Morgunblaðið - 04.05.1999, Side 10

10 ÞRIÐJUDAGUR 4. MAÍ 1999
MORGUNBLAÐIÐ
FRÉTTIR
Morgunblaðið/Ásdís
UM 5.000 manns komu samaii á Ingólfstorgi í Reykjavík á laugardaginn í tilefni 1. maí, þrátt fyrir mikla úrkomu.
Baráttudagur vcrkafólks haldinn hátíðlegur víða um land
Um 5.000 manns saman-
komin á Ing'ólfstorg'i
1. MAÍ hátíðarhöld fóru vel fram
víða um land á laugardaginn. Um
5.000 manns komu saman á Ing-
ólfstorgi, að sögn lögreglunnar í
Reykjavík, að lokinni göngu niður
Skólavörðustíg og Bankastræti frá
Hallgrímskirkju. Á Ingólfstorgi
íluttu ræður þau Halldór Bjöms-
son, formaður Eflingar, og Þuríður
Einarsdóttir, formaður Póst-
mannasambands íslands. Guðrún
Gestsdóttir, formaður Iðnnema-
sambands Islands, flutti ávarp.
Grétar Þorsteinsson, forseti Al-
þýðusambands íslands, flutti ræðu á
Eskifirði í tilefni dagsins. Kom hann
meðal annars inn á skipulagsmál
sambandsins í ræðu sinni og sagði
að eðlilegt væri að verkafólk leitaði
svara við þeirri spumingu hvort
skipulag samtakanna væri í takt við
tímann. „Þessi spuming verður
stöðugt ágengari eins og umræða og
atburðir síðustu daga sýna með ótví-
ASI, flutti ræðu á Eskifirði 1. maí.
ræðum hætti. Verkalýðshreyfingin
verður að svara þessari spumingu
með skýrum hætti. Félagar okkai'
eiga rétt á því.“
Nýjar vinnuaðferðir - nýr
veruleiki verkafólks
Grétar sagði að verkalýðshreyf-
ingin yrði að bregðast við breyttum
vinnuaðferðum og nýjum veruleika
verkafólks. Sagði hann að verka-
lýðshreyfingin hefði ekki bmgðist
við þessarí þróun sem skyldi.
Skipulag hreyfingarinnar tæki mið
af þeim vemleika sem var ríkjandi
þegar hún varð til.
„Við megum aldrei gleyma því
að skipulag verkalýðshreyfingar-
innar er aðeins verkfæri - tæki til
að ná fram þeim grandvallarmark-
miðum sem mynda hinn raunvera-
lega kjama verkalýðshreyfingar-
innar. Því eigum við enn að efla þá
miklu umræðu um skipulagsmál
sem fram hefur farið á vettvangi
ASÍ. Markmiðið er að skapa sátt
um skipulag verkalýðshreyfingar-
innai- og tryggja þannig sterkari
heildarsamtök og sterkari stéttar-
félög. Samstaðan er okkar helsti
styrkur og henni megum við aldrei
fórna,“ sagði Grétar.
Kveðjuhóf haldið fyrir
Olaf G. Einarsson
KJÖRDÆMISRÁÐ Sjálfstæðis-
flokksins í Reykjaneskjördæmi
hélt kveðjuhóf fyrir Ólaf G. Ein-
arsson, forseta Álþingis og fyrr-
verandi ráðherra, í Kirkjuhvoli í
Garðabæ á laugardag. Olafur
lætur af þingmennsku í vor, en
hann hefur verið alþingismaður
Reykjaneskjördæmis síðan 1971.
Fjöldi manns heiðraði Ólaf og
eiginkonu hans, Rögnu Bjarna-
dóttur, með nærveru sinni á
laugardag og þeim voru færð
blóm og gjafir.
Læknaráð Sjúkrahúss Reykjavíkur um
samstarf sjúkrahúsa í Reykjavík
Styður aukna hag-
kvæmni og’ skilvirkni
LÆKNARÁÐ styður alla viðleitni
til að auka hagkvæmni og skil-
virkni í rekstri stóra sjúkrahús-
anna, segir m.a. í ályktun frá aðal-
fundi læknaráðs Sjúkrahúss
Reykjavíkur sem haldinn var fyrir
síðustu helgi. Þá segir í ályktuninni
að lögð skuli áhersla á að efla góða
samvinnu milli stóra sjúkrahús-
anna með það fyrir augum að bæta
enn frekar þjónustuna.
