Morgunblaðið - 07.09.1999, Blaðsíða 27
MORGUNBLAÐIÐ
ÞRIÐJUDAGUR 7. SEPTEMBER 1999 2 7
ERLENT
Forsetafrú Bandaríkjanna biður mann sinn að draga til baka tilboð um að náða skæruliða frá Púertó Ríkú
Washington. AFP.
Hillary og Bill Clint-
on á öndverðum meiði?
LEIÐTOGAR Bandaríkja-
manna, sem eiga ættir að
rekja til Rómönsku Ameríku,
gagnrýndu Hillary Clinton,
forsetafrú Bandaríkjanna,
harðlega í gær fyrir að hafa
hvatt eiginmann sinn, Bill
Clinton Bandaríkjaforseta, til
að draga til baka boð um að
náða sextán meðlimi skæru-
liðahreyfingar í Púertó Ríkó,
sem allir sitja í fangelsi í
Bandaríkjunum. Mál þetta hef-
ur vakið mikla athygli vestan-
hafs enda ekki annað að sjá en
forsetahjónin séu á öndverðum
meiði í afstöðu sinni.
Dregur stuðning sinn til baka
Jose Serrano, sem á sæti í
fulltrúadeild Bandaríkjaþings,
lýsti „gífurlegum vonbrigðum
sinum og reiði“ með afstöðu
Hillary í The New York Times í
gær og lýsti því um leið yfir að
hann væri hættur við að styðja
hana í væntanlegu framboði
hennar til öldungadeildar
Bandaríkj aþings.
„Ég dreg til baka stuðning
minn við framboð hennar,“
sagði Serrano, sem er
demókrati frá New York.
„Fyrir mér er þetta mál eins
mikilvægt og málefni Irlands
eru írskum innflytjendum og
hagur Israels er bandarískum
gyðingum,“ bætti hann við en
Serrano er ættaður frá Púertó
Ríkó.
Clinton hafði um miðjan
ágúst boðist til að veita mönn-
unum sextán, sem eru meðlimir
vopnuðu frelsissamtakanna
FALN í Púertó Ríkó, almenna
sakaruppgjöf en forsetafrúin
hvatti hann síðan á laugardag
til að draga boðið til baka á
þeirri forsendu að mennirnir
hefðu ekki orðið við óskum um
að þeir lýstu því yfir að þeir
hygðust aldrei framar taka þátt
í ofbeldisverkum.
Clinton gaf Púertó Ríkó-
mönnunum frest fram á föstu-
dag til að samþykkja tilboð sitt,
en Hillary sagði í yfirlýsingu
sinni um helgina að mennirnir
hefðu þegar haft nægan tíma til
að gera upp hug sinn. „Draga
ætti boð um náðun til baka,“
sagði í yfirlýsingu hennar.
Skaðlegt fyrir kosninga-
baráttu Hillary?
FALN-hreyfingin átti þátt í
meira en eitt hundrað hryðju-
verkum sem framin voru á átt-
unda og níunda áratugnum í
Bandaríkjunum, en þeir sextán
menn, sem nú er deilt um,
munu þó aldrei hafa átt beina
aðild að afbrotum sem ógnuðu
lífi fólks.
Clinton hafði í ágúst sagt að
mennirnir hefðu hlotið óvenju
harða dóma, sem væru í engu
samræmi við afbrot þeirra, en
nokkrir þeirra voru dæmdir í
meira en fímmtíu ára fangelsi.
Fréttaskýrendur sögðu á sínum
tíma að tilboð Clintons tengdist
kosningabaráttu Hillary og að
markmiðið væri að tryggja
henni stuðning þeirra 1,3 millj-
óna Púertó Ríkó-manna, sem
búa í New York. Að vandlega
íhuguðu máli hafi forsetafrúin
hins vegar komist að þeirri nið-
urstöðu að í raun hefði þetta
skaðleg áhrif á kosningabaráttu
hennar.
