Morgunblaðið - 08.11.1997, Síða 16

16 LAUGARDAGUR 8. NÓVEMBER 1997
MORGUNBLAÐIÐ
AKUREYRI
Tónleikar í Safnaðarheimili Akureyrarkirkju um helgina
Björg og
Michael
syngja
saman
BJÖRG Þórhallsdóttir sópran og
Michael Jón Clarke baríton koma
fram á tvennum tónleikum í Safn-
aðarheimili Akureyrarkirkju um
helgina, á laugardag kl. 17 og
sunnudagskvöld kl. 20.30. Ric-
hard J. Simm leikur á píanó.
Tónlistarfélag Akureyrar efnir
til tónleikanna en tilefni þeirra
er að heiðra aldarminningu eins
af stofnendum félagsins, Stefáns
Agústs Kristjánssonar sem
kenndur var við Glæsibæ. Flutt
verða lög hans í fyrri hluta tón-
leikanna sem og einnig eftir
Franz Schubert en þess er minnst
að 200 ár eru á árinu frá fæðingu
hans. Eftir hlé syngja þau Björg
og Michael aríur og óperudúetta.
Fyrr á árinu kom út geisladisk-
ur með sönglögum Stefáns Ágústs
sem fjölskylda hans gaf út. Hann
tók virkan þátt í tónlistarlífi á
Akureyri, auk þess að vera einn
af stofnendum tónlistarfélagsins
sem hann gegndi formennsku í
um aldarfjórðung, tók hann þátt
í stofnun Karlakórsins Geysis og
söng með kórnum.
Nota tímann og taka upp
Björg Þórhallsdóttir stundar
nú nám við Royal Northern Col-
lege of Music í Manchester í Eng-
landi en hún lýkur námi næsta
vor. Hún kom heim til að taka
þátt í þessum tónleikum. Michael
Jón Clarke kennir við Tónlistar-
skólann á Akureyri og tekur mik-
inn þátt í tónlistarlífi á Akureyri,
stjórnar m.a. nokkrum kórum.
Auk æfinga vegna tónleikanna
hafa þau Björg og Michael notað
tímann vel og tekið upp nokkur
lög sem koma út á geisladiski
fyrir jólin. Á diskinum verða eink-
um Ijúf norðlensk og íslensk lög,
mest dúettar.
Fetar í fótspor læriföðurins
Þau Björg og Micael þekkjast
frá fornu fari en hafa ekki komið
Morgunblaðið/Kristján
BJÖRG Þórhallsdóttir og Michael Jón Clarke syngja í fyrsta
skipti saman á tónleikum sem haldnir verða í Safnaðarheimili
Akureyrarkirkju á laugardag og sunnudag og leikur Richard
J. Simm á píanó.
fram saman opjnberlega á tón-
leikum áður. „Ég lærði hjá Mich-
ael í fimm ár í Tónlistarskólan-
um,“ segir Björg. „Við tókum oft
nokkrar aríur þar, en höfum ekki
sungið saman áður, það verður
mjög gaman." Michael stundaði á
sínum tíma nám við skólann í
Manchester þannig að Björg fetar
nú í fótspor læriföður síns. Áður
en hann hóf nám við skólann var
hans aðalstarf að kenna á fiðlu.
„Mig langaði að breyta til, sjá
hvað ég gæti og er mjög ánægður
með að hafa stigið þetta skref,“
segir Michael. Björg er hjúkrun-
arfræðingur að mennt og starfaði
við fagið áður en hún sneri sér
alfarið að söngnum. „Það þarf
mikinn kjark til að snúa baki við
öllu því sem maður hefur áður
gert og byijað á einhveiju nýju,
það er mikil áhætta," segir Micha-
el en hann hvatti Björgy eindreg-
ið til að helga sig söngnum. „Ég
efaðist aldrei um að hún hefði
hæfileikann, hún hefur það í sér
sem þarf til að ná langt.“
Reynslan dýrmæt
Bæði telja þau Björg og Mich-
ael að fyrri reynsla hafi nýst þeim
vel í söngnáminu og telja gott að
hafa „hjúkkuna og fiðluna" í
rassvasanum í framtíðinni. „Það
er dýrmætt að búa að einhverri
lífsreynslu þegar byijað er á
söngnámi, söngvarar þurfa að
túlka allar heimsins tilfinningar
og miðla til áhorfenda þannig að
það er gott veganesti að hafa
kynnst lífinu," segir Michael.
Meirihlutinn
óttast ekki
Akureyrarlista
FULLTRÚAR Framsóknar- og
Sjálfstæðisflokks í bæjarstjórn Ak-
ureyrar segjast taka framboð Akur-
eyrarlistans, sem Alþýðubandalag,
Alþýðuflokkur og Kvennalisti með
stuðningi Grósku standa að, alvar-
lega en óttast það ekki.
