Morgunblaðið - 18.05.1999, Blaðsíða 10

10 ÞRIÐJUDAGUR 18. MAÍ 1999
FRETTIR
MORGUNBLAÐIÐ
Forsvarsmenn SH og Fiskafurða um Smugusamningana
Möguleikar skapast
fyrir Islendinga
GUNNAR Svavarsson, forstjóri
Sölumiðstöðvar hraðfiystihúsanna,
og Jón Sigurðarson, framkvæmda-
stjóri Fiskafurða, segja að samning-
amir um Smuguna milli Norð-
manna, Rússa og Islendinga, sem
undirritaðir voru á laugardag, skapi
ýmsa möguleika á viðsldptum milli
þjóðanna.
Jón Sigurðarson, framkvæmda-
stjóri Fiskafurða, sagði að Smugu-
deilan hefði staðið allri þróun í við-
skiptum íslendinga við Rússa fyrir
þrifum og hefði orðið til þess að ný
verkefni sem íslendingar ættu aðild
að hefðu átt erfitt uppdráttar. Mjög
erfitt hefði verið að koma þeim í
gegnum rússneska stjómkerfið, en
nú væri þetta breytt og allar leiðir
miklu greiðari í þessum efnum.
„Ég tel að deilan hafi orðið til
þess að þeir hafi orðið að snúa sér
miklu meira til annarra þjóða, Norð-
manna og Dana jafnvel. Við höfum,
íslendingar, yfirburða þekkingu í
útgerð sem Rússar hafa mikinn
áhuga á að komast í og maður verð-
ur strax var við það núna að áhugi
þeirra á samskiptum við okkur hef-
ur aukist,“ sagði Jón.
Hann sagðist telja að þama væm
miklir möguleikar á ferðinni fyrir
íslendinga, einkum í útgerð og
vinnslu á sjó. Af því leiddi síðan
möguleikar á meiri sölu fyrir þá.
Það væri nú þegar talsvert um það
en það myndi örugglega vaxa að
notuð yrði markaðsþekking á ís-
landi til að selja rússneska vöru. Síð-
an opnaði þetta einnig möguleika í
samþandi við sölu á veiðarfærum og
öðrum aðfóngum til sjávarútvegsins.
„Ég held í raun og veru að verð-
mæti þessa samnings sé umtalsvert
meira í því sem er utan við hann,
þ.e.a.s. í því að fá vinnufriðinn held-
ur en í kvótanum," sagði Jón Sigurð-
arson ennfremur.
Grundvöllur til að efla tengsl
Gunnar Svavarsson, forstjóri
Sölumiðstöðvar hraðfrystihúsanna,
segir að almennt séð sé með samn-
ingunum um Smuguna kominn
grundvöllur til að efla tengsl við
Rússland sem hafi verið erfiðara áð-
ur. Andrúmsloftið hafi verið dálítið
erfitt, en með þessu samkomulagi sé
búið að skapa vettvang til að vinna á
og gera samninga.
„Ég held að ef rétt er á málum
haldið þá felist í þessu töluvert mikl-
ir möguleikar," sagði Gunnar.
Hann sagðist telja að sá kvóti sem
við fengjum hjá Rússum í Barents-
hafi væri bara brot af þeim mögu-
leikum sem þama væru fyrir hendi.
Þama kynnu að vera möguleikar
fyrir útgerðir að fá frekari veiði-
heimildir í félagi við Rússa og það
gæti verið í öðmm tegundum en
þorski sem mest hefði verið talað
um. Þá væri ekki ótrúlegt að mögu-
leikar sköpuðust á þessu sviði til
dæmis hvað varðaði útbúnað skipa
og móttöku afurða. Þama gæti bæði
verið um viðskiptasambönd að ræða
en einnig fjárfestingar beinlínis.
„Þetta er að miklu leyti ókannað-
ur markaður frá hendi íslendinga.
Það er vitað að þarna eru mörg fé-
lög með mikinn flota og þessi floti er
báglega á sig kominn eftir því sem
maður hefur heyrt, svoleiðis að þeir
þurfa að stækka skip og endumýja.
Þeir em reyndar í slíkum verkefn-
um nú þegar, en þau munu halda
áfram og þar sér maður möguleika á
að við komum inn,“ sagði Gunnar
ennfremur.
Morgunblaðið/Kristinn
GUTTORMUR B. Þórarínsson, fulltrúi Foreldrafélags ísaksskola, afhendir Ingibjörgu Sólrtinu Gísladóttur,
borgarstjóra Reykjavíkur, undirskriftalista, þar sem hækkun skóiagjalda er mótmælt.
