Morgunblaðið - 03.07.1998, Qupperneq 2

2 FÖSTUDAGUR 3. JÚLÍ 1998
MORGUNBLAÐIÐ
____________________________FRÉTTIR______________
Ósland á Höfn hefur ekki mætt kröfum Hollustuverndar um mengunarvarnir
Frestur til að koma upp
búnaði rann út 1. júlí
Ný verksmiðja á að vera fullbúin 1999
FRESTUR sem fiskimjölsverk-
smiðju Óslands ehf. á Höfn var gef-
inn í starfsleyfi, sem gefið var út 1.
ágúst í fyrra, til að koma upp full-
nægjandi lykteyðingarbúnaði rann
út um síðustu mánaðamót. Kröfum
um mengunarvamir hefur enn ekki
verið mætt en að sögn Halldórs
Arnasonar, framkvæmdastjóra Os-
lands, er unnið af fullum krafti að
uppbyggingu nýrrar fiskimjöls-
verksmiðju sem mun uppfylla allar
kröfur um mengunarvarnir. A
þeirri uppbyggingu að vera lokið í
maí á næsta ári.
Töldu fresti of stutta og áfrýj-
uðu til úrskurðamefndar
Stjórnendur Oslands mótmæltu
starfsleyfinu á sínum tíma, að sögn
Halldórs, og töldu þá fresti sem
verksmiðjunni voru gefnir óraun-
hæfa og bentu jafnframt á að unnt
yrði að koma fullnægjandi búnaði
upp í maí á næsta ári. „Við höfum
áfrýjað þessu til úrskurðarnefndar,
sem starfaði samkvæmt eldri lög-
um um Hollustuvernd, og teljum
að okkur hafi verið gefnir of stuttir
frestir. Málið lenti í klúðri við af-
greiðslu vegna lagaskila á milli
eldri og yngri laga um Hollustu-
vernd, sem áttu sér stað á þessum
tíma. Við höfum því ekki fengið að
njóta þess andmælaréttar sem við
eigum lögum samkvæmt. Málið
stendur þar. Við starfrækjum
verksmiðju okkar meðan vinnslu-
leyfið er í gildi en það fellur ekki
sjálfkrafa úr gildi þótt fresturinn
sé hðinn,“ sagði Halldór.
A góðviðrisdögum á sumrin hef-
m- hafgola valdið því að lykt hefur
lagt yfir bæinn. Hafa íbúar á Höfn
verið óánægðir með ástand þessara
mála og var safnað undirskriftum
til að mótmæla því fyrir tveimur
árum. Fékk verksmiðjan þá viðvar-
anir Hollustuvemdar vegna þess
að hún uppfyllti ekki ákvæði starfs-
leyfis um að gera áætlanir um upp-
setningu lykteyðingarbúnaðar,
sem átti að vera lokið á síðasta ári.
Var ákveðið sl. sumar að gefa árs-
frest til að koma búnaðinum upp en
hann rann svo út um síðustu mán-
aðamót.
Ákvarðanir um
upphyggingu liggja fyrir
„Það er verið að vinna á fullu í
því að koma þarna upp fullkominni
fiskimjölsverksmiðju, sem uppfyll-
ir allar kröfur yfirvalda um meng-
unarvamir og aðrar þær kröfur
sem gerðar em til slíkra verk-
smiðja," segir Halldór. „Núver-
andi verksmiðja er komin til ára
sinna og uppfyllir ekki þær kröfur
sem gerðar era í dag. Það liggja
fyrir allar ákvarðanir hjá stjórn fé-
lagsins um að ráðast í þessa upp-
byggingu og það er verið að bjóða
út verkþætti í því samhengi.
Bræðslan er á engan hátt skaðleg
fyrir umhverfið að öðra leyti en
því að lyktin er hvimleið fyrir íbú-
ana. Þetta er því fyrst og fremst
spurning um afstöðu íbúanna hér
hvort þeir umbera það við okkur
meðan við eram að koma þessu í
lag,“ sagði hann. Halldór benti á
að verksmiðjan væri mjög vel stað-
sett því ríkjandi vindáttir stæðu
oftast frá bænum að verksmiðj-
unni og því kæmi sjaldan fyrir að
lykt frá verksmiðjunni bærist yfir
bæinn.
Segja ÁTVR
hafna bestu
kjörum
SAMNINGAR milli Áfengis- og tó-
baksverslunar ríkisins og Visa Is-
lands um notkun Visa greiðslu-
korta í verslunum ÁTVR hafa ekki
tekist. Einar S. Einarsson forstjóri
Visa Island segir að fyrirtækið
muni ekki bjóða ÁTVR lægri þjón-
ustugjöld en það hafi nú þegar.
„Samningarnir stranda á því að
þrátt fyrir að við höfum boðið
þessu ríkiseinokunarfyrirtæki al-
bestu kjör sem stærstu viðskipta-
vinir okkar njóta þá hafa þeir ekki
viljað þiggja það góða boð,“ sagði
Einar. Hann sagði að ÁTVR krefð-
ist lægri þjónustugjalda en tíðkuð-
ust á markaði nauðsynjavara, og
tók sem dæmi stórmarkaði og olíu-
félög, og fyrirtækið gæti ekki fall-
ist á það.