Þórarinn E. Sveinsson, forseti
bæjarstjórnar Akureyrar, sagði að
tilkoma Akureyrarlistans hefði ekki
verið rædd formlega innan Fram-
sóknarflokksins enn eða viðbrögð
við honum. „Við lítum á þennan lista
sem hvern annan andstæðing í póli-
tík og tökum honum sem slíkum,
af fullri alvöru,“ sagði Þórarinn.
Framsóknarflokkur á fimm fulltrúa
í bæjarstjórn Akureyrar og er í
meirihluta með fulltrúa Alþýðu-
flokks. Þórarinn sagði að menn
stefndu að sjálfsögðu að því að halda
sínum mönnum inni. „Við teljum
okkur vera að vinna gott verk í
bæjarstjórn, enn eigum við eftir að
ljúka nokkrum verkefnum og biðjum
um stuðning bæjarbúa til að halda
áfram með þau,“ sagði Þórarinn.
„Við tökum Akureyrarlistanum
af fullri alvöru, en óttumst hann
ekki, ekki frekar en önnur framboð.
Mér sýnst mannkynssagan ekki
segja manni að þessum öflum hafi
tekist að vinna svo óskaplega vel
sarnan."
Þórarinn B. Jónsson, bæjarfulltrúi
Sjálfstæðisflokks, sagðist gleðjast
yfír því að þessir ólíku stjórnmála-
flokkar hefðu náð saman. „Ég er
ángæður með þessa sameiningu og
tel að hún verði vatn á myllu okkar
sjálfstæðismanna," sagði Þórarinn.
Þórarinn nefndi einnig að nú í seinni
tíð hefðu þessir flokkar, sem nú
ætluðu að bjóða fram sameiginlegan
lista, ekki unnið saman í bæjarstjórn
Akureyrar.
Matvæladag-
ur sjávarút-
vegsdeildar
MATVÆLADAGUR sjávarútvegs-
deildar Háskólans á Akureyri verður
haldin í dag, laugardaginn 8.
nóvember í Oddfellowhúsinu. Há-
skólinn átti 10 ára afmæli fyrr í
haust og af því tilefni hafa allar
deildir hans kynnt starfsemi sína
og er sjávarútvegsdeildin síðust í
röðinni.
Starfsemi deildarinnar verður
kynnt en sérstök áhersla verður lögð
á að kynna nýja braut innan deildar-
innar, matvælaframleiðslubraut.
Forsvarsmenn rannsóknarstofnana
atvinnuveganna ræða það sem efst
er á baugi í rannsóknum á sínu sviði.
I lokin verða pallborðsumræður
þar sem m.a. verður reynt að fara
í saumana á því hver þörf fyrir-
tækja í matvælaiðnaði er fyrir
menntað starfsfólk í þessari grein.
Fjöldi matvælafyrirtækja á Eyja-
fjarðarsvæðinu kynna vöru sína og
framleiðslu að loknum pallborðsum-
ræðum.
Sossa sýnir á Bóka-
safni Háskólans
SÝNING á olíuverkum
Sossu, Margrétar
Soffíu Bjömsdóttur
verður opnuð í Bóka-
safni Háskólans á Ak-
ureyri á morgunv laug-
ardaginn 8. nóvember
kl. 16.
Sossa er fædd í
Keflavík 1954, hún
stundaði nám við
Myndlista- og hand-
íðaskóla íslands, Skol-
en for Brugskunst í
Kaupmannahöfn og
School of the Muse-
um of Fine Art, Tufts
University í Boston í
Margrét Soffía
Björnsdóttir
Bandaríkjunum.
Sossa hefur aðal-
lega unnið með olíu á
striga en var áður nær
eingöngu í grafík. Hún
hefur haldið fjölda
sýninga hér heima og
í útlöndum, en þetta
er fyrsta einkasýning
hennar á Akureyri.
Sýningin er opin frá
kl. 8 til 18 alla virka
daga og á laugardög-
um frá 12 til 15, eða
á sama tíma og bóka-
safnið. Sýningin er öll-
um opin og aðgangur
er ókeypis.
Kjarnafæði óskar eftir styrk
KJARNAFÆÐI hf. hefur leitað
eftir aðstoð bæjaryfirvalda á Ak-
ureyri vegna mengunarvarna.
Breytingar verða gerðar á starf-
semi fyrirtækisins í þá veru að
allir framleiðsluþættir þess verða
fluttir til Svalbarðseyrar, en fyrir-
tækið áfram skráð á Akureyri og
þar verða sölustarfsemi og skrif-
stofuhald. Þessar ráðstafanir eru
m.a. gerðar vegna kvartana um
rykmengun frá fyrirtækinu við
Fjölnisgötu og kröfu heilbrigðis-
eftirlitsins um úrbætur.
