Morgunblaðið - 03.12.1996, Blaðsíða 6

6 ÞRIÐJUDAGUR 3. DESEMBER 1996
MORGUNBLAÐIÐ
FRETTIR
Sophia Hansen hitti dætur sínar í Istanbúl á sunnudag eftir 4‘/2 árs aðskilnað
„Mér fannst ég geta flogið
hamingjan var ótrúleg“
SOPHIA Hansen hitti dætur sínar,
Dagbjörtu Vesile og Rúnu Aysegul,
á Iögreglustöð i Bakirköy-hverfi í
Istanbúl á sunnudag. Þetta er í
fyrsta skipti í fjögur og hálft ár sem
þær mæðgur hittast og ræða saman
í næði. Stefnt er að því að þær hitt-
ist aftur á hóteli í Istánbúl um
næstu helgi. „Þær hafa ennþá
sterkar tilfmningar til mín og allra
heima á íslandi," sagði Sophia í gær
og sagði að sér hefði liðið stórkost-
lega eftir að hafa loksins fengið að
hitta dæturnar. Ólafur Egilsson
sendiherra hefur unnið að því að
undanförnu að koma á fundum
þeirra mæðgna.
Lögregla í Bakirköy fór að heim-
ili Halims A1 á laugardag og fékk
hann til að koma til fundar við lög-
reglustjóra og Ólaf Egilsson á lög-
reglustöðinni. Þar féllst hann á að
mæta með dætur þeirra Sophiu til
fundar við hana daginn eftir.
Lögreglustjórinn stýrði fund-
inum, þar sem reynt var að finna
fyrirkomulag á umgengnisrétti
þeirra mæðgna, sem ekki hefur
verið virtur fram að þessu. Fundur-
inn fór vinsamlega fram, að því er
segir í fréttatilkynningu frá utan-
ríkisráðuneytinu.
og þá hefur verið ákveðið að þær
hitti móður sína. „Þær lofuðu mér
því sjálfar fyrir framan föður sinn
og alla sem voru viðstaddir að þær
myndu koma til mín á hótel í Istanb-
úl á laugardag kl. tólf á hádegi og
vera með mér til kl. sex um kvöld-
ið og aftur á sunnudeginum frá
tólf til sex og svo myndum við borða
saman kvöldverð á sunnudags-
kvöld,“ sagði Sophia.
Hún kvaðst hafa reynt að fá þær
til að fallast á að koma og gista í
íbúðinni hjá sér yfir nótt en það
hefði ekki tekist. Hún sagðist ekki
ætla að láta það hafa áhrif á sig,
aðalatriðið væri að fá að vera með
þeim.
Enn beðið eftir úrskurði
hæstaréttar
MÆÐGURNAR Sophia Hansen, Dagbjört Vesile og Rúna
Aysegiil á götu í Tyrklandi fyrir allmörgum árum.
Hamingjan var ótrúleg
Fundinn sátu, auk Sophiu IJan-
sen, Halims A1 og dætra þeirra,
Ólafur Egilsson og tyrkneskur túlk-
ur hans, Katrín Fjeldsted læknir,
lögreglustjóri og lögreglukona á
lögreglustöðinni í Bakirköy, lög-
fræðingur Halims og kona tengd
fjölskyldu Halims, sem hefur kennt
þeim systrum. Þau ræddu saman í
rúma þijá tíma og að því loknu
fékk Sophia að vera ein með dætr-
um sínum í um það bil klukkustund.
Sophia sagði í samtali við Morg-
uhblaðið í gær að sér liði óskaplega
vel. „Mér fannst ég geta flogið,
hamingjan var ótrúleg, bara það
að fá að sjá þær var alveg stórkost-
legt 0g hvað þá að fá að eiga með
þeim heila klukkustund og finna
hvað þær hafa ennþá sterkar til-
finningar til mín og allra heima á
íslandi," sagði hún og bætti við að
hún hefði lofað dætrum sínum að
ræða ekki við neinn það sem þeim
fór á milli.
„Ástæðan er einfaldlega sú að
þær eru enn undir hælnum á föður
sínum og éru hræddar við refs-
ingu,“ sagði Sophia.
Virtust sælar og sáttar
„Ég sagði þeim frá ömmu þeirra
og öðrum ættingjum heima á ís-
landi og nýjum fjölskyldumeðlimum
sem hafa bæst við síðan þær fóru
út. Ég gat haldið í hendur þeirra
allan tímann sem við vorum einar
og fékk að faðma þær og kyssa.
Þær gengu meira að segja það langt
að faðma mig að skilnaði eftir að
pabbi þeirra var kominn inn í her-
bergið. Þær virtust mjög sælar og
sáttar þegar við kvöddumst.“
Sophia kvaðst ánægð með hve
vel lögreglustjóranum tókst að
höfða til þeirra systra. „Hann var
afskaplega skynsamur og fullur
kærleika og manngæsku sem ég
hef ekki orðið vör við áður frá
embættismanni hér. Honum tókst
að fá þær til að tjá sig þó að faðir
þeirra væri á staðnum."
