Morgunblaðið - 15.10.1996, Blaðsíða 56

4
MORGUNBLAÐffl, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRl: KAUPVANGSSTRÆTl 1
IÁCMMÍKSOFNÍM1
ENQN HMETNi
ÞRIÐJUDAGUR 15. OKTÓBER 1996 VERÐ í LAUSASÖLU 125 KR. MEÐ VSK
< Morgunblaðið/Halldór Sveinbjömsson
VINDHRAÐINN mældist 82 hnútar á ísafirði um klukkan 15.15 í gær, sem er
eitt mesta hvassviðrið seinustu misserin.
Tók niðrí við Isafjörð
TOGARINN Múlaberg frá Ólafsfirði
tók niðri í mynni ísafjarðarhafnar í
gær og var vindur svo rnikill að
6kki var hægt að losa skipið fyrr
en lægði eftir um þijár klukkustund-
ir. Engin hætta er talin hafa verið
á ferðum, samkvæmt upplýsingum
frá ísafjarðarhöfn. Það sé ekki óal-
gengt í veðurofsa að skip festist
þama, í sandrennu skammt frá flug-
vellinum á ísafirði.
„Þetta var eina umferðin í dag,“
sagði Hermann Halldórsson flug-
radíómaður hjá flugtuminum á
ísafirði, en flugumferð um völlinn
féll niður vegna veðurs. Skipið losn-
aði af eigin rammleik um klukkan
hálffímm, en reynt hafði verið að
toga það út fyrr um daginn án
árangurs.
Mikið hvassviðri
Mikið hvassviðri var á ísafjarð-
ardjúpi í gær, norðaustanátt og
mældist vindhraðinn 82 hnútar um
klukkan 15.15 í gær, sem er eitt
mesta hvassviðrið seinustu misserin
að sögn Hermanns. Tólf vindstig
eða fárviðri eru miðuð við 64 hnúta
eða meiri vindhraða. Hermann seg-
ir að langminnugir menn fullyrði
að dæmi séu um að vindhraðinn
hafi mælst allt að hundrað hnútar,
en fjögur ár eru síðan farið var að
tölvuskrá þessar mælingar. Fyrir
skömmu mældist vindhraðinn 77
hnútar og fuku þá meðal annars
þakplötur, en ekki urðu teljandi
skemmdir sökum veðurofsa í gær.
Síldarkvóti samsvarar 1501 af þorski
Aflahlutdeild
kostar 90 millj.
VERÐ á síldarkvóta íslensku síldar-
innar, sem veiðist suður og suðaustur
af landinu, jafngildir nú um 150
tonnum af þorski, hvort sem um er
að ræða aflamark, þ.e. kvóta til eins
árs, eða varanlegan kvóta, aflahlut-
deild.
Miðað við að verð á aflamarki í
þorski sé nú um 70 krónur á kílóið
er verð á síldarkvóta til eins árs því
um 10,5 milljónir króna en miðað
við 600 króna kílóverð á varanlegum
þorskkvóta kostar varanlegur síld-
arkvóti nú 90 milljónir króna.
Þessar tölur eru byggðar á upplýs-
ingum frá Bimi Jónssyni kvótamiðl-
ara hjá LÍÚ.
Við upphaflega úthlutun síldar-
kvóta var úthlutað 87 kvótum, sem
hver veitti rétt til að veiða
1,1090946% síldaraflans. Sú deilitala
er enn notuð og gaf á síðustu vertíð
heimild til að veiða 1.386 tonn en á
þessu ári er hver kvóti 1.220 tonn.
Vegna viðskipta með kvóta í gegn-
um tíðina hefur kvótaeignin færst á
færri hendur og í lok september sl.
voru síldarkvótar skráðir á 68 skip.
Sum þeirra eru skráð fyrir 5-6 föld-
um kvóta, Húnaröst á t.d. 4-5% kvót-
ans. Börkur NK og Glófaxi VE eru
skráð með yfir 6.000 tonna síldar-
kvóta í ár.
Björn Jónsson segir að um nokk-
urt skeið hafí um 10-12 síldarkvótar
verið á höndum aðila sem ekki hafí
nýtt þá sjálfir heldur ráðstafað þeim,
flestir í skiptum innan kvótaárs, sem
leigukvóta, en einstaka sem varan-
legum kvóta og ævinlega í skiptum
fyrir 120-150 tonn af aflahlutdeild í
þorski eða öðrum tegundum. Pening-
ar skipti ekki um hendur í þessum
viðskiptum.
Innflutningur notaðra bíla orðinn 207«
Rangt kaupverð kært
NOKKUR tollalagabrot í tengslum
við innflutning á notuðum bifreiðum
hafa verið kærð til Rannsóknarlög-
reglu ríkisins að sögn Sigurgeirs A.
Jónssonar ríkistollstjóra.
Hafa tollyfirvöld staðreynt í
nokkrum tilvikum að innflytjendur
notaðra bifreiða hafí lagt fram ranga
kaupverðsreikninga til þess að lækka
vörugjöld. Samkvæmt upplýsingum
Morgunblaðsins er kaupverð á annað
hundrað bíla til athugunar.
Búið var að flytja tæplega 1.240
notaða bíla til landsins hinn 4. októ-
ber og munu það vera rúm 20% af
heildarinnflutningi á bílum.
■ Söluverð/12
Davíð Oddsson, formaður Sjálfstæðisflokksins, að afloknum 32. landsfundi
Fundurinn hefur styrkt
stöðu flokksins mikið
Morgunblaðið/Sverrir
DAVÍÐ Oddsson og Friðrik Sophusson voru ánægðir þegar
niðurstöður í kosningu formanns og varaformanns flokksins
lágu fyrir á landsfundinum á sunnudag. Davíð hlaut 870 at-
kvæði í formannskjörinu eða 90% greiddra atkvæða og Frið-
rik 706 atkvæði eða 76,16%.
