Morgunblaðið - 16.11.1997, Blaðsíða 64
MORG UNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KA UPVANGSSTRÆTI1
SUNNUDAGUR 16. NÓVEMBER 1997
VERÐ í LAUSASÖLU 125 KR. MEÐ VSK
Morgunblaðið/Rax
Aform um
20.000 m2
myndver
UMSÓKN um 10-20 þúsund fer-
metra lóð undir myndver hefur
borist til Hafnarfjarðarbæjar og hef-
ur bæjarráðið sent hana til bæjar-
verkfræðings. Að baki umsókninni
stendur íslenska myndverið með
Björn Emilsson, dagskrárgerðar-
mann á Ríkissjónvarpinu, í forsvari.
Björn sagði að þetta hefði verið ár
í undirbúningi, en væri þó í raun rétt
komið af stað. Hann sagði að ís-
lenska myndverið væri vinnuheiti á
þessu verkefni. Á þessu stigi málsins
vildi hann ekki segja hverjir stæðu
að baki því.
„Ég hef áhuga á að vinna að dag-
skrá utan við sjónvarpsstöðvarnar í
samræmi við þá stefnu, sem þær
virðast fylgja, að færa dagskrárgerð
út fyrir stöðvarnar," sagði hann.
Ekki ákveðin lóð
Björn kvaðst ekki hafa ákveðna
lóð í huga, en hún þyrfti að vera
þannig að hægt væri að reisa mynd-
ver. Hann hefði einnig sótt um lóð í
Reykjavík og Garðabæ.
----------------
Tækni í þágu
ráðstefnu
um tækni
PÓSTUR og sími greip til tækni
sinnar til að leysa vanda ráðstefnu
sem haldin vai- undii- heitinu „Lands-
byggðin og tæknin" á Akureyri í
gær.
Á ráðstefnunni var m.a. fjallað um
stöðu verk- og tæknifræðinga á
landsbyggðinni og áttu nokkir fyrir-
lesarar frá Reykjavík að halda þar
erindi. Þá hugðist Halldór Blöndal
samgönguráðherra ávarpa ráð-
stefnugesti.
í gærmorgun var skollið á vitlaust
hríðarveður á Akureyri og komust
sunnanmenn hvergi. Þá var brugðið
á það ráð að leita til Pósts og síma,
sem kom á sjónvarpsfundi svo að
ráðherrar og fyrirlesarar gætu hald-
ið ávörp sín sunnan heiða og birst á
skja í ráðstefnusal.
Ármann Kr. Ólafsson, aðstoðar-
maður samgönguráðherra, sagðist
telja vel við hæfi að leysa vanda ráð-
stefnu um tækni með þessum hætti.
Ný björgunarskip Slysavarnafélagsins
liggja enn við bryggju
Kröfur um nýjan
ankerisbúnað
tefja skráningu
SEINT hefur gengið að fá íslensk
haffærisskírteini fyrir fjögur ný
björgunarskip Slysavarnafélagsins
sem komið hafa til landsins á síð-
ustu mánuðum, meðal annars
vegna krafna um nýjan ankeris-
búnað. Þór Magnússon, starfandi
' '*tieildarstjóri björgunardeildar
SVFI, segir að nú sjái fyrir endann
á málinu og fyrri tvö skipin fái von-
andi skírteini sín um næstu ára-
mót.
Fyrsta björgunarskipið af þess-
um fjórum er hollenskt og kom fyr-
ir nærri ári til Neskaupstaðar.
Næstu tvö skip voru keypt frá
Þýskalandi og var þeim siglt tO
Siglufjarðar og Isafjarðar snemma
á síðasta sumri og það fjórða,
einnig hollenskt, kom síðai- á sumr-
'■rTtnu og fór til Rifs.
Þýsku skipin, sem fóru á Siglu-
fjörð og ísafjörð, hafa ekki fengið
íslensk haffærisskírteini nema til
bráðabirgða, m.a. vegna þess að
ankeri þeirra þykja ekki nógu öfl-
ug. Islenskar reglur krefjast
tveggja um 100 kg ankera, sem
staðsetja skuli á dekki með 27
metra keðjum. Þór Magnússon
segir að alls vegi slíkur búnaður yf-
ir 400 kg og segir þann þunga geta
dregið úr þeim eiginleika skipanna
að geta rétt sig við. Því hafi orðið
að samkomulagi að hafa annað
ankerið á dekkinu en hitt í sér-
stakri geymslu aftur á sem grípa
mætti tíl. Verið er að smíða anker-
in og á að vera unnt að ljúka end-
anlegum frágangi skipanna á
næstu vikum.
Komu fiinmta
skipsins frestað
Varðandi hollensku skipin, sem
fóru á Rif og í Neskaupstað, hefur
staðið á frágangi á ýmsum pappír-
um í sambandi við íslenska skrán-
ingu. Komst hún loks í gegn fyrir
skipið í Neskaupstað, Hafbjörgu,
10. október síðastliðinn. Er búist
við að skráning fyrir skipið á Rifi
gangi í gegn á næstu dögum en
fyrst þegar hún er komin á hreint
er hægt að sækja um haffærisskír-
teini.
