Morgunblaðið - 25.08.1996, Blaðsíða 26

26 SUNNUDAGUR 25. ÁGÚST 1996
MORGUNBLAÐIÐ
KVIKMYIMDIR
KVIKMYNDIR/SAMBIOIN hafa tekið til sýninga spennumyndina Eraser með
Arnold Schwarzenegger í aðalhlutverki. Meðal annarra leikenda eru Vanessa
Williams, James Caan, James Coburn og Robert Pastorelli.
ARNOLD Schwarzenegger leikur Kruger og Vanessa Williams
Lee Cullen í myndinni Eraser.
GAMLA brýnið hann James
Caan leikur lærimeistarann,
sem Kruger ber traust til.
Ovinir úr öllum áttum
SJÓNRÆN spennu- og áhættuatriði setja svip á Eraser.
Alríkislögreglumaðurinn John
Kruger vinnur hjá banda-
rísku vitnaverndinni. Þar fæst hann
við það að hylja slóð þeirra vitna
i sakamálum sem þurfa að láta sig
hverfa og hefja nýtt líf undir nýju
nafni á nýjum stað til þess að kom-
ast undan hefnd þeirra sem þau
hafa sent í fangelsi. Skjólstæðingar
Krugers eru yfirleitt ekki merkileg-
ir pappírar. Oftast eru þeir sjálfir
glæpamenn, sem hafa gert samn-
inga við réttvísina um að sleppa
við fangelsisvist gegn því að koma
upp um félaga sína í glæpaheimin-
um.
En nýjasta verkefni Krugers er
annars eðlis. Honum hefur verið
falið að vemda Lee Cullen (Va-
nessa Williams), heiðarlega konu
sem fyrir hreina tilviljun komst á
snoðir um samsæri sem vinnuveit-
andi hennar í hergagnaiðnaðinum
hefur gert til þess að koma nýju,
stórhættulegu vopni í hendur illra
afla sem gætu teflt heimsfriði í
tvísýnu. Lee gefur sig fram við FBI
með vitneskju sína en hún veit
ekki að samsærið nær hátt inn í
raðir stjómvalda og hergagnaiðn-
aðarins og að þeir sem í hlut eiga
munu einskis láta ófreistað til þess
að koma í veg fyrir að flett verði
ofan af þeim og sannleikurinn fái
að koma í ljós.
Fyrir Kruger er meira í húfi nú
en nokkru sinni áður því að vitninu
sem hann á að vernda stafar ógn
af aðilum innan úr stjómkerfinu.
Hann á í höggi við óþekktan and-
stæðing og í fyrsta skipti á ferli
sínum skynjar Kruger að andstæð-
ingurinn stenst honum snúning og
hefur auk þess yfir að ráða hinu
nýja stórhættulega vopni. Sú staða
kemur einnig upp að Kruger er
grunaður um að vera svikari og
ætlar að sanna sakleysi sitt fyrir
lærimeistara sinum (James Caan)
og yfirmanni vitnavemdarinnar
(James Coburn). í flugferð í einka-
þotu yfírmanna sinna verður hon-
um Ijóst hver óvinurinn er í raun
og veru.
A flóttanum steðjar hætta að
Kruger og Lee úr öllum áttum og
þau geta engum treyst nema hvort
öðru og e.t.v. vitnunum sem Kru-
ger hefur áður hjálpað að hefja
nýtt líf, fólki eins og Johnny C
(Robert Pastorelli).
Eraser er spennandi hasarmynd
með stórbrotnum og sjónrænum
áhættuatriðum og stöðugri spennu.
Þetta er ein mest sótta mynd sum-
arsins í Bandaríkjunum og Arnold
Schwarzenegger getur brosað út í
bæði af ánægju með viðtökurnar.
Hann ásamt framleiðandanum
Amold Kopelson og leikstjóranum
Charles Russel lagði mest undir við
gerð myndarinnar og uppsker í
samræmi við það.
