Morgunblaðið - 14.11.1997, Blaðsíða 4

4 FÖSTUDAGUR 14. NÓVEMBER 1997
MORGUNBLAÐIÐ
FRÉTTIR
55% kennara samþykktn
nýgerðan kjarasamning
Minnsti munur sem verið hefur í slíkri
atkvæðagreiðslu grunnskólakennara
EIRÍKUR Jónsson, Þórir Einarsson, ríkissáttasemjari, og Jón Krist-
jánsson, formaður Launanefndar sveitarfélaga, við undirskrift
kjarasamnings grunnskólakennara.
GRUNNSKÓLAKENNARAR
samþykktu nýgerðan kjarasamning
með 55% atkvæða, en 40% greiddu
atkvæði gegn samningnum. Þetta
er minnsti munur sem hefur verið í
atkvæðagreiðslu um kjarasamninga
grunnskólakennara þó að kjarabæt-
urnar sem felast í samningnum hafi
ekki oft verið meiri.
Hjá Kennarasambandinu greiddu
3.407 kennarai- atkvæði eða 93%
þeirra sem voni á kjörskrá. 1.875
sögðu já eða 55%, en 1.336 nei eða
39,2%. Auðir og ógildir seðlar voru
196 eða 5,8%. Hjá Hinu íslenska
kennarafélagi greiddu 125 atkvæði
eða 66,5% af þeim sem voru á kjör-
skrá. 68 sögðu já eða 54,4%, en 50
sögðu nei eða 40%. 5,6% skiluðu
auðu.
Eiríkur Jónsson, formaður Kenn-
arasambandsins, sagði að þessi úr-
slit væru í takt við það sem hann
hefði átt von á. „Þetta er sennilega
minnsti munur sem hefur verið í at-
kvæðagreiðslu um samning hjá okk-
ur. Það eru að vísu um 540 fleiri
sem segja já en nei. í þessu felast
margþætt skilaboð. Það er stór hóp-
ur sem er óánægður og það vissum
við. Við þurfum að huga að því til
framtíðar að taka enn betur til í
kjaramálum.“
Umdeildur samningur
Eiríkur sagði að samninganefnd-
in hefði gert sér grein fyrir því þeg-
ar samningurinn var undirritaður,
að hann yrði umdeildur. Ekki síst
þess vegna hefði nefndin talið að
það væri rétt að félagið sem heild
skæri úr um framhaldið.
Eiríkur sagði að þetta væri ekki í
fyrsta skiptið sem skiptar skoðanir
væru innan Kennarasambandsins
um samninga eða boðun verkfalls.
Hann sagðist vera sannfærður um
að KÍ hefði þann styrk til að bera til
að vinna úr þessari stöðu. Þetta
væri lýðræðislegt félag með mjög
virka félagsmenn sem sæist best á
þátttökunni í atkvæðagreiðslunni.
Hann sagði að það gengi ekki að
forystan treysti sér ekki til að taka
ákvörðun af ótta við að um hana
væri ekki einhugur.
„Það er ljóst að það er meirihlut-
inn sem ræður, en það er ekki þar
með sagt að það eigi ekki að taka
tillit til minnihlutans. Ég lít svo á að
40% þeirra sem taka þátt í atkvæða-
greiðslunni séu stór hópur og að
það verði að taka tillit til hans til
framtíðar," sagði Eiríkur.
Eiríkur sagðist ekki vita hvaða
ákvörðun kennarar sem sögðu upp
störfum í haust tækju. Hver og einn
einstaklingur yrði að taka þá
ákvörðun með sama hætti og það
var ákvörðun einstaklinganna að
segja upp. Þessir kennarar hefðu
sjálfsagt margir verið að bíða eftir
úrslitum í atkvæðagreiðslunni.
Friður um skólastarf
Ingibjörg Sólrún Gísladóttir
borgarstjóri sagðist vera mjög
ánægð með að kennarar skyldu
samþykkja samninginn. Með þessu
hefði verið tryggt að ekki yrði trufl-
un á skólastarfi á næstu þremur ár-
um. Hún sagði að þó að sumum
kennurum finnist þeir ekki fá mikið
í launaumslagið þá sé hér um að
ræða talsvert miklar launahækkan-
ir. Þar að auki komi kennarai- til
með að njóta góðs af þeim almennu
skattalækkunum sem samdist um í
almennu kjarasamningunum í vor.'
„Það er einnig verið að bæta alla
aðstöðu í skólum borgarinnar með
einsetningu og fleiri aðgerðum.
Vinnuaðstaða þeirra kemur því til
með að batna. Ég vona því að þetta
hjálpist allt að á næstu þremur ár-
um til að gera kennara sáttari við
sín kjör og sinn aðbúnað en þeir
hafa verið,“ sagði Ingibjörg Sólrún.
Vilhjálmur Þ. Vilhjálmsson, for-
maður Sambands íslenskra sveitar-
félaga, sagði að þessi niðurstaða
væri eins og hann hefði reiknað
með. Hann sagðist vera ánægður
með að samningurinn hefði verið
samþykktur og tekist hefði að forða
langvinnu og hörðu verkfalli, sem
hefði skollið á ef samningurinn hefði
verið felldur.
„Nú er mikilvægt að ná upp því
góða samstarfi og trausti sem ríkja
þarf í samskiptum milli kennara og
sveitarstjómarmanna. Það reyndi
auðvitað mikið á þetta traust í
kjaraviðræðunum, en ég er sann-
færður um að við getum bætt sam-
skiptin. Við þurfum einnig að halda
áfram að vinna að því að byggja upp
innra starf grunnskólans," sagði
Vilhjálmur.
