Morgunblaðið - 15.11.1996, Blaðsíða 12

Morgunblaðið - 15.11.1996, Blaðsíða 12
12 FÖSTUDAGUR 15. NÓVEMBER 1996 MORGUNBLAÐIÐ FRETTIR Kjaradómur bregst við nýjum úrskurði Félagsdóms Ákveðið að fella niður orlof á yfirvinnu dómara KJARADÓMUR hefur úrskurðað að orlofsgreiðslur vegna yfirvinnu hér- aðs- og hæstaréttardómara skuli felldar niður frá og með 1. desem- ber nk. Fyrir einum mánuði úrskurð- aði Félagsdómur að dómarar ættu rétt á að fá orlof vegna þessara yfir- vinnugreiðslna, en þær komu til 1. desember 1993. Greiðslurnar voru inntar af hendi í einu lagi um síð- ustu áramót. Kjaradómur úrskurðaði 12. nóv- ember 1993 að dómarar skyldu fá til viðbótar föstum launum greiðslur vegna yfirvinnu. Rökin voru þau að lög um aðskilnað dómsvalds og umboðsvalds í héraði hefðu leitt til breytinga á starfí þeirra. Fljótlega kom upp ágreiningur milli fjármála- ráðuneytisins og Dómarafélagsins um hvernig ætti að fara með orlofs- greiðslur vegna yfirvinnu. Óskað var skýringa Kjaradóms, sem tvívegis svaraði bréflega. Þrátt fyrir það varð að samkomulagi milli r áðuneyt- isins og dómara að fara með málið fyrir Félagsdóm. Dómarar unnu málið í Félagsdómi og segir í nýjum úrskurði Kjaradóms að með dómnum hafi efnislega verið breytt þeim kjörum sem Kjaradómur ákvað þessum embættismönnum árið 1993. „Það er niðurstaða Kjara- dóms, að frá og með 1. desember 1996 skuli greiða héraðs- og hæsta- réttardómurum yfirvinnu og orlof með þeim hætti, sem fram kemur í bréfí Kjaradóms, til starfsmanna- skrifstofu ijármálaráðuneytisins frá 18. nóvember 1993 þar sem segir m.a.: „Skulu tilteknir eftirvinnutím- ar greiðast í 12 mánuði á ári hveiju og af því leiðir að ekki skal reikna orlof af þeim greiðslum.““ Eitt sératkvæði Einn dómara í Kjaradómi, Jón Sveinsson hdl., var ósammála niður- stöðu meirihluta dómsins. Hann seg- ir í sératkvæði sínu að hann sé sam- mála meirihluta dómsins um að Kjaradómur hafí ekki ætlast til þess að orlof yrði greitt á yfirvinnu þegar úrskurðurinn var felldur 1993. Aftur á móti sé Kjaradómur ekki dómstóll heldur stjórnsýslunefnd í skilningi íslenskra laga. Fjármálaráðherra hafi fallist á að leggja ágreining um túlkun Kjaradóms fyrir Félagsdóm. Niðurstaða Félagsdóms gefi ekki sérstakt tilefni til þess að Kjaradóm- ur breyti fyrri úrskurði sínum. Kjaradómur er endanlegur „Kjaradómur er endanlegur úr- skurðaraðili. Hann er sjálfstæður ávörðunaraðili sem Alþingi hefur einum falið vald til að úrskurða til- teknum aðilum launakjör. Engum öðrum hefur verið falið það vald. Fyrir ofan hann er enginn áfrýjunar- aðili. Það er aðeins ein forsenda fyr- ir því að fara með mál, sem Kjara- dómur hefur úrskurðað um, fyrir dómstóla og það er ef Kjaradómur gætir ekki réttra og lömætra að- ferða. Slíkt mál myndi sæta al- mennri dómstólameðferð en ekki Félagsdóms og yrði væntanlega höfðað til ógildingar úrskurði. Þetta tiltekna mál snýst ekki um slíka ógildingu," sagði Þorsteinn Júlíus- son, formaður Kjaradóms. Þorsteinn sagði það sína skoðun að mál þetta hefði aldrei átt neitt erindi til Félagsdóms. Ef það væri viðurkennt að unnt væri að áfrýja efnislegum úrskurðum Kjaradóms til Félagsdóms væri verið að skerða úrskurðarvald Kjaradóms. Hann sagði þetta ekki í samræmi við lög um Kjaradóm sem væru alveg skýr um að hann hefði endanlegt úrskurð- arvald. Þorsteinn sagði það misskilning að Kjaradómi bæri skylda til að láta aðila tjá sig áður en úrskurður væri felldur. Það sæju allir að það gengi