Morgunblaðið - 13.01.1999, Blaðsíða 2

2 MIÐVIKUDAGUR 13. JANÚAR 1999
MORGUNBLAÐIÐ
FRÉTTIR
FJÖLMENNI var á fundi um agamál í Hagaskóla sem foreldrafélag skélans efndi til í gærkvöld.
Morgunblaðið/Árni Sæberg
Rætt um agamál á fjölmennum fundi Foreldrafélags Hagaskóla
HÚSFYLLIR var á fundi For-
eldrafélags Hagaskóla í Reykjavík
í gærkvöld um agamál. Þar fluttu
framsöguerindi þeir Einar Magn-
ússon skólastjóri, Tryggvi Agnars-
son frá Foreidrafélagi Hagaskóla,
Arthúr Morthens hjá Fræðslumið-
stöð Reykjavíkur, Hjálmar Ái-na-
son þingmaður og Þorsteinn Sæ-
berg, formaður Skólastjórafélags
Islands.
Talsverðar umræður urðu í kjöl-
far framsöguerindanna. Fram kom
á fundinum stuðningur við skóla-
stjórann og stefnu skólans. Einn
ræðumaður nefndi að ekki hefði
verið rétt tekið á málum en mun
fleiri lýstu stuðningi við skólann.
Einar Magnússon skólastjóri
rakti atburðarás síðustu viku, en
eins og fram hefur komið í fréttum
hafa nokkrir nemendur þar verið
með sprengjur í skólanum og tals-
vert tjón hlotist af og nemendum
Ábyrgðin er
líka foreldra
og kennurum verið hætta búin.
Einar lýsti því yfir að rétt hefði
verið brugðist við í agamálum,
nemendur hefðu vitað um rétt sinn
en þeir yi-ðu að gæta þess að þeir
hefðu einnig skyldum að gegna.
Tryggvi Agnarsson ræddi
einnig um réttindi og skyldur
nemenda. Sagði hann skólann fjöl-
mennan og ekki hefði verið rétt að
láta skólastjórann taka ákvörðun
sína um brottrekstur nemenda til
baka. Málið hefði allt verið erfitt
og viðkvæmt og nemendur mættu
ekki fá það á tilfinninguna að þeir
gætu tekið völdin. Spurning væri
einnig um ábyrgð foreldra, ljóst
væri að hverjum þætti sinn fugl
fagur og foreldrar tækju stundum
afstöðu með börnum sínum.
Tryggvi minnti á að vandinn væri
foreldravandamál en ekki ung-
lingavandamál eða skólans og
skólinn ætti að vera foreldrum til
stuðnings þegar mál sem þessi
kæmu upp. Hvatti hann foreldra
til að beita aga og hafa skýrar
reglur. Taldi hann aðgerðir nem-
enda fremur sprottnar af barna-
skap en mannvonsku.
Auka þarf samgang
foreldra og skóla
Arthúr Morthens ræddi um
ýmsar reglur og Hjálmar Amason
þingmaður fjallaði um spurninguna
hvort vandinn væri almennur.
Varpaði hann því fram hvort at-
burðir væru um of blásnir upp og
virkuðu sem hvatning á nemendur
til óknytta. Hann sagði samgang
foreldra og skóla ekki nógu mikinn
og spurði hvort foreldrar hefðu
ekki lengur tíma fyrir unglingana, í
hvaða röð börnin væru sett.
Þingmaðurinn minnti á þings-
ályktunartillögu um agavanda í
skólum sem lögð var fram á þingi á
liðnu hausti og kynnti hana fundar-
mönnum.
Harma efnistök í Dómsdegi
ÚTVARPSRÁÐ hai-mar að efnistök í sjónvarps-
myndinni Dómsdagur, sem var á dagskrá Sjón-
varps á jólum, skuli vera með þeim hætti að
vegið sé með mjög ómaklegum hætti að æru lát-
inna einstaklinga og þar meðal annars sú mynd
gefín af nafngreindum persónum að þær hafi
gerst sekar um voðaverk. Þetta kemur fram í
samþykkt sem gerð var á fundi útvarpsráðs í
gær.
Þar segir ennfremur: „Slík vinnubrögð geta
ekki orðið til annars en að sverta nöfn hinna
látnu og vekja sárindi og reiði meðal eftirlifandi
ættingja þeirra. Það er ekki vilji útvarpsráðs að
í dagskrám Ríkisútvarpsins sé með slíkum hætti
vegið að æra fólks.“
Markús Örn Antonsson útvarpsstjóri segist
líta svo á að samþykkt útvarpsráðs sé lokaaf-
greiðsla málsins á þessum vettvangi. „Útvarps-
ráð aðhefst ekki meir og ekki við hér í stofnun-
inni,“ sagði Markús Örn.
