Morgunblaðið - 06.12.1997, Síða 6

6 LAUGARDAGUR 6. DESEMBER 1997
MORGUNB LAÐIÐ
Stjórn ISR gerir
samþykkt um útboð
á ýsubitum
Óhlut-
drægni
yfírmanns
innkaupa
dregin í efa
STJÓRN Innkaupastofnunar
Reykjavíkurborgar hefur gert al-
varlegar athugasemdir við störf yf-
irmanns innkaupa hjá Sjúkrahúsi
Reykjavíkurborgar. Yfirmaðurinn
er jafnframt stjómarformaður í
fiskvinnsluhúsi sem átti lægsta til-
boð í útboði sjúkrahússins, Dagvist-
ar barna og Félagsmálastofnunar, á
kaupum á lausfrystum ýsubitum.
I samþykkt stjómar Innkaupa-
stofnunar segir „að það teljist bæði
óviðunandi og ótilhlýðilegt að yfir-
maður innkaupa Sjúkrahúss
Reykjavíkur sé jafnframt stjórnar-
formaður í fyrirtæki sem tekur þátt
í útboði sem tengist sjúkrahúsinu
beint svo og öðram borgarstofnun-
um hvað varðar forsendur útboðs-
gagna.
Ljóst er að afar óheppilegt er fyr-
ir orðstír og álit Reykjavíkxu-borgar
að einhver vafi geti leikið á hæfi og
óhlutdrægni starfsmanna hennar í
innkaupa- og útboðsmálum, enda
era skýr ákvæði um slík tilvik í
samþykktum ISR. Því miður virðist
forstöðumaður rekstrar- og tæknis-
viðs SHR ekki vera fyllilega ljós al-
vara málsins sbr. bréf hans til ISR
dags. 7. og 13. þ.m.“
Bar ábyrgð á útboðsgögnum
og sendi inn tilboð
Sigfús Jónsson, forstjóri ISR,
sagðist líta þetta mál alvarlegum
augum. Þessi umræddi starfsmaður
hefði borið ábyrgð á gerð útboðs-
gagna. Fyrirtæki, sem hann tengd-
ist, hefði jafnframt sent inn tilboð
og af þeim sökum hlyti að vakna
spumingar um óhlutdrægni hans.
Jóhannes Pálmason, forstjóri
Sjúkrahúss Reykjavíkur, sagði að
fiskvinnslufyrirtækið hefði dregið
tilboð sitt til baka. Að öðra leyti
væri hann með málið til skoðunar.
Það yrði afgreitt formlega á næstu
dögum eftir að hann hefði rætt við
starfsmanninn.
Fyrirtækið sem átti lægsta til-
boðið bauð ýsubitana til sölu fyrir
18 milljónir, en næstlægsta tilboð
nam 21 milljón. Tilboðið náði til inn-
kaupa í eitt ár með möguleika á
endumýjanlegum samningi til árs-
ins 2000. Sigfús sagði óvíst hvort
nokkra tiíboði yrði tekið. Þau hefðu
verið hærri en vonast hefði verið
eftir og nálægt því verði sem
Reykjavíkurborg væri að kaupa
ýsuflök á í dag.
OPIÐ í DAG TIL KL.
___________________FRÉTTIR____________________________________
Gert ráð fyrir að stækka Leifsstöð í þremur áföngum fram til 2010 £
18:00
HOLTAGARÐAR
Ljósmynd: Mats Vibe Lund, tölvugrafík: Teiknistofa GH
ÞANNIG á flugstöð Leifs Eirikssonar að líta út árið 2010. Fyrir miðju er fyrsti áfanginn, ný Suðurbygging með fjórum flugvélastæðum. í öðrum
áfanga bætist við landgöngurani til vesturs (til vinstri á myndinni) og sex flugvélastæði. Jafnframt verður byrjað að byggja við núverandi flugstöð
til norðurs. I þriðja áfanga bætist við annar landgöngurani til austurs (til hægri) ásamt sex nýjum flugvélastæðum.
22 flugvélastæði og- 2,3
milljónum farþega annað
RÍKISSTJÓRNIN samþykkti í gær
tillögu Halldórs Asgrímssonar utan-
ríkisráðherra um að ráðast í íyrsta
áfanga stækkunar Flugstöðvar
Leifs Eirikssonar og taka nauðsyn-
leg lán vegna þeirra framkvæmda.
Aætlað er að kostnaður við fyrsta
áfangann sé um 1.100 milljónir
króna.
