Morgunblaðið - 25.07.1996, Qupperneq 1

80 SÍÐUR B/C
167. TBL. 84. ÁRG.
FIMMTUDAGUR 25. JÚLÍ 1996 PRENTSMIÐJA MORGUNBLAÐSINS
Blóðsúthellingar í Colombo á Sri Lanka
67 manns deyja í
sprengj utilræði
Colombo. Reuter.
Reuter
BJÖRGUNARMAÐUR horfir út um gat á farþegalest í Colombo á
Sri Lanka eftir mannskætt sprengjutilræði í gær.
AÐ MINNSTA kosti 67 manns týndu
lífi og 450 særðust, þar af 60 alvar-
lega, í sprengjutilræði í farþegalest
í Colombo, höfuðborg Sri Lanka, í
gær.
Enginn lýsti sprengjutilræðinu á
hendur sér en C.V. Gooneratne, iðn-
aðarráðherra Sri Lanka, sagði
skæruliðasamtök tamíla hafa verið
að verki. „Skæruliðarnir ráðast á
okkur hérna vegna þess að öryggis-
viðbúnaðurinn í miðborg Colombo
er svo mikill," sagði ráðherrann.
Nokkrir þeirra sem særðust sögð-
„Synda-
skattur“
í Kína
Peking. Reuter.
YFIRVÖLD í borginni Tianjin
í norðurhluta Kína hyggjast
leggja „syndaskatt“ á fóik sem
er í sambúð utan hjónabands,
að sögn fréttastofunnar Xinhua
í gær.
Fólki sem „lifir í synd“ í
borginni verður gert að greiða
allt að 1.000 yuan, jafnvirði
8.000 króna, samkvæmt regl-
um sem borgarstjórnin hefur
samþykkt. Þetta er í fyrsta sinn
sem ógiftu fólki í sambúð er
refsað í Kína.
Yfirvöld settu ennfremur
strangari reglur um starfsemi
fyrirtækja sem reyna að finna
maka handa einhleypu fólki.
Bannað verður að kynna við-
skiptavini fyrir útlendingum í
makaleit.
ust hafa forðað sér úr lestinni eftir
að dularfullur böggull hefði fundist
í henni. Þeir hefðu hins vegar farið
aftur í lestina eftir að hafa heyrt
að engin sprengja hefði fundist.
Tveir handteknir
Tveir menn voru handteknir eftir
tilræðið. Tveir vagnar eyðilögðust
og það þótti benda til þess að tvær
sprengjur hefðu sprungið. Tamílskir
íbúar á svæðinu flýttu sér í felur
af ótta við hefndarárásir sinhala,
sem eru þorri íbúa eyjunnar.
Stjórnarhermenn náðu mikilvæg-
um herbúðum í Mullaitivu á sitt
vald á ný í gær eftir eina mannskæð-
ustu bardagana í stríðinu á Sri
Lanka sem staðið hefur í 13 ár.
Skæruliðar flúðu úr herbúðunum
eftir sjö daga bardaga, sem kostuðu
hundruð manna lífið. Skæruliðarnir
beijast fyrir sjálfstjórn tamfla í norð-
ur- og austurhluta eyjunnar.
Olga í Búrúndí
Forsetinn
flýr í
sendiráð
Bujumbura. Reuter.
SYLVESTRE Ntibantunganya, for-
seti Búrúndís, flúði í gær í sendiráð
Bandaríkjanna í Bujumbura vegna
ólgunnar í landinu. Ungir vígreifir
tútsar, vopnaðir hnífum og spjótum,
gengu fylktu liði um götur höfuð-
borgarinnar en talsmaður hersins,
sem er undir stjórn tútsa, sagði að
valdarán væri ekki í undirbúningi.
Ntibantunganya er fertugur og
af ættbálki hútúa, sem eru í meiri-
hluta í Búrúndí. Daginn áður hafði
hann flúið undan tútsum, sem veitt-
ust að honum þegar hann kom til
útfarar 340 tútsa er hútúar myrtu
á laugardag.
Forsetinn flúði með þyrlu í sendi-
ráðið. Uprona, stærsti flokkur tútsa
í landinu, kvaðst hafa hætt stuðn-
ingi við samsteypustjórnina sem
mynduð var í lok ársins 1994.