ekki að t.d. forseti íslands væri að tjá sig um eigin launakjör. Bækurog * tölvur til Sarajevó „STÚDENTAR hjálpa stúdent- um“ er yfirskrift söfnunar sem stúdentar í Háskóla íslands hafa I staðið fyrir að undanförnu. Þeir eru nú langt komnir með að fylla 40 feta gám af bókum, tölvum og öðrum nauðsynjum og verður gámurinn sendur stúdentum i Sarajevó eftir helgina. Söfnunin hefur gengið vel, að sögn Einars Skúlasonar, fram- kvæmdastjóra Stúdentaráðs Há- skóla íslands, og hafa fjölmargir stúdentar, fyrirtæki og einstakl- ingar látið sitt af hendi rakna. Meðal þess sem komið er í gám- inn eru um 2.400 bækur, um 550 tölvuhandbækur, 7.500 tölvu- disklingar, yfir 90 tölvur, 49 prentarar, fimm ljósritunarvél- ar, 4.000 umslög, um 250 möpp- ur, tíu ritvélar, fimm reiknivélar og nokkur þúsundpennar, svo eitthvað sé nefnt. Aætlað verð- mæti varningsins er á sjöttu milljón króna. Að söfnuninni standa SHÍ og ■ stúdentaskiptasamtökin AI- ESEC, IMSIC, ELSA og IAESTE. Yerkalýdsfélagið Fram á Sauðárkróki stefnir Fiskiðjunni fyrir Félagsdóm Telja vinnslu stöðvaða á röngum forsendum VERKALÝÐSFÉLAGIÐ Fram á Sauðárkróki hefur stefnt Fiskiðj- unni Skagfírðingi fyrir Félagsdóm. Félagið krefst dóms um að með vinnslustöðvun sem boðuð var í bol- fiskfrystingu hjá fýrirtækinu vegna hráefnisskorts og sem stóð frá 12. ágúst til 1. október hafí verið brotið gegn aðalkjarasamningi; uppgefnar forsendur fyrir stöðvuninni hafí ekki verið til staðar. 70-80 manns féllu af launaskrá hjá fyrirtækinu meðan á vinnslustöðvuninni stóð en þeir hafa síðan fengið uppsagnarbréf. í stefnunni segir að þau fímm skip sem Fiskiðjan Skagfírðingur á hafí þó verið að veiðum allan þann tíma sem vinnslustöðvunin stóð og landað afla sem hægt hefði verið að nota til vinnslu í bolfískdeild fyrir- tækisins. Frá 12. ágúst til 30. sept- ember hafí skip fyrirtækisins landað 263 tonnum af bolfíski, ýmist hjá Fiskmarkaði Vestfjarða á ísafirði eða í saltfískvinnslu Fiskiðjunnar en af- köst hennar hafí aukist meðan á vinnslustöðvun bolfiskvinnslunnar stóð. 13 ný stöðugildi hafi orðið til í saltfískvinnslunni meðan hráefnis- skortur var sagður í bolfiskvinnslu. 150 tonn af rússaþorski í frysti í stefnunni er því einnig haldið fram að fyrirtækið hafí ekki nýtt tiltækar leiðir til að afla hráefnis, svo sem með því að kaupa fisk á mörkuðum. Þá hafí Fiskiðjan átt 150 tonn af óunnum rússafíski í frystigeymslum sínum sem hefðu dugað í um 20 daga vinnslu í frysti- húsinu. Eftir að vinnslustöðvun lauk byrjuðu starfsmenn að þíða upp þennan físk. „Meðan til er óunninn frystur fiskur verður að telja að ekki sé um hráefnisskort að ræða,“ segir í stefnunni, þar sem segir einn- ig að fyrirtækið hafi ekki haft heim- ild til að „leika sér þannig" með heimild í aðalkjarasamningi VSÍ og VMSÍ til þess að boða vinnslustöðv- un í fiskvinnslu vegna hráefnis- skorts. Þeirri heimild megi ekki beita þegar um er að ræða óviðun- andi afkomu í bolfiskvinnslu og tel- ur verkalýðsfélagið að við þær að- stæður væri fyrirtækinu nær að segja upp starfsmönnum með heim- ild í uppsagnarákvæðum samnings- ins um uppsagnarfrest og endur- ráðningu. Málið hefur verið þingfest í Fé- lagsdómi og stefnda var þá veittur frestur til 28. þ.m. til að koma at- hugasemdum sínum á framfæri. Jón Friðriksson, framkvæmda- stjóri Fiskiðjunnar Skagfírðings, vildi ekki tjá sig efnislega um málið þegar til hans var leitað. Hann vís- aði til þess að lögmaður Vinnumála- sambandsins færi með