Morgunblaðið - 30.05.1996, Blaðsíða 50

Morgunblaðið - 30.05.1996, Blaðsíða 50
50 FIMMTUDAGUR 30. MAÍ 1996 MORGUNBLAÐIÐ BREF * FORSETAKjOR Trúir Ólafur Ragnar á guð? Frá Magnúsi Óskarssyni: Á ÍSLANDI er trúfrelsi varið af stjórnarskrá. Yfirleitt er það einka- mál hverju menn trúa og óviðeig- andi að ræða trú einstakra manna opinberlega. Svo væri og um Ólaf Ragnar Grímsson ef hann hefði ekki með orðum og athöfnum kallað yfir sig þá spurningu sem hér er varpað fram. Hann hefur á undan- förnum vikum sést á kirkjubekkjum „ við trúarathafnir. Af því tilefni hef- ur verið rifjað upp að hann hafi fyrir nokkrum árum lýst því yfir fyrir dómi að hann tryði ekki á guð. Á því hefur Ólafur Ragnar a.m.k. tvívegis síðustu daga gefið skýringar sem eru svo óralangt handan við mörk vits og velsæmis að ekki er leyfilegt að láta kyrrt liggja. Bæði í blaðaviðtali og svari á fundi, sem var sjónvarpað, hefur Ólafur Ragnar Grímsson, forseta- frambjóðandi, sagt að hann hafi talið „eðlilegast" að vinna frekar drengskaparheit en sverja við guð í tilteknu dómsmáli þar sem um hafi verið að ræða „borgaraleg rétt- íarhöld". Þetta er jrfórulaust rugl. Það er ekkert til á Islandi sem heit- ir borgaraleg réttarhöld. Annáð- hvort eru menn fyrir rétti eða ekki. Dómstólum landsins verður ekki gefið nýtt nafn í blekkingarskyni. Verri er þó hin blekkingartilraun- in. Það er vísvitandi blekking þegar Ólafur Ragnar gefur í skyn að hann hafi að geðþótta getað ákveðið hvort hann sór trúarlegan eið eða vann dréngskaparheit. íslensk lög leyfa það ekki. Fyrir dómi var Ólafur Ragnar Grímsson ekkert spurður um það hvað honum fyndist „eðli- legast". Hann var spurður um það hvort hann tryði á guð og ef hann hefði svarað því játandi varð hann staðfesta framburð sinn með svar- daga sem þannig hefst: „Eg sver það og vitna til guðs míns ..." Það gerði Ólafur Ragnar ekki, heldur vann hann drengskaparheit, sem sá einn fær lögum samkvæmt að gera, sem ekki er í viðurkenndu trúfélagi og hefur, aðspurður af dómara, svarað neitandi spurningu um það hvort hann trúi á guð. Dómabækur og segulbandsupptökur munu bera með sér neikvætt svar Ólafs og þarf ekkert um það að deila. Það gengur heldur ekki og er bara rugl þegar Ólafur Ragnar seg- ist hafa verið fyrir rétti sem fjár- málaráðherra, en ekki persónulega sem Ólafur Ragnar Grímsson. Það verður laglegt ef þjóðin lendir í því að þurfa að aðgreina það sem for- seti íslands segir frá blaðrinu í Ól- afi Ragnari Grímssyni, sem kæmi úr sama munni. Mig varðar ekkert um guðstrú Ólafs Ragnars Grímssonar. En þjóð- ina varðar um það hvort maður sem vill verða forseti íslands skýrir rangt frá fyrir dómi eða segir henni ósatt um trú sína. MAGNÚS ÓSKARSSON hæstaréttarlögmaður. Stækkum sam- skiptalögsöguna Frá Kristjáni Einarssyni: ÞAÐ VAR lífshagsmunamál íslend- inga allra að stækka landhelgina og færa efnahagslögsöguna út í tvö hundruð mílur. Okkar verkefni núna er álíka stórbrotið. Við