Einnig sagði hún að Ólafur Egils-
son hefði höfðað mjög til betri
manns Halims A1 á fundi þeirra á
lögreglustöðinni á laugardag. „Það
hefur greinilega haft mjög góð'
áhrif, því Halim sýndi fulla þolin-
mæði allan tímann og æsti sig aldr-
ei upp. Hann spurði frétta frá ís-
landi, m.a. af nýja forsetanum og
ýmsum stjórnmálamönnum, gosinu
í Vatnajökli o.fl.“
Aðalatriðið er að fá
að vera með dætrunum
Systurnar stunda nám í heima-
vistarskóla strangtrúaðra múslíma
þar sem höfuðáhersla er lögð á
Kóraninn og arabísku. Sophia hefur
ekki fengið uppgefið hvar skólinn
er. Þær eiga frí á sunnudögum og
einu sinni í mánuði fá þær heila
fríhelgi. Um næstu helgi hittist ein-
mitt á langa helgi hjá þeim systrum
Enn er beðið eftir úrskurði
hæstaréttar í Ankara í forræðis-
máli þeirra Sophiu Hansen og
Halims Al. Þegar málið var tekið
upp 12. nóvember sl. tóku dómar-
arnir sér viku til tíu daga umhugs-
unarfrest en úrskurður hefur enn
ekki verið biftffr. .„Við bíðum í mik-
illi spennu eftir niðurstöðu. Jafnvel
þó að það tapist þar þá eigum við
Mannréttindadómstólinn í Strass-
borg eftir,“ sagði Sophia og kvaðst
bjartsýn á að fá réttláta meðferð
þar, þó að það myndi taka sinn tíma.
„Ég vil þakka öllum íslendingum
fýrir að hafa stutt mig og veit að
þeir eiga eftir að standa við bakið
á mér áfram. Ég sagði stelpunum
frá því hvemig íslendingar hefðu
stutt mig fjárhagslega til þess að
fara í allar þessar ferðir, leigja íbúð
hérna úti og haldið í mér lífinu,
fætt mig og klætt. Ég sagði þeim
að öll þjóðin styddi okkur, bæði
fólk sem þær þekktu og aðrir sem
þær hefðu aldrei komist í kynni við.
Ég sagði þeim líka að á hverjum
fímmtudegi hreinsaði ég allt út úr
dymm, fyllti ísskápinn af öllu því
sem ég veit að þeim þykir gott og
byggi mig alltaf undir það að fá að
vera með þeim heila helgi. Ég sagði
þeim að ég kæmi á hveijum einasta
fostudegi til þess að leita þær uppi
og að skiptin væra að verða átta-
tíu,“ sagði Sophia að lokum.
Handtek-
inn með kíló
af hassi
LÖGREGLAN í Reykjavík handtók
27 ára gamlan mann um miðnætti-
síðastliðið föstudagskvöld og reynd-
ist hann vera með eitt kíló af hassi
í fóram sínum sem hann hugðist
selja. Maðurinn játaði við yfírheyrsl-
ur að hafa flutt inn samtals 1,1 kg
af hassi frá Amsterdam og notað
um 100 grömm af efninu sjálfur.
Að sögn Björns Halldórssonar hjá
fíkniefnadeild lögreglunnar var mað-
urinn handtekinn eftir að lögreglu- ,
menn sáu hann fara inn í skúr a
vinnusvæði í borginni og flytja eitt-
hvað úr honum inn í bíl sinn. Þegar
maðurinn var stöðvaður stuttu
seinna reyndist vera af honum
áfengislykt og var hann þá færður
á lögreglustöðina. Þar fannst á hon-
um lítilræði af hassi og þegar farið
var fram á að leita í bílnum hans
afhenti maðurinn eitt kíló af hassi.
Við yfirheyrslur viðurkerindi hann
að hafa keypt 1.100 grömm af hassi
í Amsterdam í ágúst síðastliðnum
og flutt það hingað til lands í hand-
farangri. Sjálfur hafí hann notað
hluta fíkniefnanna en ætlað að selja
kílóið sem fannst í bílnum hans.

Fegur ðarsamkeppni
karla
Fulltrúi
Islands í
4.-5. sæti
ÞÓR Jósefsson, herra ísland 1996
lenti í 4. til 5. sæti í fegurðarsam-
keppninni Herra Evrópa, sem haldin
var í Stavanger í Noregi á laugar-
dag. Að keppninni lokinni var honum
boðinn samningur hjá fyrirsætu-
skrifstofu í París.