I ályktun læknaráðsins er bent á
að gæta verði þess, áður en farið
verði að flytja verkefni eða deildir
á milli sjúkrahúsanna tveggja, að
hvort sjúkrahús um sig hafi þá að-
stöðu og þekkingu sem nauðsynleg
sé til að sinna bráðaþjónustu.
„Breytingar, sem til skemmri tíma
litið virðast leiða til spamaðar,
gætu til lengri tíma leitt til óhag-
ræðis og lakari þjónustu." Þá segir
að kannanir á íslenskri heilbrigðis-
þjónustu sýni að í samanburði við
nágrannalöndin sé meðallegutími á
stóru sjúkrahúsunum í Reykjavík
og afköst starfsmanna með því
besta sem gerist.
Misjafnar undirtektir lækna við flutning æðaskurðdeildar frá Landspítala í Fossvoginn
Eðlilegra að efla deild-
ina þar sem hún er
Skiptar skoðanir eru um ágæti þess á
Landspítala og Sjúkrahúsi Reykjavíkur að
sameina æðaskurðlækningar spítalanna í
Fossvogi. Jóhannes Tómasson hleraði
sjónarmið manna og benti einn viðmæland-
inn á þá einu varanlegu lausn sem honum
fannst, að reisa nýtt framtíðarsjúkrahús á
höfuðborgarsvæðinn.
LÆKNAR á Landspítala og
Sjúkrahúsi Reykjavíkur era ekki
sammála um ágæti þess að sameina
æðaskurðlækningar sjúkrahúsanna
tveggja á SHR. Læknar æðaskurð-
deildar á Landspítala vilja efla
deildina þar en á SHR telja læknar
eðlilegt að slík deild sé í nánu sam-
bandi við aðalslysadeild landsins.
Fjórir sérfræðingar á SHR hafa
starfað að æðaskurðlækningum,
tveir þeirra í öðram skurðaðgerðum
meðfram, en þar hefur ekki verið
rekin sérstök æðaskurðdeild heldur
er hún hluti af skurðlækningadeild
spítalans. Á Landspítalanum er
æðaskurðdeild með þremur sér-
fræðingum í æðaskurðlækningum
og samstarf er mikið við sérfræð-
inga á hjartaskurðdeild og nýma-
deild vegna æðaaðgerða sem sjúk-
lingar þar þurfa á að halda. Níu
hjúkranarfræðingar, með sérsvið í
hjúkrun sjúklinga eftir æðaskurð-
aðgerðir, starfa við deildina.
Betri vaktþjónusta
með meiri mannafla
Stefán Matthíasson, yfirlæknir í
æðaskurðlækningum á skurðdeild
Sjúkrahúss Reykjavíkur, segist
alltaf hafa verið þeirrar skoðunar að
stuðla ætti að því að starfsemi eins
og æðaskurðlækningar ættu að vera
á einum stað. „Þar liggja að baki
fagleg sjónarmið og hitt að þessi
starfsemi er dýr miðað við stærð
einingarinnar og hún þarf mikið af
tækjum og búnaði. Þess vegna er
óæskilegt að fjárfesta í dýram bún-
aði á tveimur stöðum sem hægt
væri að hafa á einum.“
Stefán sagði þessa ákvörðun for-
stjóra spítalanna tekna að undan-
genginni mikilli vinnu og athugun
og sagði að álits viðkomandi hefði
verið aflað. „Menn era ekki sam-
mála um einstök atriði en þó sam-
mála um að stuðla að því að þetta sé
á einum stað. Ef læknar og hjúkr-
unarfólk fá að byggja upp slíka
deild á sínum forsendum á ég ekki
von á öðru en vel gangi.“
Hann benti einnig á að á SHR
væri slysamóttaka sem oftlega kall-
aði á sérhæfða þjónustu æðaskurð-
lækna og taldi það hafa ráðið miklu
við ákvörðun um að velja æðaskurð-
deild stað á SHR. Þá sagði hann
einn af kostum sameiningar deild-
anna þann að vaktþjónusta myndi
batna með meiri mannskap og í svo
litlu landi færi best á því að hafa
eina sérhæfða deild á þessu sviði.