þurfum að stækka viðskipta- og samskiptalög- sögu íslendinga þannig að hún nái um allan heim. Sem tákn fyrir slíka þjóðarviðleitni er Ólafur Ragnar Grímsson réttur maður á. réttum stað. Ferill hans er sönnun þess að með menntun, þroskun hæfileika og " *persónulegu framtaki, er hægt að starfa í senn á þjóðlegum og alþjóð- legum vettvangi. Sækjum auð í samskipti Ný störf verða fyrst og fremst til í samskiptum fólks. Við Islendingar eigum eftir að sækja ómældan auð í samskipti við erlenda menn. Hvar- vetna erum við að brjótast út úr einangrun og fyrirtæki og fólk eru að ráðast í verkefni um allan heim. Væntanlegur forseti er ekki yfir það hafinn að leggja sitt lóð á vogarskál- ina með þessum brautryðjendum, sem eru að búa í haginn fyrir þjóð- ina. Við þurfum að gera gagnvegi milli íslands og ánnarra landa og eignast gagnholla samverkamenn í öllum heimshornum. Forseti getur treyst slík vináttubönd. Orkugjaf i i þjóðlif inu Fámennri, velmenntaðri og vinnusamri þjóð á að geta farnast vel 1 heimi nútíma tækni. Það þarf að opna dyr fyrir íslendinga um víða veröld og ljúka íslandi og möguleikum þess upp fyrir erlend- um samverkamönnum. Það er ekki minni auður í þvi fólginn að virkja alþjóðleg tengsl heldur en að virkja fallvötnin okkar og slík sambönd gætu reynst dýrmætur orkugjafi í þjóðlífmu. Það felst engin mótsögn íþví að stækka samskiptalögsögu Islend- inga og halda trúnað við þjóðina. Þvert á móti.. KRISTJÁN EINARSSON, forstjóri Rekstrarvara. IDAG Til útvarpsstjóra Frá Kristjáni Torfasyni: NÚ STYTTIST óðum tíminn til 29. júní nk. þegar íslendingar velja sér forseta. Fram hafa komið raddir um að Ríkisútvarpið fullnægi ekki nægi- lega vel fræðsluskyldu sinni gagn- vart þjóðinni um þá sem boðið hafa sig fram til þessa embættis. Þannig kom fram hjá Guðrúnu Pétursdóttir sl. laugardag að hún teldi ríkisútvarpið ekki standa sig sem skyldi hvað varðaði kynningu á frambjóðendum. Einnig kom þetta fram hjá Guðrúnu Agnarsdóttur á fundi hjá félagi stjórnmálafræðinga sem haldinn var á Hótel Sögu sl. föstudag. Undir sjónarmið hennar tóku, auk Guðrúnar Pétursdóttur, frambjóðendurnir Pétur Kr. Hafstein og Ástþór Magnússon. Undir þessa kröfu hafa þannig allir frambjóðend- ^. ur tekið, aðrir en Olafur Ragnar. Síst er að undra að Ólafur Ragn- ar telji ekki þörf á frekari kynn- ingu. Hann hefur sem flokksformað- ur Alþýðubandalagsins, þingmaður og ráðherra um margra ára skeið verið reglulega á sjónvarpsskjánum hjá landsmönnum. Aðrir frambjóð- endur hafa ekki þessa aðstöðu. Þá þarf að kynna fyrir þjóðinni. Þeir hafa þurft að greiða fyrir auglýsing- ar á sjónvargsstöðvunum dýrum dómum. Ekki Olafur Ragnar. Hann þarf ekki að kaupa auglýsingar á sjónvarpsstöðvunum. Hann hefur fengið næga auglýsingu í þessum miðlum á liðnum árum án þess að þurfa að greiða fyrir hana. Hann vill viðhalda þessu fjölmiðaforskoti sínu, hagnast á þessu. Ég skora á yður, hr. útvarps- stjóri, að leggja lóð yðar