Morgunblaðið - 14.11.1998, Qupperneq 80

80 LAUGARDAGUR 14. NÓVEMBER 1998
FRETTIR
Rússnesk lög um
starfsemi trúfélaga
HINN 17. nóvember nk. verður lát-
ið reyna á lög sem sett voru í Rúss-
landi í fyrra um starfsemi trúfé-
laga. Embætti saksóknara í
Moskvu hefur höfðað mál í því
augnamiði að fá starfsemi Votta
Jehóva í borginni bannaða. Málið
var dómtekið í septemberlok en
réttarhöldum frestað fram til 17.
nóvember, segir í fréttatilkynningu
frá Vottum Jehóva.
,A-V. Viktorvo, saksóknari norð-
ursvæðis Moskvuborgar, segir að
kenningar Votta Jehóva brjóti í bága
við lögin sem sett voru í fyrra og því
beri að banna starfsemi safnaðarins.
Lagafrumvarpið olli miklum deilum
þegar það kom til umræðu í júní á
síðasta ári en Jeltsín forseti staðfesti
þau 26. september 1997 þrátt fyrir
mótmæli víða að úr heiminum. Að
sögn Moskvufrétta var lýðræðisríkj-
um Vesturlanda þá heitið að lögun-
um yrði beitt eins „mildilega" og
frekast væri unnt. Við réttarhöldin í
næstu viku reynir á það hvort staðið
verður við þetta loforð.
Málaferlin eru óvenjuleg að því
leyti að um er að ræða einkamál en
ekki opinbert mál. Sakskóknari hafði
áður reynt að höfða opinbert mál á
hendur söfnuðinum en endurtekin
lögreglurannsókn hafði leitt í ljós að
ekki var efni til málshöfðunar. Rúss-
nesk stjórnvöld geta því ekki haft
áhrif á málsmeðferðina þótt það sé
opinber saksóknari sem höfðar mál-
ið. Þegar málið var dómtekið í sept-
ember óskaði verjandi safnaðarins
eftir því að dómsmálaráðuneytið í
Moskvu yrði kallað til vitnis í málinu
og féllst dómarinn á það. Ráðuneytið
hefur umsjón með skráningu trúfé-
laga í Moskvu og afstaða þess til
nýju laganna ætti að koma fram við
réttarhöldin," segir ennfremur.
„Verði starfsemi Votta Jehóva
bönnuð í Moskvu verður þeim
óheimilt að boða trú sína meðal al-
mennings, halda samkomur, leigja
húsnæði og dreifa ritum. Óttast er
að starfsemi safnaðarins verði bönn-
uð alls staðar í Rússlandi ef það
verður gert í Moskvu. Talsmenn
mannréttindasamtakanna telja að
mál þetta geti ógnað almennu trú-
frelsi í Rússlandi.
Vottar Jehóva í Moskvu eru um
10.000 talsins og í Rússlandi öllu eru
áhangendur safnaðarins um 250.000.
Vottar Jehóva njóta opinberrar við-
urkenningar í rösklega 150 löndum
og hafa starfað í Rússlandi í meira
en 100 ár,“ segir að lokum.
íslandsflugsdeildin
Deildakeppni í skák
DEILDAKEPPNI í skák hófst í
gær í húsakynnum Taflfélagsins
Hellis og Bridssambands íslands í
Mjóddinni.
Deildakeppnin er fjölmennasta
skákmót sem haldið er á landinu á
hverju ári. Keppnin fer fram í fjór-
um deildum og taka alls 40 sveitir
og um 270 skákmenn þátt í keppn-
inni. Styrktaraðili keppninnar er Is-
landsflug hf. sem gefur þátttakend-
um í keppninni kost á að fljúga á
mótsstað á lágum fargjöldum og er
Basar St.
Jósfefskirkju
HLUTAVELTA og basar
ásamt kaffsölu St. Jósefs-
kirkju, Jófríðastaðavegi í
Hafnarfirði, verður haldinn
sunnudaginn 15. nóvember að
lokinni messu sem hefst kl. 14 í
safnaðarheimili Jósefskirkju.
Á boðstólum verður mikið af
góðum vörum.
efsta deildin nafn félagsins, íslands-
flugsdeildin.
Þær átta sveitir sem tefla um ís-
landsmeistaratitilinn í íslandsflugs-
deildinni eru: Taflfélag Reykjavík-
ur, a og b sveit, Taflfélagið Hellir, a
og b sveit, Skákfélag Akureyrar,
Skákfélag Hafnarfjarðar, Taflfélag
Kópavogs og Taflfélag Hólmavíkur.
„Gera má ráð fyrir að baráttan
um íslandsmeistaratitilinn standi
fyrst og fremst milli Reykjavíkur-
risanna tveggja, TR og Hellis. I
fyrra varð sveit Taflfélags Reykja-
víkur hlutskarpari í þeirri baráttu
og er því núverandi Islandsmeistari
í sveitakeppni. Á fyrsta borði fyrir
sveit TR teflir Margeir Pétursson
en Hannes Hlífar Stefánsson, ný-
krýndur Islandsmeistari, fer fyrir
sveit Hellis,“ segir í fréttatilkynn-
ingu.