Segja sumir að Hillary telji
að heppilegra sé fyrir hana að
virðast hörð í horn að taka þeg-
ar að glæpum og hryðjuverkum
kemur, og reyna þannig að
höfða til íhaldssamra kjósenda
í New York-ríki. „Hillary Clint-
on er einfaldlega að fylgja
frumkvæði Rudys Giulianis,“
sagði Jose Rivera, sem er
demókrati frá Bronx, en Giuli-
ani, sem er borgarstjóri í New
York, hefur aflað sér mikilla
vinsælda fyrir að hafa beitt sér
ötullega gegn glæpum í borg-
inni. Hann þykir jafnframt lík-
legur til að verða keppinautur
Clinton um þingsætið í New
York-ríki.
Vel skipulagt
leikbragð?
Reyndar er þetta ekki í
fyrsta skipti sem Hillary Clint-
on tekur afstöðu sem er í hróp-
legu ósamræmi við stefnu
Hvíta hússins. Segja frétta-
skýrendur að hún hafi komist
að sömu niðurstöðu og AI Gore
varaforseti, sem sækist eftir
því að taka við forsetaembætt-
inu eftir Clinton, að bráðnauð-
synlegt sé fyrir hana að sýna
kjósendum að þau Bill séu gjör-
ólíkir sljórnmálamenn.
Menn velta hins vegar vöng-
um yfir því hvort Hillary ræði
þessi mál við bónda sinn, og
hvort yfirlýsing hennar um
helgina sé vandlega íhugað
bragð af hálfu hjónanna, eða
hvort deilur hjónanna séu
raunverulegar og þess megi
vænta að þau taki sér stöðu sitt
hvorum megin víglínunnar í
tilteknum hitamálum.
Sotheby’s
seldi fölsuð
húsgögn um
árabil
TALSMENN alþjóðlega upp-
boðsfyrirtækisins Sotheby’s
viðurkenndu um helgina að
Sotheby’s hefði um árabil selt
fölsuð húsgögn og hafa tveir
háttsettir yfirmenn í hús-
gagnadeild fyrirtækisins þeg-
ar sagt af sér vegna málsins.
Frá þessu var sagt í helgar-
blaðinu The Sunday Times á
sunnudag.
Nýlega var sýnt fram á að
fjórir stólar sem sagðir voru
frá átjándu öld, og höfðu selst
fyrir samanlagt um 140 millj-
ónir ísl. króna, voru í raun
falsaðir. I kjölfarið kom jafn-
framt í ljós að tveir viðskipta-
vinir Sotheby’s til viðbótar
höfðu keypt antík-húsgögn hjá
fyrirtækinu sem reyndust
falsanir.
„Menn í antíkheiminum
hafa lengi kvartað yfir því að
Sotheby’s hefur verið með
vafasamar vörur til sölu,“
sagði Michael Hogg, sem
verslar með antík-húsgögn í
London. „Ef litið er til þess að
um langt tímabil er um að
ræða, og hversu margir
fölsuðu munirnir eru, tel ég að
bæði fornmunaheimurinn og
almenningur hafi rétt á að vita
alla málavexti. Sotheby’s ætti
nú að rannsaka alla muni, sem
þeir hafa selt, sem komu frá
vafasömum seljendum. Jafn-
framt ætti fyrirtækið að hafa
samband við kaupendurna og
skoða munina á nýjan leik,“
bætti Hogg við í samtali við
The Sunday Times.
Graham Child og Joseph
Friedman, sem báðir voru yf-
irmenn í húsgagnadeild Sot-
heby’s, hafa sagt af sér vegna
málsins en Child viðurkennir
að hafa ekki áttað sig á að
húsgögnin, sem um ræðir,
voru falsanir. Talsmenn Sot-
heby’s segja að kaupendur
muni fá peninga sína endur-
greidda en þetta mál þykir á
hinn bóginn hafa kastað
nokkui’ri rýrð á fyrirtækið og
hefur jafnframt valdið upp-
námi meðal þeirra sem lifa og
hrærast í antíkmunaheimin-
um.
Fyrsíi vinningurinn í Víkingalottóinu
er þrefaldur og áætlaður rúmar
Fáðu þér miða fyrir klukkan fjögur á morgun.
AÓeins 25 kr. röðin!
L#T¥#
Til mikils að vinna!