Morgunblaðið - 07.09.1999, Qupperneq 32
32 ÞRIÐJUDAGUR 7. SEPTEMBER 1999
MORGUNBLAÐIÐ
MENNTUN
Ferðamálaskóli Boðið verður upp á þriggja anna starfstengt ferðamálanám í Ferðamálaskólanum í Kópavogi
eftir áramót. Með hinu nýja námi er komið til móts við þarfír og kröfur markaðarins, að sögn Sigríðar Þrúðar
Stefánsdóttur forstöðumanns. Mikil ásókn er í skólann og áform um að taka við fjörutíu í nýja námið.
Krafa um
menntun í
ferðaþjónustu
• Nemendur geta farið í starfsþjálfun
meðfram námi á annarri önn
• Kennsla fer fram á kvöldin. Kennd
verður löggjöf í ferðamálum
Ferðamálaskólinn í
Kópavogi hefur um nokk-
urt skeið boðið upp á leið-
sögunám, alþjóðlegt ferða-
skrifstofunám og tveggja anna ferða-
fræðinám. í janúar á næsta ári verð-
ur skipulagi ferðafræðinámsins
breytt. Tekið verður upp þriggja
anna starfstengt ferðamálanám sem
skiptist í tvær námsbrautir; ferða-
fræðinám og hótel- og gestamót-
tökunám sem er nýjung. Með hinu
nýja námi er komið til móts við þarf-
ir og kröfu markaðarins, að sögn
Sigríðar Þrúðar Stefánsdóttur for-
stöðumanns. Hún segir ferðaþjón-
ustu hafa breyst mikið á tiltölulega
skömmum tíma, kröfur hafí til að
mynda aukist um fagleg vinnubrögð.
Breytingarnar á ferðamálanáminu
miði að því að tengja saman fræði-
greinar ferðaþjónustu og hagnýta
þekkingu.
Sérstök áhersla er lögð á upp-
byggingu og starfsemi ferðaþjónustu
á Islandi og móttöku erlendra ferða-
manna í hinu nýja starfstengda
námi. „Stílað er inn á ísland sem
ferðamannaland, inn á móttöku er-
lendra ferðamanna og uppbyggingu
ferðaþjónustu. Hvernig varan Island
verður til og hvernig hún er seld.
Hvaðan þessir erlendu ferðamenn
koma og hvernig við eigum að með-
höndla þá. Einnig er farið inn á
starfsemi í ferðaþjónustu erlendis og
sölu ferða frá Islandi til annarra
landa og er þá sérstaklega miðað við
framboð og starfsemi utanlands-
deilda ferðaskrifstofa hér á íslandi,"
sagði Sigríður Þrúður.
Faggreinar ferðaþjónustu
Ferðamálanámið samanstendur af
rúmlega 20 bóklegum áföngum og
þriggja mánaða starfsþjálfun.
Áhersla er lögð á kennslu faggreina
ferðaþjónustu á borð við ferðalanda-
fræði, rekstrarþætti íyrirtækja í
ferðaþjónustu, samskipti í þjónustu,
markaðsfræði, tungumál og bókunar-
kerfi ferðaskrifstofa, flugfélaga og
hótela. Kennsla í bókunarkerfum er
heilmikið unnin í samstarfi við fyrir:
tækin, að sögn _ Sigríðar Þrúðar. I
ferðalandafræði íslands fræðast nem-
endur meðal annars um áfangastaði,
hvaða staðir eru ferðamannastaðir og
hvers vegna. í hinu nýja námi verður
í fyrsta sinn kennd löggjöf í ferðamál-
um. Þá er áfangi um umhverfismál
kenndur í ferðafræði, þar sem jákvæð
og neikvæð áhrif ferðaþjónustu á um-
hverfið eru skoðuð. Sigríður Þrúður
segir að þar sé meðal annars leitað út
fyrir landsteinana og könnuð neikvæð
áhrif sem ferðaþjónustan hefur haft á
samfélag, menningu og umhverfi í
öðrum löndum. Kenndur er áfangi
um menningu, þar er íslenskt samfé-
lag skoðað og erlendir menningar-
heimar.
Tímabært að starfstengja námið
„Ferðamál eru að fá aukið vægi
sem fræðigrein um allan heim og
við byggjum auðvitað á því. Við
þurfum líka að horfa á að þetta sé
hagnýtt, þess vegna finnst okkur
svo mikilvægt að geta boðið upp á
starfsþjálfun,“ sagði Sigríður Þrúð-
ur um námið. „Við höfum sent nem-
endur í stutta starfsþjálfun undan-
farin ár og fengið mjög góðar mót-
tökur og viðbrögð hjá fyrirtækjun-
um. Við mátum það því þannig að
tími væri kominn til þess núna að
efla þessi tengsl enn frekar,“ sagði
hún.
