Morgunblaðið - 28.05.1997, Blaðsíða 13

MORGUNBLAÐIÐ
MIÐVIKUDAGUR 28. MAÍ 1997 13
LANDIÐ
Könnun á uppruna laxa í
hafbeitarstöðinni í Hraunsfirði
Nauðsynlegt
talið að breyta
móttöku laxins
Borgarnesi - „Það er nauðsynlegt
að breyta móttökunni í hafbeitar-
stöðinni í Hraunsfirði og hafa þar
frekar gildrur í stað ádráttar,“
segir Sigurður Már Einarsson
fiskifræðingur í samtali við Morg-
unblaðið.
Sigurður er fiskifræðingur hjá
Veiðimálastofnun, Vesturlands-
deild í Borgarnesi, og hefur frá
haustinu 1993 unnið að rannsókn-
um varðandi hlutfall laxa af nátt-
úrulegum uppruna í afla hafbeitar-
stöðvarinnar í Hraunsfirði og hvort
hafbeitarlax hafi verið að villast í
náttúruleg vatnakerfi.
Niðurstöður rannsókna Sigurðar
á síðustu árum sýna að fjöldi laxa
villist í stöðina eða er náð þar á
leið sinni upp í árnar þaðan sem
þeir gengu til sjávar. Að jafnaði
er um að ræða um 1.200 fiska á
ári hverju eða um 1,4% af heildar-
afla stöðvarinnar. Langflestir lax-
anna eru úr ám í Breiðafirði og
við Faxaflóa. Dæmi eru um laxa
sem eru ættaðir úr ám fyrir Norð-
urlandi, nyrst úr Hofsá í Vopna-
firði og einnig úr ám á Suður-
landi, syðst úr Rangá.
Rannsóknirnar hafa verið unnar
á vegum Veiðimálastofnunar en í
fullu samráði og samvinnu við
veiðiréttarhafa við Breiðafjörð og
forsvarsmenn hafbeitarstöðvarinn-
ar í Hraunsfirði á Snæfelisnesi.
Hafa rannsóknirnar verið gerðar
með tveimur aðferðum. Annars
vegar greiningu hreistursýna, en
greind voru rúmlega 8.400 sýni
úr Hraunsfirði og á sama tíma um
1.400 sýni úr Laxá í Dölum,
Morgunblaðið/Theodór
SIGURÐUR Már Einarsson fiskifræðingur.
Morgunblaðið/Sigurður
YFIRLITSMYND frá
hafbeitarstöðinni í
Hraunsfirði á Snæfellsnesi.
Haukadalsá og Fáskrúð. Hins veg-
ar voru rannsóknir sem byggðar
voru á seiðamerkingum.
Sagði Sigurður að fljótlega eftir
að hafbeitartilraunir hófust hér-
lendis af fullum krafti upp úr 1987
hefði vaknað grunur veiðiréttareig-
enda um að þessi starfsemi rask-
aði verulega náttúrulegu jafnvægi
í mörgum laxveiðiám. Enda hefði
þegar mest var, verið sleppt um 5
til 6 milljónum laxaseiða til haf-
beitar á ári, á meðan náttúruleg
heildarframleiðsla allra laxveið-
iánna hefði verið áætluð vel innan
við 1 milljón seiða á ári.
Tilraunir hafa sýnt að laxinn
þræðir ströndina grunnt um lang-
an veg í leit að rétta vatninu eða
þeirri á þar sem hann gekk til sjáv-
ar. í því ljósi og miðað við það
magn af villtum laxi sem aflað er
í Hraunsfirði er nauðsynlegt að
mati Sigurðar að þar sé breytt um
veiðiaðferðir. í stað þess að draga
á i hálfsöitu vatni, ætti að breyta
til og setja upp gildrur innar í firð-
inum í ferskara vatni sem laxinn
gengi þá sjálfviljugur og ákveðinn
í. Sá lax sem væri að lóna fyrir
utan á leið sinni annað ætti þá
frekar möguleika á því að komast
leiðar sinnar.
Sagði Sigurður að skýrsla með
niðurstöðum fyrrgreindra rann-
sókna yrði gefin út í lok maí.
Laxar veiddir
í Hraunsf irði
1994 tii 1996
Alls voru tekin þar
hreistursýni af rúmlega
8400 löxum, eða af um
4,5% heildarveiðinnar
sem á þessum árum var
tæpiega 186.000 laxar.
