Morgunblaðið - 18.05.1999, Blaðsíða 2

2 ÞRIÐJUDAGUR 18. MAÍ 1999
MORGUNBLAÐIÐ
FRÉTTIR
Davið Oddsson forsætis- og sjávarútvegsráðherra um rækjuveiðar í Smugunni
Jdn Kjartansson dreg-
inn að landi
I fullu samræmi við
samninga og alþjdðalög
DAVIÐ Oddsson sjávarútvegsráðherra vísar á
bug gagnrýni norskra útgerðarmanna á rækju-
veiðar íslenskra skipa í Smugunni. Hann segir að
veiðamar séu í samræmi við alla samninga og al-
þjóðalög sem Island sé aðili að. Sett hafi verið
reglugerð sem tryggi að veiðamar séu stundaðar
með sama hætti í Smugunni og rækjuveiðar við
ísland.
„Veiðar íslenskra rækjuskipa í Smugunni í
Barentshafi em í fullu samræmi við alla okkar
samninga og alþjóðalög og það er því engin
ástæða til að vera að gagnrýna þetta. Við settum
reglugerð fyrir fáeinum dögum sem á að tryggja
að þessar veiðar séu stundaðar með sama hætti í
Smugunni og þær era stundaðar við ísland og á
Flæmska hattinum. Reglugerðin tryggir m.a. að
það á enginn meðafli að fylgja þessum veiðum.
Eg tel að gagnrýni á okkur fyrir þessar veiðar
byggist því fyrst og fremst á vanþekkingu því að
þetta er það sem okkar réttur stendur til,“ sagði
Davíð.
Geta ekki gagnrýnt ísland
fyrir stjórn veiðanna
Haft er eftir Audun Marak, aðalritara sam-
taka útgerðarmanna í Noregi, í Morgunblaðinu
á laugardag að íslendingar hafi ofboðið rækju-
stofninum við ísland með ofveiði. Þeir hafi síðan
hafið hömlulausar rækjuveiðar á Flæmska hatt-
inum og nú sé röðin komin að Barentshafi.
Davíð vísaði þessari gagnrýni á bug. „Þetta er
fráleit gagnrýni. Norðmenn hafa sjálfír verið að
stjóma veiðum í Barentshafi og það hefur ekki
gengið mjög vel. Okkur hefur gengið betur að
vemda okkar stofna en þeim sína. Þeir geta
ekki úr háu sæti talað við okkur hvað þetta
varðar.“
Davíð sagði að ráðuneytisstjórar í sjávarút-
vegsráðuneyti íslands og Noregs hefðu talað
saman um þessar veiðar og það lægi alveg fyrir
að íslensk skip væra í fullum rétti að veiða
rækju í Smugunni.
*
Landssími Islands
Ný síma-
skrá
kemur út
í lok maí
BYRJAÐ verður að dreifa
nýrri símaskrá Landssíma Is-
lands hf. í lok þessa mánaðar.
Nýja símaskráin á að taka
gildi 1. júní.
Verið er að leggja lokahönd
á frágang símaskrárinnar og
er ráðgert að dreifing hennar
hefjist eftir hvítasunnu. Upp-
lag hennar er 220 þúsund ein-
tök.
„ # Morgunblaðið/Helgi Garðarsson
GUÐRUN Þorkelsdóttir með Jón Kjartansson í togi á leið inn Eskifjörð síðdegis í gær. Á innfelldu myndinni
þakkar Grétar Rögnvarsson, skipstjóri á Jóni Kjartanssyni (til hægri), Orra Jóhannssyni, stýrimanni á Guð-
rúnu Þorkelsdóttur, fyrir dráttinn úr Smugunni heim til Eskifjarðar.
Hissa á að
hafa ekki að-
stoðarskip
SKIP Hraðfrystihúss Eskifjarðar,
Jón Kjartansson, fékk vír eða net í
skrúfuna á föstudagskvöld og varð
að snúa frá veiðum þegar hann var
nýkominn á miðin í síldarsmug-
unni. Guðrún Þorkelsdóttir, sem
er í eigu sömu útgerðar, var feng-
in til að draga Jón að landi og
komu skipin til Eskifjarðar undir
kvöldmat í gær.
„Þetta er óskiljanlegt, hér hafa
menn gert þetta eins í 20 ár og
aldrei neitt þessu líkt komið fyrir,“
sagði Grétar Rögnvarsson skip-
stjóri í gær þegar skipin voru
komin inn í fjörðinn. Jón Kjartans-
son var rétt kominn á miðin um
370 mílur austur af landinu þegar
vír eða eitthvað annað kom í
skrúfúna og þá var sjálfhætt, sagði
Grétar og um klukkan 22 hélt
Guðrún Þorkelsdóttir af stað með
Jón í togi. Siglingin í land gekk vel
nema hvað seint sóttist um tíma á
sunnudag vegna brælu. „Þá fórum
við ekki nema kringum þijár mílur
á kiukkustund," sagði Grétar.
Grétar sagði að um 10 íslensk
skip hefðu verið á miðunum ásamt
skipum frá Færeyjum og Noregi
og ekkert þeirra með kafara. „Við
erum mjög hissa á því að það skuli
aldrei vera aðstoðarskip með þeim
flota sem er á úthafsveiðum. Það
er full þörf á því að hafa varðskip
á svæðinu,“ sagði Grétar að lok-
um.
Guðrún Þorkelsdóttir hafði náð
að veiða um 400 tonn en Jón var
nýkominn á miðin eins og áður
sagði. Grétar vonaðist til í gær að
viðgerð tæki ekki langan tíma og ^
að hægt yrði að sigla út að nýju nú
í morgun.
