Morgunblaðið - 06.12.1997, Side 22

22 LAUGARDAGUR 6. DESEMBER 1997
MORGUNBLAÐIÐ
VIÐSKIPTI
Nýir eigendur að
Hótel Oðinsvéum
>
Bjarna Ingvari Arnasyni, fyrrverandi eiganda,
hefur verið boðið starf hjá hótelinu
Samherji hf.: Gengi hlutabréfa frá 8. apríl
ÞROTABÚ Hótels Óðinsvéa hefur
samið um sölu hótelsins til sam-
nefnds nýs hlutafélags og tók það
formlega við rekstrinum í gær.
Breiður hópur fjárfesta stendur að
hinu nýja félagi, en forystu um stofn-
un þess hafði Þóra Bjarnadóttir,
dóttir fyrrverandi eiganda þess,
Bjarna Ingvars Arnasonar.
Sem kunnugt er óskaði Bjarni
Ingvar eftir gjaldþrotaskiptum í lok
október, þar sem rekstur fyrirtækis-
ins stóð ekki lengur undir skuldum
þess. Sigurmar K. Albertsson, bú-
stjóri, auglýsti hótelið til sölu og
rann frestur til að skila inn tilboðum
út um síðustu mánaðamót.
Meðal helstu hluthafa hins nýja fé-
lags eru Þóra Bjamadóttir, Bygging-
arfélagið Gylfi og Gunnar, Rydens-
kaffi, Garðar Siggeirsson, fýrrverandi
eigandi Herragarðsins, og Gaumur
ehf. Síðastnefnda fyrirtækið tengist
Jóhannesi Jónssyni, kaupmanni í
Bónus. Hluthafar eru samtals 20 og
fjölmargir einstaklingar þeirra á
meðal. I stjóm félagsins eru Ólafur
Haraldsson, formaður, Gylfi Ómar
Héðinsson og Jóhannes Jónsson.
Reksturinn með svipuðu sniði
Ólafur Haraldsson sagði í samtali
við Morgunblaðið að hótelið yrði rek-
ið með svipuðu sniði og áður. Hins
vegar hefði bústjóri áður verið búinn
að leigja út veitingareksturinn til
Steinars Davíðssonar, matreiðslu-
manns, og sá leigusamningur gilti í
eitt ár. Félagið vonaðist til að eiga
við hann gott samstarf.
Þóra mun taka við starfi hótel-
stjóra og annast allan daglegan
rekstur, en hann verður með svipuðu
sniði og áður. „Þetta félag mun
kappkosta að viðhalda sömu gæðum
og þjónustu og áður tíðkuðust á
þessu hóteli. Stjómin hefur ákveðið
að bjóða Bjarna starf hjá fyrirtæk-
inu til að sinna markaðsmálum og
fleiru. Það vita allir að hann býr yfir
mikilli reynslu og þekkingu, enda
þótt hans eigin rekstur hafi farið
illa.,“ sagði Ólafur.
Heildarhlutafé félagsins verður 30
milljónir í upphafi, en það hefur síð-
an tekið við áhvflandi skuldum.
Kaupverðið verður ekki gefið upp,
en fram hefur komið að hugmyndir
veðhafa voru á þann veg að markaðs-
verð hótelsins væri nálægt 200 millj-
ónum. Hins vegar er reiknað með að
fjárhæð heildarkrafna í búið verði
nær 300 milljónum.
8
7
6'
Opni
tilboðsmarkaðurinn
8. apríl til 11. júní

Verðbréfaþing
frá 13. júní
apríl
mai
jum
júlí ágúst sept. okt.
nov;
des.
Hlutabréf Smnherja
lækka um tæp 5%
GENGI hlutabréfa í Samherja hf.
hélt áfram að lækka í gær þegar
viðskipti urðu með bréf á genginu
8,0. Lækkaði gengi bréfanna um
tæplega 5% frá því á miðvikudag.
