Morgunblaðið - 10.09.1997, Blaðsíða 5

MORGUNBLAÐIÐ
MIÐVIKUDAGUR 10. SEPTEMBER 1997 5
FRÉTTIR
Mýrdals-
sandur fýk-
ur 150 km
á haf út
FAGRADAL - Mikill sandstormur
var á Mýrdalssandi allan síðastlið-
inn mánudag, af þeim sökum var
vegurinn yfir sandinn lokaður þar
til vindinn lægði á mánudagskvöld.
Einar Sveinbjörnsson hjá Veður-
stofu íslands segir orsökina vera
hvassa vestnorðvestanátt og mjög
þurrt loft ættað frá Grænlandi.
Hann sagði loftrakann á Norður-
hjáleigu í Álftaveri hafa verið 23%,
sem er óvenju þurrt loft.
Strókurinn kom fram á loft-
mynd úr 850 km hæð á mánudag
og Einar segir það óvenjulegt.
Myndin sýnir að strókurinn nær
a.m.k. 150 km á haf út. Þótt gos-
mökkurinn frá Grímsvatnasvæð-
inu hafi komið fram á gervihnatta-
myndum segir Einar að óvenjuleg
skilyrði hafi ráðið mikiu um að
sandstrókurinn náðist á gervi-
hnattamynd á mánudag; t.d.
óvenjutært loft sem geri linsunni
í myndavél gervihnattarins kleift
að greina smáatriði betur en áður,
algjör heiðríkja og svo óvenjumik-
ill sandstormur. Vindur var ekki
mikill en fínasta duftið hafi fokið.
Loftið var óvenjulega þurrt þegar
það barst yfir landið úr norðvestri
frá Grænlandsjökli.
Bændur á Suðurlandi hafa átt í
erfiðleikum með heyskap vegna
stöðugra óþurrka og áttu margir
því töluvert af lausu heyi á túnum
vegtia þess að það spáði þurrki sem
reyndar stóðst en rokið olli því að
heymagnið ódrýgðist töluvert því
að um Ieið og heyið þornaði fór
það að fjúka. Girðingar og skurðir
fylltust af heyi og bændur áttu í
mesta basli með að ná því sem eft-
ir var af heyi úr girðingum og
skurðum í gærmorgun.
LOFTMYND Veðurstofunnar tekin úr 850 kílómetra hæð
á mánudag.
Morgunblaðið/Jónas Erlendsson
HEY hefur fokið af túnum og safnast upp við girðingar
í Víkurlandi.
Magnafsláttur af mjólkur-
vörum í heildsölu
AFURÐASTÖÐVAR í mjólkuriðnaði
munu frá 1. október næstkomandi
taka upp afsláttarkerfi og veita við-
skiptavinum sínum stighækkandi
afslátt frá skráðu hámarksverði á
mjóikurafurðum og ættu því stór-
markaðir að geta boðið þessar vörur
á lægra verði en nú.
Að sögn Guðmundar Sigurðsson-
ar, forstöðumanns samkeppnissviðs
Samkeppnisstofnunar, nær afslátt-
urinn bæði til þeirra afurða sem
verðlagðar hafa verið af fimm-
mannanefnd og þeirra sem hafa
verið með fijálsri álagningu.
„Þetta ætti að geta leitt til þess
að þau fyrirtæki sem fá mesta af-
sláttinn ættu að geta boðið lægra
verð heldur en elia ef þeir vilja láta
neytendur njóta afsláttarins. Það á
því að vera hægt að koma við sam-
keppni í sölu á þessum afurðum,"
sagði Guðmundur.
Fimmmannanefnd samþykkti að
heimila afurðastöðvunum að veita
magnafslátt til að stuðla að hagræð-
ingu afurðastöðvanna, en jafnframt
hefur Samkeppnisráð ákveðið að
fella niður hámarksálagningu í smá-
sölu á þeim afurðum sem seldar
hafa verið með bundinni hámarks-
álagningu, þ.e. brauðosti, nýmjólk,
undanrennu, rjóma, skyri og smjöri.
Egilsstaðir og
Hérað líklegust
EGILSSTAÐIR var það nafn sem
hlaut flest stig í skoðanakönnun
um nafn á sameinuðu sveitarfélagi
sem fram fór samhliða kosningu
um sameiningu fimm sveitarfélaga
á Héraði síðastliðinn laugardag.
Þrettán nöfn voru í boði og gáfu
kjósendur þeim stig frá einu upp í
þrettán.
