Morgunblaðið - 18.01.1997, Blaðsíða 64

MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: KAUPVANGSSTRÆTI 1
LAUGARDAGUR 18. JANÚAR 1997
VERÐ í LAUSASÖLU 125 KR. MEÐ VSK
Samdráttur hjá Seaflower Whitefish
Selja togara o g
kaupa minni
STJÓRN útgerðar- og fiskvinnslu-
fyrirtækisins Seaflower Whitefish
Corporation í Lúderitz í Namibíu
ákvað í vikunni að leita eftir tilboð-
um í frystitogarann Seaflower og
freista þess að kaupa minni ísfisk-
togara. Lýsingskvóti fyrirtækisins
var dreginn saman um 5.500 tonn
milli ára í 8.500 tonn og er fyrirtæk-
ið þegar búið að selja tvo ísfisktog-
ara af fjórum skipum sínum.
LFm er að ræða annars vegar ís-
fiskkvóta og frystikvóta hins vegar,
að sögn Friðriks Sigurðssonar, for-
stöðumanns nýsköpunardeildar ís-
lenskra sjávarafurða hf. „Frystikvót-
ínn er töluvert minni en afkastageta
skipsins segir til um og einnig er
erfítt að leigja kvóta vegna sam-
dráttar. Þess vegna var talið skyn-
samlegast að leita eftir tilboðum í
skipið og kanna hvort hægt væri að
fá aðgengilegt tilboð í togarann."
Friðrik segir breytingar á starfs-
mannahaldi óhjákvæmilegar í kjölfar
sölunnar. Um 20 íslendingar eru við
störf á skipunum, tíu á Seaflower
en eitthvað færri á ísfisktogaranum.
Seaflower var keyptur í fyrra frá
Þýskalandi. Friðrik vildi ekki upp-
lýsa hvort tilboð hefði borist í togar-
ann.
Eignarhaldsfélag íslenskra sjávar-
afurða á 20% hlut í fyrirtækinu.
Þrjú flóð í Seyðisfirði og
áfram hætta á Siglufirði
ÞRJÚ snjóflóð féllu í Seyðisfirði
í fyrrinótt og gærmorgun og
stöðvaðist eitt þeirra 3-400
metra frá íbúðarhúsinu á Sel-
stöðum. Hallgrímur Jónsson
snjóathugunarmaður sagði í
gærkvöldi að rýming húsa og
lokun út með norðanverðum
firðinum væri ennþá í gildi. Afar
snjóþungt er á Siglufirði þar sem
tíu hús voru rýmd á fimmtudags-
kvöld. Ibúum húsanna hefur
ekki verið leyft að snúa til baka.
Hallgrímur sagði að eitt flóðið
hefði fallið efst úr Bjólfi og lent
í Efri-Kálfabotnum sem er efst
í fjallinu. Annað flóð, um 200
metra breitt, féll beint upp af
V estdalsmj ölverksmiðjunni.
Þriðja flóðið féll hjá sveitabæn-
um Selstöðum. Flóðið féll
300-400 metra frá íbúðarhúsinu
þar. Flóðið var hátt í 200 metrar
en Hallgrímur taldi að það hefði
ekki verið mjög þykkt frekar en
hin flóðin.
„Það er engin spurning að
ákvörðun um að rýma húsin var
tekin á réttum tíma,“ sagði Hall-
grímur, en í fyrradag var ákveð-
ið að rýma farfuglaheimilið á
Ránargötu.
Fleiri flóð gætu fallið
Hallgrímur sagði að horfur
væru óvissar en miðað við veður-
spár gætu fleiri snjóflóð fallið á
Seyðisfirði. Spáð ertalsverðum
vindi að norðvestan sem Hall-
grímur telur að gæti hleypt frek-
ari flóðum af stað.
A Siglufirði var hríðarmugga
í gærkvöldi og orðið illfært um
bæinn. Ófært var út úr bænum
og inn í hann. Þar voru rýmd 10
hús á fimmtudagskvöld og hafast
39 manns enn við hjá ættingjum
og vinum og á hótelinu.
Sjötugir
hættaað
greiða í líf-
► eyrissjóð
UM síðustu áramót hættu flestir
Iífeyrissjóðir á almennum markaði
að taka við lífeyrissiðgjaldi frá laun-
þegum sem orðnir eru sjötugir.
Þetta er í samræmi við samkomulag
ASÍ og VSÍ um lífeyrismál, sem
gert var i desember 1995.
Samkomulagið felur í sér að
launþegum er skylt að greiða ið-
gjald í lífeyrissjóð á aldrinum 16-70
ára. Fram að þessu hafa launþeg-
ar, sem eru á vinnumarkaði fram
yfir sjötugt, greitt iðgjald í lífeyris-
sjóði til 75 ára aldurs. Samhliða
þessari breytingu hætta launþegar
að vinna sér inn aukinn lífeyrisrétt
eftir 70 ára aldur.
