Morgunblaðið - 30.05.1996, Síða 16

16 FIMMTUDAGUR 30. MAÍ 1996
MORGUNBLAÐIÐ
AKUREYRI
Margt skrýtið
kemur úr sjónum
Stóri Þöld-
ungur í grá-
sleppunetin
Grýtubakkahreppur.
MARGT er skrýtið sem úr sjónum
kemur. Um miðja vikuna er verið
var að draga grásleppunet í mynni
Eyjafjarðar kom í ljós að furðu-
fiskur hafði festst í netunum. Það
var Friðrik Þorsteinsson, á trill-
unni Eyfjörð ÞH frá Grenivík sem
var að draga grásleppunet við
Kjálkanes skammt innan við
Gjögra.
Sagðist Friðrik hafa verið að
draga mjög nærri landi, á um fjög-
urra faðma dýpi þegar þessi sér-
kennilegi fiskur kom upp. Var
hann ekki búinn að vera lengi í
netunum en þó dauður. Sam-
kvæmt upplýsingum hjá Fiska- og
náttúrugripasafninu í Vestmanna-
eyjum mun þetta vera Stóri Þöld-
ungur. Hann er ekki mjög algeng-
ur hér við land en þvælist þó einn
og einn upp að fjörum landsins.
Hann lifir allt frá fjöru og niður
á 1000 metra dýpi. Heimkynni
Stóra Þöldungs eru Miðjarðarhaf
og Norður Atlandshaf, frá Ma-
deira að Kanarí, til Islandsmiða.
Síðuskóli eini grunnskólinn sem ekki verður einsetinn
Foreldrar óánægðir og
þrýsta á einsetningu
TÖLUVERÐ óánægja er meðal foreldra sem eru
að innrita börn sín í Síðuskóla. Ekki er útlit fyr-
ir að hægt verði að einsetja skólann næsta haust
og er ráðgert að fjórar fyrstu bekkjardeildirnar
verði áfram bæði fyrir og eftir hádegi. Aðrir
grunnskólar bæjarins, Barnaskóli Akureyrar,
Glerárskóli, Gddeyrarskóli, Lundarskóli og Gilja-
skóli, verða hins vegar einsetnir frá og með næsta
skólaári.
Einn bekkur af þremur í hverjum árgangi í
1.-4 bekk er fyrir hádegi og tveir bekkir eftir
hádegi. Alls hafa 66 börn verið innrituð í 1. bekk
næsta skólaár og verður þeim skipt í þijár bekkj-
ardeildir. Jón Baldvin Hannesson, skólastjóri Síðu-
skóla, segir að hámarksfjöldi í 1.-2. bekk séu 22
nemendur en foreldrar 47 barna hafa óskað eftir
því að hafa börn sín í skólanum fyrir hádegi.
Mikill þrýstingur frá foreldrum
„Foreldrar hafa brugðist við þessu ástandi af
misjafnlega mikilli hörku. Margir hafa komið og
talað við okkur eða hringt og nokkrir hafa sent
bréf til skólanefndar, eða á annan hátt reynt að
skýra sína þörf fyrir því að hafa börn sín í skólan-
um fyrir hádegi. Það er alla vega ekki hægt að
segja annað en það hafi verið mikill þrýstingur
frá foreldrum," segir Jón Baldvin. Foreldrar hafa
nefnt ýmsar ástæður fyrir þörfinni á skólaplássi
fyrir hádegi og í því sambandi má nefna vinnu
þeirra eða skólanám, þarfir barnanna og fleira.
Jón Baldvin segir að það sé einnig til í dæminu
að fólk gefi skólanum ekki alveg réttar upplýs-
ingar. „Aðstæður okkar til að vega og meta þarf-
ir foreldranna eru því mjög erfiðar. Jafnvel þótt
við vildum forgangsraða í bekkjardeildirnar er
ljóst að ekki er einfalt að fínna eftir hveiju ætti
að forgangsraða."