Tvær af síðustu myndum vöðva-
fjallsins, Junior og Last Action
Hero, gengu ekki sem skyldi og
þótt sú síðasta, True Lies, slægi í
gegn, hafa háværar raddir haldið
því fram að að bestu dagar
Sehwarzeneggers væru liðnir.
Eraser hefur væntanlega þaggað
niður í þeim. Frá því að tökum
myndarinnar lauk hefur Schwarz-
enegger lokið gerð jólamyndarinn-
ar Jingle All The Way, sem frum-
sýnd verður fyrir jól og um þessar
mundir er hann að leika í fjórðu
Batman myndinni, Batman and
Robin, þar sem hann fer með hlut-
verk illmennisins Freeze. Að því
búnu snýr hann sér að gerð spennu-
myndarinnar With Wings as Eag-
les, sem gerist í seinni heimsstyrj-
öldinni.
Arnold Schwarzenegger hefur
verið í hópi arðvænlegustu leikara
í Hollywood síðan hann fór að leika
í kvikmyndum undir lok áttunda
áratugarins. Það var heimiidar-
myndin Pumping Iron, sem vakti
athygli á þessum austurriska
heimsmeistara í vaxtarrækt árið
1977. Árið eftir hætti hann keppni
í vaxtarrækt og ákvað að helga sig
kvikmyndaleik. í fyrstu lék hann í
smærri myndum á borð við Stay
Hungry, Cactus Jack og The Villian
en þegar b-mynd John Milius, Con-
an the Barbarian, tók inn 100 millj-
ónir dollara með Schwarzenegger
í titilhlutverkinu fór staðan að
breytast. Framhaldsmyndin Conan
the Destroyer staðfesti vinsældir
austurríska vöðvafjallsins meðal
a.m.k. hluta kvikmyndahúsagesta
og Arnold sýndi að hann hafði vit
í kollinum þegar hann í framhald-
inu ákvað að taka tilboði um að
leika í spennumynd ungs kanadísks
leikstjóra að nafni James Cameron.
Ollum að óvörum varð The Term-
inator griðarlega vinsæl og kvi-
myndaiðnaðurinn leit ekki lengur
á gríðarlegar vinsældir hverrar
Schwarzenegger-myndarinnar af
annarri sem einhveija tilviljun.
Myndir eins og Commando, Red
Heat, Raw Deal, Predator og The
Running Man fylgdu í kjölfarið og
fyrir þeirra tilstilli varð Schwarzen-
egger hasarhetja númer eitt í
Hollywood.
1988 ákvað Arnold að komin
væri tími til að reyna að höfða til
breiðari hóps kvikmyndahúsagesta
en áður. Það gerði hann með því
að leika í gamanmynd í fyrsta
skipti. Sú hét Twins, leikstjórinn
var Ivan Reitman en ásamt Arnold
var Danny De Vito í aðalhlutverki.
Myndin gekk feikivel, mun betur
en seinna samstarfsverkefni þeirra
félaga, Junior. Reitman og Arnold
slógu hins vegar aftur í gegn sam-
an árið 1990 með Kindergarten
Cop og það sama ár gerði Arnold
hina vinsælu Total Recall. Árið
1992 var svo gerð Terminator 2,
sem tók inn 500 milljónir Banda-
ríkjadala og er í hópi mest sóttu
kvikmynda mannkynssögunnar.
Arnold Schwarzenegger er
valdamikil stórstjarna í Hollywood
og einn fárra leikara sem ræður
því sem hann vill ráða. Handrit
Eraser er eftir Tony Puryear og
Walon Green en Arnold breytir því
sem hann vill breyta. Myndin ber
þess merki að hann hefur ákveðið
að leita að sumu leyti til fortíðar
á ferli sínum en þrátt fyrir það
virkar Kruger einhvern veginn
rindilslegri og ekki jafnósigrandi
og menn eiga að venjast af
Schwarzenegger-hetju.
