Morgunblaðið - 03.12.1998, Blaðsíða 4

4 FIMMTUDAGUR 3. DESEMBER 1998
MORGUNBLAÐIÐ
FRÉTTIR
Tekjur af virðisaukaskatti vegna innlendrar starfsemi hafa lækkað
Viðamikil úttekt gerð
á virðisaukaskatti
Virðisaukaskattur af innlendri
starfsemi hefur lækkað síðustu ár
ÁKVEÐIÐ hefur verið að hrinda
af stað viðamikilli athugun á flest-
um þáttum virðisaukaskattsins.
M.a. er ætlunin að gera úttekt á
upplýsinga- og vinnslukerfum
virðisaukaskattskerfísins, skoða
eftirlit með tekjuskráningu,
svartri atvinnustarfsemi, ólöglegri
innsköttun og hvemig tekjur af
virðisaukaskatti hafa þróast í sam-
anburði við aðrar hagstærðir.
Jafnframt er ætlunin að meta
hvort æskilegt sé að breyta lögum
og meta mannaflaþörf við fram-
kvæmd og eftirlit.
Þessar upplýsingar koma fram í
svari fjármálaráðherra á Alþingi
við fyrirspurn frá Jóhönnu Sigurð-
ardóttur alþingismanni. I svarinu
kemur fram að heildartekjur ríkis-
sjóðs af virðisaukaskatti breyttust
lítið á áranum 1992-1995, vora um
45 milljarðar. Á síðustu tveimur ár-
um hafa tekjurnar aukist, en þær
vora á síðasta ári 55,5 milljarðar.
Þegar virðisaukaskattskerfinu
var komið á fót árið 1990 kom
48,4% skattsins af innlendri starf-
semi. Þetta hlutfall hefur lækkað
síðan og var á síðasta ári 39,3%.
Frá 1994-1996 lækkuðu tekjur rík-
issjóðs af virðisaukaskatti vegna
innlendrar starfsemi um rúma 4
milljarða, eða úr 22,6 milljörðum í
18,5 mihjarða. I fyrra vora tekjur
ríkissjóðs af virðisaukaskatti vegna
innlendrar starfsemi 21,8 milljarð-
ar, en tekjurnar vora 23,8 milljarð-
ar árið 1993.
í svari fjármálaráðherra kemur
fram að virðisaukaskattur við inn-
flutning koma að veralegu leyti
fram sem innskattur á virðisauka-
skattsskýrslum og dragi þar með
úr skilum á virðisaukaskatti innan
lands. Þetta skýri að hluta til að
hlutfall tekna af innlendri starf-
semi hafi lækkað á síðustu áram.
Skattsvik hafa
ekki minnkað
Bent er á að á árunum 1992 og
1993 hafi innflutningur verið lægri
en árið á undan og þá hafi hlutfall
innlendra skila hækkað. Frá 1994
hafi innflutningur aftur vaxið ár frá
ári og við það hafi hlutfall tekna af
innlendri starfsemi lækkað.
I svarinu er minnt á að árið 1994
var tekið upp lægra þrep fyrir virð-
isaukaskatt á matvæli. Þetta
skekki tölulegan samanburð milli
ára. Þróun útflutnings hafi enn-
fremur áhrif á skil á virðisauka-
skatti. Aukinn innflutningur sem
fari til framleiðslu á útflutningsaf-
urðum leiði til lækkandi hlutfalls
innlendrar álagningar. Sama eigi
við um aukinn innflutning til fjár-
festinga og birgðasöfnunar.
I fyrirspurn Jóhönnu er spurt
hvort ástæða sé til að ætla að virð-
isaukaskattssvik hafi aukist. I svari
fjármálaráðherra segir að engar
tölulegar upplýsingar um skattsvik
milli ára liggi fyrir, en ekki sé
ástæða til að ætla að skattsvik hafi
minnkað.
Lóð yfir Kópa-
vogsgjá auglýst
KÓPAVOGSBÆR hefur auglýst
úthlutun verslunar- og þjón-
ustulóðar við Hamraborg 8
lausa til úthlutunar, en lóðin
sem um ræðir er við og yfir
Kópavogsgjá sunnan brúarinnar
yfir gjána. Á lóðinni má byggja
tveggja hæða byggingu um
1.000 fermetra að grunnfleti
með aðkomu frá Hamraborg.
