Morgunblaðið - 06.12.1997, Blaðsíða 20

20 LAUGARDAGUR 6. DESEMBER 1997
LANDIÐ
MORGUNBLAÐIÐ
Morgunblaðið/Sigurgeir Jónasson
MENNTAMÁLARÁÐHERRA skoðar vélasal Framhaldsskólans í Eyjum í fylgd skólameistara.
Menntamálaráðaherra í Eyjum
Ræsti nýj*an vélarrúmshermi
Vestmannaeyjum - Björn Bjarna-
son, menntamálaráðherra, var í
heimsókn í Vestmannaeyjum fyr-
ir skömmu og kynnti sér þar
skóiastarf. Aðalástæðan fyrir
komu ráðherrans til Eyja var að
skoða nýja verknámsálmu við
Framhaldsskólann, en hann
skoðaði einnig grunnskólana í
Eyjum og nýstofnaðan listaskóla
auk þess sem hann héit almennan
opinn fund.
Sigurður Einarsson, formaður
skólanefndar Framhaldsskólans,
sagði að það hefði staðið til
nokkuð lengi að menntamála-
ráðherra kæmi til Eyja vegna
nýju álmunnar en veður og aðr-
ar ófyrirsjáanlegar ástæður
hefðu valdið því að nokkrum
sinnum hafi heimsókninni verið
frestað. Hann sagði að það hafí
verið afar ánægjulegt að fá ráð-
herrann í heimsókn og geta sýnt
honum þá miklu uppbyggingu
sem átt hefur sér stað í skóla-
málum í Vestmannaeyjum að
undanförnu.
Nýr vélarrúmshermir
í framhaldsskólanum skoðaði
ráðherrann húsnæði skólans og
þá sérstaklega nýju verk-
námsálmuna þar sem hann ræsti
og tók formlega í notkun nýjan
vélarrúmshermi sem settur hefur
verið upp fyrir vélstjórnar-
kennslu. Þá fundaði hann með
nemendum og kennurum skólans
og þáði síðan kaffiveitingar í sal
skólans.
Að lokinni heimsókn í Fram-
haldsskólann skoðaði mennta-
málaráðherra grunnskólana,
Hamarsskóla og Barnaskóla, en
síðan lá leið hans f nýstofnaðan
Listaskóla Vestmannaeyja. Þá
heimsótti hann einnig Rannsókn-
arsetur Háskólans í Eyjum en að
því loknu hélt hann almennan
fund um skólamál í Ásgarði.
Morgunblaðið/Aldís Hafsteinsdóttir
HLUTI fundarmanna á fræðsludegi Garðyrkjuskdla ríkisins.
Umhverfismál
sveitarfélaga
í brennidepli
Hveragerði - Nemendur á um-
hverfísbraut Garðyrkjuskóla rík-
isins á Reykjum efndu til
fræðsludags í skólanum nýverið.
Fræðsludagurinn var helgaður
Staðardagskrá 21, en það er heiti
samþykktar er gerð var á um-
hverfisráðstefnunni í Ríó de Jan-
eiro 1992. Samþykkt þessi er
unnin út frá vinnu Brundtland-
nefndarinnar svonefndu um
helstu leiðir til lausnar umhverf-
isvanda heimsins á 21. öldinni.
Til fræðsludagsins á Garð-
yrkjuskólanum var boðið öllum
sveitarstjómarmönnum á Suð-
vesturlandi, ásamt fulltrúum í
umhverfis-, heilbrigðis-, bygg-
inga-, og skipulagsnefnd. Einnig
var starfsmönnum þessara sviða
hjá bæjarfélögunum boðið til
fundarins. Á fundinn mættu full-
trúar frá 14 sveitarfélögum og
voru aðstandendur fræðsludags-
ins mjög ánægðir með þá mæt-
ingu.
Jón Guðmundsson, Heilbrigð-
iseftirliti Hafnarfjarðarsvæðis,
og Páll Stefánsson, Heilbrigðis-
eftirliti Kópavogs, fjölluðu um
Staðardagskrá 21 sem er áætlun
um það hvernig svæði geti þróast
með sjálfbærum hætti. En sam-
kvæmt skilgreiningu
Brundtland-nefndarinnar felur
það hugtak í sér hvernig megi
mæta þörfum núverandi kynslóð-
ar án þess að skerða möguleika
komandi kynslóðar í því að mæta
sínum. Vöktu þeir Jón og Páll
meðal annars athygli á því að
tveir þriðju hlutar skuldbinding-
anna frá Ríó-ráðstefnunni kalla á
samstarf við sveitarstjórnir og
eða á skuldbindingar af þeirra
hálfu. Fóru þeir ítarlega yfir það
hvernig sveitarstjórnir gætu
staðið að þessari framkvæmda-
áætlun. María Hildur Maack líf-
fræðingur kynnti síðan raunhæf-
ar útfærslur á Staðardagskrá 21.
