Morgunblaðið - 10.09.1997, Blaðsíða 6

6 MIÐVIKUDAGUR 10. SEPTEMBER 1997
MORGUNBLAÐIÐ
FRÉTTIR
Sjávarútvegsráðherra um niðurstöður seiðatalningar Hafrannsóknastofnunar
Arangnr markvissrar fiskvemd-
arstefnu og hagstæðra skilyrða
ÞORSTEINN Pálsson sjávarútvegsráðherra seg-
ir að niðurstöður seiðatalningar Hafrannsókna-
stofnunar séu mjög ánægjuleg tíðindi, en ekki
hefur jafn mikið fundist af þorskseiðum og nú
frá árinu 1984 eða í tæpan hálfan annan ára-
tug. Einnig fannst mikið af seiðum annarra teg-
unda í leiðangrinum.
„Menn eru búnir að bíða lengi eftir því að fá
vísbendingu um sterkan árgang. Auðvitað er
þetta ekki fullkomin trygging því við eigum eft-
ir að sjá seiðin komast á legg, en þetta er mjög
góð vísbending og einmitt það sem sem við þurft-
um nú á að halda var að fá vísbendingu um
góða nýliðun. Hér fer saman held ég góður
árangur af markvissri fiskverndarstefnu og hag-
stæðum skilyrðum í sjónum," sagði Þorsteinn.
Hann sagði að þær aðgerðir sem gripið hefði
verið til á undanförnum árum til að byggja upp
þorskstofninn væru nú að skila árangri án alls
vafa, en hagstæð umhverfisskilyrði í hafínu
hefðu hjálpað tii. Þetta héldist allt í hendur og
gæfi mjög góðar vonir um að geta haldið áfram
þeirri uppbyggingu þorskstofnsins sem stefnt
hefði verið að.
Verðum að hafa úthald og þolinmæði
Aðspurður hvort það væri raunhæft að af-
rakstur stofnsins yrði sá sami og var á árum
áður sagði Þorsteinn það vera markmiðið. „En
menn verða að hafa úthald og þolinmæði að
stíga þau skref markvisst en gætilega. Ef okkur
auðnast að gera það er ég sannfærður um að
okkur mun takast það,“ sagði Þorsteinn.
Hann sagði að stefnt væri að því að kvótinn
gæti aukist hægt og sígandi á næstu árum.
Hins vegar hefði það getað sett strik í reikning-
inn ef nýir sterkir árgangar hefðu ekki komið
inn í veiðina. Þessi niðurstaða seiðatalningarinn-
ar styrkti mjög líkurnar á að þau markmið
næðust sem sett hefðu verið um að auka jafnt
og þétt aflaheimildimar þangað til við hefðum
náð fyrri stöðu.
Kanadísk hjón í langflugskeppni frá íslandi til Tyrklands
Morgunblaðið/Þorkell
HJÓNIN Dawn og Gordon Bartsch við flugvél sína í rigningunni á Reykjavíkurflugvelli í gær.
Flugvélar keppendanna allra eru til sýnis fyrir almenning og keppendur til viðtals í flugskýli 1 á
Reykjavíkurflugvelli í dag kl. 9.30-12.30.
Sjá heim-
inn frá
öðru sjón-
arhorni
„ÞAÐ er erfitt að útskýra hvað
það er sem heillar við flugið eft-
ir öll þessi ár í loftinu - ætli það
séu ekki allir þessir nýju staðir?
Með þessu móti sjáum við líka
heiminn frá sjónarhorni sem við
myndum annars aldrei kynnast
sem venjulegir flugfarþegar,"
segja hjónin Dawn og Gordon
Bartsch frá Calgary í Kanada,
sem eru meðal keppenda í alþjóð-
legri langflugskeppni fyrstu
heimsleikanna í flugi, sem haldn-
ir verða í borginni Efes í Tyrk-
landi dagana 11.-21. september.
Lagt verður upp í langflugið
frá Reykjavíkurflugvelli í fyrra-
málið og stefnan tekin á Tyrk-
land, þar sem ætlunin er að lenda
tólf dögum síðar, með viðkomu
í nokkrum borgum í Evrópu og
Mið-Austurlöndum.
Þetta er fjórða langflug-
skeppni Bartsch-hjónanna, en
þau tóku fyrst þátt í slíkri keppni
árið 1992. Þau hafa bæði all-
mikla flugreynslu að baki, fyrst
sem atvinnuflugmenn í norður-
héruðum Kanada og eftir að þau
sneru sér að öðrum störfum einn-
ig sem áhugamenn á ferð og flugi
um heiminn. Dawn lærði að
fljúga aðeins átján ára að aldri
og Gordon um tvítugt.