Fulltrúi Foreldrafélags ísaksskóla afhenti borgarstjóra undirskriftalista
Hækkun skóla-
gjalda mótmælt
INGIBJÖRGU Sólrúnu Gísladótt-
ur, borgarstjóra Reykjavíkur, var í
gær afhentur undirskriftalisti frá
Foreldrafélagi ísaksskóla, þar sem
um 400 foreldrar mótmæla niður-
skurði á greiðslum borgarinnar til
skólans, en skólagjöld þar hafa
hækkað um tæp 100%. Ingibjörg
Sólrún sagði að þar sem málið væri
á forræði fræðsluráðs og Fræðslu-
miðstöðvar yrði það kynnt þeim og
þau látin fara yfir það.
„Til þess að rekstur skólans geti
staðið undir sér þarf að hækka
skólagjöldin um 100%,“ sagði Gutt-
ormur B. Þórarinsson, hjá foreldra-
félaginu, en gjöldin hækka úr 3.600
krónum á mánuði í 7.000.
Kemur svolítið á óvart
Ólafur Darri Andrason, forstöðu-
maður fjármálasviðs Fræðslumið-
stöðvar Reykjavíkur, sagði um mót-
mælin: „Ég verð að játa það að
þetta kemur svolítið á óvart, þar
sem við gerðum samning við ísaks-
skóla hinn 3. febrúar um breytingu
á fyrirkomulagi á styrkgreiðslum til
skólans og það var í ágætri sátt við
fulltrúa skólans, en það skal tekið
fram að þessi styrkupphæð nær ein-
ungis til barna á grunnskólaaldri
þannig að 5 ára börnin eru ekki
þarna inni í.“
„En aftur á móti varðandi upp-
hæð skólagjalda þá hefur hún alltaf
verið og er ákvörðun skólanefndar-
innar og er því ekki á ábyrgð
Reykjavíkurborgar."
I bréfi sem foreldrafélagið sendi
foreldrum bama og hvatti þá til
undirskriftar, kemur fram að verið
sé að mótmæla því að samkvæmt
þjónstusamningi Reykjavíkurborg-
ar og skólans sé borginni aðeins
skylt að greiða 140 þúsund krónur
með hverjum nemanda skólans, en í
bréfinu kemur fram að borgin greiði
240 þúsund með nemendum ann-
arra skóla.
Ingibjörg Sólrún sagði: „Upp-
hæðin, 140 þúsund, er ekki einhver
tala út í bláinn heldur byggist hún
m.a. á því að við greiðum í dag 160
þúsund krónur á milli sveitarfélaga
fyrir böm sem að fara í skóla utan
síns heimasveitarfélags. ísaksskóli
fær 140 þúsund og hann hefur rétt
til að innheimta skólagjöld og það
mætti segja að ef upphæðin væri
hærri ætti honum kannski ekki að
vera heimilt að innheimta skóla-
gjöld.“
Gjöldin hækkuð til
að brúa ákveðið bil
Ólafur Darri sagði að það yrði að
hafa það í huga að innifalið í þessum
240 þúsund krónum, sem er meðal-
talskostnaður við barn í grunnskól-
um Reykjavíkur, væru öll sérrúr-
ræði og sérþjónusta. Hann sagði að
í samningnum við Isaksskóla væri
ákvæði um það að skólinn gæti sótt
um styrk fyrir fatlaða nemendur
Morgunblaðið/Berglind H. Helgadóttir
Vörubifreið
skemmdist
VÖRUBIFREIÐ störskemmdist sl.
sunnudag, eftir að hafa ekið á
brúarstólpa á brúnni yfir Sauðá á
Möðrudalsöræfum, og kastast út
af veginum. Samkvæmt upplýs-
ingum Morgunblaðsins urðu ekki
slys á fólki en vörubifreiðin var
óökufær eftir óhappið og var sótt
af öflugum vörubíl með krana og
tengivagn frá Akureyri. Stór og
öflug rafstöð var fest með gáma-
festingum á vörubifreiðina og
þurfti að flytja bflinn og stöðina í
burtu í tvennu Iagi. Á myndinni er
Björn Einarsson vörubflstjóri frá
Akureyri að störfum á vettvangi.
eða nemendur sem þyrftu mikla
sérþjónustu.
Olafur Darri sagði að þær rekstr-
aráætlanir sem hefðu legið fyrir
þegar styrkupphæðin hefði verið
ákveðin hefðu átt að duga til þess að
reka gott og öflugt skólastarf. Því
kæmi það á óvart ef samningurinn
yrði þess valdandi að skólagjöld
hækkuðu.
Edda Huld Sigurðardóttir, skóla-
stjóri Isaksskóla, sagði að ákveðið
hefði verið að hækka skólagjöldin til
að brúa bilið, sem lægri styrkveit-
ing frá borginni skapaði. Skólinn
fær ekki styrk frá borginni vegna 5
ára barnanna því þau eru ekki á
grunnskólaaldri, en Edda Huld
sagði að hækkunin væri ekki til-
komin vegna þeirra, því hærri
skólagjöld væru greidd fyrir þau en
hin eldri.