Steinunn Kristjánsdóttir, fag-
deildarstjóri umhverfisbrautar
Garðyrkjuskólans, fjallaði um
sjálfbæra þróun sem leið til land-
bóta og auðsældar. Kom fram í
erindi Steinunnar að landeyðing
hefur verið gríðarleg hér á landi
og þá sérstaklega síðustu tvær
aldir. Kallaði hún sveitarstjórn-
armenn til sameiginlegs átaks í
að láta nýta til landbóta þann úr-
gang sem til fellur við ýmiskonar
atvinnurekstur í sveitarfélögun-
um. Helga Hreinsdóttir, Heil-
brigðiseftirliti Austurlands, fjall-
aði um umhverfisverkefni Egils-
staðabæjar en það sveitarfélag
hefur verið í fararbroddi hvað
varðar stefnumörkun í umhverf-
ismálum. Þröstur Eysteinsson,
fagmálastjóri Skógræktar ríkis-
ins, kynnti þátt skógræktar í
sjálfbærri þróun á Islandi. Að því
loknu gerðu nemendur umhverf-
isbrautar Garðyrkjuskólans
grein fyrir námsferð sem þau
fóru í nýverið og heimsóttu þá
meðal annars Hamborg sem köll-
uð hefur verið „grænasta“ borg
Evrópu.
Að sögn Magnúsar Hlyns
Hreiðarssonar fundarstjóra, sem
jafnframt er endurmenntunar-
stjóri Garðyrkjuskólans, voru
fundarmenn mjög áhugasamir
um þessi málefni. „Enda er hlut-
verk sveitarfélaganna sérstak-
lega mikilvægt í þessu sambandi
því þau eru sú stjórnsýslueining
sem stendur næst fólkinu og get-
ur komið hugmyndum og breyt-
ingum í verk.“ í kafla 28 um
Staðardagskrá 21 er fjallað um
hlutverk sveitarfélaga í umhverf-
is- og þróunaráætlun Sameinuðu
þjóðanna. Þar eru öll sveitarfélög
heimsins hvött til að vinna að
áætlun fyrir næstu öld í anda
sjálfbærrar þróunar, umhverfis-
verndar og réttlætis, hvert á sínu
svæði. „Sveitarfélögin og íbúar
þeirra geta lagt sitt af mörkum
til að minnka álagið á umhverfið
á heimsvísu og þannig stuðlað að
réttlátri nýtingu auðlinda heims-
ins,“ sagði Magnús Hlynur að
lokum.
Morgunblaðið/Pétur Kristjánsson
ÞAÐ var tónlistarmaðurinn KK sem reið á vaðið í vetrarstarfsemi
Menningarhúss Seyðfirðinga, Skaftafelli.
KK hefur vetrardag-
skrána í Skaftfelli
á Seyðisfirði
Seyðisfirði - Vetrarstarfsemi í
Menningarhúsi Seyðfirðinga,
Skaftfelli, er nú hafin af krafti.
Tónlistarmaðurinn Kristján
Kristjánsson, öðru nafni KK, reið
á vaðið með tónleikahald. Þar
flutti hann efni af nýútkomnum
liljómdiski sínum „Heimaland" í
bland við frásagnir og eldra efni.
Með honum á hljómleikaför
hans um landið er gítarvitringur-
inn Guðmundur Pétursson. Fjöl-
mennt var á tónleikunum og
gerður góður rómur að tónlistar-
flutningi þeirra félaga.
Fleira verður á döfinni í Skaft-
felli í jólamánuðinum og er næst
að nefna bókmenntakynningu
sem verður laugardaginn 6. des-
ember kl 21. Þar munu lesa úr
verkum sínum skáldin Eina Már
Gumundsson, Sigurdór Sigur-
dórsson, Kristín Maija Baldurs-
dóttir, Guðbergur Bergsson,
Didda, Arnaldur Indriðason og
Kristjana Bergsdóttir.
Kynntu sér væntanlegt
aðsetur þróunarsviðs
Sauðárkróki - Stjórn Byggðastofn-
unar kom til Sauðárkróks fyrir
skömmu til þess að skoða aðstæður
og húsnæð: fyrir þróunarsvið
stofnunarinnar sem ákveðið hefur
verið að flytja frá Reykjavík til
Sauðárkróks.
Gert er ráð fyrir að stofnunin
verði til húsa í Stjórnsýslumiðstöð-
inni við Skagfirðingabraut þar sem
starfsmaður Byggðastofnunar hef-
ur haft aðsetur en væntanlega
þarfnast þróunarsviðið meira hús-
rýmis þar sem um er að ræða sex
starfsmenn sem þarna munu vinna.
Stjórnin snæddi hádegisverð
með bæjarstjóm Sauðárkróks og
héraðsráði en síðdegis voru fundir
með ýmsum aðilum úr atvinnulíf-
inu þar sem m.a. forsvarsmenn
Máka hf. kynntu hugmyndir sínar
um framtíðaruppbyggingu fyrir-
tækisins og það að nýta mannvirki
Miklalax í Fljótum sem nú eru í
eigu Byggðastofnunar til áframeld-
is á barra. Hugmyndir fyrirtækis-
ins eru enn á vinnslustigi en voru
nú kynntar stofnuninni.
Meginatriðið í þeim er að
Byggðastofnun leggi fram fjárfest-
ingar í Miklalaxi sem hlutafé í
Máka hf. og komi þannig að upp-
byggingu hlýsjávareldis í Skaga-
firði.
Þá áttu stjómarmenn Byggða-
stofnunar ásamt starfsmanni stofn-
unarinnar á Sauðárkróki, Jóni
Magnússyni, fund með fjölmörgum
öðmm aðilum þar sem mál vom
rædd og skoðuð.
Morgunblaðið/Bjöm Björnsson
FUNDUR Byggðastofnunar með forsvarsmönnum Máka hf. F.v. Eg-
ill Jónsson, Stefán Guðmundsson, Guðmundur Malmquist, Jón Magn-
ússon og Árni Guðmundsson, stjórnarmaður Máka hf.