Þykir afgreiðsla útvarpsráðs vera
„þunnur þrettándi"
Davíð Scheving Thorsteinsson ráðgjafi, sem
var einn þeirra sem vöktu athygli á málinu í að-
sendri grein í Morgunblaðinu, kveðst telja af-
greiðslu útvarpsráðs heldur þunnan þrettánda.
Utvarpsráð segi að efnistökin hafi ekki verið
með vilja þess. „Mín spurning til útvarpsráðs er
þessi: Hvers vilji var það sem réð því að þetta
var sýnt annan í jólum?“
Einar Benediktsson sendiherra, barnabam
og alnafni Einars skálds, sem kvartaði undan
sýningu myndarinnar til útvarpsráðs, segir að
þetta sé sjálfsögð og eðlileg ákvörðun og jafnvel
þótt fyrr hefði verið. Meira vildi Einar ekki um
málið segja.
Blaðið náði ekki tali af Agli Eðvarðssyni, leik-
stjóra sjónvarpsmyndarinnar, í gær.
Nemendum
fækkar í
framhalds-
skólum
SAMKVÆMT bráðabirgðatölum
frá Hagstofu íslands hefur nem-
endum við nám í háskólum fjölgað
en fækkun orðið á framhaldsskóla-
stigi. Nemendur eru samtals
28.915, sem er aukning um 216
nemendur eða 0,8% frá fyrra skóla-
tímabili.
Aukning á háskólastigi er 302
eða 3,6% milli ára en nemendum á
framhaldsskólastigi hefur fækkað
lítillega eða um 86, sem er 0,4%
fækkun. Þessi fækkun er ekki í
samræmi við tölur síðustu ára, en
þá hefur orðið aukning á þessu
námsstigi. Nemendum mennta-
skóla hefur fækkað um 181 á milli
ára og eru þeir nú 5.334, aftur á
móti hefur nemendum í fjölbrauta-
skólum og iðnskólum fjölgað um
161 frá því í fyrra og eru nú 14.294
talsins.
í dagskólum sitja 25.378 nemend-
ur, sem eru 87,8% af heildarfjölda
nemenda í háskólum og framhalds-
skólum. Alls eru 2.834 nemendur í
kvöldskólum, öldungadeildum og
meistaraskólum, sem er fækkun frá
árinu 1997. Hlutur fjarnáms hefur
aukist frá 1997 um 15,2%. Um 700
nemendur stunda nú fjarnám en
það eru 2,4% allra nemenda.
Nemendur Háskóla
Islands eru 5.600
Fjölmennasti skólinn sem fyrr er
Háskóli íslands með 5.600 nemend-
ur, á framhaldsskólastigi er hins
vegar Fjölbrautaskólinn í Breið-
holti með flesta nemendur eða
2.308. Fimm aðrir skólar eru með
yfir 1.000 nemendur. Fámennasti
skólinn á framhaldsskólastigi er
Tannsmiðaskóli íslands, en í hon-
um eru sex nemendur.
----------------
Prófkjör samfylking-
arinnar á Reykjanesi
Tvær Kvenna-
listakonur
tilkynna
þátttöku
REYKJANESANGI Samtaka um
Kvennalista samþykkti í gærkvöldi
þátttöku í prófkjöri samfylkingar-
innar í Reykjaneskjördæmi sem
fram fer dagana 5. og 6. febrúar
næstkomandi.
Á fundinum tilkynntu tvær
Kvennalistakonur, þær Birna Sig-
urjónsdóttir aðstoðarskólastjóri og
Þórunn Sveinbjarnardóttir stjórn-
málafræðingur, að þær gæfu kost á
sér í prófkjörinu og sæktust eftir að
skipa þriðja til fjórða sæti á lista
samíylkingarinnar á Reykjanesi.
Frestur til að skila inn framboð-
um rennur út næstkomandi fóstu-
dagskvöld kl. 22. Fram kom á fund-
inum að fleiri Kvennalistakonur eru
að íhuga þátttöku í prófkjörinu.
E3 3ÍDUSi
•••••••••••••••••••••••••••••••••••••
f jHorrtiinbhV
im rVE Wff/i

► f Verinu í dag er fjallað um verðmætaaukingu á físk-
mörkuðum, afla og staðsetningu fiskiskipanna og rætt
við Ingu Fanneyju Egilsdóttur, kennara við sjómanna-
skólann í Walvis Bay í Namibíu.
www.mbl.is
Júlíus á heimleið eftir
tíu ár í atvinnumennsku/B1
Bolton vill fá um 480
ísl. kr. fyrir Arnar/B1