á vogaskál- ina til að jafna þennan aðstöðumun. KRISTJÁN TORFASON, lögfræðingur. VELVAKANDI Svarað í síma 569 1100 frá 10-12 og 14-16 frá mánudegi til föstudags Netfang: laugaÞmblás Þakkirtil starfsfólks Vesturbæjar- laugar MIG LANGAR að biðja Velvakanda fyrir þakkir til starfsfólks Vesturbæjar- laugar fyrir að sýna mér velvilja og natni þegar ég týndi eymalokk í sund- lauginni. Þau sýndu að þeim er annt um viðskipta- vini laugarinnar og þegar eyrnalokkurinn fannst, 10 dögum seinna, hringdu þau til mín og létu mig vita. Borghildur Bernharðsdóttir. Ábending SKÚLI hringdi og vildi vekja athygli á þjónustu borgarinnar við eldri borg- ara. Vinnuskóli Reykjavík- ur hefur boðið ágæta þjón- ustu við eldri borgara í formi umhirðu garða, en sá galli er á gjöf Njarðar að sú þjónusta hefst ekki fyrr en um mitt sumar, eða í lok júní. Geta allir séð að þá eru garðarnir komn- ir í mikla óhirðu. Væri ekki ráð að hefja þessa þjónustu fyrr? Gæludyr Hamstur fannst BRÚNN og hvítur hamst- ur fannst á rölti á Grettis- götunni í síðustu viku. Kannist einhver við að haf a tapað hamstri er hann beðinn að hringja í síma 551-3728. Kettir í heimilisleit VEGNA búferlaflutninga óskast heimili fyrir læðu og þrjá þriggja mánaða kettlinga. Læðan er mjög gáfuð. Upplýsingar í síma 567-2582. Konan sem fann köttinn KONAN á Freyjugötunni sem hafði samband við eig- endur kattar sem lýst var eftir í Velvakanda er vin- samlega beðin að hafa samband aftur í síma 553-5552 eða 560-8934. Tapað/fundið Dömuúr tapaðist VANDAÐ dömuúr tapað- ist sl. föstudag, líklega á svæðinu Flókagata, Há- teigsvegur, Rauðarárstíg- ur eða í leið 3 niður Lauga- veg, því það uppgötvaðist í Lækjargötu að úrið væri týnt. Úrið er á gull- og silfurlitaðri armbands- keðju. Finnandi vinsamleg- ast hringi í Hólmfríði í síma 553-8482. Fundariaun. Úr fannst GYLLT kvenúr fannst á Seltjarnarnesi nálægt Eið- istorgi í síðustu viku. Upp- lýsingar í síma 561-1333. Baldur. Hringur tapaðist SILFURHRINGUR með stórri silfurplötu með gulldoppu ofan á tapaðist annaðhvort á Fjólugötu, a bílastæði bak við Mennta- skólann eða fyrir utan ís- landsbanka í Lækjargötu sl. föstudag. Finnandi er vinamlega beðinn að hringja í síma 567-6110 eða 560-0119 Elfa. Farsi „l/i'i aetlum. c*& ¦&,£>&." Hlutavelta JÉfe,,... MM"*<r œ&m nifflH [:;r . Bl- -" ÆA Bs ** JÉ91 ^m -¦¦:¦*»*-'( ^*^^ ¦\^L Jb 10! X. ** ^*^- i m fe.il l\v í É W""^^^^"'^ W &; ^Sfffiiijflfltá^^ ÞESSIR duglegu krakkar héldu hlutaveltu ný- lega og færðu Barnaspítala Hringsins ágóðann sem varð 2.230 krónur. Þau heita Arna Hilmars- dóttir, Lára Sigríður Lýðsdóttir og Vilhjálmur Hilmarsson. Víkverji skrifar... UGGVÆNLEGT er að.heyra fréttir frá helginni síðustu, hvert árásarmálið á fætur öðru. Eitt þeirra var þó sýnu alvarleg- ast, þar sem ráðizt var á mann og hann skorinn á háls. Til allrar ham- ingju lenti hnífurinn á beini og sla- gæðar í hálsi mannsins sluppu naumlega. Ofbeldishneigð er greinilega