Morgunblaðið - 02.04.1998, Qupperneq 37

MORGUNBLAÐIÐ
FIMMTUDAGUR 2. APRÍL 1998 37
AÐSENDAR GREINAR
Af ákvarðanatöku
FYRIR skömmu
efndi Gísli S. Einars-
son, þingmaður jafnað-
armanna á Vesturlandi
og fyrrverandi varafor-
maður umhverfis-
nefndar Alþingis, til
utandagskrárumræðu
á Alþingi um stjóm-
sýsluákvarðanir um
legu Borgarfjarðar-
brautar í Reykholts-
dalshreppi. Astæðan
var sú að réttlætistil-
finningu hans og sann-
færingu var misboðið.
I umræðunni á Alþingi
lýsti þingmaðurinn að-
draganda málsins af mikilli þekk-
ingu, greindi vanda þessa mikið
umtalaða máls og komst að þeirri
niðurstöðu að líklega væri þetta
fjaðrafok út af Borgarfjarðarbraut
allt vegna þess að skipulagsstjóri
ríkisins segði eitt í dag og annað á
morgun.
Gísli bætir svo um betur og
skrifar grein í DV 26. mars sl. þar
sem hann segir um svokallaða
sáttatillögu um veglínu að henni
hafi verið vel tekið af „umhverfis-
og samgönguráðherra, Vegagerð,
Skipulagsstofnun, meirihluta þing-
manna Vesturlands, ef ekki öll-
um“.
Gísli undrar sig á því að þar með
hafi málið ekki verið í höfn og
kemst að þeirri niðurstöðu að
ákveðinn embættismaður hafi
staðið í vegi. Gísli segir í grein
sinni í DV: „En oddvitar ná-
grannasveitarfélaganna og tveir
minnihlutafulltrúar úr Reykholts-
dalshreppi höfðu það af að fá
manninn sem hafði verið með í
ráðum allt ferlið um hvernig best
væri að vinna málinu ft-amgang til
að leggja til við umhverfisráðherra
að fresta málinu enn, sem gæti
þýtt allt að 6 mánaða frestun. Sá
aðili sem hér um ræðir er Stefán
Thors og finnst mér ráð hans
stangast illa á, eftir því hvor á hlut
að máli, ráðherra eða Reykholts-
dalshreppsstjórn.“
Það rétta í því sem þingmaður-
inn segir í grein sinni er að undir-
ritaður hafi fylgst með málinu frá
upphafi eins og öðrum svæðis-
skipulagsverkefnum og mati á um-
hverfisáhrifum. Til að skýra að-
komu skipulagsstjóra að þessu
máli finnst mér rétt að eftirfarandi
komi fram:
Arið 1995 fór fram mat á um-
hverfisáhrifum fyrirhugaðrar
Borgarfjarðarbrautar frá Varma-
læk að Kleppjárnsreykjum. Skoð-
aðir voru nokkrir kostir og var nið-
urstaða Vegagerðarinnar að
heppilegast væri að fylgja að hluta
til núverandi vegstæði Stóra-
Kroppsvegar. í úrskurði 17. júlí
1995 féllst skipulagsstjóri á lagn-
ingu vegarins samkvæmt tillögu
Vegagerðarinnar.
Vegna mikils ágreinings var
ákveðið fyrra hluta árs 1997 að aft-
ur færi fram mat á umhverfisáhrif-
um og þá með áherslu á svokallaða
málamiðlunarleið þar sem ekki
væri fylgt vegstæði Stóra-Kropps-
vegar. Um það leyti sem þessi
ákvörðun er tekin spurðist oddviti
Stefán Thors
Reykholtsdalshrepps
fyrir um það hjá
Skipulagi ríkisins
hvert framhaldið gæti
orðið að fenginni nið-
urstöðu úr matinu.
Hann fékk þau svör að
eðlilegast væri að
Reykholtsdalshreppur
myndi ganga frá aðal-
skipulagi þar sem gert
væri ráð fyrir vegin-
um.
Síðar og áður en úr-
skurður í mati á um-
hvefisáhrium lá fyrir
var orðið Ijóst að verið
var að leggja lokahönd
á tillögu að Svæðisskipulagi sveit-
arfélaga norðan Skarðsheiðar, sem
Reykholtsdalshreppur átti hlut að
ásamt 4 öðrum sveitarfélögum og
þar sem m.a. átti að taka á legu
Borgarfjarðarbrautar um sveitar-
félagið. Skipulagsstjóri tjáði þá
oddvita að miðað við það að sam-
vinnunefndin um svæðisskipulag
kæmist að niðurstöðu væri óþarfi
að auglýsa sérstaklega aðalskipu-
lag fyrir Reykholtsdalshrepp,
enda væri líklega um að ræða best
auglýsta vegspotta á landinu.
Þann 22. ágúst 1997 kvað skipu-
lagsstjóri ríkisins upp þann úr-
skurð að fallist væri lagningu veg-
arins samkvæmt leið 3a eins og
henni var lýst í matsskýrslu með
tilteknum skilyrðum. í úrskurðin-
um kom fram að niðurstaða frum-
athugunar á umhverfisáhrifum
Borgarfjarðarbrautar samkvæmt
leið 1 stæði óbreytt. Með tilliti til
umhverfisáhrifa var því í raun búið
að fallast á tvær leiðir og ekki
hlutverk skipulagstjóra að gera
þar upp á milli.
Þá sagði einnig í úrskurðarorð-
um: „Ganga þarf frá skipulagsupp-
drætti af framkvæmdinni. Lagt er
til að það verði gert við afgreiðslu
Svæðisskipulags fyrir sveitarfélög-
in norðan Skarðsheiðar á grund-
velli niðurstaðna mats á umhverf-
isáhrifum, enda liggi þá fyrir sam-
þykki sveitarstjórnar Reykholts-
dalshrepps um tillögu samvinnu-
nefndar um svæðisskipulagið að
legu vegarins."