Eyjamenn
fjölmennir
EYJAMENN voru fyrirferðar-
miklir á Akureyri i gær. Vegna
brælu á loðnumiðunum komu sex
nótaskip til bæjarins í fyrrakvöld
og fyrrinótt og eru fimm þeirra
frá Vestmannaeyjum. Skipin voru
öll með „slatta" og lönduðu i
Krossanesi rúmlega 1.400 tonnum.
Skipin voru með frá 60 tonnum
og upp í rúm 500 tonn.
Við Fiskihöfnina lágu Gígja
VE, Víkurberg GK, Kap VE, Guð-
mundur VE og Gullberg VE.
Morgunblaðið/Kristján
Erindi um
einhverfu
MÆÐGININ Judy og Sean
Barron frá Bandaríkjunum
flytja erindi um einhverfu á
Stássinu í dag, laugardag kl.
14. Sean er einhverfur, hann
ásamt móður sinni skrifaði
bókina „Hér leynist drengur"
þar sem einkennum einhverfu
og áralangri baráttu við hana
er lýst. Þráinn Karlsson les
valda kafla úr bókinni.
Messur
AKUREYRARKIRKJA: Sunnudaga-
skóli á dvalarheimilinu Hlíð kl. 11 á
morgun. Guðsþjónusta í kirkjunni kl.
14 á morgun, Lilja Sigurðardóttir
kennari prédikar. Fundur æskulýðs-
félagsins í kapaellu kl. 20. Biblíulest-
ur á mánudagskvöld kl. kl. 20.
Mömmumorgun í Safnaðarheimili á
miðvikudag frá 10 til 12, Guðný Berg-
vinsdóttir kynnir hjálpartæki til varn-
ar slysum á börnum á heimilum.
Fyrirbænaguðþsjónusta kl. 17.15 í
kirkjunni á fimmtudag.
GLERÁRKIRKJA: Kirkjuskólinn er í
dag, laugardag kl. 13. Góðir gestir
koma í heimsókn, foreldrar hvattir
til að koma með börnum sínum.
Guðsþjónusta kl 14 á morgun,
kristniboðsdaginn. Karl Jónas Gísla-
son kristniboði prédikar. Fundur
æskulýðsfélagsins kl. 20 á sunnu-
dag. Kyrrðar- og bænastund kl.
18.10 á þriðjudag í kirkjunni. Biblíu-
lestur kl. 20.30 sama dag. Ath.
breyttan tíma.
HRÍSEYJARKIRKJA: Guðþjónusta
verður í Stærri-Árskógskirkju á
sunnudag kl. 14. Fundur í æskulýðs-
félaginu verður í Árskógsskóla á
mánudag kl. 20. Sunnudagaskóli
verður í Hríseyjarkirkju kl. 11 á
sunnudag.
HVÍTASUNNUKIRKJAN: Sam-
koma kl. 14 á sunnudag, biblíuskóla-
nemar tala, krakkakirkja og barna-
pössun meðan á samkomu stendur.
Vitnisburðarsamkoma kl. 20.30 á
miðvikudagskvöld. Krakkaklúbbur kl.
17.15 á föstudag og samkoma í
umsjá ungs fólks kl. 20.30 sama
dag. Bænastundir, mánud.-, mið-
vikud,- og fimmtud.-morgna kl. 6-7
og þriðjudaga og fimmtudaga kl. 14.
Vonarlínan, 462-1210, símsvari með
orð úr biblíunni sem gefa huggun og
von.
KAÞÓLSKA KIRKJAN: Messa kl.
18 í dag, laugardag og kl. 11 á morg-
un, sunnudag. Herra Jóhannes Gijs-
en biskup syngur messu.
KFUM og K: Bænastund kl. 20 í
kvöld, kristniboössamkoma kl.
20.30. Sýndar myndirfrá kristniboðs-
starfinu í Eþíópiu, ræðumaður Karl
Jónas Gíslason kristniboði. Kaffisala
til styrktar kristniboði í félagsheimili
KFUM og K kl. 15 á sunnudag. Bæna-
stund kl. 20 og kristniboðssamkoma
kl. 20.30. Samskot tekin til kristni-
boðsins.
ÓLAFSFJARÐARKIRKJA: Sunnu-
dagaskólinn fer í heimsókn í sunnu-
dagaskóla Glerárkirkju í dag, laugar-
daginn 8. nóvember. Lagt verður af
stað frá safnaöarheimilinu kl. 11.30
og komið heim kl. 15. Samvera á
sunnudegi fellur niöur vegna heim-
sóknarinnar. Mömmumorgnar alla
miðvikudaga kl. 10 til 12.
SJÓNARHÆÐ: Sunnudagaskóli í
Lundarskóla kl. 13.30, allir krakkar
velkomnir, Ástjarnarfundur kl. 18 fyr-
ir krakka á aldrinum 6-12 ára á
Sjónarhæð við Hafnarstræti 63 og
unglingafundur kl. 20 á föstudag.