Morgunblaðið - 30.05.1996, Síða 47

MORGUNBLAÐIÐ
FIMMTUDAGUR 30. MAÍ1996 47
FRÉTTIR
Morgunblaðið/Valdimar Kristinsson
DALVAR kominn á hliðina og Daníel
við það að falla á brautina.
ÞEIR félagar hverfa í rykmökkinn enda sópuðu þeir
brautina góðan spöl áður en þeir staðnæmdust.
DALVAR var fljótur að spretta á fætur en Daníel
beið átekta meðan hann var að ná andanum eftir fallið.
Fyrir mestu að
Dalvar slapp
heill frá þessu
Sýknaður eftir að
vitni dró fyrri
framburð til baka
„AÐALATRIÐIÐ er að Dalvar
slapp heill frá þessu óhappi,“
sagði Daníel Jónsson sem keppti
á hesti sínum Dalvari frá
Hrappsstöðum í úrslitakeppni
alhliða gæðinga hjá hestamanna-
félaginu Fáki á annan í hvíta-
sunnu. Þegar kom að lokaatriði
keppninnar, skeiðinu, vildi það
óhapp til að Dalvar, sem kominn
var á mikla siglingu, missti ann-
an framfótinn og stakkst á haus-
inn í orðsins fyllstu merkingu
og Daníel að sjálfsögðu með.
Virtist í fyrstu sem stórslys
hafi orðið, klárinn spratt þó
fljótlega á fætur en Daníel iá
hreyfingarlaus eftir. „Eg missti
andann við fallið og ákvað að
hreyfa mig ekki fyrr en það
væri komið í lag,“ segir Daníel
sem er sjálfur hruflaður nokkuð
víða um líkamann og gengur hál
skakkur þessa dagana en segist
verða fljótur að jafna sig.
Aðspurður hvað hefði ollið því
að Dalvar féll, segist Daníel
helst halda að hann hafi runið
ásteini.„Hann er á plastbotnum
og hallast ég helst að því að
hann hafi runnið til á plastinu.
Það er alveg klárt að hann hef-
ur ekki gripið fram á sijg því
| ekkert sér á fótunum. Eg hef
ekki orðið var við neinar veilur
í fótum á þessum hesti og þykir
I mér því ólíklegt að ástæðan geti
verið af þeim sökum. Dalvar er
með einhverja alsterkustu fætur
af þeim hestum sem ég hef haft
undir höndum. En í þessu sam-
bandi er líka rétt að það komi
fram að yfirlagið á Asavelli þar
sem keppnin fór fram er alls
ekki gott, það vita allir sem vilja
vita og að mínu mati löngu orð-
ið tímabært að endurnýja það.
Með þessu er ég þó ekki að full-
yrða að það sé eingöngu ástæð-
an fyrir þessu falli,“ sagði Daní-
el ennfremur.
Dalvar fær nú viku frí, segir
Daníel, en þá tekur við undir-
búningur fyrir fjórðungsmótið
sem haldið verður á Gaddstaða-
flötum við Hellu í júlí. „Stefnan
er sett á sigur í A-flokki gæð-
inga. Eg tók mikla áhættu þegar
ég mætti með hann hjá Fáki á
móti þessum graðhestum því
hann var ekki í sínu albesta
formi, sjálfur hafði ég ekki sest
nema svona fimm sinnum á hann
í allan vetur en faðir minn og
systir hafa séð um að þjálfa
hann. Nú verða hlutirnir teknir
föstum tökum og get ég lofað
því að við mætum tvíefldir til
leiks á Gaddstaðaflötum," segir
Daníel og bætir við að hann lofi
því að keppinautarnir þar skuli
fá að hafa fyrir sigrinum takist
þeim á annað borð að hafa þá
félaga undir.
37 ÁRA gamall maður, sem dæmd-
ur hafði verið í 5 mánaða fangelsi
fyrir kynferðislega áreitni við tvo
12 ára gamla drengi, hefur verið
sýknaður af öllum sakargiftum.
Hæstiréttur vísaði dómi yfir mann-
inum heim í hérað að nýju í nóvem-
ber sl. og tók Héraðsdómur Suður-
lands það að nýju til meðferðar.
Sakfellingin var upphaflega
byggð á framburði drengjanna
tveggja og þriðja jafnaldra þeirra.
Eftir að fyrri dómurinn var
kveðinn upp og maðurinn sakfelld-
ur hafði sá piltur samband við
veijanda mannsins og sagði að
framburður sinn hefði verið rang-
ur.
Móðir piltsins taldi að hinn
ákærði hefði borið á hann fé til
að fá hann til að draga vitnisburð-
inn til baka en pilturinn sagði það
rangt og kvaðst hafa sjálfviljugur
dregið fyrri vitnisburð til baka þar
sem hann hefði séð eftir því að
bera rangt á fyrri stigum málsins.
í dóminum kemur fram að mað-
urinn hafði allt frá upphafi neitað
að hafa gerst sekur um það at-
hæfi gagnvart drengjunum sem
honum var gefið að sök.