Nú yfir helgina verða tefldar 4
umferðir og hófst sú fyrsta í gær. I
dag, laugardag, verða tefldar tvær
umferðir og fjórða umferðin á
sunnudag. Keppninni verður svo
fram haldið í mars á næsta ári þeg-
ar síðustu 3 umferðirnar fara fram.
LLOYII
SKÓR FYRIR KARLMENN
NYKOMIN SENDING
Litir: Svartir • Stærðir: 40-46
Tegund: Siesta • Verð kr. 12.990
Yfir 50 tegundir til
D0MUS MEDICA
við Snoffobraut • Reykjavik
Sími 551 8519
STEINAR WAAGE
SKÓVERSLUN
KRINGLAN
Kringlunni 8-12 • Reykjovik
Sími 5689212
PÓSTSENDUM SAMDÆGURS • 5% STAÐGREIÐSLUAFSLÁTTUR
^ c" * m
MORGUNBLAÐIÐ
í DAG
VELVAKAJYÐI
Svarað í síma 569 1100 frá 10-12 og 13-15
frá mánudegi til föstudags
Svar til Ástu
vegnaIðnú
KÆRA Ásta.
Ég þakka þér fyrir bréf
þitt sem birtist í Velvak-
anda í gær. Það gleður mig
mjög að heyra hvað þú
varst ánægð með leiksýn-
inguna Rommí. Ég get svo
sannarlega tekið undir
með þér að þau Guðrún og
Erlingur fara á kostum í
hlutverkum sínum. Það er
alltaf gaman að heyra frá
fólki sem er ánægt með
þær sýningar sem við
bjóðum upp á.
Einnig þakka ég þér fyr-
ir ábendingu um að of
þröngt hafi verið um gesti
á sýningunni þetta kvöld.
Langar mig til að fara
nokkrum orðum um það
sem þú nefndir.
Þótt vh-ðulegt sé er Iðnó
gamalt leikhús þar sem
hvorki er hátt til lofts né
vítt til veggja. Leiksýning-
in Rommí hefur notið mik-
illa vinsælda og færri kom-
ast að en vilja. Því er Iðnó
þéttskipað öll kvöld sem
Rommí er sýnt. Reynt hef-
ur verið að gæta þess að
vel sé rúmt um alla gesti
hússins. Við endurbygg-
ingu Iðnó keyptum við til
að mynda mun rúmbetri
sæti en voru í „gamla
Iðnó“. Einnig hefur upp-
hækkuðum pöllum í sal
verið fjölgað sem tryggir
mun betri sjónlínu á sviðið
fyrir alla gesti hússins.
Hins vegar kann að vera
að í einhverjum tilvikum
hafi verið of þétt á milli
sætaraða sem eðlilega get-
ur valdið gestum okkar
óþægindum. Það munum
við kanna rækilega og
tryggja að betra rými
verði milli sætaraða í hús-
inu næst þegar þú sækir
okkur heim.
Einnig gerðir þú at-
hugasemd við ónúmeruð
sæti í Iðnó. Ástæður þess
eru tvær. I fyrsta lagi er
óhætt að segja að eftir
endurbyggingu Iðnó, með
góðum gólfhalla og af-
bragðs sjónlínu séu öll
sætin í húsinu jafn góð.
Onnur ástæða þessa fyrir-
komulags er sú að Iðnó er
lifandi leikhús og sætaupp-
röðun ólík milli verka í
húsinu. Til dæmis er salur-
inn gjörólíkur í Þjónn í
súpunni og Rommí. Þetta
gerir það að verkum að
sala í númeruð sæti er
óframkvæmanleg. Þá er
rétt að geta þess að bæði
Þjóðleikhúsið og Borgar-
leikhúsið bjóða upp á
ónúmeruð sæti á margai'
af sýningum sínum.
Ég þakka þér kærlega
fyrir þarfar ábendingar
sem þegar hafa verið tekn-
ar til greina. Það er afar
mikilvægt íyrir okkur sem
stöndum að endurreisn
menningarstarfs í Iðnó að
heyra frá gestum okkar og
fá þannig tækifæri til að
bæta starfsemina enn
frekar. Að lokum er
ánægjulegt að geta þess að
Iðnó hefur verið tilnefnt til
sérstakra verðlauna Norð-
uriandaráðs fyrir afbragðs
aðgengi fatlaðra í húsinu.
Ég vonast til að sjá þig
sem fyrst aftur í Iðnó.
Með kærri kveðju,
Magnús Geir Þórðarson,
listrænn stjórnandi Iðnó.