Til stóð að draga í bekkjardeildir
Skólanefnd hefur bent á að afgreiðsla málsins
sé í höndum stjórnenda skólans og þar á bæ
hafa menn ekki séð aðra leið en að þeir foreldrar
sem vilja hafa börn sín á morgnanna, dragi um
sætin í þeirri bekkjardeild. Til stóð að halda fund
um málið í síðustu viku og að þar yrði dregið
um sæti í morgundeildinni, en fundinum var frest-
að.
„Nokkrir foreldrar höfðu frumkvæði að því að
skrifa bæjarstjórn bréf, þar sem farið er fram á
að þessi mál verði leyst með einhveijum hætti. í
framhaldinu hefur verið ákveðið að setja af stað
nefnd er kanni leiðir til lausnar. Nefndin er skip-
uð varaformanni skólanefndar, aðstoðarskóla-
stjóra og fulltrúa foreldra og er hún þessa dag-
ana að fara af stað með sína vinnu.“
Jón Baldvin segir að ein ieiðin sem nefnd hafi
verið sé að koma fyrir lausri kennslustofu og
bæta þannig við einni deild fyrir hádegi. Hann
segir að þó það sé vilji stjórnenda skólans að
hugað verði að uppbyggingunni í varanlegu hús-
næði, séu þeir ekki á móti því að notast við lausar
stofur í einhveijum mæli. Bærinn þurfi að eiga
slíkar stofur til að leysa tímabundinn vanda í
bænum og þetta sé því ekki ónýt fjárfesting.
Þyrfti 10-12 lausar kennslustofur
„Það sem við sáum fyrir okkur í umræðum
um einsetningu í fyrra og menn eru því miður
aðeins að mistúlka, var að ef ætti að einsetja
skólann í bráðabirgðahúsnæði hefði þurft að setja
niður á lóðina 10-12 lausar stofur. Þá hefðu allar
aðstæður orðið mjög erfiðar, m.a. eftirlit með
börnunum, ferðir í sérgreinastofur með gögn og
fleira. Skólanefnd taldi hins vegar að þetta væri
hægt að leysa með örfáum slíkum stofum hér.
Um þetta var deilt en niðurstaðan var sú að stefna
að varanlegri lausn og ég tel að það sé rétt stefna,“
sagði Jón Baldvin.
ÁHÖFNIN á Eyfjörð ÞH með furðufiskinn, f.h. Heimir Ásgeirsson, Friðrik Þorsteinsson og dóttir hans Birna.
Morgunblaðið/Jónas Baldursson
Seljendur einbýlishúss
sýknaðir af kröfu skuld-
ar vegna galla á húsinu
HÉRAÐSDÓMUR Norðurlands
eystra hefur sýknað seljendur ein-
býlishúss að Mánahlíð 4 á Akureyri,
hjón og dánarbú föður eiginmanns-
ins, af kröfu kaupanda um greiðslu
skuldar að fjárhæð tæpar 8 milljónir
króna, ásamt dráttarvöxtum frá júlí
1993, vegna galla á húsinu. Eigin-
kona var sýknuð af kröfum stefn-
anda en hinum aðilum málsins var
gert að greiða stefnanda kr. 250.000
með dráttarvöxtum frá júlí 1993 og
kr. 250.000 í málskostnað.
í dómi Héraðsdóms kemur m.a.
fram að stefnandi keypti húsið í maí
1987 og tók við eigninni 1. septem-
ber sama ár. Hann leigði húsið fyrsta
árið en bjó síðan í því frá október
1988 og þar til hann seldi eignina
í október 1990. Skömmu eftir að
stefnandi seldi hafi kaupendur
kvartað um galla á húseigninni og
12. desember 1991 hafi mál kaup-
enda gegn stefnanda verið þingfest
á bæjarþingi Akureyrar. í því máli
var krafist riftunar kaupsamnings
og að greiddar yrðu vangildisbætur.
Kostnaður við viðgerð
um 5 milljónir
Dómur hafi verið kveðinn í málinu
í lok júlí 1992 þar sem riftunin var
tekin til greina, þar sem sannað
þótti að gallar væru verulegir. Kaup-
endur höfðu m.a. byggt mál sitt á
matsgerð þar sem fram hafi komið
að kostnaður við að gera við gallana
væri rúmar 5 milljónir króna. Þá var
stefnanda gert að greiða málskostn-
að kr. 650.000, að teknu tilliti til
matskostnaðar.
