Morgunblaðið - 24.02.1998, Side 56

56 ÞRIÐJUDAGUR 24. FEBRÚAR 1998
MORGUNBLAÐIÐ
HASKOLABIO
jaMitCtMí ■frLmiiú’H;- S4M.ti'i:g»i aaÆtftgHti JMMBHgHHi S4MBlEiHti AQfeíaHl!i
HLJÓMSVEITIRNAR Prodigy
og Gravediggaz verða báðar með
tónleika hérlendis í mars.
Rappsveitin Gravediggaz verður
með tónleika í Fylkishöllinni 7.
mars og danssveitin Prodigy
verður í Laugardalshöli 28.
mars.
Að sögn Þorsteins Kragh
hljómleikahaldara, sem rekur
fyrirtækið Motion Promotion,
munu íslensku sveitimar Nod Ya
ílead Crew og Subterranian hita
upp fyrir Gravediggaz. Hann
segir að miðaverð verði 2.300
krónur og að ekki verði seldir
fleiri miðar en tvö þúsund.
Þetta er í fyrsta skipti sem
rappsveitin Gravediggaz heldur
tónleika á íslandi, en meðlimir
hennar eru Prince Paul, RZA;
leiðtogi Wu-Tang Clan, Fruit-
kwan og Too Poetic. Hljómsveit-
in hefur sent frá sér tvær breið-
skffur og kom sú seinni út siðasta
haust.
Prodigy, sem treður upp í
Laugardalshöll 28. mars, hefur
haldið tónleika hérlendis þrisvar
sinnum áður. Hún fyllti Laugar-
dalshöllina tvisvar og tróð einnig
upp á útihátíðinni Uxa á Kirkju-
bæjarklaustri. Miðasala hefst í
næstu viku, en ekki fékkst upp-
gefið hvað miðaverðið verður
i:átt.
Ingvar Þórðarson, sem áður
hefur staðið fyrir komu Prodigy
hingað til Iands, segir að vegna
vinsælda hljómsveitarinnar hafi
reynst mun torsóttara af fá hana
hingað að þessu sinni og kostnað-
ur því mun meiri. Hann segir
ekki fara milli mála að vinsældir
Prodigy í Bandaríkjunum undan-
farna mánuði hafi skipað hljóm-
sveitinni á stall með dýrustu tón-
leikahljómsveitum sem hingað
hafi komið.
Gravediggaz
Gravediggaz er rappkvartett
sem Prince Paul, upptökustjóri
De La Soul, stofnaði og fékk til
liðs við sig leiðtoga Wu-Tang
Clan, RZA, Too Poetic og Fruit-
kwan, sem báðir koma úr
rappsveitinni Stetasonic. Fyrstu
breiðskífu Gravediggaz, Niggar-
mortis/Six Feet Deep, var vel
tekið en á plötunni er mikið
vitnað í hryllingsmyndir.
Skömmu eftir að sú plata kom út
sló Wu-Tang Clan í gegn um
heim allan og lítill tími varð fyr-
ir Gravediggaz. Eftir að Wu-
Tang Clan sendi frá sér sína
aðra breiðskífu tók Gravediggaz
upp þráðinn og sl. haust kom út
platan The Pick, The Sicle and
The Shovel, og ber meira á RZA
en á fyrri plötunni.
Prodigy og Grave-
diggaz með tón-
leika á Islandi
Ljósmynd/Björg Sveinsdóttir
The Prodigy á tónleikum í
Laugardalshöll í mars fyrir
tveimur árum.
Prodigy
The Prodigy er kvartett stofnað-
ur af Liam Howlett, en hann
semur öll lög sveitarinnar, tekur
þau upp og útsetur. Howlett fékk
til liðs við sig dansarana Keith
Flint og Leroy Thornhill, en síð-
an slóst í hópinn rapparinn Max-
imReality.
Önnur smáskífa Prodigy,
Charlie, naut mikilla vinsælda og
fyrsta platan, The Prodigy Ex-
perience, sem kom út haustið
1992, sat 25 vikur inni á breska
breiðskífulistanum. Tveimur ár-
um síðar kom út platan Music for
the Jilted Generation sem naut
enn meiri hylli en fyrri skífan og
sat í marga mánuði á topp tíu í
heimalandinu, Bretlandi.
í tónleikaferð til að fylgja
þeirri plötu eftir kom hljómsveit-
in hingað á Listahátíð Hafnar-
fjarðar og lék í troðfullu fþrótta-
húsinu í Kaplakrika. Löng bið
varð eftir næstu breiðskífu hljóm-
sveitarinnar, því næstu árum
eyddi hún í samfellt tónleikahald
og kom meðal annars hingað til
lands tvívegis, lék á Uxa-hátíð-
inni á Kirkjubæjarklaustri og síð-
an í Laugardalshöll í mars 1996.
Síðan hafa komið út smáskífur,
þar á meðal Firestarter sem sló
sölumet í Bretlandi, og Breathe,
sem seldist lítið minna. Seinni
hluta síðasta árs kom svo út
breiðskífan Fat of the Land. Sú
hefur selst metsölu víða um
heim, meðal annars í Banda-
ríkjunum, en Prodigy er með-
al vinsælustu hljómsveita þar í
landi. Platan hefur einnig notið
mikillar hylli hér á landi.