: Samherji bauð út nýtt hlutafé
að nafnvirði 45 milljónir á almenn-
um markaði í mars og voru bréfin
skráð á Opna tilboðsmarkaðnum í
aprílmánuði. I útboðinu voru bréfin
seld á genginu 9,0 eða fyrir 405
milljónir. Þau dreifðust á 6.200
kaupendur og var eftirspurn langt-
um meiri en framboð.
í kjölfar útboðsins hækkaði
gengi bréfanna hratt og fór hæst í
13,75. Samkvæmt því var mark-
aðsvirði fyrirtækisins um 18 millj-
arðar króna, en er nú tæplega 11
milljarðar. Engar fréttir hafa
borist frá fyrirtækinu undanfarið
en Verðbréfaþing tilkynnti þann
25. nóvember um innherjaviðskipti
með bréfin. Hlutabréf Vinnslu-
stöðvarinnar hækkuðu í gær um
7% eða úr 1,63 í 1,74 í kjölfar til-
kynningar fyrirtækisins um að það
hefði aflað sér hráefnis til að halda
uppi vinnslu í janúar. Aður höfðu
bréf fyrirtækisins lækkað um 9,4%
þegar það tilkynnti starfsfólki að
kauptryggingu þess yrði sagt upp
frá og með næstu áramótum vegna
fyrirsjáanlegs hráefnisskorts.
í gær lækkaði hins vegar gengi
hlutabréfa tveggja hlutabréfasjóða
sem hafa sérhæft sig í fjárfesting-
um í sjávarútvegi. Þannig lækkaði
gengi hlutabréfasjóðsins Ishafs um
5 punkta eð 3,6% og gengi Sjávar-
útvegssjóðs íslands lækkaði um 14
punkta eða 6,5%.
Hlutabréfavísitalan lækkaði um
0,22% í gær og námu hlutabréfa-
viðskipti samtals 39 milljónum
króna.
Bónus og Strengur efna til samstarfs í hugbúnaðargerð
Viðskiptakerfí Bónuss flutt út
BÓNUS og Strengur hf. hafa tekið
upp samstarf í þróun og útflutningi
á verslunarkerfi fyrir smærri versl-
unarkeðjur. Um er að ræða nýja út-
færslu á núverandi verslunarkerfi
Bónuss og er gert ráð fyrir að hið
fyrsta verði tekið i notkun í verslun-
um fyrirtækisins í mars. Ráðgert er
að útflutningur geti hafist fljótlega
upp úr því.
Að sögn Matthíasar E. Matthías-
sonar hjá Streng er ekki aðeins um
að ræða viðskiptahugbúnað þann
sem Bónus hefur notað heldur
einnig viðskiptahugmyndina á bak
við fyrirtækið.
Horft til smærri verslunarkeðja
„Við hönnuðum viðskiptakerfi
Bónuss á sínum tíma og það hefur
verið nánast í stöðugri endurskoðun
siðan. Hugmyndin nú er að nýta sér
reynslu Bónuss í verslunarrekstri
jafnframt því að búa til nýtt kerfi
byggt á Navision Financials, sem
gert er fyrir Windows 95.“
Matthías segist reikna með því að
smærri verslunarkeðjur verði mjög
móttækilegar fyrir slíku kerfi.
„Kerfið sem við erum með í höndun-
um er á við kerfi sem stærri versl-
unarkeðjur, með 200 verslanir eða
meira, eru að nota. Litlu keðjumar
hafa hins vegar ekki tekið tæknina
eins mikið í þjónustu sína.
Þessar stærri keðjur hafa hins
vegar yfirleitt á að skipa eigin hug-
búnaðardeild og þær selja ekki sín-
ar lausnir af samkeppnisástæðum.
Við teljum því að það sé markaður
fyrir þetta kerfi í þessum minni ein-
ingum.“
Matthías segir að stefnt sé að því
að bæði fyrirtækin muni flytja nýja
kerfið út. Strengur muni í fyrstu
selja það í gegnum skrifstofur In-
fostream í Noregi, Svíþjóð og Bret-
landi en stefnan sé sett á Norður-
löndin og Vestur-Evrópu.