Jörð skalf
sunnan-
lands
VEÐURSTOFUNNI bárust tilkynn-
ingar um jarðskjálfta af sunnan-
verðu landinu og allt vestur í Búðar-
dal um kl. 21 í gærkvöldi. Ragnar
Stefánsson jarðskjálftafræðingur
segir upptök skjálftans nokkurn veg-
inn miðja vegu á milli Ingólfsfjalls
og Úlfljótsvatns. Jarðskjálftamælar
Veðurstofunnar gefa til kynna að
skjálftinn hafi verið 3,9 á Richter-
kvarða.
Ragnar segist tengja skjálftann
skjálftahrinu á Hengilsvæðinu norð-
an Hveragerðis undanfarin ár. Jarð-
skjálftahrinan hefði á tímabili virst
stefna að upptökum skjálftans. „Sú
hrina fór hins vegar frekar til vest-
urs, í Skarðsmýrarfjöll og þangað,
en hún er greinilega ekki alveg búin
enn og kemur þarna fram,“ sagði
hann.
Tengist jarðhræringum
í Vatnajökli
Ragnar taldi að skjálftinn gæti
tengst jarðhræringunum á Vatna-
jökli. „Eg lít svo á að spennubreyt-
ingin í Vatnajökli fyrir um tveimur
vikum fari eins og bylgja um landið
og geti ýtt undir jarðskjálfta sem
hvort sem er hafi verið að bijótast
út. Hún sé meira eins og gikkurinn
en að hún valdi jarðskjálftanum,"
sagði hann.
Ragnar nefndi að borist hefðu til-
kynningar um jarðskjálftann úr
Biskupstungum, af Seltjarnarnesi
og allt vestur í Búðardal. Næst upp-
—«*ökum skjálftans voru dæmi um að
hlutir dyttu úr hillum.
„STEFNAN er mjög afgerandi og
traust. Það er enginn bilbugur á
mönnum. Það örlaði mjög lítið á
ágreiningi í öllum helstu málum,“
sagði Davíð Oddsson, forsætisráð-
herra og formaður Sjálfstæðisflokks-
ins, í samtali við Morgunblaðið að
afloknum 32. landsfundi flokksins á
sunnudag. Davíð var endurkjörinn
formaður flokksins á fundinum með
90% greiddra atkvæða og Friðrik
Sophusson var endurkjörinn varafor-
maður með 76,16% atkvæða.
Dayíð sagðist hafa á tilfínningunni
að fundurinn hefði styrkt stöðu Sjálf-
stæðisfiokksins mjög mikið og væri
traustur bakgrunnur fyrir ráðherra
flokksins.
Miðstj órnarkj ör
Fimm konur náðu kosningu til
miðstjórnar af ellefu fulltrúum sem
kjörnir voru og urðu konur í fjórum
efstu sætunum. Magnea Guðmunds-
dóttir frá Flateyri hlaut flest atkvæði
í miðstjórnarkjörinu.
Talsverð átök urðu við afgreiðslu
á sjávarútvegsmálaályktun flokksins
á landsfundinum sem samþykkt var
með talsverðum breytingum frá upp-
haflegum drögum með miklum meiri-
hluta atkvæða. í ályktuninni segir
m.a. að landsfundurinn telji skynsam-
legast að byggja á núverandi fisk-
veiðistjórnunarkerfí, sem hafi m.a.
gert sjávarútveginum kleift að kom-
ast í gegnum erfiðleika seinustu ára
en jafnframt telur fundurinn að kerfi
fískveiðistjórnunar þurfí að sæta
stöðugri endurskoðun. Málamiðlun
náðist milli stuðningsmanna veiði-
leyfagjalds og sjávarútvegsráðherra
o.fl. um tillögu þar sem segir að
tryggja þurfi eftir föngum að arðsemi
fískistofnanna verði sem mest og í
þágu þjóðarinnar allrar enda séu
fiskistofnarnir í hafinu sameign
hennar.
ÁTVR verði lögð niður og
skylduáskrift RUV afnumin
í ályktunum landsfundarins er
m.a. lagt til að ÁTVR verði lögð nið-
ur og sala áfengis gefín frjáls,
skylduáskrift að ríkisfjölmiðlum verði
afnumin nú þegar, einstaklingar geti
valið á milli lífeyrissjóða, byggingar-
sjóðir ríkisins og verkamanna verði
sameinaðir í sjálfstæða lánastofnun
sem verði einkavædd fyrir aldamót
og jafnréttismál verði flutt úr félags-
málaráðuneyti í forsætisráðuneytið.
Aðspurður hvort einstakar breyt-
ingar á stefnu flokksins í ályktunum
gerðu sjálfstæðismönnum erfítt fyrir
í ríkisstjórnarsamstarfinu sagði Dav-
ið Oddsson m.a.: „Það kemur fyrir
að í ályktunum séu ákvarðanir, sem
landsfundurinn vill að lögð sé áhersla
á, sem myndi sjálfsagt standa í okk-
ar samstarfsflokki. Landsfundarfull-
trúar gera sér alveg grein fyrir því
að við erum í stjómarsamstarfí og
höfum gert stjórnarsáttmála. Við
getum unnið okkar málum fylgis og
mælt fyrir þeim en við getum auðvit-
að ekki skuldbundið ríkisstjómina til
að framkvæma alla þá þætti sem við
kynnum að vilja hér.“
■ 5 konur/13
■ Tekist á/28-29