Morgunblaðið - 13.01.1999, Blaðsíða 1

STOFNAÐ 1913
9. TBL. 87. ÁRG.
MIÐVIKUDAGUR 13. JANÚAR 1999 PRENTSMIÐJA MORGUNBLAÐSINS
Málshöfð-
un vegna
of langs
vinnutíma
París. The Daily Telegraph.
AXVEÐIÐ hefur verið að
höfða mál á hendur forstjóra
fransks fyrirtækis en vinnueft-
irlitsmenn komust að því, að
starfsmenn hans unnu of lang-
an vinnudag.
Bemard Rocquemont, sem
var forstjóri rafeindafyrirtæk-
is innan Thomson-samsteyp-
unnar, á yflr höfði sér 2,3 millj-
óna kr. sekt og skilorðsbund-
inn fangelsisdóm verði hann
fundinn sekur. Er málarekst-
urinn hluti af herferð franska
vinnueftirlitsins gegn fólki,
sem leggur á sig ólaunaða eft-
irvinnu og vinnur lengur en
vinnuvikan segir til um. Hún
er nú 39 klukkustundir en
verður brátt 35. Hingað til hef-
ur viðkomandi lögum aðallega
verið beitt gegn þeim, sem eru
með ólöglega innflytjendur í
vinnu á lúsarlaunum.
Allir lúti
stimpilklukkunni
I Thomson-málinu er því
haldið fram, að vinnuvika 1.300
verkfræðinga og stjórnenda í
verksmiðju fyrirtækisins í
Elancourt hafi til jafnaðar ver-
ið 46 klukkustundir eða sjö
stundum lengri en lög kveða á
um og fyrir umframtímann
hafi ekkert verið greitt. Þessir
starfsmenn, sem eru hærra
settir en hinir óbreyttu, líta
raunar margir svo á, að þeir
séu ekki bundnir klukkunni,
heldur því verki, sem þeir eru
að vinna hveiju sinni en á því
hefur nú orðið breyting.
Elancourt-verksmiðjunni er
nú lokað stundarfjórðungi eftir
að vinnu lýkur opinberlega og
allir starfsmenn verða að
stimpla sig inn og út.
Martine Aubry, atvinnu-
málaráðherra Frakklands, er
ekkert yfir sig hrifin af
dugnaði vinnueftirlitsins og
hún segist óttast, að harkaleg-
ar aðgerðir þess muni snúa
fólki gegn væntanlegri stytt-
ingu vinnuvikunnar í þrjátíu
og fimm stundir.
ÖSE reynir að koma í veg fyrir að átök brjótist út í Kosovo
KLA sagt ætla að
láta gíslana lausa
Pristina, London, Moskvu. Reuters.
YFIRMAÐUR ÖSE, Öryggis- og
samvinnustofnunar Evrópu, sagði í
gær að Frelsisher Kosovo (KLA)
hefði samþykkt að láta lausa úr
haldi átta júgóslavneska hermenn
sem þeir tóku í gíslingu síðastliðinn
föstudag. Sagði Knut Vollebæk, yf-
irmaður ÖSE sem jafnframt er ut-
anríkisráðherra Noregs, að viðræð-
ur við leiðtoga KLA hefðu hlotið far-
sælan endi en kvaðst ekki að öðru
leyti geta greint frá því hvað fælist í
samkomulaginu.
Sendi ÖSE seinna frá sér yfirlýs-
ingu þar sem sagt var að „mikilvæg-
ur fundur“ færi fram í Gornje
Obrinje, sem er um 20 kílómetra
vestur af Pristina, í dag, miðviku-
dag. Var það spá fréttaskýrenda að
á þessum „fundi“ myndi KLA af-
henda hermennina í hendur ÖSE.
Fyrr um daginn hafði Adem
Demaci, talsmaður KLA, ítrekað þá
kröfu skæruliðanna að Serbar létu
af hendi níu liðsmenn KLA, sem
handteknir voru fyrir mánuði, gegn
því að júgóslavnesku hermennirnir
yrðu látnir lausir.