Egilsstaðir hlaut flest stig í Egils-
staðabæ, en það er fjölmennasta
sveitarfélagið á Héraði.
Nafnið Hérað fékk næstflest stig,
samanlagt í öllum sveitarfélögun-
um, en þar á eftir kom nafnið Aust-
urhérað. Sé litið á það hvaða nafn
var vinsælast í hveiju sveitarfélagi
fyrir sig var nafnið Austurhérað
vinsælast í Hjaltastaðahreppi og
það sama var upp á teningnum í
Eiðahreppi. í Egilsstaðabæ var
nafnið Egilsstaðir vinsælast, í
Vallahreppi var það nafnið Fljóts-
dalshérað og í Skriðdalshreppi var
Múlabyggð vinsælast.
Að sögn Þuríðar Bachman for-
seta bæjarstjórnar Egilsstaða er
skoðanakönnun þessi ekki bindandi
heldur einungis vísbending fyrir
fulltrúa sveitarstjórna, en ekki hef-
ur verið ákveðið með hvaða hætti
eða hvenær endanleg ákvörðun
verður tekin um nýtt nafn á samein-
uðu sveitarfélagi.
Jörðm Saltvík seld
fyrir 50 milljónir kr.
BORGARRAÐ samþykkti á fundi
sínum í gær að taka tilboði Geirs
Gunnars Geirssonar bónda á Vallá
á Kjalarnesi í jörðina Saltvík á Kjal-
arnesi ásamt öllum mannvirkjum,
gögnum og gæðum. Tilboðsflárhæð
er 50 milljónir króna og greiðast
10 milljónir króna á næstu sex
mánuðum en eftirstöðvarnar, 40
milljónir, með verðtryggðu skulda-
bréfi sem beri 6% fasta vexti og
endurgreiðist á næstu 15 árum.
í erindi Hjörleifs B. Kvaran borg-
arlögmanns til borgarráðs segir að
samkvæmt aðalskipulagi Kjalar-
ness sé landnotkun Saltvíkur land-
búnaðarsvæði og að ekki sé gert
ráð fyrir breytingum á því sam-
kvæmt drögum að aðalskipulagi,
sem unnið var sameiginlega af full-
trúum Reykjavíkurborgar og Kjal-
arness fyrr á þessu ári.
Þá segir í erindi Hjörleifs að
Saltvík sé nú leigð út til þriggja
aðila; Brautarholtsbænda, Hesta-
mannafélagsins Fáks og embættis
Lögreglustjórans í Reykjavík, en
með kaupum Geirs Gunnars á jörð-
inni mun hann yfirtaka þá leigu-
samninga út gildis- og uppsagnar-
tíma þeirra, en þeim verður nú sagt
upp af Reykjavíkurborg.
Kosið um sam-
einingu í Eyjafirði
ÍBÚAR þriggja sveitarfélaga í ut-
anverðum Eyjafirði, á Dalvík og í
Árskógs- og Svarfaðardalshreppi
kjósa um sameiningu þessara sveit-
arfélaga í kosningum laugardaginn
4. október næstkomandi. íbúar
þessara sveitarfélaga samþykktu
sameiningu í kosningu í byijun
sumars en Hríseyingar sem einnig
voru þá með felldu tillöguna.
í kosningunum í júní síðastliðn-
um var kjörsókn á Dalvík fremur
lítil eða rétt um 54% og var mjótt
á mununum, en 275 íbúar voru
fylgjandi sameiningu og 265 á
móti. Vonast er til að kjörsókn verði
betri nú í haust og er talið að áhugi
fyrir sameiningu hafi farið vaxandi
á Dalvík.
íbúar í Svarfaðardal voru hvað
áhugasamastir fyrir sameiningu,
þar var kjörsókn 73% og voru 92
fylgjandi en 31 andvígur. Tæp 58%
íbúa á kjörskrá í Árskógshreppi
kusu um sameiningu á liðnu vori
og sögðu 76 já en 43 nei.
Atkvæðagreiðsla utan kjörfund-
ar hófst á mánudag, 8. september
og lýkur henni á kjördag 4. októ-
ber. Hægt er að kjósa utan kjör-
fundar á skrifstofu sýslumanna og
umboðsmanna þeirra um land allt.