Vegna þessara tafa segir Þór
hafa verið ákveðið að fresta komu
fimmta skipsins til landsins, sem
átti að fara til Raufarhafnar í haust,
en það kemur frá Hollandi. Verður
því siglt til landsins í apríl-maí á
næsta ári og þá vonandi á íslensku
haffærisskírteini, að sögn Þórs.
Líflegt í
Þorláks-
höfn
MIKLAR framkvæmdir hafa
verið við höfnina í Þorlákshöfn
og ýmislegt stendur þar fyrir
dyrum. Ný hafskipabryggja var
formlega tekin í notkun í gær.
Hér eru sjómenn að taka inn net
á nýja viðlegukantinum. Hug-
myndir eru um frekari stækkun
hafnarinnar.
*
Orðabanki Islenskrar málstöðvar á alnetinu tekinn í notkun í gær
' Afram stefnt að notenda-
skílum Windows á íslensku
FYRSTI samningur menntamála-
ráðuneytisins við stofnun á sviði
menningarmála um árangursstjórn-
un var undirritaður í gær. Samning-
urinn er við Islenska málstöð og
miðar að því að styðja hana við
rekstur og uppbyggingu orðabanka
með því að greiða tímabundna
áskrift að bankanum fyrir mennta-
-4>tofnanir á framhalds- og háskóla-
stigi. Er gert ráð fyrir að greiðslur
menntamálaráðuneytisins verði 3,2
milljónir árið 1999 og 2,5 milljónir
árið 2000. Eftir árið 2000 er orða-
bankanum ætlað að standa undir
rekstrarkostnaði með áskriftar-
gjöldum eða öðrum sértekjum.
Bjöm Bjamason menntamálaráð-
herra skýrði frá samningnum á mál-
ræktarþingi íslenskrar málnefndar
í gær, þegar hann opnaði orðabank-
ann á alnetinu formlega. Meginhlut-
verk bankans er að safna saman
hvers kyns tækni- og fræðiheitum
lig veita yfirsýn yfir íslenskan orða-
forða í sérgreinum og nýyrði sem
em efst á baugi. „Gildi orðabankans
er ótvírætt fyrir alla, sem fjalla um
sérfræðileg efni á íslensku í ræðu
og riti,“ sagði menntamálaráðherra.
Glímt við Microsoft
Ráðherra rifjaði upp, að í stefnu
“Anenntamálaráðuneytisins um upp-
lýsingatækni væri að finna það
markmið, að notendaskil Windows-
stýrikerfisins verði á íslensku.
„Segja verður eins og er, að erfið-
lega hefur gengið að ná þessu
markmiði. Þar er glímt við fyrirtæki
auðugasta manns heims, Microsoft í
eigu Biil Gates,“ sagði Björn
Bjarnason.
Hann vísaði til svara Ríkiskaupa
við því erindi menntamálaráðuneyt-
isins, að í útboðsgögnum við tölvu-
kaup yrði sett fram sú krafa að not-
endaskil Windows-stýrikerfisins
yrðu íslenskuð. „Bent er á að á ís-
landi séu tveir seljendur Microsoft-
hugbúnaðar en Einar J. Skúlason
sé aðalumboðsmaður. Hafi fyrir-
tækið ítrekað beint þeim tilmælum
til Microsoft, að notendaskilin verði
íslenskuð. Svörin hafi verið á þann
veg, að það sé of dýrt miðað við
hinn fámenna íslenska markað.
Microsoft heimili umboðsmönnum
sínum ekki að þýða notendaskil á
eigin vegum eins og IBM og Apple
gera.“
Menntamálaráðherra sagði að
áfram yrði unnið að því að ná mark-
miði ráðuneytisins í þessu efni og
takist ekki að íslenska Windóws-
stýrikerfið verði annarra leiða leitað.
Jónas á alnetinu
Dagur íslenskrar tungu er í dag,
sunnudag, á fæðingardegi Jónasar
Morgunblaðið/Golli
BJORN Bjarnason menntamálaráöherra opnar oröabankann hjá
Magnúsi Gíslasyni.
Hallgrímssonar. Vefsíða með verk-
um Jónasar í enskri þýðingu Ric-
hards N. Ringlers, prófessors í nor-
rænum fræðum og enskum miðalda-
fræðum við Háskólann í Wisconsin,
verður opnuð við hátíðlega athöfn í
Þjóðarbókhlöðunni kl. 14 og opnar
Björn Bjarnason síðuna frá Akui’-
eyri.
Einnig verður samkoma á sal
Menntaskólans á Akureyri kl. 15
þar sem menntamálaráðherra af-
hendir Verðlaun Jónasar Hallgríms-
sonar.
Fíkniefni
á Akureyri
TILKYNNT var um ólöglegt
samkvæmi til lögreglunnar á
Akureyri snemma í gærmorg-
un og í framhaldi af því hafði
hún afskipti af fólki sem leiddi
til gruns um að það hefði fíkni-
efni í fórum sínum.
Við leit fannst eitthvað af
fíkniefnum og voru nokkrir
teknir til yfirheyrslu. Hjá
rannsóknadeild lögreglunnar á
Akureyri stóð rannsókn yfír í
gær.