Morgunblaðið - 28.05.1997, Blaðsíða 37

MORGUNBLAÐIÐ
MIÐVIKUDAGUR 28. MAÍ1997 3 7
FRÉTTIR
i
ÓLIG. Guðmundsson, sölustjóri B&L, afhendir
Ólafi Benediktssyni ferðavinninginn.
Gróður fyrir fólk
Fimm millj -
ónir frá
Keflavíkur-
samtökum
í TILEFNI 40 ára afmælis Keflavík-
urverktaka sf. afhenti félagið sam-
tökunum Gróður fyrir fólk í Land-
námi Ingólfs 5 milljónir króna í hófi
sem félagið hélt starfsmönnum sín-
um í íþróttahúsinu í Keflavík.
Stjórn Keflavíkurverktaka vill
þannig leggja samtökunum lið í bar-
áttunni gegn gróðureyðingu svæðis-
ins, eins og það er orðað í gjafabréf-
inu. Ingvi Þorsteinsson, formaður
samtakanna, tó_k við gjöfinni úr
hendi Jakobs Árnason, formanns
stjórnar Kefalvíkurvertaka.
Þetta höfðinglega fjárframlag hef-
ur ómentanlegt gildi fyrir samtökin
og veitir þeim brautargengi í upp-
hafi sem er erfiðast, segir í fréttatil-
kynningu. í gjöfinni felst jafnframt
mikið traust og skilningur á mark-
miðum samtakanna."
------*—♦—«-----
Styrktarsýning
á myndinni
Dýrlingnum
LIONSKLÚBBUR Mosfellsbæjar
stendur fyrir styrktarsýningu á
myndinni Dýrlingurinn eða „The
Saint“ í samvinnu við Sambíóin við
Álfabakka í kvöld kl. 21.
Þetta er í þriðja sinn sem slík
styrktarsýning fer fram og eins og
áður rennur allur ágóðinn til Reykja-
lundar. Að þessu sinni til kaupa á
tækjum fyrir hjarta- og lungnaend-
urhæfingardeildina. Félagar Lions-
klúbbsins hafa undanfarið verið að
selja aðgöngumiða en þeir eru einn-
ig seldir í Sambíóunum.
Miðarnir gilda sem happdrættis-
miðar og í hléi verða dregnir út tveir
vinningar, en þeir eru matur fyrir
tvo á Sveitakránni Áslák í Mos-
fellsbæ.
Lionsklúbbur Mosfellsbæjar vill
koma á framfæri þakklæti til Sam-
bíóanna, áhorfenda og annarra sem
hafa gert klúbbnum þetta kleift,
segir í fréttatilkynningu.
Opið hús
BIFREIÐAR & landbúnaðarvélar
stóðu fyrir opnu húsi þann 8.
maí sl. Yfir 5000 gestir lögðu
leið sína í fyrirtækið og skoðuðu
bæði verslun, verkstæði og vara-
hlutalager.
„Meðal gesta var efnt til ferða-
getraunar og í dagslok var nafn
DJASSTÓNLEIKAR verða á Pollin-
um í kvöld, miðvikudagskvöldið 28.
maí og hefjast þeir kl. 21.
flytjendur verða Sigurður Flosa-
son, saxófónleikari, Einar Scheving,
trommuleikari, Hilmar Jensson, gít-
arleikari og Jón Rafnsson, bassaleik-
ari.
hjá B&L
Ólafs Benediktssonar dregið út
en hann var einmitt nýlega búinn
að festa kaup á Hyundai-bifreið.
Ólafur var að vonum hinn
ánægðasti með vinninginn sem
var vikuferð með Heimsferðum
á sólarströnd, segir í fréttatil-
kynningu frá B&L.
Tónleikarnir eru haldnir í tengsl-
um við djassnámskeið á vegum Sum-
arháskólans á Akureyri í samvinnu
við Sigurð Flosason, en fjórmenning-
arnir eru allir kennarar á þessu nám-
skeiði.
Aðgangseyrir er 500 krónur.
Djass á Pollinum á Akureyri
Leiðréttíng vegna fréttar
um stærðfræðiárangur
MORGUNBLAÐINU hefur borist
eftirfarandi athugasemd og leið-
rétting frá Magnúsi Þorkelssyni,
kennslustjóra Menntaskólans við
Sund.
„í viðtali við mig í Morgunblaðinu
24. maí (bls. 12) er því miður ekki
farið alveg rétt með ummæli mín
eða þau sett þannig fram að sam-
hengið vantar sem skýrir hvað ég
var að segja.
