Morgunblaðið - 13.01.1999, Blaðsíða 12
12 MIÐVIKUDAGUR 13. JANÚAR 1999
MORGUNBLAÐIÐ
FRÉTTIR
Prófkjör hjá Framsóknarflokknum á Norðurlandi vestra verður haldið um næstu helgi
Skagfírðingar bít-
ast um annað sætið
Þrír framsóknarmenn sækjast eftir þingsæti
Stefáns Guðmundssonar í Norðurlandskjör-
dæmi vestra en prófkjör fer fram um næstu
helgi. I grein Helga Bjarnasonar kemur
fram að mikil barátta er milli tveggja Skag-
fírðinga og Vestur-Húnvetnings um sætið
og eru úrslit talin mjög tvísýn.
Árni Elín R. Herdís Á.
Gunnarsson Líndal Sæmundardóttir
SJÖ bjóða sig fram í prófkjöri
Framsóknarflokksins í Norður-
landskjördæmi vestra vegna undir-
búnings alþingiskosninganna. Próf-
kjörið fer fram um helgina. Það er
opið, flokksmenn hafa rétt til þátt-
töku svo og aðrir kjósendur í kjör-
dæminu sem undirrita stuðningsyf-
irlýsingu við flokkinn á kjörstað.
Páll Pétursson, félagsmálaráð-
heira frá Höllustöðum í Austur-
Húnavatnssýslu, sækist einn eftir
fyrsta sætinu í prófkjörinu en það
sæti hefur hann skipað í undanfórn-
um kosningum. Fyrir fjórum árum
hélt hann sætinu í prófkjöri þótt
samþingsmaður, Stefán Guðmunds-
son á Sauðárkróki, herjaði á hann.
Stefán lætur nú af þingmennsku
og bjóða þrír framsóknarmenn sig
fram í annað sætið. Árni Gunnars-
son, Elín R. Líndal og Herdis Á.
Sæmundardóttir. Heyja þau harða
baráttu um sætið sem lengi hefur
verið öniggt þingsæti. Elín R. Lín-
dal er bóndi á Lækjamóti og oddviti
sveitarfélagsins í Vestur-Húna-
vatnssýslu. Hún varð í þriðja sæti í
prófkjöri flokksins fyrir síðustu
kosningar og er því fyrsti varamað-
ur þingmanna kjördæmisins. „Ég
hef áhuga á að vinna að þessum
störfum áfram og er að leggja verk
mín í dóm kjósenda," segir Elín.
Arftakar Stefáns
Elín kemur úr fámennasta hluta
kjördæmisins og þvi má búast við
að nokkuð sé á brattann að sækja
hjá henni þótt hún ætti að hafa
ákveðið forskot sem varaþingmað-
ur. I Skagafírði býr hins vegar hátt
í helmingur kjósenda kjördæmisins
og ef fi-amsóknarmenn þar stæðu
saman ættu þeir annað sæti listans
víst. Árni og Herdís eru Skagfírð-
ingar og vilja bæði verða arftakar
Stefáns Guðmundssonar.
Ámi Gunnarsson er frá Flata-
tungu á Kjálka. Hann var aðstoðar-
maður Páls Péturssonar félags-
málaráðherra þar til í vetur að
hann tilkynnti þátttöku í prófkjör-
inu og hefur nú flutt til Sauðár-
króks. „Mig iangar að starfa fyrir
mitt fólk. Hér er ég fæddur og upp-
alinn og hef alltaf verið mikill
landsbyggðarmaður. Þá tel ég að
framboð til Alþingis sé eðlilegt
framhald á pólitískri þátttöku
minni, ekki síst nú þegar þingsæti
losnar. Ég var formaður Félags
ungra framsóknaimanna í Skaga-
firði og hef verið formaður Sam-
bands ungra framsóknarmanna í á
þriðja ár,“ segir Árni.
Herdís Á. Sæmundardóttir er
oddviti framsóknarmanna í sveitar-
stjórn Skagafjarðar og formaður
byggðaráðs. Hún býr á Sauðár-
króki og var í mörg ár kennari við
Fjölbrautaskóla Norðurlands
vestra. Herdís varð í fimmta sæti í
prófkjöri fyrir fjórum árum og
skipaði það sæti við síðustu alþing-
iskosningar. „Nú er ákveðið lag
fyrir nýtt fólk að koma inn í fram-
boð til Alþingis. Ég hef unnið að
sveitarstjórnarmálum í tíu ár og
hef áhuga á að færa mig til á þess-
um vettvangi. Ég tel mig hafa
mikla þekkingu og reynslu sem
gæti nýst mér vel í störfum að
landsmálum," segir Herdís.
Mjótt á niunum
Átakalínurnar í prófkjörinu virð-
ast vera í Skagafirði. Fylgið þar
skiptist á milli Árna og Herdísar.