Lögfræðingur Búnaðarsambands Suður-Þingeyinga fór yfír stöðuna með bændum
Bjartsýnni á að gjald-
þroti verði afstýrt
Líkur á að KÞ geti greitt bændum 76% inneigna
BÆNDUR í Suður-Þingeyjarsýslu
era vonbetri nú en áður um að hægt
verði að afstýra gjaldþroti Kaupfé-
lags Þingeyinga. Kom þetta meðal
annars fram á fjölmennum félags-
fundi Búnaðarsambands Suður-
Þingeyinga á Hótel Húsavík í gær-
kvöldi. Lögfræðingur Búnaðarsam-
bandsins taldi unnt að komast hjá
gjaldþroti og fram kom hjá stjóm-
armanni KÞ að líkur væra á að
kaupfélagið gæti greitt bændum
76% af kröfum þeirra.
Búnaðarsamband Suður-Þingey-
inga réð síðdegis á föstudag Ástráð
Haraldsson lögfræðing til að skoða
málefni bænda gagnvart þeim erfið-
leikum sem KÞ hefur átt í og kynnti
hann bændum stöðuna á fundi á
Húsavík í gærkvöld. Taldi Ástráður
að líklega mætti koma í veg fyrir
gjaldþrot KÞ en það byggðist á því
að þokkalega yrði staðið að sölu
eigna. Sagði hann að gjaldþrot
myndi rýra mjög verðmæti eigna
félagsins og taldi ekki vafa á að rétt
væri að samþykkja sölu eigna, eins
og stjóm félagsins hefur gert ráð
fyrir.
„Vissulega er mörgum spuming-
um ósvarað enn, en við leyfum okk-
ur að vera jákvæðari en áður,“ sagði
Ragnar Þorsteinsson, formaður
Búnaðarsambands Suður-Þingey-
inga í samtali við Morgunblaðið fyr-
ir fundinn í gærkvöldi. „Menn era
auðvitað hræddir um eigur sínar og
þetta hefur verið erfitt fyrir marga,
en við vonum að rofi til.“
Fyrir utan þær innistæður sem
margir bændur eiga á viðskipta-
reikningum í Kaupfélagi Þingey-
inga, meðal annars vegna áburðar-
kaupa í vor, hafa kúabændur ekki
fengið greitt fyrir mjólkurinnlegg í
aprílmánuði og fram í maí. Inni-
stæður á viðskipareikningum fást
ekki greiddar út því skrifstofur
kaupfélagsins hafa verið lokaðar frá
því í byrjun síðustu viku. Bændur
þurfa hins vegar að fara að fá
áburðinn og segir Ragnar að þess
vegna þurfi lausn að finnast allra
næstu daga. Sauðfjárbændur áttu
almennt minna inni vegna þess að
þeir fengu afurðainnlegg sitt að
mestu greitt síðastliðinn vetur.
Jóhannes Geir Sigurgeirsson,
stjórnarformaður Kaupfélags Ey-
firðinga á Akureyri (KEA), var
staddur á bændafundinum á Húsa-
vík ásamt lögfræðingi. Hann sagði
hugsanlegt að hið nýja félag um
rekstur mjólkurstöðvarinnar,
MSKÞ ehf., myndi byrja á því að
greiða út mjólkurinnleggið sem
bændur ættu inni hjá KÞ og gera
síðan kröfu á Kaupfélag Þingey-
inga. Einnig kom fram hjá honum
að allir bændur á félagssvæðinu
myndu greiða sama gjald vegna
mjólkurflutninga, óháð vegalengd-
um.
Hugsanlegt að greiða
76% af kröfum
Um helgina hefur verið unnið
hörðum höndum að því að endurmeta
eignir Kaupfélags Þingeyinga og
verður niðurstaða úr þeirri vinnu
kynnt á aðalfundi félagsins sem hald-
inn verður á Hótel Húsavík í dag. Á
bændafundinum í gærkvöldi kom
fram hjá einum stjómarmanni KÞ,
Erlingi Teitssyni, að útreikningar
bentu til þess að félagið gæti greitt
bændum 76% af inneignum í við-
sldptareikningum og bændur myndu
þá tapa 24% eignanna. Sama yrði
hægt að greiða af inneignum á reikn-
ingum í innlánsdeild en vonast væri
til að innistæðueigendur yrðu skað-
lausir því tryggingasjóður myndi
greiða þau 24% sem upp á vantaði.
Á fundinum verður einnig fjallað
um samstarf Kaupfélags Eyfirðinga
og Kaupfélags Þingeyinga um stofn-
un einkahlutafélagsins Kjötiðjunnar
ehf., en félagið tók við eignum og
skuldbindingum KÞ á sviði slátrun-
ar og kjötvinnslu í síðustu viku.
Síðar í dag verður félagsfundur í
Mjólkursamlagi Kaupfélags Þing-
eyinga þar sem staðfesta á stofnun
MSKÞ ehf. en það félag tók einnig í
síðustu viku við eignum og skuld-
bindingum KÞ á sviði mjólkur-
vinnslu. KEA á meirihluta í MSKÞ
en Kaupfélag Þingeyinga og Lands-
banki Islands eiga meirihluta í
Kjötiðjunni.
Sérblöð í dag
Á ÞRIÐJUDÖGUM
Heimili
Með Morgun-
blaðinu í dag
er dreift blaði
frá IKEA,
„Sumar í
1KEA“.
í heimsókn hjá Rúnari Krist-
inssyni í Lilleström / B2
Geir Sveinsson fer ekki til
Pamplona á Spáni / B11
Fylgstu
með
nýjustu
fréttum
www.mbl.is