Morgunblaðið - 17.06.1999, Page 14

14 FIMMTUDAGUR 17. JÚNÍ 1999
MORGUNBLAÐIÐ
FRÉTTIR
Höfuðborgarsvæðið
Mikil þrengsli í Bókasafni Hafnarfjarðar en væntanlega flutt í nýtt húsnæði innan árs
Erfíð
aðkoma
en útlán
aukast
Hafnarfjörður
BÓKASAFN Hafnarfjarðar
hefur í mörg ár búið við mik-
il þrengsli, en engu að síður
hafa útlán aukist verulega
undanfarin ár. Það virðist
hafa haft lítið að segja að
safnið er illa staðsett og ekki
einfalt að komast þangað ak-
andi. Ráðgert er að safnið
flytji í húsnæði Islandsbanka
á Strandgötu 1, jafnvel innan
árs.
Safnið er til húsa í Mjó-
sundi og aðeins er hægt að
komast þangað frá Hverfís-
götu eða Austurgötu, sem
eru einstefnugötur og liggja
báðar í sömu átt. Þetta þýðir
að mjög erfitt er að komast
að safninu nema fyrir kunn-
ugt fólk. Jafnvel fastagestir
safnsins segjast stundum
lenda í vandræðum með að
fara réttu leiðina og það hef-
ur komið fyrir að fólk hefur
sleppt safninu þann daginn
vegna þess hve leiðin að því
var snúin.
Hverfísgötu var breytt í
einstefnugötu sl. vetur. Að
sögn Önnu Sigríðar Einars-
dóttur, forstöðumanns safns-
ins, dró úr útlánum fyrstu
vikumar eftir breytinguna,
en það hefur lagast aftur.
Mikil þrengsli
en útlánum fjölgar
Nú er starfsemi bóka-
safnsins í 536 fermetra húsi
og segir Anna Sigríður að
safnkosturinn hafí íyrir
löngu sprengt utan af sér
húsnæðið. Húsið var tekið í
notkun árið 1958 og var þá
aðeins neðri hæðin tekin
undir safnið. Efri hæðin
bættist síðan við árið 1972.
Frá þeim tíma hefur orðið
mikil íbúafjölgun í Hafnar-
fírði og breytingar á starf-
semi safnsins. Síðustu árin
hefur orðið gífurleg aukning
í útlánum og hefur þeim
fjölgað úr rúmum 99.000 árið
1993 í 175.239 árið 1997, sem
Morgunblaðið/Eiríkur P.
Anna Sigríður Einarsdóttir virðir fyrir sér tímaritin sem komið hefur verið fyrir á ganginum framan við salernin.
Á myndinni til hægri er hús Bókasafns Hafnarfjarðar séð frá Hverfisgötu, en aðeins einstefnugötur liggja að safninu.
er rúmlega 76% aukning á
aðeins fjórum árum.
Að sögn Önnu Sigríðar
hefur þjónusta safnsins sí-
fellt aukist og nefnir hún
stærstu tónlistardeild í ís-
lensku bókasafni sem nýtur
mikilla vinsælda. Safnið hef-
ur lagt mikla áherslu á að
lána út tímarit, en útgáfa á
þeim hefur farið vaxandi síð-
ustu ár og einnig hefur
starfsfólk leitast við að verða
við óskum um pantanir og
kaup á bókum sem vantar.
Tölvuver draumurinn
Safnið hóf að leigja út
myndbönd árið 1985 og sein-
ustu árin hefur útgáfa á CD-
ROM diskum bæst við ásamt
hljóðbókum, að ógleymdu
Netinu. Vegna þrengsla er
erfitt að bjóða safngestum
upp á boðlega aðstöðu við að
nýta sér Netið. Safnið hefur
aðeins eina tölvu til umráða á
meðan full þörf væri fyrir
heilt tölvuver og segir Anna
það vera á stefnu safnsins að
koma slíku veri í gagnið.
„Þrengslin hafa auðvitað
áhrif á alla starfsemi hér. Við
höfum verið að breyta öllu
hér smátt og smátt; sett upp
bækur á göngum, jafnvel
klósettgöngum, ofan á hillur
og undir hillur, þannig að
húsnæðið er eins gjörnýtt og
mögulegt er,“ segir Anna
Sigríður. Til samanburðar
má nefna að safnið á Akur-
eyri hefur til umráða 1.015
fermetra og bókasafnið í
Reykjanesbæ er í 1.133 fer-
metra húsnæði að sögn Önnu
Sigríðar, en þau byggðarlög
eru fámennari en Hafnar-
fjörður.
