Morgunblaðið - 22.01.1997, Síða 52

'HYUNDAI
HÁTÆKNI TIL FRAMFARA
Tæknlval
SKEIFUNNI 17
SlMI 550-4000 • FAX 550-4001
MORGUNBLAÐID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRl: KAUPVANGSSTRÆTl 1
MIÐVIKUDAGUR 22. JANÚAR 1997
VERÐ í LAUSASÖLU 125 KR. MEÐ VSK
Minna selt
af karfa til
Þýzkalands
Bandarísk hjón í farbanni vegna meints brottnáms dótturdóttur konunnar
FBI og Interpol krefjast
framsals til Bandaríkjanna
Amman segir sakargiftir rangar og
að telpan hafi verið hjá sér frá fæðingu
BANDARÍSK telpa á fimmta aldurs-
ári var tekin úr höndum móðurömmu
sinnar og eiginmanns hennar í gær-
morgun og er nú vistuð á vegum
Félagsmálastofnunar Kópavogs.
Rannsóknarlögregla ríkisins hand-
tók fólkið í gær að beiðni yfirvalda
ytra vegna rökstudds gruns um
bamsrán og að fólkið hafi komið til
landsins á fölskum forsendum. Hjón-
unum var sleppt að lokinni skýrslu-
gerð. í kjölfarið var samþykkt krafa
um farbann jrfir þeim til 5. febrúar
nk., að sögn Þóris Oddssonar, setts
rannsóknarlögreglustjóra. „Þetta
eru rangar sakargiftir. íslensk yfir-
völd hafa tekið ættleidda dóttur
mína af mér. Hún hefur verið hjá
mér frá fæðingu og móðir hennar
samþykkti það,“ sagði Connie Jean
Hanes, amma telpunnar, í samtali
við Morgunblaðið í gærkvöldi.
Amma telpunnar fékk ættleiðing-
argögn, sem móðirin hafði skrifað
undir, löggilt fyrir dómstóli í Banda-
ríkjunum, en móðirin mun hafa höfð-
að mál til að fá ættleiðingunni
hnekkt á þeirri forsendu að hún
hafi verið blekkt til undirskriftarinn-
ar. Henni mun hafa verið dæmt for-
ræðið, en amman fengið umgengnis-
rétt við telpuna.
Barnið hvarf frá móður sinni, sem
er búsett í Arizona í Bandaríkjunum,
í október 1995 og hafa móðuramma
þess og maður hennar verið eftirlýst
þar í landi síðan.
Grunur leikur á að fólkið, sem er
um fimmtugt, hafi dvalist hérlendis
síðan það tók barnið. Móðirin heldur
því fram að amman hafi notað um-
gengnisréttinn, ásamt eiginmanni
sínum, til þess að hafa barnið á brott.
Hjónin hafa verið eftirlýst síðan og
er m.a. talið að þau hafi brotið
bandarísk lög með því að fara með
barnið yfir fylkismörk, en þau áttu
heima í Utah-fylki í Bandaríkjunum,
og síðan úr landi.
Dómsmálaráðuneytið hér á landi
hefur forræði í málinu og kvaðst
Stefán Eiríksson lögfræðingur í ráðu-
neytinu geta staðfest að þetta mál
hefði verið í þeirra höndum í rúma
viku. Samkvæmt bandarískum heim-
ildum var fólkið eftirlýst fyrir brott-
nám á barninu eða barnsrán.
Móðir barnsins mun hafa unnið
ötullega að því að vekja athygli fjöi-
miðla í Bandaríkjunum á hvarfi
barnsins og var t.d. fjallað um það
í þættinum Óráðnar gátur, Unsolved
Mysteries, sem sýndur var í Banda-
ríkjunum 3. janúar og hérlendis
skömmu síðar.
Ábending frá íslendingum
Þar birtust myndir af málsaðilum
og könnuðust íslenskir áhorfendur
við fólkið og létu vita af því. í fram-
haldi af þessu óskuðu bandarísk yfir-
völd eftir því að kannað yrði hvort
fólkið dveldist hérlendis og þegar
það lá fyrir barst beiðni frá FBI í
Arizona í gegnum Interpoi um að
fólkið yrði handtekið og það fram-
selt til Bandaríkjanna.
■ Deilt um/6
■ Dóttir mín/6
ÚTFLUTNINGUR á óunnum þorski
á fiskmarkaðina í Bretlandi jókst um
34% á síðasta ári. Það er í fyrsta
sinn sem hann eykst frá árinu áður,
allt frá 1988 þegar hann nam 36.700
tonnum, en í fyrra fóru aðeins 2.450
tonn utan. Útflutningur á ýsu á sömu
markaði jókst um 58%, en sala á
karfa á markaðina í Þýzkalandi hefur
nánast hrunið á tveimur árum.
Útflutningur á ufsa er nánast að
engu orðinn. í fyrra fóru 253 tonn
á markaðina í Þýzkalandi, innan við
helmingur þess sem fór utan árið
áður. Skýringin er mun minni afli
hér á iandi og lágt verð ytra. Á síð-
asta ári fóru 10.230 tonn af ísuðum
karfa til Þýzkalands, eða um 5.500
tonnum minna en á árinu áður. Stutt
er síðan þessi útflutningur var í jafn-
vægi, 22.000 til 25.000 tonn. Skýr-
ingin er þríþætt. Aflaheimildir hafa
minnkað mikið, margir útfiytjendur
selja fersk flök utan og margar út-
gerðir frysta aflann nú um borð.
