Morgunblaðið - 22.10.1996, Blaðsíða 23
MORGUNBLAÐIÐ
ÞRIÐJUDAGUR 22. OKTÓBER 1996 2C
ERLENT
Andstæðingar ESB
hrósa sigri í Finnlandi
Helsinki. Morgunblaðið.
ANDSTÆÐINGAR Evrópu-
sambandsins (ESB) hrósuðu
sigri í fyrstu kosningum Finna
til Evrópuþingsins á sunnudag
og fór Miðflokkurinn þar fremst-
ur. Athygli vakti að þátttaka i
kosningunum var dræm.
Frambjóðendur, sem lýst
höfðu andstöðu við ESB í heiid
eða að hluta, fengu um þriðjung
atkvæða.
Paavo Váyrynen, fyrrverandi
utanríkisráðherra og forseta-
frambjóðandi, vann yfirburðasig-
ur og setur persónulegt fylgi
hans ríkisstjórnina í vanda og
jafnframt Miðflokkinn og Esko
Aho, formann hans.
Stærstu stjórnaröflin, Jafnað-
armannaflokkurinn og Samein-
ingarflokkur hægrimanna, eru
þekkt fyrir að vera hlynnt ESB.
Sigur Miðflokksins og einkum
ESB-andstæðinga þykir meðal
annar sýna að Finnar séu sýnu
tortryggnari í garð ESB, en
stjórnvöld.
Esko Seppánen, fyrrverandi
.★★★*
EVRÓPA^
þingmaður kommúnista og nú-
verandi þingmaður Vinstra
bandalagsins, vann stóran sigur.
Hann er einnig í hópi þeirra, sem
gagnrýndu stefnu ríkisstjórnar-
innar í ESB-málum og einkum
tengingu finnska marksins við
evrópska myntkerfið, ERM, fyrir
rúmri viku.
Kosningasigur manna á borð
við Váyrynen og Seppánen veld-
ur flokksbræðrum þeirra einnig
áhyggjum. Aho hefur reynt að
halda jafnvægi milli bænda og
borgarbúa, þ.e. milli andstæð-
inga og stuðningsmanna ESB.
Nú er sennilegt að þetta jafn-
vægi raskist. Vinstra bandalagið
og ráðherrar þess hafa þagað
þegar ESB hefur verið rætt í
stjórninni. Uppreisn Seppánens
getur valdið því að flokksforust-
an þurfi að víkja. Þetta gæti einn-
ig bundið enda á stjórnarþátttöku
Vinstra bandalagsins.
Kosningaþátttakan var sú
minnsta í 40 ár. Aðeins um 60%
kjósenda greiddu atkvæði í kosn-
ingunum. Þátttaka var að venju
mikil meðal bænda og mennta-
manna, en dræm á svæðum þar
sem rammt kveður að fátækt og
atvinnuleysi.
Finnar senda 16 fulltrúa á
Evrópuþingið. Jafnaðarmenn,
Miðflokkurinn og Hægri flokk-
urinn fengu hver fjóra fulltrúa,
Vinstra bandalagið tvo, græn-
ingjar einn og Sænski þjóðar-
flokkurinn einn.
Finnar kusu einnig bæjar- og
sveitarstjórnir á sunnudag. Mið-
flokknum tókst einnig að bæta
við sig í þeim kosningum, en
ekki jafn miklu fylgi og í Evrópu-
kosningunum.
Reuter
„Skurt“ stel-
ur senunni
GRÆN og mjúk sænsk sjónvarps-
stjarna, „Skurt“, stal senunni á
blaðamannafundi framkvæmda-
stjórnar Evrópusambandsins í
Brussel í gær. Fréttamenn sögðu
að Skurt hefði tekizt það ómögu-
lega, að fá talsmann Evrópusam-
bandsins til að Ijá sig í skýru og
einföldu máli.
„Úff, þetta var nókið,“ hvein í
Skurt að aflokinni langri útskýr-
ingu á viðræðum um viðskipti ESB
og Suður-Kóreu með fjarskipta-
búnað. „Þetta þýðir að Svíar geta
selt miklu fleiri síma þangað,“
svaraði Peter Guilford, talsmaður
ESB, fremur kindarlegur.
