Morgunblaðið - 17.06.1999, Blaðsíða 74

74 FIMMTUDAGUR 17. JÚNÍ 1999
MORGUNBLAÐIÐ
FOLK I FRETTUM
KVIKMYNDIR/Sambíóiii hafa tekið til sýningar myndina Lolita með Jeremy
Irons, Melanie Griffith, Frank Langella og Dominique Swain í aðalhlutverkum.
' Sagan um Lolitu
Frumsýning
HUMBERT Humbert er hæfi-
leikaríkur maður; menntað-
ur, fyndinn, snjall og ótrú-
lega aðlaðandi í augum kvenna.
Hann er prófessor í frönskum bók-
menntum, nýkominn til Nýja Eng-
lands þar sem hann ætlar að taka við
nýrri stöðu. Hann gerist leigjandi
myndarlegrar ekkju, Charlotte Haze
* (Melanie Griffith). I hennar augum
er þessi menntaði og myndarlegi
maður sá sem hana hefur dreymt
um. En draumastúlka Humberts
reynist vera 12 ára dóttir Charlotte,
Lolita (Dominique Swain). Meðan
Charlotte reynir við Humbert er
hann að reyna við Lolitu.
Sagan er byggð á einni af þekktari
skáldsögum aldarinnar, Lolitu eftir
Vladimir Nabokov, sem kom út árið
1958.
Leikstjórinn Adrian Lyne, sem
áður hefur gert Jacob’s Ladder, Fa-
tal Attraction og fleiri myndir, gerir
myndina ásamt framleiðandanum
Mario Kassar.
„Skáldsagan á sér engan líka,“
segir Lyne. „Lýsingar Nabokovs eru
svo náttúrulegar, svo áþreifanlegar
að hann segir manni eiginlega hvem-
ig eigi að taka myndina. Meðan ég
las bókina sá ég fyrir mér hvar ég
ætti að stilla upp myndavélinni.
Þetta er fyrsta skáldsagan sem ég
hef lesið sem mér hefur fundist að ég
gæti unnið beint með sem kvik-
myndagerðarmaður, án verulegra
breytinga. Bókin, sem fjallar um
áráttukenndar ástríður og dauða-
dæmda ást manns á ungri stúlku, er
í senn hjartnæm og ótrúlega fyndin."
Lyne er Breti og segir að munur-
inn á evrópskum og amerískum leik-
stjórum sé sá að þeir amerísku vilji
helst gera kvikmyndir um hetjur.
„Evrópskir leikstjórar vilja fást við
þversagnakennda og við-
kvæma karaktera.“ Hann
segir að í sínum huga hafi
aldrei leikið vafi á hver væri
rétti leikarinn í hlutverk
Humberts; óskarsverðlauna-
hafinn Jeremy Irons. „Hum-
bert,“ segir Lyne, „er kurteis,
úrkynjaður, góður við sjálfan
sig en samt viðkvæmur og
óöruggur þegar þráhyggjan
tekur af honum völdin. Hann gerir
grín að sér og tekur sig ekki of alvar-
lega. Jeremy var rétti maðurinn til að
fara með þetta hlutverk.“
„Ég hef alltaf dregist að karakter-
um sem eru ráðgátur; sem eru svo
margbrotnir að áhorfendur eru í
vafa um hvort þeir eru góðir eða
vondir, hvíti riddarinn eða svarti
púkinn," segir Irons. „Það er mjög
athyglisvert svæði að vinna á og ein-
beita sér að, finnst mér.“
KÁTIR.KfiAKKAR.
I GOÐUM SUMARSKOM
Fætur í örum vexti
-•

>
fara vel í barnáskóm
frá Scholl

MJÚKUR SOLI
FOTLAGA BOTN SEM
VERNDAR BAKIÐ
LEDURINNLEGG
OG YFIRLAG
Cb
LYFJA

- Lyf á lágmarksverði LáCjtTIÚId, S&tbBTQÍ OQ HdlTirdbOTQ
Stutt
Upprisa á
rútuþaki
►MAÐUR nokkur í Argentínu,
Mario Paz, fótbrotnaði og hand-
leggsbrotnaði þegar hann í
hræðslu sinni hoppaði af þaki
rútu sem var á ferð. Hann hafði
farið upp á þakið til að fá sér
frískt Ioft og mátti finna þar
ýmislegt dót, þar á meðal lík-
kistu.
í líkkistunni lá bóndi sem
hafði lagst ofan í hana til að fá
sér blund. Bóndinn vaknaði við
bröltið í Paz, lyfti lokinu af lík-
kistunni og spurði hvort það
væri nokkuð kalt úti. Paz brá
svo í brún að hann stökk rak-
leiðis niður af þakinu með fyrr-
greindum afleiðingum.
Vafasamur brúð-
kaupskynnir
►KARA Noble er konan sem seldi
breska blaðinu Sun myndir af
Sophie Rhys-Jones berbrjósta og
fyrir vikið var hún rekin úr starfi
sínu sem dagskrárgerðarkona á út-
varpsstöð í London.
En nú hefur önnur bresk út-
varpsstöð, Talk Radio, boðið henni
að verða sérlegur kynnir stöðvar-
innar á brúðkaupsdegi Sophie og
Edwards Bretaprins og á hún að
lýsa athöfninni og öllu sem henni
tengist í beinni útsendingu.
„Við töldum að Kara yrði senni-
lega á lausu á laugardaginn og
fannst að hún gæti lífgað upp á um-
fjöllun okkar um brúðkaupið,"
sagði Bill Ridley, útvarpsstjóri
stöðvarinnar.
Evrópuþingið
stjörnum prýtt
►SÖNGKONAN Dana, sem
vann Söngvakeppni evrópskra
sjónvarpsstöðva árið 1970, var
kosin á Evrópuþingið sem full-
trúi Irlands, en sem kunnugt er
bauð hún sig fram til forseta
þar í landi fyrir tveimur árum
og beið ósigur.
Italska kvikmyndastjarnan
Gina Lollobridgida vildi líka
komast á Evrópuþingið en hlaut
ekki náð fyrir augum kjósenda.
Finnski ökuþórinn Ari Vatanen
náði hins vegar kjöri en hann
var fremstur í sinni röð um
margra ára skeið í rallíi og
varð meðal annars heimsmeist-
ari árið 1981.
Alnafni og sonarsonar fyrr-
verandi Frakklandsforseta
Charles De Gaulle tekur einnig
sæti á Evrópuþinginu. Hann
var lengi vel í meðlimur í
stjórnmálaflokki afa síns en
hefur nýlega gengið til liðs við
þjóðernisflokk Jean-Marie Le
Pen, fjölskyldu sinni til mikillar
gremju.