mál fyrirtæk- isins fyrir Félagsdómi. Morgunblaðið/Golli Félag Þroskahjálpar Skerðingu mótmælt STJÓRN Félags Þroska- hjálpar í Skagafirði og Húna- vatnssýslum samþykkti á fundi sínum nýlega, ályktun þar sem harðlega er mót- mælt 60% skerðingu tekju- stofns framkvæmdasjóðs fatlaðra, sem gert er ráð fyr- ir í framkomnu fjárlaga- frumvarpi. Félagið telur að þau áform bijóti í bága við lög um mál- efni fatlaðra sem samþykkt voru frá Alþingi 1992 en með þeim lögum var fram- kvæmdasjóði fatlaðra mark- aður ákveðinn tekjustofn. Lögreglumenn vilja athuga breytt fyrirkomulag við innheimtu bifreiðagjalda Vilja hætta að klippa af númer Á FUNDI fulltrúa lögregluembætt- anna á Suðvesturlandi í Hafnarfírði í liðinni viku kom fram áhugi lög- reglumanna á að láta huga að ann- arri framkvæmd við eftirfylgju van- goldinna trygginga- og bifreiða- gjalda en nú er við hafður, þ.e. klippa af bílnúmerin. Um talsvert langt skeið hefur Iög- reglan fengið í hendur lista frá Bif- reiðaskoðun íslands og tryggingafé- lögunum þar þeir aðilar sem ekki hafa staðið í skilum með þessi gjöld eru tilteknir. Þessum listum er síðan fylgt við að leita uppi bifreiðar og klippa af þeim númerin, oft að næt- urlagi. Klippt af 5-7 þúsund bílum Ómar Smári Ármannsson aðstoð- aryfirlögregluþjónn í Reykjavík segir nær 12 þúsund bifreiðar tilteknar á listunum að jafnaði og hann reikni með að klippt sé af 5-7 þúsund þeirra á landinu öllu á hveiju ári, þar af 2-4 þúsund bílum á höfuðborgar- svæðinu. Ómar Smári segir fram hafa kom- ið á fundinum hugmyndir þess efnis að annað fyrirkomulag væri á fram- kvæmd þessara mála, og í því sam- bandi væri bent á að víðast hvar- væru lögreglumenn önnum hlaðnir vegna löggæslu. „Þeirri spurningu var meðal ann- ars velt upp hvort tryggingafélögin gætu sjálf fengið heimild til að sækja og leggja inn bílnúmer og væri því mögulegt að fela t.d. til þess bærum einkaaðilum þetta lögbundna verk- efni sem lögregluyfirvöld hafa sinnt til þessa. Lögreglumenn veigra sér alls ekki við að annast þessar aftökur, enda full ástæða til að framfylgja þeim, en þær eru hins vegar tímafrekar og því þykir mönnum athugandi að breyta þessari innheimtuaðgerð, bæði fyrir tryggingafélögin og fjármála- ráðuneytið. Þá gæti lögregjan beitt kröftunum enn frekar að löggæslu- málum og aðrir aðilar frekar verið fengnir til að skipuleggja og fram- kvæma það sérhæfða verkefni sem hér um ræðir,“ segir Ómar Smári. Hann kveðst eiga von á að laga- legar hliðar málsins þurfí að skoða sérstaklega. Þessi mál eru einungis í frumat- hugun, eins og sést t.d. á þeirri niður- I stöðu fundarsins að lögreglumenn huguðu sérstaklega nú í nóvember- mánuði að því hvort ökutæki upp- fylltu skilyrði til að geta verið í um- ferð. Athugað verður m.a. hvort lög- bundnar tryggingar hafi verið greidd- ar af ökutækjum og hvort eigendur þeirra hafí greitt lögbundin gjöld, þ.e. bifreiðagjöld og þungaskatt. Eitt númer í tísku? Auk þess verður gripið til aðgerða gagnvart þeim er einungis hafa eitt skráningarnúmer á bifreiðum sínum. Að sögn Ómars Smára virðist vera í tísku, sérstaklega hjá ungum öku- mönnum, að hafa bara eitt skráning- arnúmer. Einnig séu dæmi um að eigendur gamalla númeraplatna hafi glatað annarri þeirra. „Reglur segja hins vegar að á hverri bifreið skuli vera tvö skrán- ingarnúmer, eitt að aftan og annað . að framan. Eftir þessu verður geng- ' ið á næstunni," segir hann.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.