Ámi hefur mikinn stuðning í sveit-
um Skagafjarðar og Herdís á Sauð-
árkróki. Herdís á reyndar einnig
sína stuðningsmenn í sveitunum, til
dæmis í Fljótunum en þangað á hún
ættir að rekja. Þá er greinilegt að
Árni sækii' einnig fylgi á Sauðár-
krók, í bakland Herdísar. Þórólfur
Gíslason kaupfélagsstjóri er stuðn-
ingsmaður hans ásamt fleirum á
skrifstofu kaupfélagsins, og það sem
meiri athygli vekur að þótt Herdís
sé forystumaður framsóknarmanna
í sveitarstjórnarmálum á Ami vísan
stuðning foiystu framsóknarfélags-
ins á staðnum. Hins vegar hefur
Stefán Guðmundsson alþingismaður
unnið að kjöri Herdísar.
Útilokað er að spá í niðurstöðu
baráttunnar um annað sætið. Al-
mennt telja menn að úrslitin verði
tvísýn, einkum milli Skagfíi'ðing-
anna en Elín gæti einnig notið góðs
af skiptingu atkvæða í Skagafirði.
Frambjóðendur segjast bjartsýnir.
Herdís segir að þátttaka íbúa Sauð-
árkróks í prófkjörinu muni ráða úr-
slitum fyrir sitt framboð. Árni telur
að mjótt verði á mununum í Skaga-
firði og úrslit í prófkjörinu gætu
ráðist í öðrum hlutum kjördæmis-
ins, það er að segja hvernig þátt-
takendur muni meta einstaka fram-
bjóðendur.
Tveir vilja
3. sætið
Tveir frambjóðendur gefa kost á
sér í þriðja sæti listans, Svenir
Sveinsson, rafveitustjóri á Siglufii’ði,
sem skipaði 4. sæti listans við síðustu
kosningai' og Valgarður Hilmarsson,
bóndi á Fremstagili, oddviti Engi-
hlíðarhi’epps í Austur-Húnavatns-
sýslu. Þá gefur Birkir Jónsson frá
Siglufirði, 17 ára nemi í Fjölbrauta-
skóla Norðurlands vestra á Sauðár-
króki, kost á sér í fjórða sæti listans.
Prófkjörið fer fram um helgina.
Nú þegar er unnt að kjósa utan
kjörstaðar á skrifstofum Fram-
sóknarflokksins í Reykjavík og á
Akureyri. Magnús Olafsson, for-
maður kjördæmissambandsins,
segir að kjörstaðir verði opnir um
allt kjördæmið á laugardag og víða
á sunnudag. Hann hvetur fólk þó til
að kjósa á laugardag. Síðustu kjör-
stöðum verður lokað klukkan 18 á
sunnudag og þá um kvöldið verður
byi-jað að telja atkvæði. Búist er við
að niðurstöður liggi fyi-ir einhvern
tímann aðfaranótt mánudags.
Mjólkursamlagið í Borgarnesi auglýst til sölu
Asett verð 150
milljónir króna
ÁSETT verð á hús Mjólkursam-
lags Borgfirðinga í Borgamesi er
um 150 milljónir, en húsið var aug-
lýst til sölu í Morgunblaðinu í gær.
Viðræður áttu sér stað í haust við
nokkra aðila um kaup á húsinu, en
Guðsteinn Einarsson, kaupfélags-
stjóri hjá Kaupfélagi Borgfirðinga,
sagði að þær hefðu enn ekki leitt til
niðurstöðu, en þeim hefði þó ekki
verið slitið.
Mjólkursamlagið er 5.200 fer-
metrar. Ásett verð á fermetra er
28.000 krónur. Guðsteinn sagði að
sá kostur væri einnig inn í mynd-
inni að leigja húsið ef hagstætt
leigutilboð bærist. Hluti af húsinu
er í leigu í dag, en mikill hluti þess
stendur auður. Guðsteinn sagði að
til greina kæmi að flytja starfsemi
Engjaáss hf., sem er matvælafyrir-
tæki í eigu Kaupiélagsins, úr hús-
inu enda ætti félagið ónotað hús-
næði annars staðar í bænum.
Guðsteinn sagði að hús Mjólkur-
samlagsins væri mjög gott hús sem
hentaði undir margvíslega starf-
semi. Það væri mjög auðvelt og
ódýrt að breyta húsinu. Stór hluti
af öllum milliveggjum væru léttir
veggir. Á efri hæðinni væri mjög
góð skrifstofuaðstaða.
Vantar leikskólapláss???
BarnaBær í Breiðholti.
Einkarekinn leikskóli sem starfa mun eftir
Hjallastefnunni opnar í byrjun febrúar.
Grundvallarþættir Hjallastefnunnar eru:
• Að mæta hverju barni eins og það er.
• Aldursskiptir jafningjahópar.
• Kynjaskipting á ákveðnum stundum.
• Sköpun í stað tilbúinna lausna.
• Hófsemi, agi, rósemd og friður.
Innritun barna er hafin.
Nánari upplýsingar veita leikskólakennararnir;
Elín Margrét Guðmundsdóttir og
Hildur Þorsteinsdóttir í síma 557 5579.
alla virka daga milli kl. 10 og 14.
