Morgunblaðið - 03.12.1996, Blaðsíða 47
MORGUNBLAÐIÐ
1
1
I
i
3
i
I
i
i
i
<
<
<
I
I
<
I
I
I
ÞRIÐJUDAGUR 3. DESEMBER 1996 47
MIIMNIIMGAR
Akraness 1947 og þinn uppáhalds-
sálmur síðan þá, og þú söngst svo
fallega, var:
Ég krýp og faðma fótskör þína
Frelsari minn á bænastund.
Ég legg sem bamið bresti mína
Jesús í þína líknarmund.
Ég hafna auðs og æðri völdum
fel mig í þínum kærleikshöndum.
Þín mesta hamingja var að kynn-
ast eiginmanni þínum Magnúsi Þor-
steinssyni á Akranesi og eignast
með honum fjögur mannvænleg börn
sem þú sýndir ást og umhyggju alla
tíð. Þau hafa stutt þig og huggað í
þessum erfiðu veikindum þínum.
Guð blessi eiginmann þinn, börn,
tengdabörn og blessuð barnabörnin;
þau hafa öll misst svo mikið við frá-
fall þitt. Mæður eru alltaf til taks
þegar á bjátar.
Nú legg ég augun aftur
ó, Guð þinn náðarkraftur
mín veri vöm í nótt.
Æ, virst mig að þér taka
mér yfir láttu vaka
þinn engil, svo ég sofi rótt.
Blessuð sé minning þín. Hafðu
þökk fyrir allt.
Birna Jakobsdóttir.
Elsku amma. Mig langar að
kveðja þig með bæn sem þú kenndir
mér í fyrra, þegar ég var þriggja
ára og við fórum alltaf með saman
þegar ég fékk að sofa hjá þér:
Vertu nú yfir og allt um kring
með eilífri blessun þinni.
Sitji Guðs englar saman í hring
sænginni yfir minni.
Magnús Þ. Þórhallson.
Amma var okkur alltaf góð. Hún
kenndi okkur bænir og svo var líka
gaman að hjálpa henni í garðinum
við sumarbústaðinn. Við söknum
hennar mjög mikið og það er erfitt
að trúa því að hún komi aldrei aft-
ur, en nú líður henni betur. Svo
hlökkuðum við svo til að hún kæmi
að passa okkur og að við færum í
heimsókn til hennar og afa.
Við vor.uðumst til að hún myndi
lifa yfir jólin en hún náði að lifa
fram yfir afmælið mitt.
María Björg Þórhallsdóttir.
Fyrir rúmlega áratug kynntist ég
Maríu þegar ég fór að rugla saman
reytunum við Jakob, yngsta son
þeirra hjóna. Mér var strax tekið
opnum örmum og það vakti athygli
mína hversu samrýnd hjón þau
Magnús og María voru.
Eg var svo heppin að fá að vinna
með Maríu í Sementsverksmiðjunni
þar sem hún var ráðskona í mötu-
neyti. Þar kynntumst við vel og
myndaðist trúnaðarsamband á milli
okkar. Það var hægt að segja henni
allt. Hún var góður hlustandi og
lagði ekki dóma. Hún sagði mér oft
sögur frá því hún var lítil stúlka á
Vatnsleysuströnd og ófáar voru sög-
urnar frá tilhugalífi þeirra Magnús-
ar á Akranesi og prakkarastrikum
þeirra hjóna. María gat verið mjög
glettin og var til í að taka Jpátt í
alls kyns vitleysu með okkur. I sum-
ar komu María og Magnús í ferða-
lag með fjölskyldu minni og held
ég sannarlega að hún hafi skemmt
sér manna best. Hún tók þátt í flest-
um leikjum okkar en á þessum tíma
var sjúkdómurinn farinn að segja
til sín án þess að okkur grunaði
nokkuð.
María var alltaf vel til höfð og
höfðu margir það á orði hversu
glæsileg kona hún væri. Hún var
ung í anda og fylgdist vel með því
sem fram fór í íslensku þjóðfélagi.
Hún hafði yndi af íslenskri tónlist
og átti sér uppáhaldssöngvara og
uppáhaldslög. Hún fylgdist vel með
sonum sínum tveimur í tónlistarlíf-
inu og var stolt af þeim eins og
öllum sínum börnum. Þeim vinum
mínum og fjölskyldumeðlimum sem
hún kynntist í gegnum árin fylgdist
hún grannt með og sýndi öllum
jafnmikinn áhuga.