„Ég er mjög ánægður með árang-
urinn en fyrirsætusamningurinn við
PH One, eina stærstu stofu í Frakk-
landi, er heiður fyrir mig. Eigandr
hennar Paul Hagnauer kom að máli
við mig eftir keppnina og bauð mér
samninginn en sigurvegari keppn-
innar, fulltrúi Portúgal, fékk árs-
samning hjá sömu stofu í verðlaun,"
sagði Þór. í forkeppni á fimmtudags-
kvöldið var Þór kosinn sigurvegari
af um 250 kvenkyns áhorfendum
sem sátu í salnum.
Þór fer til Parísar um miðjan jan-
úar og gerir ráð fyrir að dvelja í
hálft til eitt ár við fyrirsætustörf.
l
I
Sýning á verkum Karólínu Lárusdóttur í Gallerí Borg
Verkin seldust upp
á stundarfjórðungi
VERKIN á sýningu Karólínu Lárusdóttur listmál-
ara, Draumurinn um Gullfoss, í Gallerí Borg, 38
að tölu, seldust upp á fimmtán til tuttugu mínútum
eftir að sýningin var opnuð á laugardag. Var verð
verkanna á bilinu 95.000 til 490.000 krónur.
„Eg man ekki eftir öðru eins - maður hafði
ekki undan að setja rauðu punktana við verkin,“
segir Pétur Þór Gunnarsson hjá Gallerí Borg en
fyrsta fólkið mun hafa tekið sér Stöðu fyrir utan
galleríið klukkan átta um morguninn - sýningin
var opnuð klukkan fjögur. Hann segir harla fátítt
að verk á myndlistarsýningum seljist upp á svo
skömmum tíma hér á landi, og legið hafi við stimp-
ingum undir lokin.
Að áliti Péturs Þórs er skýringin á þessum mikla
áhuga tvíþætt: Annars vegar virðist Karólína ejn-
faldlega njóta svona mikillar hylli meðal landa
sinna og hins vegar virðist yrkisefni hennar að
þessu sinni, Gullfoss, flaggskip Eimskipafélagsins,
og stemmningin í kringum siglingar hans, hafa
höfðað sterklega til fólks.
Karólína segir að viðtökurnar hafi komið sér í
opna skjöldu. „Eg trúi þessu eiginlega ekki ennþá,
þetta var alveg stórkostlegt. Ég er alveg þakklát
og guð hvað mér þykir vænt um fólkið sem keypti
allar þessar myndir. Síðan spillti fjölmennið við
opnunina ekki fyrir - stemmningin var frábær.
KARÓLÍNA Lárusdóttir: Draumaferðin,
á vit ævintýranna.
Þetta var eiginlega eins og Gullfossferð - án þess
að verða sjóveikur.“
Pétur Þór segir að kaupendur hafi verið á öllum
aldri - ekki einvörðungu fólk sem muni Gullfoss
eða hafi siglt með honum á sínum tíma. Þá keypti
Eimskipafélag Islands fjórar myndanna. Einn
skuggi hafi hins vegar fallið á sýninguna, hvorki
Listasafn íslands né Listasafn Reykjavíkur hafi
verið á meðal kaupenda.
Andlát
SIGURÐUR
SIGURÐSSON
SIGURÐUR Sigurðs-
son listmálari er látinn
áttræður að aldri. Sig-
urður fæddist á Isafirði
29. október 1916, son-
ur Sigurðar Sigurðs-
sonar sýslumanns og
bæjarfógeta og konu
hans Stefaníu Arnórs-
dóttur. Hann varð
stúdent frá MA 1937
og lauk cand.phil. prófi
frá Háskóla íslands
1938.
Sigurður stundaði
nám við Konunglega
listaháskólann, í Kaup-
mannahöfn 1939-1945. Eftir að
hann kom heim frá námi hóf hann
kennslu við Myndlista- og handíða-
skóla íslands 1948 og starfaði þar
samfleytt til ársins 1980. Hann var
yfírkennari í málun um árabil.
Sigurður hélt margar einkasýn-
ingar og tók þátt í fjölda samsýn-
inga hér heima og erlendis. Hann
sýndi verk sín m.a. í Kaupmanna-
höfn, Ósló, Helsinki, Ítalíu, Þýska-
landi, Póllandi og
Rússlandi. Sigurður
hélt alla tíð tryggð við
sígilda landslagshefð
og var einn merkasti
portrettmálari síns
tíma.
Hann var formaður
Félags íslenskra
myndlistarmanna j
áratug og hann sat í
stjórn Lista- og menn-
ingarsjóðs Kópavogs
frá stofnun hans 1965
til ársins 1981. Á þess-
um árum átti hann
meiri þátt í því en
nokkur annar að marka stefnu
sjóðsins í listaverkakaupum. Hann
sat í stjórn og byggingarnefnd
Listasafns Kópavogs 1978-1981.
Sigurður hélt síðast einkasýn-
ingu á verkum sínum í Gerðarsafm
í Kópavogi í vor.
Eftirlifandi eiginkona Sigurðar
er Anna Kristín Jónsdóttir. Þau
áttu eina fósturdóttur, Stellu
Kluck.
s
»
D
»