Leikskólinn BarnaBær
Hólabergi 74, Reykjavfk
sími 557 5579.
Stefnt að stofnun þverpólitískra náttúru- og umhverfís-
verndarsamtaka síðar í mánuðinum
Félög og einstakling-
ar geta gerst aðilar
í UNDIRBÚNINGI er stofnun
þverpólitískra náttúraverndar-
samtaka og er gert ráð fyrir að
bæði félög og einstaklingar geti
gerst aðilar að samtökunum. Dag-
setning stofnfundar hefur ekki
verið ákveðin, en stefnt er að hon-
um 21. þessa mánaðar.
Ymsir frammámenn úr þjóðlíf-
inu tengjast stofnun samtakanna,
þeirra á meðal Vigdís Finnboga-
dóttir, fyrrum forseti Islands,
Steingrímur Hermannsson, fyrr-
verandi forsætisráðherra, Gunnar
G. Schram, prófessor, Júlíus Sól-
nes, prófessor og fyrrverandi um-
hverfisráðherra og fleiri.
Stofnfundur síðari
hluta mánaðarins
Steingrímur sagði í samtaíi við
Morgunblaðið að þetta hefði verið
nokkuð lengi í umræðunni og
haldnir hefðu verið allmargir fund-
ir um málið, meðal annars einn
fundur með fulltrúum annarra
samtaka í náttúruvernd. „Hug-
myndin hefur verið að þetta gætu
orðið eins konar regnhlífarsamtök
sem leituðust við að sameina sem
flesta undir ein sjónarmið og
reyna að ná sátt um þessi mál milli
umhverfis- og náttúruverndar-
sinna og stjórnvalda. Okkur sýnist
að það stefni í óeí'ni og ég er mjög
sammála því sem til dæmis forsæt-
isráðherra hefur sagt og margir
fleiri að það sé mikilvægt að ná
sátt um viðkvæm mál á þessu
Ýmsir framámenn
í þjóðlífinu tengj-
ast stofnun sam-
takanna
sviði,“ sagði Steingrímur.
Hann sagði að búið væri að
ákveða að stofnfundur samtak-
anna yrði síðari hluta þessa mán-
aðar. Ekki væri búið að ákveða
daginn en stefnt væri að því að
hann yrði 21. þessa mánaðar.
Hann sagði að þessum samtök-
um væri síður en svo stefnt gegn
þeim samtökum sem störfuðu fyrir
á þessu sviði. Gert væri ráð fyrir
að samtökin störfuðu með þeim
samtökum sem fyrir væru og
reyndu að samræma þá fjölmörgu
aðila sem störfuðu á þessu sviði, en
margir smáir og stórir aðilar ein-
beittu sér að ákveðnum þáttum
umhverfis og náttúruverndar. Það
skorti hins vegar heildarsamtök að
þeiira mati. „Við væntum þess að
þessi félög gerist aðilar að þessum
umhverfissamtökum,“ sagði Stein-
grímur.
Hann sagði að bæði einstakling-
ar og félagasamtök gætu gerst að-
ilar að samtökunum. Aðspurður
hvort það væri eitthvað sérstakt
sem gerði það að verkum að
ákveðið væi’i að stofna samtökin
nú, sagði hann að vaxandi umræða
um umhverfismál og náttúruvernd
hefði ýtt við þeim og einnig harðn-
andi deilur á þessu sviði. Einnig
sýndist þeim að það vantaði aðila
til að koma fram á erlendum vett-
vapgi fyrii’ náttúruverndarsamtök
á Islandi í heild sinni, en það hefði
verið áberandi víða að vantað hefði
f'ulltrúa frjálsra samtaka á þessu
sviði, þótt það hefði að vísu aðeins
breyst upp á síðkastið.
Mikilvægt fyrir Island að
vera í fararbroddi
Steingrímur sagði aðspurður að
þessi samtök myndu láta sig varða
umhverfis- og náttúruverndarmál
bæði hér á landi og einnig á al-
þjóðavettvangi. Sér fyndist skorta
hér á landi að mörkuð hefði verið
skýr og ákveðin stefna til framtíðar
í þessum málum. Stjórnvöld gætu
gert mjög margt í þessum efnum,
þótt margt gott hefði verið gert.
„Við teljum að það sé ákaflega mik-
ilvægt fyrir ísland að vera þarna í
fararbroddi og sýna skilning og
vilja á umhverfismálum á mjög
breiðu sviði,“ sagði Steingiímur.
Hann sagði að þarna væri um
þverpólitísk samtök að ræða, sem
gengu í gegnum alla hefðbundna
stjórnmálaflokka.
Steingrímur sagði að Gunnar
Schram hefði kannski verið upp-
hafsmaðurinn og drifkrafturinn í
málinu, en einnig hefði Júlíus Sól-
nes unnið mikið í þessu og Vigdís
Finnbogadóttir, fyrrverandi for-
seti Islands.