1,4% hlutfall laxa af
náttúrulegum uppruna
þýðir því um 3600 laxar af
heildarveiðinni á þessum
þrem árum, eða um 1200
laxar á ári að meðaltali
Náttúrulegir laxar
Hafbeitarlaxar
34
8321
8,6
Laxar veiddir
í Laxá í Dölum,
Haukadalsá
og Fáskrúð
1994 til 1996
Alls voru tekin þar hreistursýni
af tæplega 1400 löxum, eða af
um 35% heildarveiðinnar f
ánum sem á þessum árum
var tæpiega 4300 laxar.
8,5% hlutfall laxa af hafbeitar-
uppruna þýðir því um 360 laxar af
heildarveiðinni á þessum þrem árum,
eða um 120 laxar á ári að meðaltali.
Með hliðsjön af veiðiálagi má þá
áætla að um tvöfalt fleiri laxar af
hafbeitaruppruna hafi gengið í árnar
á þessum tíma.
I 8 Hafbeitarlaxar
M Náttúrulegir laxar
Laxá í Hauka- Fáskrúð SAMTALS:
1994-1996 Dölum dalsá '94-96 Arnar3
'94-96 '95-96 '94-96
Morgunblaðið/Sveinn Guðmundsson
REKSTRARAÐILAR Hótels Bjarkarlundar f.v.: Aðalsteinn Frið-
finnsson, Elsa Pétursdóttir, Anna Aðalsteinsdóttir og JÞorkell
Ingi Þorkelsson sem heldur á Aðalsteini syni þeirra Onnu.
Enn vorar í Bjarkarlundi
Miðhúsum - Hinn 29. júní 1947
var Hótel Bjarkarlundur vígt
en brottfluttir Barðstrendingar
stóðu að byggingu þess. Jón
Brandsson, bóndi í Kambi, gaf
Barðstrendingafélaginu í
Reykjavík ásamt öðrum eigend-
um fallega lóð við Berufjarðar-
vatn þar sem Hótel Bjarkar-
lundur stendur. Bygging hót-
elsins þótti grettistak fyrir 50
árum.
Eins og áður verður hótelið
rekið í Bjarkarlundi en tvenn
hjón hafa tekið hótelið á leigu
í sumar, Þau Anna J. Aðalsteins-
dóttir, hótelsljóri og matreiðslu-
meistari, og eiginmaður hennar,
Þorkell Ingi Þorkelsson. Með
þeim í rekstrinum eru foreldrar
Ónnu, þau Elsa Pétursdóttir og
Aðalsteinn Friðfinnsson en þau
hjón hafa áður verið hótelstjór-
ar i Bjarkarlundi.
Hótel Bjarkarlundur getur nú
tekið 40 manns í gistingu og er
hótelið vistlegur áningarstaður
á hinni löngu Vestfjarðaleið.
Brautskráning frá Mennta-
skólanum á Egilsstöðum
Egilsstöðum - Menntaskólinn á
Egilsstöðum útskrifaði 50 nýstúd-
enta og einn nemanda af ferðaþjón-
ustubraut en það er fyrsti nemand-
inn sem þaðan útskrifast. Það voru
10 nemendur sem útskrifuðust af
tveimur brautum, þannig að út-
skriftir voru alls 60.
Af eðlisfræðibraut luku 5 nem-
endur námi, 20 af félagsfræði-
braut, 4 af hagfræðibraut, 4 af
íþróttabraut, 9 af málabraut og 13
af eðlisfræðibraut. Sigríður Sig-
þórsdóttir fékk sérstaka viðurkenn-
ingu þar sem hún er fyrsti nemandi
sem lýkur námi á ferðaþjónustu-
braut. Ingibjörg Jónsdóttir fékk við-
urkenningu fyrir góðan árangur í
íslensku og Hanna Dóra Másdóttir
fyrir góða kunnáttu í dönsku. Sig-
þóra Þórhallsdóttir fékk viðurkenn-
ingu fyrir góða kunnáttu í þýsku
og Sóley Dögg Birgisdóttir fyrir
góða frammistöðu í raungreinum.
Sigrún Erna Guðjónsdóttir og Sig-
þóra Þórhallsdóttir fengu ennfrem-
ur viðurkenningu frá franska sendi-
ráðinu.
Þetta er fjölmennasti hópur sem
útskrifast frá Menntaskólanum á
Egilsstöðum en þetta er 16. árgang-
ur sem útskrifast á 18. starfsári
skólans. Skólameistari Menntaskól-
ans á Egilsstöðum er Helgi Omar
Bragason.
Morgunblaðið/Anna Ingólfsdóttir
ÞAÐ voru glaðir nýstúdentar sem stign út í sólskinið að lokinni
útskriftarathöfn.