í dóminum kemur fram, að til að
takmarka tjón sitt hafi stefnandi
jafnframt því að hefja endurbætur
á eigninni selt hana og við ákvörðun
kaupverðs hafi verið tekið tillit til
gallanna auk þess sem stefnandi
hafí skuldbundið sig til að bæta úr
þeim. Stefnandi hafi krafið stefndu
um greiðslu bóta í júlí 1993 en
stefndu hafnað greiðslu.
Leyndir gallar í húsinu
Stefnandi telur að fyrirliggjandi
matsgerðir sanni að um verulega
galla sé að ræða á húsinu og bygg-
ir mál sitt á því að um leynda galla
sé að ræða og beri stefndu ábyrgð
á tjóni því sem hann hafi orðið fyrir
vegna þeirra. Hafi stefndu byggt
húsið sjálf á árunum 1978-79 og
hljóti því að hafa vitað af sumum
gallanna er þau seldu stefnanda
búsið, enda megi þá marga rekja til
handvammar við byggingu hússins.
Járnabinding hafi verið ófullnægj-
andi og rangt staðið að niðurlagn-
ingu steypunnar.
Hafi þetta m.a. orðið til þess að
plata hússins hefur sigið og það leki
um norðurvegg. Jáfnframt hafi þak-
ið ekki verið smíðað samkvæmt
teikningu því í það vanti stífur og
frágangur á festingum sé rangur.
Ennfremur telur stefnandi augljóst
að stefndu hafí vitað af siginu í
gólfplötunni því stefndu höfðu
teppalagt upp á vegginn til að leyna
því að bil myndaðist undir léttum
veggjum vegna sigs og til að leyna
ummerkjum við útveggi.
Stefndu mótmæla því að fasteign-
in hafí verið haldin göllum í lögfræði-
legum skilningi þegar þau seldu
stefnanda hana árið 1987. Þá byggja
stefndu á því að stefnandi hafi vegna
tómlætis í þijú ár, þ.e. á eignarhalds-
tímanum og síðar um þriggja ára
skeið til viðbótar og þar með glatað
rétti til að hafa uppi skaðabætur.
Stefndu eigi ekki að þurfa að una
því að stefnandi láti kyrrt liggja um
6 ára skeið og höfði síðan mál og
krefji um skaðabætur sem nemi 10
árslaunum verkamanns.
I áliti dómsins er á það fallist
með stefndu að stefnandi hafi sýnt
af sér tómlæti að halda máli sínu
til réttra laga gagnvart stefndu og
ekki hefur verið sýnt fram á sak-
næmt atferli stefndu í máli þessu.
Hins vegar má ljóst vera samkvæmt
matsgjörð tveggja aðila að platan
uppfylli ekki lágmarks hönnunarfor-
sendur m.t.t. svignunar og verður
það að teljast leyndur galli á henni
í orðsins fyllstu merkingu þar sem
aðiljar voru óvitandi um hann. Þykir
stefnandi eiga rétt til afsláttar vegna
þessa, er þykir hæfilega metinn kr.
250.000. Jafnframt er fallist á drátt-
arvaxtakröfu stefnanda.
Sýknaðir af fylgikröfum
Stefndu eru hins vegar sýknaðir
af þeim fylgikröfum er leiddu af rift-
unarmáli stefnanda og hann hefur
uppi í máli þessu. Stefndu höfðu í
fyrra máli ekki kost á að gæta rétt-
ar síns svo og stóð það stefnanda
næst að takmarka fjártjón sitt. Rétt
þykir að stefndu greiði stefnanda
málskostnað kr. 250.000 fyrir utan
virðisaukaskatt.
Ásgeir Pétur Ásgeirsson, héraðs-
dómari, kvað upp dóminn ásamt
meðdómsmönnunum Herði Blöndal,
byggingaverkfræðingi, og Gísla
Gunnlaugssyni, byggingatækni-
fræðingi.