„Hluti þjóðfélagsþegna nýtur nú
allt í einu betri greiðslukjara en
meginþoi-ri almennings við kaup á
áfengi. Það má velta því fyrir sér
hvort það samrýmist þeirri einok-
unar- og markaðsráðandi aðstöðu
sem ÁTVR hefur hér á landi, og
kann vel að vera að slíkt brjóti í
bága við samkeppnislög, sem mun
verða kannað," sagði Einar.
Morgunblaðið/Þorkell
Sjónvarp frá borgarstjórnarfundum
Samstarf við Sýn?
BORGARYFIRVÖLD Reykjavík-
ur hafa leitað eftir því við sjón-
varpsstöðina Sýn að hún annist út-
sendingar frá fundum borgar-
stjómar. Aðalstöðin útvarpaði frá
fundum borgarstjómar á síðasta
kjörtímabili en hefur nú hætt því.
Verið er að kanna hjá Sýn
hvort áhugi er þar á bæ fyrir því
að sýna beint frá fundum borgar-
stjórnar. Talið er auðvelt að
koma upp nauðsynlegri aðstöðu
til sjónvarpsútsendinga úr Ráð-
húsinu. Síðasti borgarstjórnar-
fundur fyrir sumarleyfi var hald-
inn í gær og er sá næsti ráðgerð-
ur í byrjun september. Borgar-
stjórnarfundir eru að jafnaði
haldnir fyrsta og þriðja fimmtu-
dag í mánuði.
Eðlisfræði
listaverks
ÓLYMPÍULEIKARNIR í eðlis-
fræði hefjast í dag. Keppendur
tóku að streyma til landsins í
gær og var þeim sem þegar voru
komnir boðið í grill í Fjölskyldu-
garðinum í Laugardai. Listakon-
an Rúrí tók á móti hópnum, sýndi
þeim listaverk sitt, Fyssu, og út-
skýrði eðlisfræði verksins við
góðar undirtektir keppenda.
■ Ekki bara keppni/30
Borgarfulltrúar Sjálfstæðisflokksins
mótmæla kjöri fyrsta varaforseta
Telja Pétur
Jónsson ekki
borgarfulltrúa
VIÐ kosningu fyrsta varaforseta
borgarstjómar Reykjavíkur á
fundi borgarstjórnar í gærkvöld,
þar sem Pétur Jónsson hlaut átta
atkvæði en sjö seðlar vora auðir,
bókuðu borgarfulltrúar Sjálfstæð-
isflokksins mótmæli sín. Töldu
þeir ekki hafa verið farið að lögum
þar sem kjörinn hefði verið vara-
forseti sem ekki væri borgarfull-
trúi.
Á fundi borgarráðs 23. júní var
lagt fram bréf Hrannars Bjöms
Arnarssonar þar sem hann óskar
eftir tímabundnu leyfi frá störfum
sem borgarfulltrúi. Á þeim fundi
lagði borgarstjóri til að Pétur
Jónsson tæki við störfum hans í
borgarstjórn meðan svo stæði.
Báðum þessum málum var vísað til
borgarstjórnar og við umræður um
þau á fundi borgarstjómar í gær-
kvöld gagnrýndu borgarfulltrúar
sjálfstæðismanna að málin skyldu
ekki borin upp til atkvæðagreiðslu
hvprt fyrir sig.
I bókun þeirra segir að þeir geri
ekki athugasemdir við tímabundið
leyfí borgarfulltrúa frá störfum.
Síðan segir: „Við mótmælum hins
vegar og greiðum atkvæði gegn því
að varamaður í 13. sæti taki sæti
hans í borgarstjórn og teljum að
það fari í bága við 24. gr. sveitar-
stjómarlaga nr. 45/1998, þar sem
að framboði R-listans stendur
Reykjavíkurlistinn einn eins og
fram hefur komið hjá yfirkjör-
stjóm sem og frambjóðendum R-
listans fyrir kosningar.“
Varaborgarfulltrúi komi frá
sömu stjómmálasamtökum
Borgarfulltrúar Reykjavíkurlist-
ans lögðu fram yfirlýsingu þar sem
segir að samþykkt hafi verið að
komi til forfalla borgarfulltrúa list-
ans til lengri tíma taki sæti hans í
borgarstjórn varaborgarfulltrúi frá
sömu stjómmálasamtökum og sá
sem forfallast tilheyrir. Muni slíkar
breytingar verða tilkynntar borg-
arstjórn og borgarráði. Era í yfir-
lýsingunni taldir upp aðstandendur
Reykjavíkurlistans, þ.e. kjördæm-
isráð Alþýðubandalagsfélaganna í
Reykjavík, fulltrúaráð Alþýðu-
flokksfélaganna í Reykjavík, full-
trúaráð Framsóknarfélaganna í
Reykjavík, Kvennalistinn í Reykja-
vík og Regnboginn, stuðningshóp-
ur Reykjavíkurlistans.

Á FÖSTUDÖGUM
Sama verð, aukin bjónusta,
ferskari vara og meira vöruval
ÞJÓNUSTA f fSLENSKRl
MATVORUVERSUIN Efi
GIEYMD06
Brasilíumenn á báðum áttum
fyrir leikinn gegn Dönum / C4
Endurtaka ítalir leikinn frá
HM á Spáni 1982? /C3
HiVI ’98
á Netinu