í öðrum helstu hlutverkum í
Eraser eru engir aukvisar. Þótt
ekki hafi borið mikið á þeim James
Caan og James Cobum undanfarin
ár hafa þeir engu gleymt. James
Caan er að sjálfsögðu þekktastur
sem Sonny Corleone úr Godfather-
mynd Francis Ford Coppola. Fyrir
það hlutverk hlaut hann tilnefningu
til óskarsverðlauna árið 1972 og
sama ár lék hann í Brian’s Song.
Hann lék í Rollerball, Funny Lady
og Cinderella Liberty næstu árin
en svo varð einhvern veginn allt
að engu hjá James Caan og hann
bókstaflega hvarf sjónum manna.
Síðustu ár hefur svo sést til hans
aftur í Misery og Honeymoon in
Vegas og nú hefur hann að nýju
vakið verulega athygli í Eraser.
James Coburn hefur verið kvik-
myndastjarna áratugum saman og
lék m.a. í stórmyndinni The Magn-
ificent Seven og í The Great
Escape, og í tveimur myndum Sam
Peckinpah, Pat Garrett and Billy
the Kid og Cross of Iron. Þekktast-
ur varð hann kannski fyrir njósna-
myndirnar In Like Flint og Our
Man Flint. Síðustu ár hefur hann
m.a. sést í Maverick og í Sister
Act 2.
Hlutverk Lee Cullen er fyrsta
stóra kvikmyndahlutverk Vanessu
Williams en hún er hvorki nýgræð-
ingur í skemmtanaiðnaðinum né
kvikmyndaheiminum. Vanessa
varð fyrst fræg þegar hún var kjör-
inn ungfrú Ameríka, eða öllu held-
ur þegar hún neyddist til að afsala
sér titli ungfrú Ameríku vegna
þess að í ljós kom að það höfðu
birst opinberlega af henni myndir
sem ekki þóttu sæma stúlku í henn-
ar stöðu. Hún Iét þó ekki þetta
feilspor slá sig út af laginu og
hefur undanfarin ár notið mikillar
velgengni sem söngkona, og leik-
kona á sviði og í sjónvarpi.
Hún hefur gefíð út þijár hljóm-
plötur, sem allar hafa selst vel og
komist hátt á vinsældalista og sú
nýjasta hlaut platínusölu á síðasta
ári. Þá söng hún einnig óskarsverð-
launalagið Colors of the Wind í
Disney-teiknimyndinni um Poca-
hontas. Hún vakti athygli í sviðs-
uppfærslu á Broadway af Kossi
köngulóarkonunnar fyrir tveimur
árum og þar sá Maria Shriver, eig-
inkona Arnolds Schwarzeneggers,
til stúlkunnar og stakk upp á henni
í aðalhlutverk Erasers við eigin-
mann sinn og framleiðandann,
Arnold Kopelson.
Aðrir aðstandendur Eraser eru
Arnold Kopelson, framleiðandi ósk-
arsverðlaunamynda á borð við
Platoon og The Fugitive og nú síð-
ast Seven og Charles Russel, leik-
stjórinn, sem leikstýrði Jim Carrey
í The Mask og vakti áður athygli
sem leikstjóri Nightmare on Elm
Street. Myndatökum stjórnaði
Adam Greenberg, margreyndur
samstarfsmaður James Camerons
og Arnolds Schwarzeneggers.
Áhættuatriði og tæknibrellur setja
nokkurn svip á Eraser en þó á
hófstilltan hátt, sem ber með sér
að það hafi ekki verið ætlun þeirra
félaga að taka þátt í því tæknib-
rellukapphlaupi sem einkennt hefur
stórmyndir bandarískar um nokk-
urt skeið. Brellur myndarinnar eru
hins vegar listilega útfærðar af
snillingunum í ILM, fyrirtæki
George Lucas, þeim sömu og sáu
um Forrest Gump, Jurassic Park
og flestar markverðustu tæknib-
rellumyndir seinni ára.