Erum að eyða arfi
barnanna okkar
Hann er nú 66 ára gamall og
hún 65 - en eins og hann bendir
á, þá skiptir árafjöldinn ekki öllu
máli. „Þú ert nákvæmlega jafn-
gamall og þér finnst þú vera,“
segir hann. „Við erum ung í
anda,“ segir hún. Saman eigaþau
þijú börn ogþijú barnabörn.
Ekkert barnanna flýgur en dótt-
ir þeirra vinnur þó hjá flugfélagi.
I fyrsta sinn sem Dawn og
Gordon kepptu í langflugi höfðu
börnin áhyggjur en þær eru nú
horfnar eins og dögg fyrir sólu.
Enda minna þau bæði á að í raun
sé flugið ekki svo hættulegt, þ.e.
svo fremi sem flugmennirnir eru
vel undirbúnir og þjálfaðir og vél-
arnar í lagi. Til stendur að bjóða
barnabörnunum með í flugferð
næsta sumar - hver veit nema
þau fái bakteríuna?
Aðspurð um hvort flugið sé dýrt
áhugamál hlæja þau bæði og Dawn
segir: „Við erum auðvitað að eyða
arfi bamanna okkar. En þau segja
okkur að gera það bara!“
Starfsmenn Evrópuráðsþingsins gera tilraun hérlendis í dag
í DAG verður athugað hvort mögu-
legt er fyrir þingmenn hér á landi
að taka þátt í nefndarstörfum Evr-
ópuráðsþingsins í Strassborg með
aðstoð myndfundatækni. Tilraunin
fer fram að frumkvæði Tómasar
Inga Olrich, alþingismanns, sem á
sæti á Evrópuráðsþinginu ásamt
fleiri alþingismönnum, en þetta mun
vera í fyrsta skipti sem þetta er reynt
hjá Evrópuráðsþinginu. Ef tilraunin
tekst vel má vænta þess að íslend-
ingar og aðrar þjóðir sem sæti eiga
á Evrópuráðsþinginu geti tekið þátt
í nefndarstörfum með þessum hætti
þegar ekki er aðstaða til að sækja
nefndarfundina.
Tilraunin fer fram í húsnæði Pósts
og síma og það eru starfsmenn Evr-
ópuráðsþingsins sem ætla að athuga
hvort mögulegt er að tengja menn
á fjarlægum stöðum við nefndar-
fundi þingsins. Tómas Ingi sagði að
búinn væri til sýndarfundur til þess
að láta reyna á ýmis tæknileg at-
riði. Bæði væru menn að velta fyrir
sér tæknilegum lausnum og einnig
þeim áhrifum sem þetta gæti haft á
fundarsköp.
Það væri ekki gert ráð fyrir því
í fundarsköpum þingsins að menn
geti komið inn í starf nefndanna án
þess að vera á staðnum, Auk þess
væri nefndarmönnum heimilt að tjá
sig á mörgum tungumálum á nefnd-
arfundum og það skapaði sérstök
Myndfundatækni
til að taka þátt í
nefndarstörfum
vandamál í tengslum
við myndfundi.
Tungumál valið
fyrirfram
Tómas Ingi sagði að
þannig yrðu væntan-
lega þeir sem sæktu
nefndarfundina fyrir
tilverknað tækninnar
að vera búnir að velja
fyrirfram það tungumál
sem þeir hygðust nota.
Þeir yrðu tengdir inn á
nefndarfundinn meðan
fundarmenn töluðu það
tungumál, en yrðu síð-
an tengdir sjálfkrafa
inn á þýðingarþjónustu
þegar einhver nefndarmanna skipti
yfir á annað tungumál. Þá væri lík-
legt að þeir sem sætu fundina með
tilverknaði tækninnar gætu ekki tek-
ið þátt í leynilegum atkvæðagreiðsl-
um, þó atkvæðagreiðsl-
ur með handaupprétt-
ingum ættu ekki að
vera vandamál.
Tómas Ingi sagði að
ástæðan fyrir því að
hann hefði haft frum-
kvæði að því að þetta
yrði reynt væri sú að
við hefðum ekki getað
setið alla fundi nefnda
Evrópuráðsþingsins.
Vanaiega sætum við
ekki nema um helming
nefndarfunda á ári.
„Það er mjög baga-
legt fyrir okkur í viss-
um tilvikum þegar fjall-
að er um málefni sem
snerta mikið íslenska hagsmuni að
geta ekki biandað sér í málin á
meðan þau eru á umræðustigi. Það
er oft mjög erfítt að hrófla við mál-
um eftir að þau eru komin í fastan
Tómas Ingi
Olrich
farveg og af umræðustigi. Af þess-
um sökum hef ég talið það óviðun-
andi að við gætum ekki með ein-
hveijum hætti haft áhrif á svona
fundum og þess vegna vakti ég at-
hygli forseta þingsins á því hvort
ekki mætti koma til móts við þær
þjóðir sem byggju við þessar aðstæð-
ur, að geta ekki sótt fundina og
opna möguleika á myndfundum,"
sagði Tómas Ingi ennfremur.