í greininni stendur: „í ár hafi 37
af 218 nemendum (í Menntaskólan-
um við Sund) náð öllu nema stærð-
fræði. “ Hér vildi ég að stæði að 37
af 218 féllu í stærðfræði en náðu
meðaltali. Sum þeirra féllu í öðrum
greinum en það var ekki hluti sam-
talsins. Síðan kemur: „50 nemendur
hafi fallið á prófum og hluti þeirra
eflaust í stærðfræði. “ Hér taldi ég
mig hafa sagt að ég hefði í raun
ekki heildarfallið í stærðfræði í
höndum en til viðbótar við fyrr-
greinda 37 hefðu 25 fallið á meðal-
tali og margir þeirra eflaust líka í
stærðfræði. Því mætti álykta að
a.m.k. 50 nemendur hafi fallið á
stærðfræðiprófinu í heild (og líklega
nær 60).
Síðan kemur bein tilvitnun sem
er samsuða nokkurra setninga og
ég leyfi mér að sundurþátta aðeins:
„Okkur er fulljóst að eitthvert
misræmi er á milli kennslu hér og
samræmdra prófa...“ Ég taldi mig
hafa verið að útskýra að það væri
misræmi milli kennslu í framhalds-
skóla og grunnskóla því upplýsinga-
streymið á milli stiganna er lítið
og samfellan einnig. Enda segir
kollegi minn Yngvi Pétursson að
upprifjun á grunnskólaefni sé stór
þáttur í byijendakennslu í fram-
haldsskólum, - þeim til bölvunar
sem eru góðir í stærðfræði. Áfram
með tilvitnunina:
„...því nemendur koma illa út úr
fyrsta bekk...“ Þetta hef ég ekki
sagt svona heldur hef ég verið að
vísa í að nemendur með lélega ein-
kunn á samræmdum prófum koma
illa út! Um 80% nemenda gekk
þokkalega, vel eða frábærlega.
Loks stendur þetta:
„...þorri þeirra sem fellur er með
6 í einkunn eða lægra, “ og er ég
þá að árétta að hér var átt við 6
eða lægra á samræmdum prófum
- og er þá sama í hvaða grein það
er.
Loks segir í fyrrgreindri grein
að í MS sé boðið upp á stuðnings-
kennslu (sem er rétt) og hægferð
sem er rangt. Hafi ég misst það
síðarnefnda út úr mér þá bið ég
alla afsökunar því það hefur ekki
verið gert hingað til í eiginlegri
merkingu þess orðs.
Þá vil ég árétta það að fall í
stærðfræði í fyrsta bekk hefur ekki
aukist tiltakanlega í ár og er þá
horft yfir lengra tímabil. Það er
svipað og verið hefur undanfarin
ár með einni eða tveimur sveiflum
sem eru undantekningar en ekki
regja.
Ég geri mér fullljóst að erfitt er
að stytta svona tæknihjal þegar
fólk er ekki útspekúlerað í skóla-
kerfinu og öllum afkimum þess og
undantekningum. Því vildi ég fá að
árétta þessa hluti og þakka fyrir.
Hins vegar má minna á að á
holóttum troðningum menntavegar-
ins þá hafa þeir sem eru vel búnir
til göngunnar nokkurt forskot á
hina. Það sem er hins vegar verra
er að lagning menntavegarins á
nokkuð undir högg að sækja og því
verr hefur gengið við vegabæturnar
sem menntamálaráðherrar síðustu
ríkisstjórna hafa látið hærra. Það
er kannski miklu meira vandamál
en samræmdu prófin sem slík. þeg-
ar öllu er á botninn hvolft þá mæla
þau einungis úrræðaleysi stjórn-
valda og áhugaleysi almennings.
Þvi er nú verr.“
Yfirlýsing frá
starfsfólki BUGL
MORGUNBLAÐINU hefur borist
eftirfarandi yfirlýsing og undir-
skriftir 50 starfsmanna á barna- og
unglingageðdeild Landspítalans:
Vegna ummæla Ingibjargar
Pálmadóttur heilbrigðisráðherra
(Dagur-Tíminn 24. maí 1997) og
Þóris Haraldssonar aðstoðarmanns
heilbrigðisráðherra (Mbl. 23. maí
1997) varðandi starfsemi Barna-
og unglingageðdeildar Landspítal-
ans sjáum við starfsfólk BUGL,
ekki annað fært en að gefa eftirfar-
andi yfirlýsingu.
Hlutverk BUGL er að sinna böm-
um og unglingum með geðræn
vandamál á öllu landinu. Þar fer fram
greining og meðferð bæði í göngu-
deild og á innlagnadeildum. Þetta
felur í sér mikla vinnu með börnum
og fjölskyldum þeirra, oft í samvinnu
við skóla, dagvistarkerfið, félags-
málastofnanir, svæðisskrifstofur,
heilsugæslustöðvar og fleiri aðila. Á
BUGL fer fram greining, einstakl-
ings- og fjölskyldumeðferð, hópmeð-
ferð, stuðningur og ráðgjöf til for-
eldra, auk fræðslu og námskeiða
fyrir foreldra. Þar sem deildin sinnir
öllu Iandinu hefur starfsfólk einnig
stundum þurft að fylgja málum eftir
með ferðum út á land.