Nýtt húsnæði í sjónmáli
Nýlega tók bæjarstjóm
ákvörðun um að flytja safnið
að Strandgötu 1 og verður
allt húsið tekið undir starf-
semi safnsins, samtals um
1.400 fermetrar. Um leið og
íslandsbanki flytur út af
jarðhæð hússins, sem verður
jafnvel innan árs að sögn
Önnu Sigríðar, mun safnið fá
húsnæðið til umráða og verð-
ur hafist handa í haust við að
skipuleggja og teikna safnið í
þessu nýja húsnæði.
Þar verður safnið mjög vel
staðsett og aðgengi gott.
Helsti gallinn verður hins
vegar sá að safnið verður á
fjórum hæðum og útlánasal-
irnir á tveimur hæðum, en
betra væri að útlán væru öll
á einni hæð. Kostirnir era þó
yílrgnæfandi og nauðsynlegt
fyrir safnið að komast í hús-
næði sem gerir því kleift að
rækja nýtt hlutverk, því
safnið getur vart talist
„bókasafn" lengur.
Bókasöfnin hafa undanfar-
in ár breyst í að vera nútíma-
legar upplýsingamiðstöðvar
og nefnir Anna Sigi'íður sem
dæmi að nú sé verið að ljúka
við að ganga þannig frá
skráningu safnkostsins að
allir þeir sem hafa aðgang að
Netinu geti setið heima og
flett upp í gögnum safnins.
„Þannig að það eru spenn-
andi tímar framundan" segir
Anna Sigríður, „þó að eflaust
verði erfitt að brúa bilið þar
til nýja húsið verður tilbúið".
Þjónustan
samþætt og- færð
nær íbúunum
MIÐGARÐUR, fjölskyldu-
þjónusta sem þjónar íbúum
Grafarvogs, hefur vaxið og
dafnað frá upphafi starf-
rækslu haustið 1997. Mikil
eftirspurn er eftir þjónustu
Miðgarðs og verkefni næg,
að sögn Regínu Ásvalds-
dóttur framkvæmdastjóra.
Reykjavíkurborg reknr
Miðgarð í tilraunaskyni til
aldamóta, þá verður árang-
ur af starfseminni metinn
og ákvörðun tekin um
framhald þjónustunnar.
Meginmarkmið Miðgarðs er
að samræma opinbera þjón-
ustu við íbúa Grafarvogs og
færa hana á einn stað, nær
íbúum hverfísins.
Rík áhersla er lögð á
samstarf við stofnanir og
félagasamtök í Grafarvogi.
Rúmlega 60 manns starfa
fyrir Miðgarð, þar af 23 á
skrifstofunni. Starfsmenn-
irnir hafa ólíka menntun og
búa yfír margvíslegri
reynslu og þekkingu.
„Hér starfar fólk með
menntun í félagsráðgjöf,
sálfræði og rekstrarfræði,
leikskólakennari, iðjuþjálfí,
þroskaþjálfí, lögregluþjónn
og kennari," sagði Regína
Regína Ásvaldsdóttir
í móttöku Miðgarðs.
til marks um Qölbreyttan
bakgrunn starfsfólksins.
Fjölbreytnin gefur kost á
betri yfirsýn yfir aðstæður
þeirra sem nýta sér þjón-
ustu Miðgarðs og Iítil hætta
er á að einstök mál ein-
angrist.
Miðgarður getur veitt
sálfræðiþjónustu, fjárliags-
aðstoð og útvegað leik-
skólapláss, allt eftir atvik-
um hverju sinni. Þetta hef-
ur í för með sér mikið hag-
ræði og ekki þarf að eyða
dýrmætum tíma í að
hringja á milli stofnana.
Grafarvogur
Lítil
meng'un
mælist
Hlíðarnar
UNDANFARIÐ hefur
verið unnið að mæling-
um á loftmengun á horni
Lönguhlíðar og Miklu-
brautar. Þessar mæling-
ar eru þáttur af mengun-
armælingum sem eru í
gangi allt árið á vegum
Heilbrigðiseftirlits
Reykjavíkur. Sáralítil
mengun hefur mælst á
þessum stað að sögn
Jóns Benjamínssonar,
sem hefur umsjón með
mælingunum.
