Morgunblaðið - 04.09.1996, Blaðsíða 39

MORGUNBLAÐIÐ
FRETTIR
MIÐVIKUDAGUR 4. SEPTEMBER 1996 39
Morgunblaðið/pþ
BJARNEY, Nanna, Ásta, Hanna og Christina sjá
um eidhúsið í Vatnaskógi.
Slökun í Vatnaskógi
HINN árlegi karlaflokkur dvelur
í Vatnaskógi helgina 5.-8. sept-
ember undir yfirskriftinni Slökun
’96. Þangað geta allir eldri en 17
ára Skógarmenn mætt.
Viðfangsvettvangur helgarinnar
verður Kirkja og karlar sem Hjalti
Hugason kennari sér um. Heiidar-
fjöldi dvalardrengja í sumarbúðun
um í sumar var um 1160. Byrjað
vai’ á grunni að svefnskála sem
tekur við af öðrum eldri og lúnari.
Hagnýtt
nám í svæða-
meðferð
KENNSLA fyrir byijendur í svæða-
meðferð á vegum Nuddskóla Nudd-
stofu Reykjavíkur hefst í septem-
ber. Boðið er upp á kennslu á Akur-
eyri, Egilsstöðum og í Reykjavík.
Að sögn Kristjáns Jóhannesson-
ar, forstöðumanns skólans, er
stundaskrá skólans miðuð við þarf-
ir þeirra sem eru úti á vinnumark-
aðinum, þannig að kennslan fer
fram á kvöldin og um helgar. Nám
í svæðameðferð spannar yfir 3
annir og er skipt í 6 áfanga með
heimanám á milli áfanga, tveir 5
daga áfangar eru á hverri önn.
Kennarar við skólann eru Katrín
Jónsdóttir og Kristján Jóhannes-
son. Umsókn um skólavist er í sím-
um Nuddskólans.
KRISTJÁN Jóhannesson, for-
stöðumaður Nuddskóla Nudd-
stofu Reykjavíkur.
Safnaþing í
Reykjavík
HALDINN verður farskóli safna-
manna í Reykjavík, safnaþing, dag-
ana 4.-6. september. Farskólinn er
haldinn á vegum félags íslenskra
safnmanna og er Árbæjarsafn nú
gestgjafi ásamt fleiri söfnum í
Reykjavík.
A þingið koma allflestir starfs-
menn safna á íslandi og verður rætt
m.a. um safnið í samtímanum á
málþingi sem haldið verður á
fimmtudagsmorgun. Þar verður rætt
um þátt safna í ferðaþjónustu og
tengsl safnanna við nýja fræðslu-
miðstöð. Menningarstefna Reykja-
víkurborgar verður einnig til um-
ræðu og það að Reykjavík verður
ein af menningarborgum Evrópu
árið 2000.
Lifandi tónlist á
Píanóbarnum
PÍANÓLEIKARINN Kristján Guð-
mundsson leikur á Píanóbarnum í
Hafnarstræti í kvöld, miðvikudags-
kvöld.
Kristján mun þar leika þægilega
tónlist.
LEIÐRÉTT
Ranghermi
Ranghermt var í fyrirsögn í blaðinu
í gær að Lionsmenn hefðu gefið sam-
býlinu í Siglufirði bifreið. Hið rétta
er, eins og fram kom í fréttinni sjálfri,
að gefendur voru fjölmargir. Loks
var mishermt að Guðrún Árnadóttir
væri forstöðumaður þjónustumið-
stöðvar aldraðra, hún er forstöðu-
maður þjónustumiðstöðvar fatlaðra.
Beðist er velvirðingar á þessu.
Kosinn í sljórn
alþjóðasam-
bands hugvits-
manna
Á RÁÐSTEFNU alþjóðasambands
hugvitsmanna, IFIA og Hugverka-
stofnunar Sameinuðu þjóðanna, sem
haldin var í Kuala Lumpur í Malaysíu
18.-22. ágúst sl., var fulltrúi Lands-
sambands hugvitsmanna, Sigurður
G. Bjamason, kjörinn í stjóm alþjóða-
sambandsins, fyrstur íslenskra hug-
vitsmanna, segir í fréttatilkynningu.
Sigurður flutti framsöguerindi á
ráðstefnunni um aðstæður hugvits-
manna í hinum ýmsu löndum og var
það aðal umræðuefni ráðstefnunnar.
Sigurður þurfti að leggja fram mikla
undirbúningsvinnu sem Jón Erlends-
son, yfirverkfræðingur Upplýsinga-
þjónustu Háskóla íslands, hafði einn-
ig veg og vanda af.