Tillaga að svæðisskipulagi var
auglýst 1. ágúst 1997 og rann
frestur til að skila athugasemdum
út 29. september 1997.
Samvinnunefndin fjallaði um at-
hugasemdir og tók afstöðu til
þeirra. Samvinnunefndin náði hins
vegar ekki að komast að niður-
stöðu í vegamálinu.
Með bréfi dags. 10. desember
1997 sendi formaður samvinnu-
nefndar erindi til skipulagsstjóm-
ar ríkisins þar sem þess er óskað
að hún afgreiði svæðisskipulagið
til staðfestingar umhverfisráð-
hema á þann veg að skipulagi
verði frestað á svæðinu milli Flóku
og Kleppjárnsreykja. Samvinnu-
nefndin að meðtöldum tveimur
fulltrúum Reykholtsdalshrepps
lagði þannig til að vegamálinu yrði
frestað þar sem samkomulag náð-
ist ekki í nefndinni.
Þegar svæðisskipulagstillagan
kom til meðferðar skipulagsstjórn-
ar ríkisins á fundi 17. desember
Vöggusængur, ■ ;
vögguse+t. fivy/l íjí-' \
Pó stsendum

Skóbvöröuídg 21 Simi 551 4050 Reykjavik. -kjarni málsins!
Álit Skipulagsstofnunar
er í fullu samræmi,
segir Stefán Thors, við
fyrri álit og umsagnir.
1997 var jafnframt lagt fram bréf
Reykholtsdalshrepps dags. 9. des-
ember 1997, þar sem þess er óskað
að skipulagsstjórn leggi til við um-
hverfisráðherra að vegamálinu
verði ekki frestað heldur verði hin
svokallaða málamiðlunarleið færð
inn á uppdráttinn og svæðisskipu-
lagið staðfest þannig.
I minnisblaði dags. 16. desem-
ber 1997 lagði embætti skipulags-
stjóra ríkisins til við skipulags-
stjórn ríkisins að svæðisskipu-
lagstillagan yrði afgreidd til stað-
festingar umhverfisráðuneytisins
eins og hún var samþykkt í sam-
vinnunefnd þ.e. með frestun. Til
skýringar er rétt að geta þess að í
skipulagsstjórn áttu sæti vega-
málastjóri, forstjóri Siglinga-
stofnunar, húsameistari ríkisins
auk tveggja fulltrúa sem umhverf-
isráðherra skipaði, annan sam-
kvæmt tilnefningu Sambands ís-
lenskra sveitarfélaga og hinn án
tilnefningar. Skipulagsstjóri átti
ekki sæti í skipulagsstjórn, en var
hins vegar framkvæmdastjóri
hennar.
Á fundi skipulagsstjórnar rík-
isins 17. desember 1997 var sam-
þykkt með 3 atkvæðum gegn
einu að verða við ósk Reykholts-
dalshrepps. Vegamálastjóri vék
af fundi við afgreiðslu málsins.
Til þess að geta afgreitt málið
þannig til umhverfisráðherra
þurfti að breyta skipulagsgögn-
um og var málið því aftur á dag-
skrá fundar skipulagsstjórnar 30.
desember 1997.
Á fundi skipulagstjórnar 30.
desember 1997 var lögð fram sam-
eiginleg ósk oddvita Andakíls-
hrepps, Skorradaldshrepps, Lund-
arreykjadalshrepps og Hálsa-
hrepps dags. 21. desember 1997
um að skipulagsstjórn taki Svæðis-
skipulag sveitarfélaganna norðan
Skarðsheiðar upp til nýrrar af-
greiðslu og afgreiddi það eins og
það var samþykkt í öllum sveitar-
stjórnum á svæðinu. Skipulags-
stjóm hafnaði ei-indinu og af-
greiddi svæðisskipulagið til stað-
festingar ráðherra með veglínu 3a.
1. janúar 1998 tóku gildi ný
skipulags- og byggingarlög en
samkvæmt þeim er skipulags-
stjóm ríkisins lögð niður.
Með bréfi dags. 26. janúar
1998 óskaði umhverfisráðuneytið
eftir umsögn Skipulagsstofnunar
um erindi oddvita 4 sveitarfélaga
norðan Skarðsheiðar og tveggja
hreppsnefndarmanna í Reyk-
holtsdalshreppi þar sem mælst
er til þess að ráðherra staðfesti
Svæðisskipulag í Borgarfirði
norðan Skarðsheiðar eins og
samvinnunefnd afgreiddi það til
skipulagsstjórnar ríkisins.
I bréfi Skipulagsstofnunar til
umhverfisráðuneytisins dags. 2.
febrúar 1998 er, í Ijósi mikils
ágreinings, talið rétt að fallast á
ofangreint erindi og fresta stað-
festingu svæðisskipulagsins á um-
deilda kaflanum. Það álit Skipu-
lagsstofnunar er í fullu samræmi
við fyrri álit og umsagnir og því
ekkert til í því sem Gísli S. Einars-
son segir um skipulagsstjóra að:
„ráð hans stangast illa á, eftir því
hvor á hlut að máli, ráðherra eða
Reykholtsdalshreppsstjórn."
Höfundur er skipulagsstjóri
ríkisins.
HELGARTILBOÐ
Nula
jakkapeysa
kr. 1.990
Fullar búðir af nýjum vorvörum
YERO mODA
Laugavegi 97, sími 552 1444 • Kringlan, sími 568 6244