Hann sagði að veðr-
átta hefði ekki verið hag-
stæð því sjaldan hefði
verið logn þennan tíma,
en í logni sæti mengunin
niðri og gæti safnast fyr-
ir. Fleiri atriði hefðu
áhrif á þessar mælingar,
eins og t.d. uppstreymi.
Hvergi hefur mælst
hættuleg mengun í borg-
inni, þó að stundum hafí
mengunin farið yfir við-
miðunarmörk. Tækið
hefur verið flutt á Grens-
ásveginn þar sem það er
staðsett níu mánuði á ári.
-----------------
Unnið við
Heiðarvöll
Kópavogur
ÍBÚAR í nágrenni Heið-
arvallar í Kópavogi söfn-
uðu í vor undirskriftum
til að knýja á um að haf-
ist verði handa við þær
breytingar sem kynntar
hafa verið varðandi
Heiðai-vallarsvæðið sam-
kvæmt skipulagi frá
1992. í framhaldi af und-
irskriftasöfnun íbúanna
var á fundi bæjarráðs
Kópavogsbæjar í maí sl.
samþykkt aukafjárveit-
ing til framkvæmdanna
að upphæð 3,5 milljónir.
Hafist verður handa við
breytingar samkvæmt
nýju skipulagi við Heið-
arvöll í sumar.
Völlurinn hefur verið í
nokkru reiðileysi eftir að
HK flutti starfsemi sína í
Fossvoginn fyrir nokkr-
um árum og lítið verið
gert á svæðinu sam-
kvæmt nýja skipulaginu.
Varslan
dregur úr
hraðanum
Hafnarfjöróur
GAN GBRAUTIN yfir
Reykjanesbraut við kirkju-
garðinn í Hafnarfirði, þar
sem ung stúlka lét lífið fyrir
nokkru, er hættuleg vegfar-
endum. í framhaldi af þessu
hörmulega slysi var byrjað
að vakta gangbrautina.
Sveinsína Björgvinsdóttir
hefur starfað við vörsluna
frá 20. maí eða frá því
skömmu eftir að ákveðið var
að vakta gangbrautina. Ekki
þarf að standa lengi við
gangbrautina til að sjá að
umferðarþunginn er mikill
og hraðinn á bílunum er
talsverður. Að sögn Sveins-
ínu hafa menn nokkuð dreg-
ið úr hraðanum eftir að
gangbrautarvarslan hófst
og upphækkaðar merkingar
málaðar á veginn báðum
megin við gangbrautina.
Sveinsína er spurð hvort
verðirnir lendi stundum í
vandræðum við að stöðva
bílana?
Heppinn að sleppa lifandi
„Það er stundum erfitt og
fyrir kemur að allt að fimm
bílar keyra framhjá þó öku-
mennimir sjái mann standa
Morgunblaðið/Eiríkur P.
Sveinsína Björgvinsdóttir fylgir ungum vegfaranda yfir gangbrautina yfir Reykjanesbrautina.
þarna. Við gætum okkar á
því að stoppa aldrei bíla á
brjálaðri ferð, maður lætur
engan nauðhemla. Það er
mjög mikið atriði að vera vel
vakandi. Þú æðir ekkert
fram fyrir vörubíl og lætur
hann stöðva fremst; ég vil
hafa útsýni yfir veginn,“
segir Sveinsína.
Hún segir að gangandi
fólk sé talsvert á ferðinni
þama yfir, en það fari þó
mikið eftir veðri.
Gangbrautarverðirnir
skrá niður fjölda þeirra sem
eiga þarna leið um og þegar
litið er á umferð síðustu
daga kemur í ljós að fjöldi
þeirra sem fer yfir gang-
brautina er allt frá 30
manns á dag þegar veðrið er
leiðinlegt upp í að vera 376
manns á góðviðrisdegi.
Sumir fara yfir gang-
brautina oft á dag og
Sveinsína er farin að þekkja
þá vel. Hún segir að eldri
maður fari 2-4 sinnum á dag
yfir brautina því hann sé
með rollur fyiir austan
brautina. Hann lenti í því að
það var keyrt á hann fyrir
þremur árum og var hepp-
inn að sleppa lifandi, segir
hún.
Eldra fólk kann vel að
meta gangbrautarvörsluna,
því það var oft erfitt fyrir
gamla fólkið að komast yfir
Varslan veitir því meira
öryggi og segir Sveinsína að
gömul kona hafi eitt sinn
talið 50 bíla sem brunuðu
framhjá án þess að stoppa
og hún hafi ekki komist yfir
fyrr en gatan var orðin auð,
segir Sveinsína.