Starfsfólk BUGL vinnur undir
miklu álagi af mörgum ástæðum.
Viðurkennt er að meðferðarvinna
með geðræn vandamál barna og
unglinga er mjög erfið og gerir
miklar hæfniskröfur til fólks. Mikl-
um fjölda mála frá öllum landshlut-
um er vísað til BUGL. Sökum skorts
á mannafla á stofnuninni hefur
myndast langur biðlisti á BUGL.
Erlendar viðmiðanir benda til þess
að 2% barna þurfi geðheilbrigðis-
þjónustu á hverjum tíma en sá fjöldi
fagmenntaðra aðila sem nú vinnur
á BUGL, getur einungis náð að
sinna tæplega 0,l-0,2%o íslenskra
barna og unglinga. Það er því ekki
að furða að slíkur biðlisti myndist.
Þrátt fyrir þetta hafa starfsmenn
BUGL reynt að sinna bráðamálum
sem fyrst og vinna vel þau mál sem
eru í vinnslu hjá þeim enda verður
árangur lítill ef það er ekki gert.
Starfsmenn sem lengi hafa unnið á
BUGL vita að afköst og gæði starf-
seminnar hafa aukist undanfarin ár.
Aukning hefur orðið á fjölda viðtala
á göngudeild og aukning á fjölda
innlanga þrátt fyrir sumarlokanir
deilda. Jafnframt hefur legutími
styst sem gerir aftur meiri kröfur
til göngudeildarþjónustu. Við vitum
einnig að gæðin hafa aukist enda
hafa starfsmenn fylgst vel með og
tileinkað sér nýjungar.
Því vekja yfirlýsingar heilbrigðis-
ráðherra og aðstoðarmanns hans
okkur undrun og reiði enda alger-
lega úr lausu lofti gripnar. Ásakan-
ir aðstoðarmanns heilbrigðisráð-
herra um léleg afköst okkar eru
einfaldlega rangar. Við vitum einnig
að yfirlýsingar heilbrigðisráðherra >-
um að auknar fjárveitingar hafi
ekki skilað sér í bættu starfi okkar
eru ekki á rökum reistar. Þessi
málflutningur byggist ekki á stað-
reyndum og er alvarlegur vegna
þess að hann rýrir mjög traust al-
mennings á starfsmönnum BUGL
og starfseminni þar. Hér er einnig
alvarlega vegið að starfsheiðri okk-
ar af yfirmönnum okkar í heilbrigð-
isráðuneytinu. Starfsemi BUGL á
nú þegar undir högg að sækja vegna
aðstöðuleysis og skorts á mannafla
og fjármagni. Þetta ástand er ekki
á ábyrgð eins aðila en þegar heil-
brigðisyfírvöld hafa fengið vitneskju
um ástand mála ber þeim að bregð-
ast við og vinna að úrbótum. <
Ástandið batnar ekki við að heil-
brigðisráðherra eða aðstoðarmaður
hans geri undirmenn sína að blóra-
bögglum.
Við tökum fyllilega undir með
Valgerði Baldursdóttur yfirlækni
BUGL að nauðsynlegt er að bæta
geðheilbrigðisþjónustu barna og
unglinga á landinu. Þetta hefur hún
bent dyggilega á í þau tvö ár sem
hún hefur starfað á BUGL sem yfir-
læknir og hún hefur reynt sitt besta
til að fá fram úrbætur. Bætt þjón-
ustá fyrir börn og unglinga með geð-
ræn vandamál er brýn nauðsyn. Þjón-
usta batnar ekki með órökstuddum
ásökunum og fullyrðingum um slæm
afköst og skort á gæðum í störfum
starfsmanna BUGL. Slíkum ummæl-
um vísum við til föðurhúsanna og
lýsum nú þegar eftir raunhæfum
aðgerðum af hendi heilbrigðisráðu-
neytisins til að bæta þessa þjónustu.
Er það mun málefnalegra en órök-
studdar ásakanir í fjölmiðlum.
Fyrir hönd starfsmanna BUGL:
María Sigurjónsdóttir
deildarlæknir,
Kristín Kristmundsdóttir
yfirfélagsráðgjafi,
Guðrún Theódóra
Sigurðardóttír yfirsálfræðingur,
Sólveig Guðlaugsdóttir
geðhjúkrunarfræðingur.
+
Innilegar þakkir fyrir auðsýnda samúð og hlý-
hug við andlát og útför móður minnar, tengda-
móður og ömmu,
HELGU TÓMASDÓTTUR,
Gýgjarhóli 1,
Biskupstungum.
Sérstaklega þökkum við öllum þeim, sem
gerðu henni kleift að vera heima síðustu árin.
Inga Kristjánsdóttir, Guðni Karlsson
og barnabörn.

4>/.
^^/VvVV. Brúðhjón
Allm borðbiinaður Glæsileg gjafavara Brúðarhjdna listar \
VERSLUNIN
Langnvegi 52, s. 562 4244.
i