vaxandi vandamál á ís- landi, sem taka þarf föstum tökum. Víkverji veit af ungum manni, sem var á gangi í miðbænum að- faranótt laugardagsins í síðustu viku, þegar nokkrir ungir piltar gengu að honum að tilefnislausu og kröfðu hann um peninga. Þegar hann sagðist enga hafa, var hann einfaldlega spurður hvort hann væri með eitthvert múður og þegar hann neitaði að afhenda peningana var hann sleginn í götuna svo að stórsá á honum, gleraugu hans brotnuðu og hann þurfti að heim- sækja slysadeild Sjúkrahúss Reykjavíkur. Þrátt fyrir svo fólskulega árás veit Víkverji að ungi maðurinn var alvarlega að velta fyrir sér að kæra ekki, hann vildi heldur bera tjónið en hætta á frekara áreiti árásar- mannanna. Auk þess sem alls kost- ar óvíst er hvort þeir væru borgun- armenn fyrir tjóninu. Kannski er þetta að verða æ al- gengara viðhorf fólks í Reykjavík í dag, að betra sé að kæra ekki en kæra. Það er í raun mjög alvarlegt og lýsir þá einnig því, að lögregl- unni hefur mistekizt að veita borg- urunum þá vernd sem þeim ber. xxx ÞAÐ ER ekki ofsögum sagt, að erfitt sé_ að rækta fallega blómagarða á íslandi. Einmitt þeg- ar gróður er állur í blóma og hefur notið einmuna veðurblíðu vikum saman, hvessir svo að viðkvæm blóm, sem lítt eru vindþolin, falla og eru rétt svipur hjá sjón eftir vindinn. Garðeigandinn stendur svo eftir álútur og allt amstur hans og alúð við plönturnar er unnið fyrir gýg. Það má því segja að það sé fremur vanþakklátt starf að vera metnaðarfullur garðeigandi á ís- landi. xxx ISÍÐASTA laugardagsblaði var aðsend grein um þá stefnu Reykjavíkurborgar að leiða göngu- stíg sem með réttu ætti að liggja sunnan við Fossvogskirkjugarð inn í garðinn og raska þar með ró og helgi garðsins. Víkverji vill taka undir þá gagn- rýni, sem fram kemur í áður- nefndri grein, þar sem umferð um stíginn, sem er hluti göngustígs, sem hefst yzt á Seltjarnarnesi og liggur upp í Elliðaárdal, er einatt svo mikil að líkara er umferð um Laugaveg. Vegna þessa fór Víkverji að glugga í lög um kirkjugarða, greftrun og líkbrennslu, eins ogþau heita fullu nafni og eru nr. 36 frá árinu 1993. Þar segir skýrt og skorinort í upphafi 6. greinar lag- anna: „Kirkjugarðar og grafreitir eru friðhelgir, sbr. og almenn hegn- ingarlög." Síðar í greininni segir svo: „Eigi má reisa mannvirki, starfrækja stofnun eða reka fyrir- tæki, sem frá stafar hávaði eða ys, í nánd við kirkjugarða. Skal þess gætt við skipulagningu skipulags- skyldra staða." Og í 18. grein laganna segir: „Kirkjugarðar skulu girtir traustri girðingu með vönduðu sáluhliði." Þar sem göngustígurinn gengur í gegnum Fossvogskirkjugarð er engin girðíng, þ.e.a.s. hún er rofin á tveimur stöðum. Víkverji sér því ekki annað en greinarhöfundur umræddrar greinar í laugardags- blaði Morgunblaðsins frá 25. maí hafi rétt fyrir sér. Þarna virðist Reykjavíkurborg vera að fremja lögbrot, sem refsivert er.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.