Iðnlánasjóður íslands og Hug-
verkastofnun SÞ gerðu þessa ferð
fjárhagslega mögulega. Stjórn
Landssambands hugvitsmanna legg-
ur áherslu á góða samvinnu við
stjórnvöld og stofnanir, fyrirtæki og
einstaklinga, sem vilja láta sig varða
virkjun hugvits og eflingu framfara
í landinu.
Gengið út á
Valhúsahæð
HAFNARGÖNGUHÓPURINN
gengur fyrir gönguferð frá Hafnar-
húsinu í kvöld, miðvikudagskvöld,
kl. 20. Gengið verður í Ijósaskiptun-
um út á Valhúsahæð og til baka í
rökkrinu um Vesturbæinn. í upphafi
ferðar verður farið í stutta óvænta
heimsókn. Allir eru velkomnir.
Hafa kennt dans í 50 ár
í HAUST er í fimmtugasta sinn
haldið dansnámskeið í nafni Her-
manns Ragnars Stefánssonar.
Skátaheimilið í Reykjavík var
ramminn um fyrstu danskennslu
Hermanns og Unnar konu hans.
Þau voru nýkomin frá útlöndum
liðlega tvítug þegar skátahópurinn
þeirra hvatti þau til að kenna sér
að dansa. Þau hafa kennt þúsundum
Islendinga fótmennt og eru enn að.
Nýtt húsnæði tekið í notkun
Fyrir ári sameinuðust Dans-
smiðjan og Dansskóli Hermanns
Ragnars og fékk hinni nýi skóli
nafnið Danssmiðja Hermanns
Ragnars. Kennarar skólans halda
upp á afmælið með því að taka í
notkun nýtt og glæsilegt húsnæði
í Skipholti 25. Þar verður kennt í
tveimur sölum alla daga vikunnar
en auk þess verður regluleg
kennsla í Frostaskjóli á þriðjudög-
um og í Fjorgyn, Grafarvogi, á
JÓHANN Örn Ólafsson kenn-
ir kántrýdansa.
fimmtudögum. Innritun á nám-
skeið vetrarins er hafin.
Námskeiðin í vetur verða fjöl-
mörg. Jassleikskólinn er fyrir
þriggja til fimm ára börn, barna-
dansar eru kenndir öllum börnum
frá fjögurra ára aldri. Samkvæm-
isdansar eru kenndir öllum aldurs-
hópum hvort sem fólk vill læra
hagnýta dansa til að geta dansað
á balli eða stunda dansinn sem
íþrótt. í skólanum er kennt rokk
og stepp en þessar greinar eiga
sér langa hefð og sögu. Loks skal
nefna kántrýdansa sem Jóhann
Örn Ólafsson hóf að kenna fyrir
rúmu ári.
Aðalkennarar skólans, eru auk
Jóhanns Arnar, Henný Hermanns-
dóttir, Ingunn Magnúsdóttir, Jó-
hann Gunnar Arnarsson og Unnur
Berglind Guðmundsdóttir. Dans-
smiðja Hermanns Ragnars tekur
þátt í dansátaki sem Dansráð ís-
lands og Samband íslenskra
áhugamanna standa fyrir dagana
2.-8. september.
Löggilt frönsku-
próf hjá Alliance
Francaise
ALLIANCE Francaise í Reykjavík
bættist sl. vetur í hóp 35 aðila í
heiminum sem veita frönskunem-
um kost á því að ljúka löggildum
prófum sem nefnast DELF og
DALF og eru viðurkennd af
franska menntamálaráðuneytinu.
Forseti prófnefndarinnar er
Colette Fayard, formaður Alliance
Francaise í Reykjavík. Umsjónar-
menn prófa þar eru Sebastian
Gravier, Sigrún Halldórsdóttir og
Marc Portal, öll kennarar hjá All-
iance Francaise í Reykjavík þar
sem prófin eru jafnframt samin.
Sá sem lýkur DELF hefur ágætt
vald á frönsku máli en handhafi
DALF öðlast rétt til að stunda nám
í frönskum háskólum.
Kostur þc.,sara prófa er sá að
mögulegt er að taka þau í nokkr-
um einingum þ.e. fyrir DELF I
og II og 4 fyrir DALF. Hafi nem-
andi lokið einni eða fleirum eining-
um án þess að hafa lokið öllum 4
eða 6 sem nauðsynlegar eru getur
hann tekið það sem á skortir hvar
og hvenær sem er í þessum 36
löndum, segir í fréttatilkynningu.
Sl. vor þreyttu 7 einstaklingar
DELF og DALF próf hjá Alliance
Francaise í Reykjavík og luku nær
allir þeim einingum sem krafist
var.
Fjölmargar fyrirpurnir hafa nú
þegar borist Alliance Francaise í
Reykjavík. Því hefur verið ákveð-
ið að veita fleirum kost á að taka
próf nú í haust. Mikilvægt er að
þeir sem áhuga hafa afli sér nauð-
synlegra upplýsinga hið fyrsta og
láti innrita sig. Unnt er að skrá
sig í eina einingu eða fleiri.