Samkvæmt greinargerð Fram-
kvæmdasýslu ríkisins um stækkun
flugstöðvarinnar á næstu tólf áram
verður stöðin stækkuð í þremur
áföngum. í lok tímabilsins, árið
2010, mun Leifsstöð bjóða upp á 22
flugvélastæði tengd landgöngubrúm
og getur stöðin þá annað um 2,3
milljónum farþega á ári. Sem stend-
ur era átta flugvélastæði við Leifs-
stöð, þar af sex tengd landgöngu-
brúm. Núverandi flugstöð er hönnuð
til að anna u.þ.b. einni milljón far-
þega á ári.
Spáð 6-9% fjölgun
farþega á ári
Halldór Asgrímsson utanríkisráð-
herra sagði í samtali við Morgunblað-
ið að ákveðið hefði verið í fyrra að
stækka flugstöðina til að anna vax-
andi umferð. Því hefði síðan verið
frestað til þess að draga úr opinber-
um fjárfestingum og þenslu. Nú væri
hins vegar engin leið að bíða lengur.
í greinargerð Framkvæmdasýsl-
unnar er annars vegar vitnað til al-
þjóðlegrar spár um að flugumferð í
Evrópu og Bandaríkjunum muni
aukast um 5,5% til 6% á ári. Hins
vegar er vísað til áætlana íslenzkra
flugrekstraraðila á Keflavíkurflug-
velli, sem geri ráð fyrir 9% aukn-
ingu umferðar á ári hverju næstu
tíu árin. Spá Framkvæmdasýslunn:
ar er nær hinni alþjóðlegu spá. I
henni er gert ráð fyrir að árið 2000
verði fjöldi farþega, sem fer um
Leifsstöð, orðinn 1,4 milljónir en í
fyrra fór rúmlega milljón farþega
um stöðina. Framkvæmdasýslan
gerir ráð fyrir að árið 2007 fari tvær
milljónir um völlinn, helmingi fleiri
en árið 1996. Stofnunin spáir því
sömuleiðis að þörf fyrir flugvéla-
stæði muni vaxa um eitt á ári þang-
að til fyrsti áfangi stækkunar verði
tekinn í notkun.
Utanríkisráðherra bendir á að
þetta sé fremur varfærin spá. „Ef
þær spár flugrekstraraðila ganga
eftir verður þörfin enn meiri. Ef það
gerist verður að bregðast við með
þeim hætti að fara fyrr í annan og
þriðja áfanga en gert er í núverandi
áætlun. Það er kosturinn við þessi
stækkunaráform, að þau era sveigj-
anleg en það er alveg ljóst að ekki
verður komizt hjá því að ráðast í
fyrsta áfangann," segir Halldór.
Suðurbygging og fjögur ný
stæði í fyrsta áfanga
I greinargerð framkvæmdasýsl-
unnar er miðað við að í fyrsta áfanga
verði bætt við fjóram flugvélastæð-
um tengdum landgöngubrúm, ásamt
landgangi og 3.900 fermetra bygg-
ingu við suðurenda núverandi land-
gangs, svokallaðri Suðurbyggingu.
Að lokinni þeirri viðbót myndi nú-
verandi flugstöð verða kölluð Norð-
urbygging.
Gert er ráð fyrir að Alþingi gefi
samþykki sitt í kringum áramótin og
að undirbúningur þessa áfanga hefj-
ist í byrjun næsta árs. Nýju flug-
vélastæðin verði tekin í notkun 1.
apríl 1999 og framkvæmdum ljúki
um áramótin 1999-2000 með því að
Suðurbyggingin verði tekin í notk-
un. Byggingarkostnaður þessa
fyrsta áfanga er áætlaður um 1.100
milljónir króna. Gert er ráð fyrir að
í honum felist nauðsynlegar breyt-
ingar vegna áformaðrar aðildar ís-
lands að Schengen-vegabréfasam-
starfinu. Halldór Ásgrímsson segir
að fari einhverra hluta vegna svo að
ekki verði af henni, muni kostnaður-
inn lækka um 250-300 milljónir
króna.
Lengri landgangur og stækkun
Norðurbyggingar í 2.áfanga
í greinargerðinni kemur fram að
arðsemisútreikningar sýni að tekjur
vegna viðbótarfarþega árin
2000-2005 muni styrkja rekstrar-
grundvöll flugstöðvarinnar og auð-
velda endurgreiðslu á þeim lánum
sem tekin vora vegna fyrri fram-
kvæmda.
