Morgunblaðið - 05.09.1997, Síða 26

26 FÖSTUDAGUR 5. SEPTEMBER 1997
MORGUNBLAÐIÐ
HELGA Kristrún, yfirlitsmyndir.
SYKRUÐ
MYNDVERK
MYNPLIST
Gallcrí Sævars Karls
Bankastræli 9.
BLÖNDUÐ TÆKNI
HELGA KRISTRÚN
Opið á verslunartima til 11. sept. nk.
SÝNING Helgu Kristrúnar sam-
anstendur af fimm myndverkum
unnin með blandaðri tækni.
„Heima er best“ stendur með hekl-
uðum stöfum í striga á blindramma
sem þakin er sykri blönduðu mat-
arlími. Öll verkin eru sykurhjúpuð
en útfærslan þeirra er mismun-
andi, t.d. hefur einu þeirra verið
dýft í sykurblöndu og sykri stráð
yfir. Tvö verkanna eru heklaðir og
prjónaðir dúkar, ýmist festir á
striga eða hangandi á vegg. Eitt
verkið er strigi þakinn flórsykri
sem myndar hringform á miðjum
myndfletinum og skírskotar á
skemmtilega klisjukenndan hátt til
hefðbundinnar abstraktlistar.
Myndrammar eru notaðir sem
ákveðinn liststaðall og garn, sykur
og matarlím vísa til alþýðumenn-
ingar í formi heimilisiðnaðar og
neyslusamfélags. Áhrifa gætir frá
nýju geometríunni í útfærslu sýn-
ingarinnar á tilraunum með efni
sem eiga að afhjúpa hið algilda
form og vísar Helga hér í „há- og
lágmenningu". Efnin hafa beina
skírskotun í menningar- og félags-
lega stöðu heimavinnandi kvenna
og í sýningarskrá skrifar Helga:
„Myndverkin eru túlkun á mínum
hugsunum um mig sem listamann
í því umhverfi sem ég er í.“
„Heima er best“ er undirtónn
sýningarinnar og vísar til mynda
sem voru algengar á heimilum hér
áður fyrr, þar sem stóð með út-
saumuðum stöfum: „Drottinn
blessi heimilið."
Hulda Ágústsdóttir
Rebekka opnar sýningu í Eden
REBEKKA Gunnarsdóttir listakona
í Hafnarfirði opnar sýningu á verk-
um sínum í Eden, Hveragerði,
mánudaginn 8. september. Rebekka
sýnir þar vatnslitamyndir og gler-
myndir, unnar úr listgleri, bræddu
gleri og með íslenskum steinum.
Þetta er 8. einkasýning hennar á
vatnslitamyndum en 2. sýning
hennar á glerverkum.
Sýningin stendur til 22. septem-
ber.
LISTIR
Áraskip í öndvegi
BJARNI Jónsson listmálari opn-
ar sýningu á um það bil sjötíu
olíumálverkum í Pakkhúsinu á
Höfn í Hornafirði á morgun,
laugardag. Á sýningunni kennir
margra grasa, en höfuðáhersla
verður lögð á verk sem tengjast
áraskipaöldinni.
Bjarni hefur um langt árabil
sýnt þjóðlegum fróðleik rnikinn
áhuga, ekki síst öllu sem við-
kemur áraskipatímabilinu, allt
frá landnámsöld. Hefur hann í
gegnum árin drukkið í sig mik-
inn fróðleik og eflaust þekkja
margir óteljandi skýringateikn-
ingar hans við ritin Islenskir
sjávarhættir.
Fljótlega eftir að Bjarni fór
að vinna að skýringamyndum
fyrir Sjávarhættina á sjöunda
áratugnum fóru vinir og kunn-
ingjar, sjómenn og útgerðar-
menn, að panta hjá honum olíu-
málverk af áraskipum og öðru
tengdu útgerð þeirra. Nýttist
þá þekking hans vel, því menn
báðu ekki einungis um mismun-
andi bátslag heldur jafnframt
um myndir af ýmsu öðru tengdu
róðrunum, svo sem af sjómönn-
um í verstöð, sjómönnum að
setja báta upp, sjómönnum að
skipta hlut í fjörunni og þar
fram eftir götunum. Þá höfðu
margir ákveðnar hugmyndir um
landslag í bakgrunni.
„Það má eiginlega segja að
þetta hafi verið viðstöðulaust
allar götur síðan,“ segir Bjarni.
„Eftir bátabrunann mikla, þar
sem brunnu flestir gömlu ára-
bátarnir í eigu Þjóðminjasafns-
ins, fóru menn að gera sér grein
fyrir mikilvægi þess að varð-
veita þessi merku atvinnutæki
forfeðranna og var þá stungið
upp á því að ég gerði seríu þar
sem sæust allar tegundir ís-
lenskra áraskipa. Hef ég unnið
að þessu undanfarin sex til átta
ár með öðru, en fyrirhugað er
að verkin verði á bilinu fjörutíu
til fimmtíu talsins þegar upp er
staðið. Ætli megi ekki segja að
ég sé liðlega hálfnaður um þess-
ar mundir.“
Alþingismenn sýna áhuga
Bjarni hefur fengið færri
styrki til verksins en hann gerði
ráð fyrir miðað við áhuga yfir-
valda og fiskveiðifyrirtækja í
upphafi og fyrir vikið hefur verk-
inu miðað hægar en hann hefði
kosið. Listmálarinn hefur vita-
Morgunblaðið/Ásdís
BJARNI Jónsson listmálari er að vinna að seríu um
árabátatímabilið.
skuld þurft að grípa í önnur verk,
þó ekki væri nema til að hafa til
hnífs og skeiðar. „Nú virðast Al-
þingsmenn á hinn bóginn vera
famir að sýna verkinu áhuga og
vonandi tekst því að útvega fjár-
magn til að halda því áfram."