Nemendur geta farið í starfsþjálf-
un meðfram námi á annarri og þriðju
önn, að sumri eða tekið starfsþjálfun
sem fjórðu önn. Ætlast er til að þeir
starfi allt starfsnámstímabilið hjá
sama fyrirtæki. Nemendum er í
sjálfsvald sett hvert þeir fara í
starfsþjálfun, svo framarlega sem
fyrirtækið sem verður fyrir valinu
starfar á sviði ferðaþjónustu. „Það
gæti verið upplýsingamiðstöð, það
gæti verið safn. Hér náum við heild-
arsýn yfir ferðaþjónustuna," sagði
Sigríður Þrúður. Hún gerir ráð fyrir
því að skólinn aðstoði nemendur
fyrst í stað við að finna pláss hjá fyr-
irtækjunum.
Ferðamálanámið var þróað innan
veggja Ferðamálaskólans og einnig
að höfðu samráði við atvinnulífið.
„Við höfum haft í hyggju í nokkur ár
að breyta ferðafræðináminu og efla
samstarfið við atvinnulífið. Við fór-
um og töluðum við fyrirtæki í ferða-
þjónustu og Samtök ferðaþjónust-
unnar og undirbjuggum þetta á
þann hátt mjög vel,“ sagði Sigríður
Þrúður. Hún segir verknám lengi
hafa verið stóran hluta af sambæri-
legu námi erlendis, hér sé það hins
vegar algjör nýjung. Hún segir alla
sem rætt hefur verið við mjög já-
kvæða gagnvart þessari þróun á
ferðamálanámi og tilbúna að taka
þátt í henni.
Fer ðaþj ónustufyrirtæki
vilja gott starfsfólk sem
kann fagleg vinnubrögð
„Við erum líka að þessu til að fyr-
irtækin, atvinnugreinin, fái tæki-
færi til að hafa áhrif á námið þannig
að skólarnir séu ekki bara að búa
eitthvað til sem hentar í rauninni
ekki. Þess vegna finnst okkur þessi
tenging skipta svo miklu máli. Við
fáum þá líka að heyra hvort við sé-
um að gera rétta hluti, því þótt við
höfum öll reynslu og séum oft á tíð-
um að vinna í atvinnugreininni er-
um við ekki þar alla daga,“ sagði
Sigríður Þrúður. Hún segist merkja
mikla breytingu á því síðustu ár að
fyrirtæki í ferðaþjónustu leitist eftir
að ráða menntað starfsfólk. Hún
segir mikla ásókn í nám við Ferða-
málaskólann, 200 manns stundi að
jafnaði nám við skólann og vísa
þurfi umsækjendum um námsvist
frá. Sigríður segir áformað að taka
við um 40 nemendum í hið nýja nám
sem hefst í janúar. Þegar er farið að
taka við umsóknum og Sigríður ger-
ir ráð fyrir að tekið verði við þeim
fram í október. Inntökuskilyrði eru
stúdentspróf eða sambærileg
menntun og/eða starfsreynsla. „Við
höfum ekki hengt okkur í stúdents-
prófið. Við viljum alveg eins meta
fólk inn eftir reynslu," sagði Sigríð-
ur.
Þess er ekki krafist af nemendum
að þeir séu í fullu námi. Nemendum
er boðið upp á að taka áfanga og
áfanga en í fullu námi er kennt u.þ.b.
fjórar klukkustundir á dag. Kennsla
fer fram á kvöldin, kennt er frá
klukkan hálfsex til klukkan tíu öll
kvöld nema á föstudögum. Þá lýkur
kennslu fyrir klukkan átta. Skóla-
gjöld í Ferðamálaskólanum eru að
meðaltali 40 til 50 þúsund krónur á
önn.
„Ferðaþjónustan er eins og aðrar
atvinnugreinar, gengur í gegnum
ákveðið lífsskeið og þroskaferli,"
sagði Sigriður. „Frumkvöðlarnir
sem byrjuðu hérna fyrir einhverjum
30 árum voru sjálfmenntaðir og
ruddu brautina. Núna er sennilega
þriðja eða fjórða kynslóð að taka
við. Þær geta auðvitað nýtt sér þá
miklu reynslu sem hefur safnast
saman en vinnubrögðin hafa mikið
breyst.“ Sigríður segir samkeppni
hafa aukist í ferðaþjónustu og um
leið séu ríkari kröfur gerðar um
fagleg vinnubrögð og gott starfs-
fólk. Þessum kröfum þurfi að
standa undir og hið nýja nám sé
skref í þá átt.
Nýjar bækur
9MUNDOS 1 er kennsluefni í
spænsku fyrir byrjendur í þýðingu
Signrðnr Hjurtnrsoimr. Bókin
skiptist í fjóra þætti: lesbók, vinnu-
bók, þrjái- hljóðsnældur og kenn-
arahandbók. í bókinni er þrjátíu
og einn leskafli með samtölum og
fræðslutextum. Auk þess eru í
henni málshættir, söngvar og ljóð.
í flestum lesköflunum er texti á ís-
lensku um hinn spænska menning-
arheim. Einnig er í lesbókinni mál-
fræðiágrip.