„Við erum Reykvíkingar og
greiðum okkar útsvar en njótum
ekki þeirra réttinda eins og aðrir
sem senda börn sín í venjulega
grunnskóla, að laun kennara séu
greidd," sagði Guttormur, en hann
vill að laun nýrra kennara verði
greidd af borginni en ekki foreldr-
um í formi hærri skólagjalda.
Ingibjörg Sólrún sagði: „Það var
mat fræðsluyfirvalda og skólans að
skólinn gæti rekið sig fyrir þessa
upphæð og það hafa ekki borist nein
mótmæli frá stjóm skólans né held-
ur nein ósk um að taka upp þennan
samning frá í febrúar."
Gæti Ieitt til
stéttaskiptingar
Undirskriftalistanum, sem af-
hentur var borgarstjóra, fylgdi mót-
mælabréf þar sem þess var m.a.
krafist: „Að nemendur skólans verði
að fullu metnir til jafns við aðra
Reykvíkinga, sem sækja grunnskóla
borgarinnar. Að ekki sé vegið að
foreldrum og nemendum á þann
hátt sem á daginn hefur komið með
niðurskurði á greiðslum til skólans.
Að jafnræðisregla stjórnarskrár-
laga verði í heiðri höfð og reykvísk-
um börnum ekki mismunað þótt þau
létti undir með grunnskólum borg-
arinnar fyrstu 3 ár skólagöngu sinn-
ar og sæki sér menntun í skóla
ísaks Jónssonar."
Guttormur sagði að búast mætti
við því að hækkun skólagjalda hefði
áhrif á efnaminni foreldra, sem
vegna hækkunarinnar myndu
hætta að senda börn sín í skólann
og að þar með myndi félagsleg
breidd nemenda minnka og ein-
hvers konar stéttaskipting gera
vart við sig.
Jeppamenn
á Grænlandi
Fyrsti
áfangi
í gær
JEPPAMENNIRNIR í
ICE225-leiðangrinum lögðu í
fyrsta áfanga ferðalagsins yfir
Grænlandsjökul í gær. Þá voru
Toyota-jeppamir feijaðir frá
Nuuk og inn Godthábsfjörðinn
á pramma sem dreginn var af
dráttarbáti. Tók siglingin um
sex klukkustundir. Að sögn
Amgríms Hermannssonar leið-
angursstjóra er fjörðurinn ís-
laus og siglingarfært alveg inn í
fjarðarbotn. Þegar rætt var við
hann í gærkvöldi var pramminn
30 metra undan landi og verið
að leggja upp að ströndinni.
Um helgina var vetrarlegt
um að litast í Nuuk, kafaldsbyl-
ur og frost. Undanfama daga
hefur verið frost á þessum slóð-
um sem er kostur vegna akst-
ursskilyrða.
Um helgina var mikið um að
vera í Nuuk vegna afmælishá-
tíðar KNI-fyrirtækisins, sem er
aðalbakhjarl leiðangursins.
Jeppamennimir tóku þátt í há-
tíðahöldunum jafnframt því að
ferðbúa bílana og ganga frá far-
angri. A sunnudag voru jepp-
amir til sýnis almenningi og
haldinn blaðamannafundur
vegna ICE225-leiðangursins.
Aætlun gerir ráð fyrir að í
dag hefjist aksturinn inn að jök-
ulröndinni að vestan. Leiðin
liggur um hrjóstmgt land, stór-
grýtt og hliðarhalli á köflum.
Dagbók leiðangursmanna,
fréttir af framvindu ferðalags-
ins og fleiri upplýsingar er að
finna á heimasíðu leiðangursins.
Slóðin er httpyAvww.mbl.is.
Útboð á lagningu vega
Lægstu til-
boð 64-68%
af áætlun
LÆGSTU tilboð sem Vegagerðin
fékk í lagningu vegar á Tjömesi og
um Þvottárskriður vom á bilinu 64
til 68% af kostnaðaráætlun.
Jarðverk Homafirði ehf. átti
lægsta tilboð í lagningu vegar frá
Þvottá, um Skriður og Hvalnes að
Víkurá á leiðinni á milli Stöðvar-
fjarðar og Breiðdalsvíkur. Fyrir-
tækið býðst til að vinna verkið fyrir
37,9 milljónir kr., sem er tæplega
64% af kostnaðaráætlun Vegagerð-
arinnar sem hljóðaði upp á liðlega
59 milljónir kr.
Klæðning ehf. í Garðabæ átti
lægsta tilboðið í lagningu vegarins
frá Héðinshöfða í Hringver á Tjör-
nesi. Tilboðið er tæpar 44 milljónir,
sem er 68% af kostnaðaráætlun upp
á tæpar 65 milljónir kr.