Að sögn Bjarna er stefnt að
því að serían verði hýst I Sjó-
minjasafni íslands, þegar það
verður sett á laggirnar, það er
að segja þær myndir sem ekki
eru í einkaeign, en þær eru þón-
okkrar. Þannig hefur þó verið
búið um hnútana að safnið mun
hafa aðgang að þeim myndum.
Sýning Bjarna mun standa í
níu daga, eða til sunnudagsins
14. september. Mun hann verða
á vettvangi meðan á sýningunni
stendur, en rúmhelgu dagana
er ætlunin að gefa skólabörnum
á Höfn kost á að sækja sýning-
una og fræðast um áraskipa-
tímabilið. Hefur Bjarni jafnan
haft þennan hátt á þegar hann
sýnir þessi verk sin og segir
undirtektir hafa verið með
ágætum. „Fólk myndi ekki trúa
því að óreyndu hvað börnin eru
áhugasöm. Þau hreinlega
drekka þetta í sig — og kennar-
arnir líka.“
Bjarni mun setja upp sýningu
með svipuðu sniði á Akranesi
1. nóvember næstkomandi en að
auki lætur hann sig dreyma um
að setja upp sýningu á non-fíg-
úratífum verkum á næstunni —
svona til að sýna á sér aðra hlið.
Sýning íslenskra o g jak-
útskra myndlistarmanna
Morgunblaðið/RAX
LJÓSMYND frá Jakútíu.
MYNDLISTARSÝNINGAR sex
listamanna frá íslandi og Sakha-
Jakútíu verða opnaðar á morgun,
laugardag. Sýningarnar verða í
Ráðhúsi Reykjavíkur, í Nýlista-
safninu og í MÍR-salnum við
Vatnsstíg. Listamennimir sex eru
Nikolaj Pavlov og Yuri Spiridonov
frá Jakútíu, og Kjuregej Alex-
andra, Jón Magnússon, Ragnar
Axelsson og Ari Alexander Ergis
Magnússon frá íslandi. Sýningarn-
ar verða formlega opnðar í Ráð-
húsi Reykjavíkur kl. 15, en í MÍR-
salnum og Nýlistasafninu verður
opnað kl. 16. Júrí Resetov, sendi-
herra Rússlands, opnar sýningarn-
ar.
Nikolaj Pavlov er meðal fremstu
listamanna Jakútíu og málar
myndir í sérstökum raunsæisstíl.
Hann tekst gjarnan á við viðfangs-
efni sem tengjast lífí og sögu hei-
malands síns. Pavlov er fæddur
1941 og stundaði myndlistarnám
í Jakútíu og framhaldsnám í Len-
íngrad. Hann hefur haldið íjöl-
margar sýningar víða um Rússland
og gegnt trúnaðarstörfum fyrir
samtök myndlistarmanna í heima-
Iandi sínu.
Yuri Spiridonov er fæddur árið
1952 í Anabar, einu af norðlæg-
ustu héruðum Sakha-Jakútíu.
Hann er sonur hreindýrahirðis og
ólst upp á víðfeðmum freðmýrum
Norður-Síberíu, en áhrifín frá
landslaginu þar eru megininnblást-
ur verka hans. Yuri nam myndlist
í Leníngrad en fluttist síðan aftur
til Jakútíu þar sem hann starfar
nú að list sinni. Hann hefur sýnt
víða og oft unnið til verðlauna fyr-
ir myndir sínar, auk þess sem hann
hefur verið virkur í samtökum
listamanna.
Ragnar Axelsson er með þekkt-
ustu ljósmyndurum íslands og verk
hans eru flestum vel kunn. Ragnar
hefur lengi verið meðlimur í Isjaka,
menningar- og vináttufélagi Is-
lendinga og Jakúta, og árið 1993
fór hann ásamt fleirum úr félaginu
í þriggja vikna heimsókn til Jakúta
í boði þarlendra stjórnvalda. Á því
ferðalagi voru myndirnar teknar
sem hann sýnir nú.
Kjuregej Alexandra er fædd árið
1938 í Jakútíu. Hún stundaði
myndlistarnám í Moskvu og fluttist
til íslands árið 1966, en hér hefur
hún búið síðan. Kjuregej hefur
haldið fjölmargar myndlistarsýn-
ingar, auk þess sem hún hefur
unnið við leikhús og gert útihögg-
myndir sem prýða meðal annars
Laugardalinn í Reykjavík og Eyr-
arbakka.
Jón Magnússon og Ari Alexand-
er Ergis Magnússon eru synir Kju-
regej Alexöndru og lærðu báðir
myndlist í París. Jón hefur unnið
við hönnun og myndskreytingar
og hafa verk hans birst víða í tíma-
ritum og blöðum. Ari hefur haldið
myndlistarsýningar hér á íslandi,
á Mokka og í Listasafni Akur-
eyrar, auk þess sem hann hefur
sýnt í París, Jakútíu og nú síðast
í sumar í Argentínu. Þá hefur Ari
unnið þrjár heimildarmyndir um
Sakha-Jakútíu sem sýndar hafa
verið í sjónvarpi.
ísjaki, menningar- og vináttufé-
lag íslendinga og Jakúta, stendur
að sýningunum og nýtur til þess
stuðnings menntamálaráðuneytis,
Reykjavíkurborgar og sendiráðs
Rússlands á íslandi. Þá styrkir
Ráðhúskaffi opnun sýningarinnar.