í vinnubókinni er aðaláhersla
lögð á æfingar sem þjálfa sam-
skipti; það að segja setningar,
stinga upp á einhverju, vera ósam-
mála o.sv.frv.
Á fcveimur hljóðsnældum eru ail-
ir textar og söngvar úr lesbókinni,
en á þriðju snældunni eru þrettán
hlustunaræfingar. I kennarahand-
bók eru lausnir á.yerkefnum, til-
lögur að prófum og texti hlusfun-
aræfinganna.
Utgefandi er Mál og menning.
Mundos 1 lesbók er með fjölda lit-
mynda, prentuð í Noregi og er 128
bls., vinnubókin er 148 bls., prent-
uð hjá Steinholti hf. Anna Cynthia
Leplar gerði kápur beggja
bókanna. Verð lesbókar: 2.950 kr.,
verð vinnubókar: 2.280. Saman í
pakka, verð: 4.480 kr.
• GEITUNG URINN1 eftir Árna
Árnason og Halldór Baldursson er
verkefnabók handa börnum á for-
skólaaldri, einkum ætluð börnum
sem farin eru að sýna áhuga á stöf-
um og tölum.
í fréttatilkynningu segir að bók-
in sé samin með það fyrir augum
að veita undirbúning fyrir lestrar-
nám barna. Haft hafi verið að leið-
arljósi við samningu heftisins að
foreldrar og barn geti átt
skemmtilega stund saman yfir
heftinu.
Það sem tekið er fyrir í heftinu
er m.a. foræfingar í skrift, tölurnar
frá 1-9 og æfingai- í að telja, litir
og form, allt stafrófið í stórum
stöfum til að lita, skrifa, klippa og
líma, þrautir, stafaleit og orðaleit,
litað eftir 'númenim og verkefni í
að klippa og líma.
Árni Árnason «r kennari að * -
mennt og hefur m.a. starfað i rúm-
an áratug við ritstjórn í kennslu-
bókaútgáfu. Hann hefur skrifað
margar barnabækur, þ. á m. lestr-
arkennslubók og lestrai’þjálfunar-
efni. Halldór Baldursson teiknari
hefur um árabil myndskreytt
fjölda þekktra barnabóka auk
kennslubóka sem notaðar eru í
grunnskóla.
Útgefandi er Æskan ehf. Bókin
er 48 bls. í A4 broti. Umbrot og
hönnun fór fram hjá Æskunni ehf.
en Veröld ehf. annaðist prentun.
Verð 690 kr.
Morgunblaðið/Kristinn
Ólafur, Stefán S., Guðmundur Ilauksson yfirsmiður og Öm í Fylkishöllinni.
Tónlistarskóli í Fylkishöll
TÓNLISTARSKÓLI Árþæjar hefst
.13. september næstkomandi í nýju
húsnæði sem hefur verið innréttað í
Fylkishölliimi gegnt Árbæjarsund-
laug. Stefán S. Stefánsson skóla-
stjóri segir að í húsinu efli bömin
þar með bæði líkama og sál.
Stefán var áður með Nýja músík-
skólann en gerði á liðnu ári þjón-
ustusamning við Reykjavíkurborg
og breytti nafni skólans í kjölfarið.
Hann hefur einnig gert fimm ára
samning við Fylki. Brýn þörf er fyr-
ir tónlistarskóla í hverfinu líkt og í
öði’um hverfum borgarinnar. Stefán
segir að í fyrra hafi ýmsir foreldrar
lagt töluvert á sig til að koma börn-
unum í tónmenntir. „fjin móðir
keyi’ði börnin sjn út-á Seltjamárnes
í tólistarskóla allan síðasta vetur,“,
nefnir Stefán sem dæmi.,
Fylkishöllin í Árbæ er rúmgóð og
fara um 140 fermetrar á annarri
hæð undir tónlistarskólann og verða
í honum fjórar kennslustofur. Sér-
stakar ráðstafanir eru gerðar til að
hljóðeinangra þær. Skólinn er bæði
fyrir börn og fullorðna. „Kennt
verður á flest hljóðfæri, og kennarar
verða um tíu,“ segir Stefán. Hann
segir að í skólanum starfi nemenda-
hljómsveit og einnig söngdeild, sem
skiptist í söngleikjadeild og ein-
söngsdeild. „Hér er kjörið tækifæri
til að sarafcvinna hreyfingu og tón-
Kst,“ segir hann og bendir á að í hus-
inu sé starfandi líkamsræktarmið-
stöð.
Örn Hafsteinsson og Ólafur
Loftsson hjá Fylki eru mjög
ánægðir með tónlistina í húsinu.
„Okkur líst mjög vel á þetta. Við
vorum með ónotað húsnæði og
þetta léttir leiðina að því að klára
húsnæðið," segir Örn. Fylkir borg-
ar framkvæmdina en í fyrstu var
gert ráð fyrir félagsaðstöðu þar
sem tónlistarskólinn verður. Ólafur
segir að með þessum framkvæmd-
um verði einnig til salur í rýminu
sem henti þeim vel.