■ Útflutningur/Cl
Brýtur á
Kolbeinsey
MIKILL sjór gekk yfir Kolbeins-
ey á laugardag þegar eftirlits-
menn Landhelgisgæslunnar
flugu yfir hana, en þó virðist hún
ekki hafa minnkað til muna frá
því síðastliðið vor, að sögn Helga
Hallvarðssonar yfirmanns gæslu-
framkvæmda hjá Landhelgis-
gæslunni. „Isinn, sem er einn
versti óvinur eyjarinnar, hefur
ekkert verið á þessum slóðum í
vetur og því hefur hún sloppið
nokkuð vel.“
-----♦ ♦ ♦---
Dagvist barna
Niður-
greiðslur
og styrkir
hækka
BORGARRÁÐ samþykkti í gær að
niðurgreiðsla fyrir börn giftra og
sambúðarfólks hjá dagmæðrum
yrði 8.000 krónur, frá og með 1.
júlí, fyrir alla aldurshópa í 8-9
stunda vistun. Það er 2.000 króna
hækkun fyrir 2 ára og yngri og
1.000 króna lækkun fyrir 3 ára og
eldri.
Samþykkt var að rekstrarstyrkir
fyrir börn giftra og sambúðarfólks
í einkareknum ieikskólum myndu
hækka úr 12.000 krónum í 16.000
krónur frá og með 1. júlí og að
systkinaafsláttur yrði tekinn upp
fyrir 4 og 5 stunda vistun frá 1.
mars næstkomandi.
Kostnaður vegna breytinga á nið-
urgreiðslum verður sex milljónir á
ári, fimm milljónir vegna rekstrar-
styrkja og 3,5 milljónir vegna syst-
kinaafsláttar. Telur stjórn Dagvist-
ar barna að þessar ráðstafanir eigi
að gera dagmæðrum kleift að veita
systkina- og námsmannaafslátt og
jafnframt að bæta rekstrarskilyrði.
Morgunblaðið/Magni Óskarsson
Miklar hafnarbætur fyrirhugaðar í Grindavík - grunnskólabyggingu frestað
Innsigling dýpk
uð á þessu ári
ÁKVEÐIÐ hefur verið að hefja
framkvæmdir við nýja innsiglingu í
Grindavíkurhöfn á næstunni en á
móti verður fyrirhuguðum. fram-
kvæmdum við nýjan grunnskóla í
bænum frestað um eitt ár til að
draga úr þensluáhrifum.
Jón Gunnar Stefánsson bæjar-
stjóri sagði að lengi hefði verið beð-
ið eftir heimild til að hefja hafnar-
framkvæmdirnar og síðastliðið vor
hefði verið við það miðað að sú
heimild fengist á þessu ári. „Svo
kom smá-bakslag í þetta vegna þess
að ríkisstjórnin hafði réttilega
áhyggjur af þensluáhrifum mikilla
framkvæmda í samfélaginu. Við
gátum skilið þær áhyggjur og til
að missa ekki niður þráðinn í hafn-
argerðinni gáfum við færi á því að
fresta skólabyggingu um eitt ár.
Það dugði til að ráðamenn gátu
samþykkt að fara út í þetta verk-
efni strax á þessu ári,“ sagði Jón
Gunnar.
Bæjarstjóri sendi Halldóri Blöndal
samgönguráðherra bréf í desember
og spurði hvort hann myndi heimila
að hefja framkvæmdir við innsigling-
una 1997 en á móti kæmi frestun á
viðbyggingu við grunnskólann. Á
þetta féllst samgönguráðherra og
tilkynnti Grindavíkurbæ 14. janúar
að lagt yrði til að heimila fram-
kvæmd 1. áfanga innsiglingarinnar
á þessu ári, enda mundi Grindavíkur-
bær fjármagna framkvæmdina að
fullu og bera fjármagnskostnað þar
til fjárveiting fengist á fjárlögum.
Segir í orðsendingu ráðherra að sam-
gönguráðuneytið muni leggja rii við
Alþingi að hlutur ríkissjóðs í fram-
kvæmdinni verði gerður upp á árun-
um 1998-2000.
700 milljóna kostnaður
Heildarkostnaður við nýju inn-
siglinguna er áætlaður 700 miiljónir
króna. Þar af er kostnaður við 1.
áfanga áætlaður 140 milljónir. í
þeim áfanga verður grafinn 450
metra langur skurður, 35 metra
breiður og 7 metra djúpur innst i
innsiglingunni. Segir Jón Gunnar
að með þessu fáist fullkomið dýpi
fyrir stærstu fiskiskip, sem nú þurfi
oft að leita annað vegna lélegra
hafnarskilyrða í Grindavík.
Alls verða áfangarnir þrír. Er
áætlað að framkvæmdirnar taki 6
ár og Ijúki þeim árið 2002. Kostnað-
ur við 2. áfanga, sem er dýpkun
ytri hluta innsiglingarinnar, er áætl-
aður 360 milljónir og kostnaður við
3. áfanga, byggingu brimvarnar-
garða, er áætlaður 200 milljónir.
Áætlað er að viðbyggingin við
Grunnskóla Grindavíkur kosti
250-300 milljónir króna og þar af
hefðu verkefni ársins í ár kostað 65
milljónir króna. Jón Gunnar segir að
fyrirhugað hafi verið að reisa við-
bygginguna á 5 árum en frestunin
nú þýði íjögurra ára byggingartíma.