Var ekki ljóst hvort Vollebæk,
sem kom til Kosovo í gær, hafði
fengið KLA til að láta af kröfu sinni
en júgóslavneski herinn lýsti því yf-
ir, skömmu fyrir fréttamannafund
Vollebæks í gær, að KLA yrði að
sleppa hermönnunum „skilyrðis-
laust“, ella kynni Júgóslavíuher að
þurfa að beita valdi til frelsa þá.
Höfðu fulltrúar ÖSE lagt allt
kapp á að fá hermennina júgóslav-
nesku leysta úr haldi enda óttuðust
menn að til blóðugra átaka kæmi á
nýjan leik fengist ekki farsæl lausn
á málinu. Um 2.000 manns féllu í
átökum í Kosovo í fyrra.
Utanríkisráðherrar Rússlands og
Frakklands, Igor Ivanov og Hubert
Vedrine, sem í gær funduðu í
Moskvu, hvöttu tU þess að Tengsla-
hópurinn svokallaði, sem Bandarík-
in, Rússland, Frakkland, Bretland,
Þýskaland og Ítalía standa að, leitaði
nýrra leiða til að stuðla að friði í
Kosovo. Þar hefur þótt ófriðlegt að
undanfórnu þrátt íyrir tilraunir
Chris Hills, sendimanns Bandaríkja-
stjórnar, til að miðla málum.
Er því nú spáð að Tengslahópur-
inn komi saman innan tveggja vikna
og mun hópurinn sennilega leggja
áherslu á að fá Ibrahim Rugova,
kjörinn leiðtoga Kosovo-Albana, og
fulltrúa KLA til að mynda eina
samninganefnd, sem haldið gæti á
fund Slobodans Milosevics, forseta
Júgóslavíu, og leitað lausnar á
Kosovo-deilunni. Þetta gæti hins
vegar reynst þrautin þyngri því
Rugova og KLA hafa hingað til lítið
viljað eiga saman að sælda.
Reuters
I GÆR var Enver Maloku, yfirmaður upplýsingamiðstöðvar Kosovo-Albana, borinn til grafar en hann var
myrtur á mánudag af óþekktum byssumönnum. Fjöldi fólks var við útförina, m.a. margir skæruliða KLA.
Persson svarar
Santer fullum hálsi
Kaupmannahöfn. Morgunblaðið.
„ÉG VAR spurður álits í beinni
sjónvarpsútsendingu. Ekki gat ég
stokkið upp og hringt í Santer til
að spyrja hvað
honum fyndist,"
sagði Göran
Persson, forsæt-
isráðherra
Svíþjóðar, í gær
vegna harðrar
gagnrýni í bréfi
frá Jacques Sant-
er, forseta fram-
kvæmdastjórnar
Evrópusambandsins, ESB.
Tilefni bréfaskrifta Santers var
sjónvarpsviðtal við Persson á
þrettándanum. Aðspurður um
starfsmann ESB, sem vikið var úr
starfi fyrir að leka upplýsingum
um fjárhagslega óreiðu í tengsl-
um við sjóði ESB, sagði Persson
að ef sá skortur á aðgengi og vilja
til breytinga, sem hann læsi út úr
slíkri útilokun, breiddist út
skaðaði það ESB. í bréfi sínu
undrast Santer ummælin. „Ég
hefði óskað þess að þú hefðir haft
samband við okkur til að kynna
þér okkar rök áður en þú setur
fram svo neikvæð ummæli," segir
Santer. Santer segir manninn
ekki hafa verið rekinn fyrir upp-
Ijóstranir, heldur fyrir að leka
upplýsingum úr skjölum, og veltir
fyrir sér hvað sænska stjórnin
gerði við slíkar aðstæður. Einnig
spyr hann hvað Persson eigi við
með skorti á aðgengi, því skjöl
eins og hér var um að ræða séu
heldur ekki opinber í Svíþjóð. Á
síðustu fjórurn árum hafi meira
verið gert til að takast á við
svindl en undanfarin fjörutíu ár.
Að lokum segir hann að slík um-
mæli skaði ESB.