Hann sagði að hann hefði hins
vegar tekið skýrt fram, að það væri
ekki ætlast til þess að þetta kæmi í
staðinn fyrir fundina heldur væri um
undantekningarúrræði að ræða. Hins
vegar gæti það gert okkur mögulegt
að sækja fundi með tiltölulega litlum
kostnaði í stað þess að þurfa að fara
á fund í Frakklandi, sem tæki ef til
vill ekki nema 3-4 klst, en kostaði 3
daga vinnutap og 200 þúsund kr.
Mikið hagsmunamál
„Þetta er okkur mikið hagsmuna-
mál. Það er rétt að hafa í huga að
þingmaður frá Frakklandi sem mæt-
ir á slíkan fund eyðir kannski í fund-
inn 4-5 klukkustundum og 50 frönk-
um í leigubíl. Fyrir okkur aftur á
móti er þetta bæði mjög kostnaðar-
samt og tímafrekt og það sama gild-
ir að sjálfsögðu um þessar nýju lýð-
ræðisþjóðir í Austur-Evrópu sem
eiga um langan veg að sækja fundi,“
sagði Tómas Ingi að lokum.
Sálumessa
fyrir móður
Teresu
KAÞÓLSKI
biskupinn,
Jóhannes
Gijsen, les
sálumessu í
Kristskirkju,
Landakoti,
fyrir móður
Teresu frá
Kalkútta,
sem lést sl. föstudag.
í tilkynningu frá kaþólsku
biskupsstofunni segir, að allir
séu velkomnir að taka þátt í
athöfninni, sem hefst kl. 18.
Utvarpsráð
Ráðning’u
fréttastjóra
frestað
ÚTVARPSRÁÐ frestaði á fundi
sínum í gærmorgun að fjalla
um ráðningu fréttastjóra sjón-
varps, að ósk formanns út-
varpsráðs, sem ekki gat setið
fundinn.
Að sögn Gunnlaugs Sævars
Gunnlaugssonar, formanns út-
varpsráðs, gat hann ekki setið
fundinn vegna anna í starfi sínu
sem framkvæmdastjóri Faxa-
mjöls. Hann sagði að samkomu-
lag væri um það innan útvarps-
ráðs að taka tillit til aðstæðna
hjá ráðsmönnum þegar sérstak-
lega stæði á, og hefði hann
óskað eftir að umfjöllun um
ráðningu fréttastjóra sjónvarps
yrði frestað.
Sagði hann að málið yrði
tekið fyrir á næsta reglulega
fundi útvarpsráðs í næstu viku.
Nefnd um
sameiningu
veitustofnana
BORGARRÁÐ skipaði á fundi
I gær Ingibjörgu Sólrúnu Gísla-
dóttur borgarstjóra, Árna Sig-
fússon borgarfulltrúa Sjálf-
stæðisflokks og Alfreð Þor-
steinsson borgarfulltrúa R-lista
í nefnd sem hafa á yfirumsjón
með úttekt á kostum þess og
göllum að sameina Hitaveitu
Reykjavíkur og Rafmagnsveitu
Reykjavíkur. Var það í sam-
ræmi við ákvörðun borgarráðs
frá 26. ágúst sl., um að gera
skuli úttekt á hagkvæmni þess
að sameina veitufyrirtækin tvö,
en kanna jafnhliða kosti þess
og galla að sameina þau Vatns-
veitu Reykjavikur.
Stjórn veitustofnana hefur
lýst yfir stuðningi við þetta
verkefni og samþykkti borgar-
ráð í gær tillögu hennar um að
fyrrnefndri úttekt skuli hraðað,
' þannig að niðurstöður hennar
liggi fyrir um næstu áramót.
Afnám fast-
eignaskatta
verði kannað
Á RÁÐSTEFNU fulltrúa Al-
þýðubandalagsins í sveitar-
stjómum landsins var sam-
þykkt að skoða hugmyndir um
að fella niður fasteignaskatt í
áföngum en tryggja sveitarfé-
lögum hlut í innheimtu virðis-
aukaskatts, segir í fréttatil-
kynningu.
Þar segir einnig: „Kristinn
H. Gunnarsson, þingmaður Al-
þýðubandalagsins, var fyrsti
flutningsmaður fmmvarps um
þetta mál á síðasta þingi. Með
því að tryggja sveitarfélögum
hlutdeild í virðisaukaskatti
tengjast tekjustofnar sveitarfé-
lagsins á nýjan leik hagvexti á
hverjum tíma.“