Stefán benti og á að miklar breyte
ingar hefðu orðið í æðaskurðlækn-
ingum og innæðaaðgerðum með
nýrri tækni. Að henni kæmu
röntgenlæknar auk skurðlæknanna
og hjúkrunarfólks. Hann taldi
starfsfólk á báðum sjúkrahúsunum
á þessu sviði ekki of margt þótt að-
eins ein deild yrði starfi'ækt. Stefán
benti á að lokum að breytingum
sem þessum yrði að fylgja fjár-
magn, öðruvísi yrði vart hægt að
hrinda þeim í framkvæmd.
Ákvörðunin kom á óvart.
Helgi H. Sigurðsson æðaskurð-
læknir er staðgengill Halldórs Jó-
hannssonar, yfirlæknis á æðaskurð-
deild Landspítalans, og hóf hann
nýverið störf á Landspítalanum eft-
ir 10 ára starf í sérgrein sinni í
Skotlandi. „Það kom okkur á óvari
að þessi ákvörðun skyldi allt í einu
hafa verið tekin,“ sagði Halldór og
vísaði til þess að læknar deildarinn-
ar hefðu verið beðnir um greinar-
gerð um starf deildarinnar og sam-
starf við aðrar deildir. „Hér á Land-
spítalanum er rekin eina sérhæfða
æðaskurðdeildin í landinu og þess
vegna kemur okkur á óvart að það
eigi að flytja starfsemina í Fossvog
þar sem ekki hefur verið rekin
formleg æðaskurðdeild. Okkur
finnst óeðlilegt að skilja deildina frá
hjartaskurðdeild þar sem mikið er
um sameiginlega sjúklinga á deild-
unum og við veitum einnig nýrna-
deildinni mikla þjónustu vegna æða-
tenginga íyrir gei'vinýrað svo nokk-
uð sé nefnt.“
Helgi segir að ekki skipti máli í
hvaða húsi starfsemin fari fram eða
hvar hann sjálfur starfi heldur sé
aðalatriðið hvar best sé að deildin
starfí með tilliti til þjónustu við
sjúklinga. „Annars er ein góð lausn
á þessu máli og hún er sú að byggja
í eitt skipti fyrir öll almennilegt
sjúkrahús, framtíðarsjúkrahús fyrir
landið, og sameina starf Landspít-
ala og SHR. Þá myndum við leysa
allan vanda enda er kostnaður við
sjúkrahús aðallega vegna rekstrar
en ekki byggingarnar."
Að sögn Helga eru sérfræðing-
arnir á Landspítala sammála um að
sameina eigi deildirnar, ekki sé vit í
öðra en að reka aðeins eina deild.
Þannig megi koma á betri þjónustu
með betra vaktafyrirkomulagi og
annarri hagkvæmni. „Samt sem áð-
ur er líka erfitt að aðskilja þessa
sérgrein frá sérgrein sem veitir
bráðaþjónustunni á SHR. En ef
sameina á þessa starfsemi finnst
mér eðlilegra að stækka og efla
deildina þar sem hún er þegar fyrir
hendi hér.“
I greinargerð læknanna á Land-
spítala er bent á þá þjónustu sem
æðaskurðdeildin veitir öðrum
deildum, sem eru einkum hjarta-
deild og blóðskilunardeild en
einnig sykursýkisdeild, taugalækn-
ingadeild, húðlækningadeild og
endurhæfingadeild. „Þetta er ekki
spurningum að flytja til einn eða
tvo lækna heldur að flytja heila
deild með starfsfólki og tilheyr-
andi,“ sagði Helgi og kvaðst efast
um að á SHR væri næg skurðstofu-
aðstaða til að taka við þessum
verkefnum.