Vilhjálmur sagðist vona að kenn-
arar, sem sögðu upp störfum í
haust, endurskoðuðu afstöðu sína
og héldu áfram störfum. Hann
sagðist vita að um þetta væm skipt-
ar skoðanir meðal þessa hóps kenn-
ara, en taldi að meirihlutinn væri þó
tilbúinn til að endurskoða afstöðu
sína.
• •
Okumaður
olíubfls
Ekki við
stjórn
er hann
steig
út úr bíl
HÆSTIRÉTTUR dæmdi í
gær að ökumaður olíubíls, sem
slasaðist þegar hann datt við
að stíga út úr bílnum, hefði
ekki slasast vegna vélknúins
ökutækis í notkun. Maðurinn
fær því ekki bætur frá trygg-
ingafélagi bílsins.
Vísað til fordæmis
Hæstaréttar
í málinu var vísað til for-
dæmis Hæstaréttar, um að
ökumannstrygging sé háð því
að ökumaður hafi orðið fyrir
slysinu við stjórnun ökutækis-
ins og að slysið verði rakið til
notkunar ökutækisins í skiln-
ingi umferðarlaga.
„Gagnáfrýjandi var að fara
út úr bifreiðinni án þess að sú
fór hans væri tengd nokkru því
sem varðaði stjórnun hennar,“
segir Hæstiréttur og sýknar
tryggingafélagið.
Var að sinna veiyu-
legu erindi
Einn dómara vildi dæma
manninum bætur með vísan til
þess, að hann „var að stíga út
úr stýrishúsi olíubifreiðarinnar
til að sinna venjulegu erindi
ökumanns á ferð hennar“ þeg-
ar hann féll og slasaðist.
' Mttl 'i
\Wv ]
—»jíii mm 1 i V z — i
MorgunblaðiS/Ásdis
ÞESSI Persi brá sér út úr búri sinu þegar Hlíðaskólakrakkar komu í heimsókn í Kattholt.
‘ Vestmannaeyjar, Siglufjörður,
t Vesturbyggð, ísafjörður,
° Sauðárkrókur & Egilsstaðir.
Bókanir: 570 8090
ISLANDSFLUG
gerir fleirum fært ad fljúga
Kátir krakk-
ar í Kattholti
NEMENDUR i sex ára bekk
Hlíðaskóla brugðu undir sig betri
fætinum í vikunni og heimsóttu
Kattholt, þar sem Kattavinafélag
íslands veitir óskilaköttum húsa-
skjól, auk þess sem það rekur
kattahótel.
Ekki var annað að sjá en að
bæði krakkar og kettir kynnu til-
breytingunni vel en Sigríður
Heiðberg í Kattholti, formaður
Kattavinafélagsins, segir það
einmitt mjög mikilvægt að börn
kynnist snemma dýrum og aðbún-
aði þeirra.
í Kattholti eru nú á áttunda
tug óskilakatta, sem er að sögn
Sigríðar óvenjumargt.
Lífeyrissjóðir tæknifræðinga og
arkitekta sameinast
Boðið upp á
séreign og
samtryggingu
Fjármálaráðuneytið hefur ekki tekið
afstðu til sameiningarinnar
BERGSTEINN Gunnarsson,
stjórnarformaður Lífeyrissjóðs
tæknifræðinga, segir að gera þurfi
lítilsháttar breytingar á samstarfs-
samningi sem sjóðurinn hefur gert
við Lífeyrissjóð arkitekta til að
samningurinn uppfylli ákvæði frum-
varps fjármálaráðherra um starf-
semi lífeyrissjóða. Breytingarnar
séu í þá átt að auka heldur sam-
tryggingarþáttinn.
Lífeyrissjóður tæknifræðinga er
séreignarsjóður, en Lífeyrissjóður
arkitekta er sameignarsjóður. Sjóð-
imir höfðu náð samningum um að
sameinast, en þó þannig að nýr sjóð-
ur yrði deildarskiptur, þ.e. bæði með
séreign og samtryggingu. Fjármála-
ráðuneytið hefur enn ekki tekið af-
stöðu til beiðni sjóðanna um að sam-
einast þar sem von var á nýju frum-
varpi um starfsemi lífeyrissjóða.
Ójjóst hve mikið fer
í samtryggingu
Frumvarpið er nú komið fram og
kveður það á um að allir lífeyris-
sjóðir verði að bjóða sjóðsfélögum
sínum upp á lágmarks trygginga-
vernd til æviloka.
Bergsteinn sagði að frumvarpið
kæmi ekki í veg fyrir að sjóðirnir
sameinuðust með þeim hætti sem
stefnt hefði verið að. Það yrði þó að
gera breytingar á þeirri reglugerð
sem sjóðirnir hefðu komið sér sam-
an um. Breytingin þýddi að val
sjóðsfélaga yrði nokkru minna en
gert var ráð fyrir og samtryggingin
yrði meiri.
Bergsteinn sagði ljóst að félagar í
Lífeyrissjóði tæknifræðinga, sem
eingöngu hafa greitt til séreignar,
yrðu framvegis að verja hluta af ið-
gjaldinu til sameignar. Sameignin
færi í að tryggja sjóðsfélögum lág-
marks elli-, örorku- og makalífeyr-
istryggingu. Bergsteinn sagði að
ekki hefði verið reiknað út hve stór
hluti iðgjaldsins kæmi til með að
fara til samtryggingar. Það gæti
verið nokkuð mismunandi milli
manna.
Bergsteinn sagðist persónulega
vera þeirrar skoðunar að lejrfa hefði
átt fólki að ráða meiru um hvað það
setti mikið í sameignarsjóð og hvað
mikið í séreignarsjóð. Sú niðurstaða
sem nú væri fengin væri þó mun
betri en það frumvarp sem fjár-
málaráðherra lagði fram á Alþingi í
vor.