Lífeyrissjóðimir hafa verið að
breyta samþykktum sínum í sam-
ræmi '/ið þetta samkomulag og tek-
ur þessi breyting gildi í flestum til-
vikum núna um áramót. Fyrirtæki
eiga að hætta að draga lífeyrisið-
gjald af launþegum sem eru orðnir
70 ára, en ef þau gera það eiga
lífeyrissjóðir að skila iðgjaldinu.
Launagreiðandinn hættir sömuleið-
is að greiða 6% iðgjald vegna laun-
þega sem eru 70 ára og eldri, en
það þýðir að þessi vinnukraftur verð-
ur hér eftir ódýrara vinnuafl en al-
mennir launþegar sem þessu nemur.
Samkvæmt vinnumarkaðskönn-
un Hagstofunnar, sem gerð var í
nóvember sl., voru 6.600 launþegar
á vinnumarkaði á aldrinum 70-75
ára og var kynjaskipting jöfn. Hag-
stofan hefur ekki upplýsingar um
atvinnuþátttöku þeirra sem eru
eldri en 75 ára.
-----*_4_*-----
Börðu mann
með kylfu
.FIMM menn réðust inn á heimili
við Engjasel í Reykjavík í gær-
kvöldi og börðu mann sem þar var
með kylfu. Lögregla var kölluð á
staðinn og tókst að handsama árás-
armennina.
Lögreglan flutti manninn sem
fyrir barsmíðunum varð á slysadeild
en hann er ekki talinn hafa meiðst
alvarlega. Arásarmennirnir voru í
vörslu lögreglunnar í nótt.
Morgunblaðið/Golli
ÞRJÚ snjóflóð féllu á Seyðisfirði í fyrrinótt þar sem þessi mynd var tekin síðdegis í gær. Snjóþungt er í bænum
og spáð norðvestan strekkingi.
Ný skýrsla unnin vegna umferðar- og deiliskipulags fyrir Miklubraut
Umferðarhávaði þjakar
á þriðja þúsund manns
UM 2.030 manns við Miklubraut
teljast „þjakaðir" af umferðar-
hávaða, segir í nýrri skýrslu sem
unnin hefur verið um umferðar:
og deiliskipulag fyrir Miklubraut. í
skýrslunni er einnig komist að
þeirri niðurstöðu að allir íbúar við
Miklubraut frá Eskihlíð að Stakka-
hlíð, sem eru 261 talsins, búi við
„óásættanleg skilyrði“ hvað varðar
loftmengun af völdum umferðar.
Miklabraut er ein mikilvægasta
gatan í gatnakerfi Reykjavíkur og
er magn umferðar eftir henni á
sólarhring um 40 þúsund bílar vest-
ast og allt að 50 þúsund austast
en skv. umferðarspá gæti umferð
þar aukist um 15% til ársins 2008.
I skýrslunni eru útfærðir þrír val-
kostir til að bæta aðstöðu íbúa og
vegfarenda og gengið út frá því í
öllum tilvikum að Hringbraut sé
flutt suður fyrir Umferðarmiðstöð-
„ ina.
Hugmyndir að göngum undir
Miklubraut frá Lönguhlíð
Ingibjörg Sólrún Gísladóttir
borgarstjóri sagði í samtali við
Morgunblaðið að skipulagsnefnd
ætti eftir að fjalla um nýtt umferð-
ar- og deiliskipulag. Hún segir erf-
itt að koma til móts við sjónarmið
íbúa milli Snorrabrautar og
Stakkahlíðar. „En það er hægt að
gera minni göng undir Miklubraut
hjá Rauðarárstíg sem myndu tengj-
ast nýrri legu Hringbrautar. Að því
verður að huga í framtíðinni en
flutningur Hringbrautat er mál
sem Landspítalinn á að leysa vegna
breytingar á hans lóð,“ segir hún.
Ingibjörg Sólrún segir jafnframt
að erfitt verði að leysa vanda íbúa
gegnt Miklatúni en til séu hug-
myndir að göngum undir Miklu-
braut frá Lönguhlíð. „Það er auð-
vitað hægt en Miklabraut er þjóð-
vegur og því yrði að koma fé til
framkvæmdarinnar á fjárlögum.
Það er margt sem spilar inn í þetta,
afkastageta gatnamóta, slysa-
hætta og mengunar- og hávaða-
mörk og okkar skoðun er sú að
ríkið eigi líka að axla ábyrgð vegna
óþæginda af þeirra mannvirkjum
ekki síður en borgin af sínurn,"
segir hún.
■ 2.030 manns/6