Skurt sat fyrir svörum á blaða-
mannafundinum vegna þess að
hann er nýjasti kynningarfulltrúi
ESB. Sjónvarpsbrúðan, sem nýtur
mikilla vinsælda hjá sænskum
börnum, hefur verið fengin til að
kynna Evrópusambandið fyrir
ungu kynslóðinni.
„Það er ekki auðvelt að skilja
Evrópusambandið og útskýra það
síðan fyrir tíu ára gömlum börn-
um, sem horfa á þáttinn," segir
framleiðandi þátta Skurts, Bengt
Roslund. „Þetta er erfiðasta verk-
efni, sem við höfum ráðizt í.“
Alemán lýsir yfir
sigri yfir Ortega
Managua. Reuter.
HÆGRIMADURINN Arnoldo Ale-
mán lýsti í gær yfir sigri yfir Dani-
el Ortega, leiðtoga Þjóðfrelsisfylk-
ingar Sandinista, í forsetakosning-
unum í Mið-Ameríkuríkinu Nic-
aragua á sunnudag og hvatti til
þess að frambjóðendurnir tækju
höndum saman til að koma í veg
fyrir átök í landinu. Ortega sagði
hins vegar of snemmt að fullyrða
nokkuð um úrslit kosninganna.
Þegar um þriðjungur atkvæða
hafði verið talin var Alemán með
49% fylgi og hann kvaðst sann-
færður um að fá að minnsta kosti
helming atkvæðanna. Honum
nægir 45% fýlgi til að ná kjöri og
komast hjá annarri umferð þar sem
kosið yrði milli tveggja efstu fram-
bjóðendanna. Ortega var með tæp
40%_ atkvæða.
„Eg býð öllum flokkunum að
taka höndum saman. Nicaragua
þarfnast okkar allra til að segja
skilið við fortíðina,“ sagði Alemán
í sigurræðu í höfuðstöðvum sínum.
Hann hafði veist harkalega að
Ortega og Sandinistum í kosninga-
baráttunni og varað við því að átök
gætu blossað upp í landinu ef þeir
kæmust til valda að nýju.
„Nú er komið að raunverulegri
frelsisbyltingu, byltingu fijáls-
lyndu aflanna," sagði einn af
stuðningsmönnum Alemáns.
Kosningabaráttan var hatrömm,
Sandinistar hömruðu á því að Ale-
mán nyti stuðnings fyigismanna
Anastasios Somoza, fyrrverandi
einræðisherra, og Alemán lýsti
Ortega sem „laumukommúnista"
sem þættist nú vera jafnaðarmað-
ur.
Forystumenn Sandinista virtust
áhyggjufullir en sögðu að ekki
væri enn öruggt að Alemán næði
kjöri. „Við höfum beðið alla
Sandinista um að sýna stillingu,
það er of snemmt að lýsa því yfir
að einhver hafi sigrað eða tapað.“
Neitaði að fordæma Somoza
Sandinistar steyptu Somoza árið
1979, börðust gegn Contra-skæru-
liðum, sem nutu stuðnings Banda-
ríkjamanna, og stjórnuðu landinu
í ellefu ár þar til þeir biðu ósigur
fyrir núverandi forseta, Violeta
Chamorro, árið 1990.
Alemán er fyrrverandi borgar-
stjóri Managua og sat um skeið í
fangelsi á valdatíma Sandinista.
Hann olli ólgu meðal andstæðinga
sinna í kosningabaráttunni þegar
hann krafðist þess að Sandinistar
greiddu fyrir fyrirtæki sem þeir
þjóðnýttu. Hann neitaði hins vegar
að fordæma Somoza, sagði hann
skárri en Sandinista, og sú afstaða
er talin hafa kostað hann atkvæði
margra miðjumanna.
