítarlegar uppjýsingar
um land og þjóð í máli og myndum.
yrirtækifrá Nova Scotia
verða meo sýningarbása á Hótel Sögu
22. maí enfulltrúar þeirra verða einnig
í Háshólainói 23. og 24. maí.
ABCO Industries Ltd.
- málmiðnaðarfyrirtæki, sérhæfir sig í
hönnun og gerð véla til matvæla-
framleiðslu. Annast einnig dreifingu á
matvælum og vélum til iðnaðar.
Associated Consulting Teams Inc.
- viðskiptaráðgjöf fyrir lítil fyrirtæki og
framtakssama einstaklinga.
Atlantic By-Catch
- Pet-trition hundasælgæti, sérstaklega
þróað af Tæknistofnun kanadíska
sjávarútvegsins við Tækniháskóla Nova
Scotia.
Bebbington Chemicals
- nátlúruleg hreinsiefni fyrir alla;
einstaklinga, iðnaðar- og sjávarútvegs-
fyrirtæki.
Bogside Weaving Inc.
- handunnin föt og gjafavara úr 100%
ull, fyriPbæði konur og karla.
Connors Diving Services
- öll þjónusta við köfun. Selur einnig
loftpressur til að fylla köfunartanka.
Davis Strait Fisheries Ltd.
- reka tvo rækjubáta og flytja inn hráefni
til fiskvinnslu; þorsk, ýsu, ufsa og karfa.
J.W. Mason & Sons Ltd.
- gæði á góðu verði í eplaræktun.
Parlee Adventure Gear Inc.
- 100% kanadískur gæðaveiðibúnaður,
klæðnaður og björgunarbúnaður.
Paul Eyking Entcrprises
- gevmsla og dreifing á kartöflum, lauk
og btábeijum bæði innanlands sem utan.
Ran Mar Farms
- ræktun á jólattjám.
Softworld '96
- aðalráðstefnan í Kanada um
upplýsingatækni, haldin í Halifax í
september 1996.
Suirette Battery
- framleiðir fjölda gerða af risarafhlöðum.