Þegar María tilkynnti mér þann
úrskurð í byrjun október sl. að hún
væri með krabbamein gat mig ekki
órað fyrir því að hún ætti svo stutt
eftir sem raun bar vitni. í eigingimi
minni vonaðist ég eftir að hún lifði
til að beija níunda barnabarn sitt
augum í janúar næstkomandi. Mér
var hugsað til þess styrks sem hún
veitti mér þegar ég eignaðist mitt
fyrsta bam í maí á síðasta ári. Á
hverjum degi komu þau María og
Magnús í heimsókn á fæðingardeild-
ina og færðu mér eitthvert smáræði
auk þess sem hún var búin að hekla
fatnað á barnið til að klæðast við
heimkomuna. Og hún hélt áfram
að vera til taks og veita góð ráð
við uppeldið án þess að vera af-
skiptasöm. Þau hjónin voru ávallt
reiðubúin að aðstoða okkur og mik-
ið og margt lærði ég af Maríu. Það
var sama hvort ég lenti í vandræðum
með saumaskapinn, pijónaskápinn
eða eldamennskuna alltaf gat ég
leitað til hennar.
María var stöðugt að hugsa um
aðra, bömin sín og barnabörn. Hún
vissi að fregnirnar um sjúkdóm sinn
fengju á okkur. Hún var ekki að
hugsa um eigin líðan. Hún bar sig
ótrúlega vel í veikindum sínum og
hafði mestar áhyggjur af eigin-
manni sínum sem þá hafði fengið
vitneskju um að vera haldinn sama
sjúkdómi.
Þessi kveðjustund er erfið en
minningarnar eru margar og góðar.
Hvert faðmlag, hvern koss og hveija
samverustund með þér María mín
mun ég varðveita.
Megi guð veita Magnúsi styrk í
hans miklu_ sorg.
Áslaug Pétursdóttir.
Það er með sorg í hjarta sem við
samstarfsfólk Maríu Jakobsdóttur,
fyri-verandi matráðskonu, langar til
að kveðja hana í fáum orðum.
Það var alltaf einstaklega gott
að koma í mötuneytið til Maríu.
Hún var ákaflega skapgóð og
hjartahlý kona sem létti lund okkar
með glaðværð sinni. María átti mjög
auðvelt með að vinna. Hún var
vandvirk, lanin og samviskusöm.
Hún lagði í hvívetna metnað í störf
sín, smá og stór.
Það er hverju fyrirtæki mikil
gæfa að hafa haft jafn góðan
starfskraft og Maríu. Það var því
með söknuði í huga sem við kvödd-
um Maríu er hún lét af störfum í
júní 1994, sökum heilsubrests.
Mikill harmur er nú kveðinn að
elskulegum eiginmann hennar,
Magnúsi Þorsteinssyni, sem er einn
af virtustu starfsmönnum í sögu
Sementsverksmiðjunnar. Við send-
um Magnúsi, börnum hans, fjöl-
skyldum og öðrum aðstandendum
okkar dýpstu samúðarkveðjur.
Megi algóður guð styrkja þau og
blessa á þessum sorgarstundum.
Starfsfólk Sementsverskmiðj-
unnar hf., Sævarhöfða 31,
Reykjavík, Akranesi og Akur-
eyri og skipsfélagar Skeiðfaxa.
VIB; Verðbréfamarkaöur Islandsbanka hf., býður þér í opið
hús í dag, þriðjudaginn 3. desember, frá kl. 9.15. Tilefnið er
flutningur einstaklingsþjónustu okkar í stærra og betra
húsnæði á 1. hæð við innganginn að fjármálamiðstöðinni á
Kirkjusandi, auk þess sem VÍB á 10 ára afmæli um þessar
mundir. Okkur væri það sérstök ánægja ef þú sæir þér fært að
líta í heimsókn, þiggja veitingar og kynna þér þjónustu okkar.
kl. 16:30
kl 17:00
kl 17:30
kl. 18:00
Fyrirlestrar
Hlutabréfahlaupið í desember \
Margrét Sveinsdóttir, forstöðum. einstaklingsþjónustu VÍB
Fjármagnstekjuskatturinn yfirvofandi
Vilborg Lofts, aðstoðarframkvæmdastjóri VIB
Hlutabréfahlaupið í desember
Margrét Sveinsdóttir, forstöðum. einstaklingsþjónustu VÍB
Fjármagnstekjuskatturinn yfirvofandi
Vilborg Lofts, aðstoðarframkvæmdastjóri VIB
Kaffi og kökur verða á boðstólum aUan daginn.
Verið velkomin í VÍB
VÍB
VERÐBRÉFAMARKAÐUR ÍSLANDSBANKA HF.
• Aðili að Verðbréfaþingi íslands •
Kirkjusandi, 155 Reykjavík. Sími 560-8900.