„Ég nota bara hans stíl,“ sagði
Persson og samsinnti því að svar
sitt væri kannski nokkuð
snarpyrpt, „en ég var líka ögn
argur,“ bætti hann við með hægð.
í svari sínu bendir hann Santer á
að hann hafi ekki heldur haft
samband við sig og samstarfs-
rnenn sína til að kynna sér
nákvæmlega hver ummælin hafi
verið og segir bréf Santers byggj-
ast á röngum upplýsingum.
Starfsmenn framkvæmdastjórnar-
innar í Stokkhólmi séu greinilega
ekki starfi sínu vaxnir fyrst þeir
geti ekki gefið réttar upplýsingar.
Sænskir fjölmiðlar voru upp-
fullir af vangaveltum um bréf
Santers og erlendir fjölmiðlar
hafa tekið málið upp, enda tónn-
inn langt frá venjulegu
diplómaf ísku kurteisishjali.
Kannski væri Santer svo þjakaður
af vantrauststillögunni, sem borin
verður upp í þinginu á morgun,
töldu sumir. Kannski þætti mönn-
um í Brussel Svíar svo einangrað-
ir að við þá væri hægt að segja
hvað sem er, var ágiskun annarra
fjölmiðla. Paavo Lipponen, for-
sætisráðherra Finna, tók upp
hanskann fyrir Santer og sagði að
hann yrði að fá vinnufrið.
■ Kröfur harðna/20
Persson
Reuters
Snjókoma í
Frakklandi
MIKIL snjókoma í Norður-
Frakklandi olli í gær uppnámi í
lestarsamgöngum og bílaumferð.
Þúsundir manna voru einnig án
rafmagns í suður- og austurhluta
Frakklands eftir blindhrið um
síðustu helgi. Að auki olli snjó-
koman erfiðleikum í Hollandi þar
sem loka þurfti Schiphol-flugvelli
um tíma.
Nokkrir Parísarbúar voru hins
vegar í gær allt annað en ósáttir
við fyrstu snjókomu þessa vetrar,
t.d. þessir sem gerðu sér glaðan
dag á Marsvöllum fyrir framan
Eiffel-turninn.
Hart sótt að
Netanyahu
Jerúsalem. Reuters.
JACOB Frenkel, bankastjóri ísra-
elska seðlabankans, varaði í gær við
auknum fjárútlátum ríkisins í að-
draganda þingkosninga, sem fram
eiga að fara í landinu í maí, en for-
sætisráðherrann, Benjamin Net-
anyahu, lýsti á mánudag stuðningi
sínum við lagafrumvarp sem leggur
til að böm hljóti ókeypis grunn-
skólamenntun frá þriggja ára aldri,
í stað fimm ára aldurs áður. Hafnaði
Netanyahu þá einnig tillögu um að
lækka lífeyri aldraðra.
Neitaði Netanyahu hins vegar í
gær ásökunum um að hann hygðist
einungis auka fjárútlát ríkisins í
velferðar- og menntamálum í því
skyni að laða kjósendur til liðs við
sig í upphafi kosningabaráttunnar.
Fulltrúar í fjármálaráðuneytinu og
hagfræðingar segjast telja stuðning
Netanyahus einungis í orði en ekki
á borði, og skýrast af því að kosn-
ingar væra yfirvofandi, og sögðu að
aukinheldur myndi forsætis-
ráðherranum ekki takast að finna
fjármuni í ríkiskassanum fyrir þessi
verkefni. Tók Ehud Barak, leiðtogi
Verkamannaflokksins, sem býður
sig fram sem forsætisráðherra gegn
Netanyahu, undir háværar gagn-
rýnisraddir. „Þessi ríkisstjórn lætur
aldrei verkin tala,“ sagði Barak.
Hélt Netanyahu því hins vegar
fram að hann hefði alltaf haft í
hyggju að losa um buddu ríkisins
nú, eftir að hafa stundað aðhald í
ríkisrekstri undanfarin tvö og hálft
ár. „Ég sagði að fyrst yrðum við að
stíga á hemlana en að hækkun á út-
gjöldum ríkisins myndi fylgja í
kjölfarið."