Verslunarkeðjan 10-11 sótti
um umrædda lóð siðastliðið
sumar og var nýtt deiliskipulag
af svæðinu samþykkt í kjölfarið,
en á eldra skipulagi var m.a.
gert ráð fyrir hóteli á lóðinni.
Að sögn Birgis Sigurðssonar,
skipulagsstjóra Kópavogsbæjar,
hefur Kópavogsbæ alla tíð verið
umhugað um að byggt verði yfir
gjána og það hefur verið mark-
mið í fjölda ára. Þess vegna
hefði umsókn um Ióðina verið
vel tekið, en venjan væri sú að
auglýsa lóðir sem eru til hjá
bænum þannig að öllum sem
áhuga hafa á gefist kostur á að
sækja um.
„Þetta er má segja bara brú
sem tengir saman vestur- og
austurbakkann alveg við norð-
urbrúna. Það verða bilastæði
næst brúnni og sfðan kæmi
byggingin þar fyrir sunnan.
Megingönguleið yrði meðfram
brúnni og síðan sunnan við hús-
ið. Samanlagður gólfflötur húss-
ins verður 2.000 fermetrar
þannig að þetta er allnokkur
bygging," sagði Birgir.
Miðbær Kópiilgsr rr7
Samþykkt deiliskipulag ~ '
ýr t
HAMRABORG
Listasafn
Kópavogs
Upplýsingar um
nettengingar
Afhentar
að gengn-
um dóms-
úrskurði
LANDSSÍMINN hefur
ákveðið að afhenda Ríkislög-
reglustjóra upplýsingar, sem
embættið hefur beðið um,
varðandi tengitíma tiltekins
notanda á Netinu, ef fyrir
liggur dómsúrskurður þess
efnis.
Olafur Þ. Stephensen, tals-
maður Landssímans, segir að
fyrirtækinu hafi nýlega borist
beiðni frá Ríkislögreglustjóra
um upplýsingar um tengitíma
tiltekins notanda vegna rann-
sókna á nýlegu innbroti í
tölvukerfi.
Vegna reikningsgerðar
sinnar ski’áir Landssíminn
þann tíma, sem notandi er
tengdur Netinu, en ekki er
haldið saman upplýsingum
um hvaða heimasíður era
heimsóttar.
Eins og um venjuleg
fjarskipti væri að ræða
Beiðnin hafi verið skoðuð
innan fyrirtækisins með hlið-
sjón af nýlegum dómi Hæsta-
réttar þar sem lögreglu var
heimilaður aðgangur að gögn-
um um viðskiptavini netþjón-
ustuíýrirtækis. Niðurstaðan
sé sú að fyrirtækið telji að það
megi draga þá ályktun af
dómi Hæstaréttar að með að-
gang að upplýsingum um
nettengingar eigi að fara eins
og um venjuleg fjarskipti væri
að ræða.
„Við höfum talið að það eigi
að fylgja sömu verklagsregl-
um og hafa gilt um slíka upp-
lýsingagjöf til opinberra rann-
sóknaraðila. Þar af leiðandi
munum við veita Ríkislög-
reglustjóra aðgang að þeim
upplýsingum, sem við höfum,
en ekki nema samkvæmt sér-
stökum dómsúrskurði eða
skriflegri heimild eiginlegs
notanda eða rétthafa tölvunn-
ar, sem kom við sögu,“ sagði
Ólafur.
Hann sagðist gera í'áð fyrir
að úrskurður héraðsdómara
yrði látinn nægja en þetta
væri sama regla og stuðst
hefði verið við í þeim fáu mál-
um, sem upp hafa komið, þar
sem óskað hefur verið eftir
heimild til símhlerunar.
7 mánaða
fangelsi
fyrir kyn-
ferðisbrot
33 ÁRA gamall karlmaður var
dæmdur í 7 mánaða skilorðs-
bundið fangelsi í gær fyrir
kynferðisbrot gegn fjögurra
ára gömlu stúlkubarni. Atvik-
ið átti sér stað á heimili föður
stúlkunnar í aprfl síðastliðn-
um. Þetta mun vera fyrsta
brot ákærða af þessum toga,
en hann hefur tvisvar gerst
sekur um brot gegn almenn-
um hegningarlögum.
Ákærða var einnig gert að
greiða baminu 100 þúsund
krónur í miskabætur og allan
sakarkostnað. Finnbogi Alex-
andersson héraðsdómari við
Héraðsdóm Reykjaness kvað
upp dóminn.