Fyrstu einingarnar eru ekki mjög
erfiðar.
Frekari upplýsingar eru gefnar
á skrifstofu Alliance Francaise,
Austurstræti 3 (gengið inn frá
Ingólfstorgi) alla virka daga milli
kl. 15 og 18.
Hópþjálf-
un gigt-
veikra að
hefjast
HÓPÞJÁLFUN Gigtarfélags
íslands hefst 9. september
nk.
Boðið er upp á tvær nýj-
ungar. Þar má fyrst nefna
kínverska leikfimi sem er ró-
leg leikfimi með hreyfingum
og teygjum fyrir allan líkam-
ann. Hún er sérstaklega ætl-
uð fólki með vandamál í liða-
mótum, hálsi og baki. í öðru
lagi er það alhliða líkams-
þjálfun þar sem bæði er æft
úti og inni. Þar er boðið upp
á púls- og blóðþrýstingsmæl-
ingar. Hópurinn er ætlaður
þeim sem ekki eru mjög
slæmir og þola meira álag.
Áfram er boðið upp á vefjag-
igtarhópa, létta leikfimi fyrir
fólk með iktsýki, slitgigt og
aðra gigtsjúkdóma, hryggikt-
arhóp og vatnsleikfimi.
Skráning og nánari upplýs-
ingar eru á skrifstofu GÍ,
Ármúla 5.
Norræna eldfjailastöðin
Mikil aðsókn vísinda-
manna að sumarskóla
NORRÆNA eldijallastöðin hélt
dagana 23.-31. ágúst alþjóðlegan
sumarskóla að Kirkjubæjar-
klaustri. Sumarskólar stofnunar-
innar gegna því hlutverki að fræða
unga vísindamenn um stöðu þess
sérsviðs, sem velst til umfjöllunar
hverju sinni.
Skólinn að Kirkjubæjarklaustri
fjallaði um jarðskorpu úthafanna
og ófíólíta, en ófíólít er forn úthafs-
skorpa sem skarast á meginlands-
brúninni við árekstur og sýnir gerð
skorpunnar niður á mikið dýpi.
Kennarar voru sérfræðingar á
þessu sviði frá Frakklandi, Kýpur
og Bandaríkjunum en nemendur
voru ungir vísindamenn sem ýmist
hafa lokið doktorsprófi eða eru í
grennd við námslok. Nemendur
komu frá Danmörku, Noregi, Sví-
þjóð, Finnlandi, íslandi, Þýska-
landi, Hollandi, Frakklandi, Spáni,
Portúgal, Bretlandi og Austurríki
auk tveggja gesta frá Kanada og
Bandaríkjunum.
Sumarskólar Norrænu eldfjalla-
stöðvarinnar fjalla um þau ferli í
hegðun jarðar sem skipta sköpum
til skilnings á hnattrænum um-
hverfismálum. Efnisflutningur frá
möttli jarðar í átt til yfirborðs
myndar allt í senn, jarðskorpu,
úthaf og andrúmsloft. Skilningur
á slíku ofurferli setur skynsam-
legri nýtingu náttúruauðlinda
fræðilegar skorður.
Hingað til hafa sumarskólar
Norrænu eldfjallastöðvarinnar ver-
ið kostaðir af Norrænu vísindaaka-
demíunni (NorFa) en að þessu sinni
var kostnaður greiddur sameigin-
lega af NorFa og hliðstæðri stofn-
un (TMR) innan Evrópubandalags-
ins. Úr hópi 90 umsækjenda voru
valdir 40, sem fá allan kostnað
greiddan. Þar eð einungis norræn-
ir og evrópskir umsækjendur eiga
rétt til styrks, var ekki hægt að
taka við umsækjendum frá öðrum
heimshlutum.
Af þessari ástæðu hefur Nor-
ræna eldfjallastöðin verið beðin um
að stofna til sumarskóla að ári sem
verður væntanlega haldinn með
styrk frá bandarískum vísinda-
sjóði. Fjallað verður um jarð-
skorpuhreyfíngar, eldvirkni og
jarðhita á úthafshryggjum og
tæknileg úrlausnarefni við lang-
tímamælingar á miklu hafsdýpi.
Sumarið 1998 er áætlað að efni
sumarskólans verði loftslagsbreyt-
ingar jarðar og niðurstöður rann-
sókna á ískjörnum sem hafa náðst
með borunum á Grænlandi og Suð-
urskautslandi. Vonast er til að
unnt verði að ná samvinnu milli
Norðurlanda, Evrópubandalagsins
og Bandaríkjanna til að fjármagna
sumarskóla Norrænu eldljalla-
stöðvarinnar í framtíðinni.