Hópur innan Kvennalistans hefur viðræður við Alþýðuflokk og Alþýðubandalag
Kanna til þrautar kosti
sameiginlegs framboðs
HÓPUR innan Kvennalistans
hyggst ganga til viðræðna við aðra
stjórnarandstöðuflokka um sameig-
inlegan málefnagrundvöll og hugs-
anlega samstarf um framboð til
Alþingis. Hópurinn hefur tilnefnt
þijá talsmenn og fer þess á leit við
Alþýðubandalag, Alþýðuflokk og
Þjóðvaka að taka þátt í samstarfs-
viðræðum með þeim.
Vinna markvisst að málinu
Samráðsfundur Kvennalistans,
sem haldinn var í lok ágúst, sam-
þykkti að konur innan samtakanna
gætu „tekið þátt í að vinna í ólíkum
hópum þar sem framboð til Alþing-
iskosninga væri m.a. .til umræðu".
í samþykkt fundarins kom jafn-
framt fram að þátttaka í slíkum
umræðum væri fyrir hönd hlutað-
eigandi hóps innan Kvennalistans
án þess að viðkomandi konur töluðu
fyrir samtökin í heild.
Guðný Guðbjörnsdóttir alþingis-
maður segir að í sumar hafi verið
starfandi hópur innan Kvennalist-
ans, sem hafi áhuga á samstarfi
við aðra flokka. Eftir samráðsfund-
inn hafi hann verið kallaður saman
á fund, meðal annars með auglýs-
ingum í útvarpi, og kom hópurinn
saman í húsnæði Kvennalistans síð-
astliðinn laugardag. Hópurinn kaus
sér þijár talskonur og eru þær, auk
Guðnýjar, þær Hulda Ólafsdóttir
varaborgarfulltrúi og Sjöfn Krist-
jánsdóttir læknir.
„Þessi hópur er nú búinn að fá
heimild samtakanna til að vinna
markvisst að þessu máli,“ segir
Guðný. „Bæði á síðasta landsfundi
Kvennalistans og á vorþingi sam-
takanna var ítrekað að við erum
framboðsafl, sem hefur meðal ann-
ars það markmið að fjölga konum
á Alþingi og í sveitarstjórnum, og
að við værum enn á þessari fram-
boðsleið. Vorþingið ítrekaði að við
myndum fara hvaða leiðir, sem við
teldum vænlegastar til framboðs í
næstu kosningum. Þessi hópur vill
kanna til þrautar hvort sameigin-
legt framboð með stjórnarand-
stöðuflokkunum geti skilað kven-
frelsishugmyndum okkar vel
áfram. Það er markmið okkar núna
að fara í viðræður við Alþýðu-
bandalagið, Alþýðuflokk og Þjóð-
vaka og ræða hvernig slíkt sam-
starf geti orðið.“
Guðný segir að starf hópsins sé
í raun svar við beiðni hinna stjórnar-
andstöðuflokkanna um að Kvenna-
listinn tæki þátt í að búa til sameig-
inlegan stefnuskrárgrundvöll til
næstu fjögurra ára. „Samráðsfund-
urinn snerist að nokkru leyti um
þessa spurningu og svarið er það
að hópur vill gera það, án þess að
skuldbinda samtökin í heild á þessu
stigi. Það er þó óhætt að segja að
það er engan veginn útilokað að
það verði niðurstaðan. Markmið
okkar, sem viljum láta reyna á
þessa leið, er að ná fram einhveiju
viðunandi fyrir Kvennalistann í
heild og markmiðið er að leggja það
fyrir landsfund samtakanna þegar
þar að kemur. Það er ekkert sem
segir að það verði næsti landsfund-
ur,“ segir Guðný.
Svipuð viðhorf
Talsmenn hópsins áttu fund með
fulltrúum Alþýðubandalags og Al-
þýðuflokks sl. mánudag. „Þó þetta
sé ekki Kvennalistinn í heild sinni,
þá hafa þær fulla heimild í sam-
ræmi við starfsreglur Kvennalistans
til að vinna að þessu,“ segir Mar-
grét Frímannsdóttir, formaður Al-
þýðubandalagsins.
„í samstarfsnefndinni er verið
að ganga frá niðurstöðum ráð-
stefnu sem haldin var í vor um
velferðarkerfið og vinna sameigin-
lega að málum sem stjórnarand-
staðan gæti hugsanlega staðið öll
að. Mér fannst viðhorf þessara
kvennalistakvenna vera mjög svip-
uð og hjá Alþýðubandalaginu um
að taka þann tíma sem við þurfum
til að ræða málefni og skoða á
endanum hvort möguleiki er á að
gera einhverskonar samstarfs-
samning milli þessara flokka. Ég
fagna því að þær taka áfram þátt
í vinnu þessarar nefndar," segir
hún.