Vangaveltur voru um að Ntibant-
unganya kynni að segja af sér vegna
ástandsins og setjast að í nágranna-
ríkinu Tansaníu. Átök hútúa og
tútsa hafa kostað 150.000 manns
lífið frá október 1993.
Jólasveinar
þinga
150 JÓLASVEINAR frá 18 lönd-
um sitja árlegt jólasveinaþing,
sem er nú haldið í 33. sinn í
Kaupmannahöfn. Myndin til
vinstri er af nokkrum þátttak-
endanna, Hollendingi sem er
klæddur eins og Svarti-Pétur,
Hollendingi og Belga í gervi heil-
ags Nikulásar og jólasveini frá
Þýskalandi. Fyrir aftan þá stend-
ur sænskur jóiasveinn.
Reuter
Reiði meðal ættingja þeirra sem fórust með TWA-þotunni
Kvartað yfir upp-
lýsingaskortinum
East Moriches. Reuter.
LEITIN að braki og líkum þeirra,
sem fórust með breiðþotu flugfélags-
ins TWA fyrir viku, var hert í gær
og ættingjar fórnarlambanna kvört-
uðu yfir því að þeim væru ekki veitt-
ar nægar upplýsingar um gang leit-
arinnar.
Ættingjar fórnarlambanna mót-
mæltu við hótel í New York og hróp-
uðu kröfur um að þeim yrði hlíft við
misvísandi upplýsingum og greint
tafarlaust frá gangi leitarinnar.
Ættingjar Frakka, sem fórust í
þotunni, sökuðu bandarísk yfirvöld
um að hafa ekki gert nóg til að frnna
líkin og kröfðust þess að franskir
embættismenn yrðu sendir til að
fylgjast með leitinni. Þotan var á
leið til Parísar og 45 Frakkar voru
á meðal þeirra 230 sem fórust.
George Pataki, ríkisstjóri New
York, ræddi við ættingja fórnar-
lambanna í rúma klukkustund í gær
og reyndi að sefa reiði þeirra. Hann
lofaði að þeim yrði skýrt fyrst frá
nýjum upplýsingum um leitina.
„Fjölskyldurnar vilja fá upplýs-
ingarnar áður en fréttamannafund-
irnir eru haldnir," sagði hann.
Misvísandi frásagnir
Oánægja ættingjanna blossaði
upp vegna misvísandi frásagna emb-
ættismanna um hvort fleiri lík hefðu
fundist á hafsbotni. Pataki sagði á
þriðjudag að kafarar hefðu séð „fleiri
tugi“ líka, jafnvel allt að því 100,
sem hefðu verið föst í bútum úr
skrokki vélarinnar á 32 metra dýpi.
Robert Francis, varaformaður ör-
yggis- og samgöngunefndarinnar,
kvað þetta ekki rétt og sagði: „Það
hafa ekki fundist nein lík, sem ekki
hafa náðst á land." Pataki vildi þó
ekki draga orð sín ti! baka í gær
og kvað bjartsýni ríkja um að tæk-
ist að ná fleiri líkum af hafsbotni.
Viku eftir að þotan splundraðist
skömmu eftir flugtak frá New York
hefur tæpur helmingur fórnarlamb-
anna og minna en 2% braksins fund-
ist. Rannsóknarmennirnir hafa ekki
getað sagt með vissu hvort þotan
hafi splundrast af völdum sprengju,
flugskeytis eða vélarbilunar.
■ 120 kafarar taka þátt/20
Reuter
Óeirðir í Istanbúl
ÞRÍR fangar höfðu í gær dáið
vegna mótmælasveltis urn 300
fanga í tyrkneskum fangels-
um, sem staðið hefur í tvo
mánuði, og margir eru nær
dauða en lífi. Dómsmálaráð-
herra landsins sagði í gær að
ekki stæði til að verða við kröf-
um fanganna um að loka al-
ræmdu fangelsi, Anatolia.
Fangarnir eru félagar í vinstri-
hreyfingum, sem hafa verið
bannaðar. Óeirðir hafa blossað
upp í Istanbúl vegna málsins
og á myndinni eru lögreglu-
menn að slökkva eld sem
stuðningsmenn fanganna
kveiktu í strætisvagni.