„Við erum mjög spenntir fyrir
þessu verkefni. Annars værum við
ekki að þessu.“
Endurmenntunarstofnun Háskóla Islands
tígl Nám í opinberri stjórnsýslu og stjórnun
— * þriggja missera nám með starfi sem
Markhópur:
Stjórnendur hjá ríki og sveitarfélögum, fulltrúar í sveitarstjórnum, ráðum og
nefndum sveitarfélaga og aðrir þeir sem vilja búa sig undir stjórnunarstörf á
þeim vettvangi eða dýpka þekkingu sína á viðfangsefninu.
Námsgreinar:
Skipulag opinberrar stjórnsýslu og löggjöf, almenn stjórnunarfræði, starfs-
manna stjórnun, hagfræði, fjármálastjórnun, áætlanagerð og reikningsskil, upp-
lýsingatækni, gæðastjómun, verkefnastjórnun, árangursstjórnun, stefnumótun
og breytingar í opinberum rekstri.
Umsjónarmenn og aðalleiðbeinendur:
Björn Friðfinnsson ráðuneytisstjóri, Gunnar Helgi Kristinsson dósent, Gunnar
Rafn Sigurbjörnsson frá Launanefnd sveitarfélaga, Gunnar Björnsson frá
Launaskrifstofu ríkisins, Ólafur Jón Ingólfsson viðskiptafræðingur, Finnur Svein-
björnsson hagfræðingur, Sigurður Snævarr hagfræðingur, Yngvi Örn Kristin-
sson framkvæmdastjóri Seðlabanka íslands, Ingimundur Sigurpálsson bæjar-
stjóri, Jóhann Gunnarsson deildarstjóri hjá Hagsýslu ríkisins, Guðrún Högna-
dóttir M.H.A. forstöðumaður hjá Ríkisspítölum, Jón Freyr Jóhannsson hjá Skrefi
í rétta átt, Tryggvi Sigurbjarnarson ráðgjafarverkfræðingur, Snævar Guðmunds-
son deildarstjóri hjá Hagsýslu ríkisins, Leifur Eysteinsson deildarstjóri hjá
fjármálaráðuneytinu og Haukur Ingibergsson forstöðumaður Hagsýslu ríkisins.
Auk fjölda annarra leiðbeinenda.
hefst í febrúar 1998
Kennslutími og verð:
Námið fer fram á þremur misserum og verður kennt samtals í 300 kennslustundir,
u.þ.b. 100 kennslustundir á hverju misseri. Náminu verður hagað þannig, að
menn geti sótt það þótt þeir séu búsettir utan höfuðborgarsvæðisins. Verður
kennt frá miðjum fimmtudegi til síðari hluta laugardags á þriggja vikna fresti.
Þátttökugjald fyrir námið er 210.000 kr.
Námskeiðsstjórn:
Námið er skipulagt í samvinnu við Hagsýslu ríkisins og Samband íslenskra
sveitarfélaga og sitja eftirtaldir aðilar í námskeiðsstjórn: Björn Friðfinnsson
ráðuneytisstjóri, Haukur Ingibergsson forstöðumaður Hagsýslu ríkisins, Ingi-
mundur Sigurpálsson bæjarstjóri í Garðabæ, Margrét S. Björnsdóttir endur-
menntunarstjóri H.í. og Þórður Skúlason frkvstj. Sambands ísl. sveitarfélaga.
Umsóknarfrestur er til 15. janúar 1998. Nánari upplýsingar um námið ásamt
umsóknareyðubiöðum fást hjá:
Endurmenntunarstofnun Háskóla íslands,
Tæknigarði, Dunhaga 5, 107 Reykjavík.
Sími 525 4923, bréfasími 525 4080 og
netfang endurm@rhi.hi.is