„Er frásögn ákærða af sam-
skiptum hans og drengjanna í
sjálfu sér ekki ótrúverðug. Af
henni er hins vegar ljóst, að sam-
skipti þessi hafa ekki í alla staði
verið við hæfi. Þannig lét ákærði
það átölulaust viðgangast að
drengirnir viðhefðu kynferðislegar
athafnir á heimili hans að honum
viðstöddum. Er því áður lýst í
hveiju þetta atferli þeirra fólst,“
segir í sýknudómi Héraðsdóms
Suðurlands.
„Við sakarmat í máli þessu er
óhjákvæmilegt að líta til þess að
frásagnir [drengjanna tveggja] af
kynferðislegum samskiptum þeirra
og ákærða virðast í fyrstu hafa
gengið út á það, að hann hafi sýnt
þeim klámmyndir og hvatt þá til
sjálfsfróunar. Samtal sem þeir áttu
við bróður [annars þeirra] skömmu
áður en kæra var lögð fram sýnist
vera fyrsta vísbendingin um að
þeim hafi verið misboðið af ákærða
á annan hátt. Skýrsla var ekki
tekin af bróðurnum þá, er málið
sætti rannsókn hjá lögreglu, en
hann var viðstaddur þegar dreng-
irnir gáfu sínar skýrslur þar. Rýra
þessir rannsóknarhættir mjög gildi
vitnisburðar hans fyrir dómi. Að
auki vekur sá undanfari kæru sem
hér er lýst vissar efasemdir um
réttmæti sakargifta á hendur
ákærða. í sama farveg hnígur nú
framburður piltsins [sem dró fyrri
vitnisburð sinn til baka], en sé tek-
ið mið af honum fær frásögn [ann-
ars piltanna] um hinar meintu sak-
ir ákærða ekki staðist að öllu leyti.“
„Þá þykir nokkru varða við sak-
armat nú að skýrsla var ekki tekin
af stjúpföður [annars piltanna] en
eftir því sem best verður séð hafði
hann umtalsverð afskipti af málinu
áður en lögreglurannsókn í því
hófst,“ segir í dóminum.
Þá segir að drengirnir tveir hafi
staðfastlega borið á þann veg við
rannsókn málsins að ákærði hafi
viðhaft þá háttsemi gagnvart þeim
sem honum er gefin að sök í ákæru.
Sá framburður, ásamt sakargögn-
um að öðru leyti er hins vegar
ekki til þess fallinn að vega á
móti þeim vafa sem að mati dóms-
ins er um sök ákærða og meðal
annars er fólginn í því sem að
framan er rakið. Þykir þannig ekki
vera komin fram um sekt ákærða
nægileg sönnun, sem ekki verði
vefengd með skynsamlegum rök-
um,“ segir í dóminum.
Maðurinn var því sýknaður og
kostnaður vegna málsvarnarlauna
veijanda hans, Gísla Gíslasonar,
hdl., var felldur á ríkissjóð.
f
(
(
í
(
(
<
I
J
Norna-
veiðar -
myndir
vantaði
MORGÚNBLAÐIÐ birti í gær
svargrein Alberts Tómassonar,
fyrrverandi flugstjóra, við grein
Sigurðar Benediktssonar (23. maí
sl.) um „réttmæti snertilendingar
á vatni í æfingaskyni fyrir hugs-
ánlega nauðlendingu, á litlum
eins hreyfils flugvélum“.
Tvær myndir, sem áður höfðu
birzt með grein Sigurðar, áttu að
fylgja svargrein Alberts, enda
skýra þær að hluta til texta henn-
ar. Vegna mistaka varð svo ekki.
Velvirðingar er beðizt á þessum
mistökum og myndirnar tvær
fylgja hér með. Sú fyrri er af
Jodel-flugvél sem strýkur vatnið.
Hin síðari af álft (mynd: Hjálmar
Bárðarson) „með fætur á vatn-
inu“.
JODEL-FLUGVÉL strýkur vatnið en vængir eru á flugi.
ÁLFT lendir á vatni (með fætur á vatninu).
SUMARBÚÐIRNAR í Kaldárseli.
Stúlknaflokkur í Kaldárseli
MYNDBANDAGERÐ, varðeld-
ur, gönguferðir, íþróttir, ævin-
týraleikir og fræðsla um kristna
trú og Biblíuna. Þessi atriði
verða m.a. á sérstökum fimin
daga flokki fyrir 12-15 ára
stúlkur í sumarbúðum í Kaldár-
seli, sunnan Hafnarfjarðar,
14.-19. ágúst í sumar og stend-
ur skráning nú yfir. Verð fyrir
flokkinn er 10.000 kr.
Dvalarflbkkur þessi er nýjung
í starfi sumarbúðanna. Auk þess
sem fyrr er talið má búast við
nætursprelli og ýmsum óvæntum
uppákomum þessa fimm daga.
Sumarbúðir KFUM og KFUK
í Kaldárseli hafa starfað í 70
ár og grundvallast starfsemin á
'boðskap Biblíunnar. Daglega er
því veitt fræðsla um kristna trú
og bænir.
Skráning fer fram á skrif-
stofu KFUM og KFUK, Holta-
vegi 28 í Reykjavík, kl. 8-16
virka daga.