Gert er ráð fyrir að í öðram
áfanga verði landgangur flugstöðv-
arinnar lengdur til vesturs og sex
flugvélastæði með landgöngubrúm
bætist við. Samhliða því verði ráðizt
í stækkun á jarðhæð Norðurbygg-
ingar, þ.e. núverandi flugstöðvar, til
norðurs eins og gert var ráð fyrir í
upphaflegri hönnun hennar. í grein-
argerð framkvæmdasýslunnar kem-
ur fram að þrátt fyrir fjölgun innrit-
unarborða í ár verði þau orðin of fá á
miðju ári 2000 og innritunarsalurinn
of lítill árið 2001. Þótt komuverzlun
Fríhafnarinnar verði færð upp á 2.
hæð og þriðja farangursfæribandinu
bætt við muni þrjú færibönd ekki
anna nema í mesta lagi 12 flugvéla-
stæðum. Arið 2005 sé því ekki annar
kostur en að stækka 1. hæð Norður-
byggingarinnar til norðurs.
Jafnframt verður nýja Suður-
byggingin stækkuð lítillega í öðram
áfanga og rúllubönd fyrir farþega
sett í landganga. Þá felst í þessum
áfanga umtalsverð jarðvinna við
flughlöð. Flugvélastæðin verða þá
alls orðin 17, þar af eitt án land-
göngubrúar.
Byggingarkostnaður annars
áfanga er áætlaður 1.700 milljónir
króna. Miðað er við að framkvæmdir
hefjist 2003 og ljúki 2005. Gert er
ráð fyrir að 1,8 milljónir farþega fari
um flugstöðina árið 2005.
Flugvélastæði orðin
22 með þriðja áfanga
í þriðja áfanga verður landgang-
urinn lengdur til austurs og sex
flugvélastæði með landgöngubrúm
bætast við. Þá verður Suðurbygg-
ingin stækkuð og lokið við viðbygg-
ingu á fyrstu hæð Norðurbyggingar.
Flugvélastæði verði þá orðin alls 22,
öll tengd landgöngubrúm.
Ekki hefur verið unnin kostnaðar-
áætlun fyrir þriðja áfangann, en
lauslegt kostnaðarmat bendir til að
hann verði álíka dýr og annar
áfangi. Miðað er við að þriðji áfang-
inn verði tekinn í notkun árið 2010
og að það ár verði farþegamir 2,3
milljónir.
í kostnaðaráætlunum fyrir alla
áfangana er gert ráð fyrir að ekki
verði gerð steypt flugvélastæði með
snjóbræðslukerfi eins og nú er við
Leifsstöð, heldur að núverandi mal-
bik verði notað og eldsneytiskerfi
framlengt til að þjónusta ný stæði.
Andlát
ÁSTHILDUR
PÉTURSDÓTTIR
LÁTIN er í Reykjavík
Ásthildur Pétursdótt-
ir, fyrram bæjarfull-
trúi og bæjarráðsmað-
ur í Kópavogi, sextíu
ogþriggja ára að aldri.
Ásthildur fæddist í
Reykjavík 11. júní
1934. Foreldrar henn-
ar voru Pétur Jónsson
bifreiðarstjóri og Jór-
unn Bjömsdóttir frá
Brekku í Skagafirði.
Árið 1955 flutti hún í
Kópavog þar sem hún
var bæjarfulltrúi fyrir
Sjálfstæðisflokkinn og
bæjarráðsmaður um árabil. Hún sat
í fjölmörgum nefndum á vegum
Kópavogskaupstaðar, tómstunda-
ráði, félagsmálaráði, mæðrastyrks-
nefnd og vinabæjamefnd og var
formaður leikvallanefndar og skóla-
nefndar Menntaskólans í Kópavogi.
Ásthildur var formaður sjálfstæð-
iskvennafélagsins Eddu í mörg ár
og varaformaður kjördæmisráðs
Sjálfstæðisflokksins í Reykjanes-
kjördæmi, formaður
Kvenfélagasambands
Kópavogs og varafor-
maður Landssam-
bands sjálfstæð-
iskvenna. Um tíma sat
hún í stjóm Eldri
kylfinga.
Ásthildur Péturs-
dóttir var atkvæða-
mikil í starfi með
öldruðum, fyrst sem
forstöðumaður starfs
aldraðra í Kópavogi,
þar sem hún bryddaði
upp á mörgum nýjung-
um og síðan sem vin-
sæll fararstjóri í sólarlandaferðum
aldraðra í tvo áratugi.
Eiginmaður Ásthildar var Páll
Þorláksson, löggiltur rafverktaki,
en hann lést árið 1986. Börn þeirra
era Margrét, sem gift er Sverri
Bergmann, og Björgvin, kvæntur
Sigrúnu Stellu Karlsdóttur. Bama-
börnin era sex.
Síðustu árin bjó Ásthildur með
Ásgeiri Nikulássyni.