Eftirlitsmenn frá Samtökum
Ameríkuríkja sögðu að kosning-
arnar hefðu farið lýðræðislega
fram og engar tilraunir hefðu ver-
ið gerðar til kosningasvika. 1.650
erléndir eftirlitsmenn, þeirra á
meðal Jimmy Carter, fyrrverandi
Bandaríkjaforseti, fylgdust með
kosningunum, auk 4.380 eftirlits-
manna frá Nicaragua.
Tilslökun forseta Hvíta-
Rússlands fálega tekið
Mínsk. Reuter.
ALEXANDER Lúkashenko, for-
seti Hvíta-Rússlands, ákvað um
helgina að fresta umdeildri þjóðar-
atkvæðagreiðslu um tillögu þess
efnis að völd hans yrðu aukin en
andstæðingar hans sögðu að því
færi fjarri að valdabaráttu forset-
ans og þingsins væri lokið.
Lúkashenko hafði ætlað að efna
til þjóðaratkvæðagreiðslunnar 7.
nóvember en samþykkti á laugar-
dag að fresta henni til 24. nóvem-
ber. Þann dag ráðgerir þingið þjóð-
aratkvæðagreiðslu um þá tillögu
sína að forsetaembættið verði lagt
niður.
Samkvæmt tillögu Lúkashenkos,
sem verður borin undir þjóðarat-
kvæði, getur forsetinn skipað dóm-
ara, helming stjórnlagadómstólsins
og helming yfirkjörstjómar.
Sagður stefna að einræði
Andstæðingar Lúkashenkos
sögðu að í þeirri ákvörðun hans
að fresta atkvæðagreiðslunni fæl-
ist í raun engin málamiðlun.
„Hann hefur einfaldlega gert sér
grein fyrir að hann verður að virða
stjórnarskrána,“ sagði kommún-
istinn Sergej Koljakín, leiðtogi
stærstu fylkingarinnar á þinginu.
Koljakín bætti við að þingið
myndi ekki falla frá tillögu sinni
um afnám forsetaembættisins
nema Lúkashenko drægi sína til-
lögu til baka. Stjórnarandstaðan,
sem er í meirihluta á þinginu,
krefst þess ennfremur að forsetinn
hætti við áform um að framlengja
kjörtímabil sitt um tvö ár, en því
á að ljúka árið 1999.
Lúkashenko var kjörinn 1994
og hefur sætt harðri gagnrýni þjóð-
ernissinna vegna þeirrar stefnu
hans að auka tengsl landsins við
Rússland. Þúsundir manna efndu
til mótmæla í höfuðborginni Mínsk
á laugardag, sökuðu forsetann um
að vilja koma á einræði og kröfð-
ust þess að hann segði af sér.
fólki
r r rOOfíl f')Ctí I Jf b\If Ú
80 H8 I ordajtT .
84 klst. (126x40 mín)
Markmiðið er að verða fær um
að starfa sjálfstætt og annast bókhald
allt árið. Byrjendum og óvönum gefst
kostur á grunnnámi
Námið felur í sér dagbókarfærslur,
launabókhald, gerð skilagreina um
staðgreiðslu og tryggingargjald,
lög og reglur um bókhald og
virðisauka, gerð virðisaukaskatts-
skýrslna, afstemmingar, merking
fylgiskjala, gerð bókunarbeiðna,
fjárhags og viðskiptamanna-
bókhald í töivu.
64 k/st. (90x40 mín)
Almenn tölvufræði
Word ritvinnslukerfi
Windows stýrikerfi
Excel töflureiknir
(Ld. áætlun og útboðsgögn)
Internet tölvufjarskipti
(samband um allan heim)
Frír Internet-aðgangur meðan á
námi stendur hjá Treknet sem
veitir alhliða Internetþjónustu
Hafið samband eftir
nánari upplýsingum
Innifalin er skólaútgáfa fjárhags- og
viðskiptamannabókhalds og
30% afsláttur af verðskrá
Kerfisþróunar að verðmæti 45.000 kr.
^ Tölvuskóli
Reykjavíkur
Borgartúni 28, sími: 561 6699, fax: 561 6696