Sálin fer til guðs
SVO mælti biskup vor við
athafnir nýlega, bæði á
Keflavíkurflugvelli og í
Hallgrímskirkju. Ritningin
segir (Lúk. 23:46) „Þá kall-
aði Jesús hárri röddu:
„Faðir, í þínar hendur fel
ég anda minn“. Og er hann
hafði þetta mælt, gaf hann
upp andann." Hvort er það
sálin eða andinn sem fer til
Guðs að lífi okkar loknu
hér?
Fávís spyr.
Tapað/fundið
Ljós skinnhúfa týndist
LJÓS skinnhúfa týndist
nýlega. Skilvís finnandi
hafi samband í síma
553 3094. Fundariaun.

Morgunblaðið/RAX
SKAFTÁRJÖKULL:
SKAK
llinsjón Margeir
Pélnrsson
STAÐAN kom upp á bandaríska
meistaramótinu sem nú stendur yfir í
Denver í Coloradoríki. Dmitry
Gurevich (2505) hafði hvltt og átti leik
gegn Igor Ivanov (2.505) 25. Bxh7+! _
Kxh7 26. Re4 _ Dxd5 27. Rxc3 _ Db3
28. Re4 og með skiptamun yfir vann
hvítur skákina örugglega um síðir.
í undanúrslitum á mótinu tefla
saman þeir Nick deFirmian og Tal
Shaked annars vegar og hins vegar
þeir Joel Benjamin og Dmitry
Gurevich. Á meðal þeirra sem hafa
fallið úr keppni eru Seirawan, Gulko
og Christiansen.
í kvennaflokki sigraði hin 14 ára
gamla Irina Krush.
Deildakeppni SÍ. Tvær umferðir
verða tefldar í dag í Hellisheimifinu,
Þönglabakka 1 í Mjódd. Sú fyrri hefst
ki. 10 fyrir hádegi og sú seinni kl. 17.
HVÍTUR leikur og vinnur.
Víkverji skrifar...
VÍKVERJA hefur borist eftir-
farandi athugasemd:
„Dægurmálaskrif Víkverja eru
gamalgróinn þáttur í Morgunblað-
inu. Að sögn blaðsins koma þar
ýmsir að verki og misjafn taktur
sleginn frá degi til dags bæði hvað
varðar efnistök og áreiðanleika.
Skiifin eru nafnlaus.
Að undanförnu hefur Víkverja-
skrifari gert verslun Nýkaups í
Kringlunni að umræðuefni og sent
henni lítt vinsamlegan tón. I Morg-
unblaðinu í dag, 12. nóvember, er
hann enn að og fullyrðir nú, að
vöruverð hafi „hækkað nokkuð í
hinni nýju Nýkaupsverzlun í Kr-
inglunni“. Þessa fullyrðingu reynir
Víkverjaskrifarinn ekki að rök-
styðja á nokkurn hátt og nefnir
engin dæmi henni til staðfestingar,
enda er hún röng. Nýkaup hefur
ekki hækkað vöruverð í verslun
sinni í Kringlunni né öðrum versl-
unum. Um það getur Víkverja-
skrifarinn sannfærst, ef hann gerir
sér ferð í verslunina, en þangað er
hann að sjálfsögðu velkominn eins
og allir aðrir.
Nýkaup hefur allt frá byrjun í
sumar auglýst mikið í fjölmiðlum,
þar á meðal í Morgunblaðinu.
Ganga verður út frá því sem gefnu,
að Víkverjaskrifarinn lesi Morgun-
blaðið og sjái þar á meðal heilsíðu-
auglýsingar frá Nýkaupi. I dag
eins og stundum áður fylgir heilt
auglýsingablað frá Nýkaupsversl-
ununum Morgunblaðinu. Efni
þessara auglýsinga er að stórum
hluta margs konar tilboð til við-
skiptavina um vörur á stórlækkuðu
verði. Furðulegt er, að Víkverja-
skrifarinn skuli ekki sjá minnstu
ástæðu til að minnast á þetta í um-
fjöllun sinni um vöruverð í Ný-
kaupsversluninni í Kringlunni.
Varla hefur þetta farið fram hjá
honum.
Morgunblaðið hefur verið, er og
verður vonandi alltaf áreiðanlegur
og öflugur fjölmiðill. Ritstjórar
þess og blaðamenn hafa marg oft
sýnt, að þeir vilja heldur hafa það
sem sannara reynist. Ái-eiðanleiki
Morgunblaðsins sem fjölmiðils ger-
ir því ábyrgðarlaus skrif Víkerja að
alvarlegum hlut í mínum huga. Því
vænti ég þess, að blaðið birti þessa
grein mína til leiðréttingar á ítrek-
uðum Víkverjaskrifum um Ný-
kaup. Gott blað verður ekki, frem-
ur en önnur fyrirtæki, sterkara en
veikasti hlekkurinn.
Finnur Árnason,
framkvæmdastjóri Nýkaups."