Morgunblaðið - 07.09.1999, Side 68
9
...tannlæknar
mæla með því
1
Wrlgleu's USSSl
fmll fíavoumd augartree g
MORGUNBLAÐIÐ, KRINGLAN 1,103 REYKJAVIK, SÍMI5601100, SÍMBRÉF 5691181
PÓSTHÓLF3040, NETFANG: R1TSTJ@MBL.IS, AKUREYRI: KAUPVANGSSTRÆTI1
ÞRIÐJUDAGUR 7. SEPTEMBER 1999
VERÐ í LAUSASÖLU 150 KR. MEÐ VSK
Kona auglýsir eftir eggi vegna tæknifrjóvgunar
Lög takmarka ekki
leit að eggjagjafa
EKKERT í lögum takmarkar aug-
lýsingu eftir gjafa að eggjum fyrir
tæknifrjóvgun en um síðustu helgi
auglýsti kona eftir gjafa í Morgun-
blaðinu. Hins vegar er það talið
varhugavert ef fólk fer að greiða
hugsanlegum gjöfum eins og
tíðkast sums staðai’ erlendis, að
mati þeirra sem leitað var álits hjá.
Að sögn Þórðar Óskarssonar, yf-
irlæknis á tæknifrjóvgunardeild
kvennadeildar Landspítalans, hefur
( ^hann tvívegis áður rekist á sam-
svarandi auglýsingu. Þórður sagði
að um viðkvæmt mál sé að ræða og
komi einhver sem auglýsir með
hugsanlegan gjafa ræði læknar við
viðkomandi og meti hvort hann sé
samþykkur sem slíkur. Hann sagði
að auglýsingin væri ekki í samráði
við tæknifrjóvgunardeildina en að
hann skilji vel að fólk grípi til ráða
af þessu tagi í leit að gjafa. Erfitt
sé að finna gjafa og fólki væri for-
gangsraðað eftir ákveðnum reglum.
„Þær meðferðir sem hafa verið
framkvæmdar hingað til hafa verið
með þekktum gjöfum, þ.e. um er að
ræða fólk að hjálpa ættingjum eða
vinum. En þegar fólk hefur beðið
lengi reynir það auðvitað að bjarga
sér,“ sagði Þórður.
Sigurður Guðmundsson land-
læknir telur auglýsinguna óvenju-
lega þar sem gjafar finnist að jafn-
aði með öðrum hætti en líta verði
á hana í því ljósi að óskin um að
eignast barn sé gríðarlega sterk.
Hann segir engar lagalegar for-
sendur mæla á móti auglýsingu af
þessu tagi og í raun sé erfitt að sjá
að siðferðileg rök mæli henni í
mót.
■ Læknar/10
Tæki sem grein-
ir heilablóðfall
HJÁ Taugagreiningu hf. er í þró-
un nýtt tæki sem greinir heila-
blóðfall hraðar en nú þekkist. Að
sögn Egils Mássonar fram-
kvæmdastjóra getur tækið greint
heilablóðfall innan tíu mínútna.
Tækið byggist á aðferð sem
þróuð var af læknum við há-
skólasjúkrahúsið í Diisseldorf, og
hefur Taugagreining hf. einka-
rétt á hagnýtingu þessarar að-
ferðar. Heilablóðfall er þriðja al-
gengasta dánarorsök hér á Iandi
og ein algengasta ástæðan fyrir
varanlegri fötlun. Miklu skiptir
að heilablóðfall greinist sem
fyrst svo að hægt sé að koma í
veg fyrir frekari áföll. Ný lyf eru
komin á markað sem geta komið
í veg fyrir alvarlegar afleiðingar
heilablóðfalls en þau verður að
gefa strax eigi þau að virka.
Að sögn dr. Siebler, tauga-
læknis og yfirmanns heilablóð-
fallsdeildar á Háskólasjúkrahús-
inu í Diisseldorf, eru heilaritar
sem nú eru í notkun flóknir og
sérfræðingur þarf að vera á
staðnum til að lesa úr niðurstöð-
unum. Ár er síðan Taugagrein-
ing fékk einkarétt á að hagnýta
sér þessa nýju aðferð og hefur
fyrirtækið fengið styrk frá Iðn-
tæknistofnun og Nýsköpunar-
sjóði til frekari þróunar. Tækið
verður reynt á tveimur sjúkra-
húsum í Þýskalandi og einu á
Norðurlöndum á næstunni.
■ Þróa/12
Forsætisráðherra segir sölu á hlut rfkisins í FBA í undirbúningi
Höfða mál
>
gegn Isa-
fjarðarbæ
ÞRÍR húseigendur í Hnífsdal, sem
áttu eignir á yfirlýstu snjóflóða-
hættusvæði þar, hafa ákveðið að
höfða mál gegn Isafjarðarbæ vegna
kaupa bæjarins á húseignum þeirra
með tilstyrk Ofanflóðasjóðs, en upp-
gjör vegna kaupanna fór fram í
hitteðfyrra. Þeir telja kaupverðið
ekki viðunandi sem Isafjarðarbær
bauð þar sem ekki var lagt sama
verðmætamat til grundvallar við
uppkaupin og gert var í uppkaupum
bæjarins á húseignum í Súðavík.
Það sem lagt var til grundvallar
við uppkaup Isafjarðarbæjar á sín-
um tíma í Hnífsdal var aftur á móti
markaðsverð umræddra húseigna
en ekki tekið tillit til þátta eins og
t.d. endurmatsverðs eignanna eða
brunabótamats. Að sögn lögmanns
málshöfðendanna munar hér nokkr-
um milljónum. Unnið er að því að
móta stefnuna gegn Isafjarðarbæ
og er búist við að málið verði þing-
fest í haust fyrir Héraðsdómi Vest-
fjarða.
-----------
Verður seldur dreifðum
hópi að loknu forvali
UNNIÐ er að undirbúningi forvals
þar sem væntanlegir kaupendur að
hlut ríkisins í Fjárfestingabanka at-
vinnulífsins verða valdir. Davíð
Oddsson forsætisráðherra sagði í
fréttum Ríkissjónvarpsins í gær-
kvöldi að ákveðið væri að hlutur rík-
isins í FBA yrði seldur í einu lagi en
dreifðum hópi. Forval vegna söl-
unnar fari væntanlega fram eftir
Jeina til tvær vikur og salan nokkr-
um vikum síðar.
„Ráðherranefnd um einkavæð-
ingu komst að niðurstöðu fyrir
nokkrum dögum um það efni og nú
er einkavæðingamefndin, sem
starfar undir forsjá þessarar ráð-
herranefndar, að útfæra þær tillög-
'Wfcr og hugmyndir sem þar varð sam-
^comulag um,“ sagði Davíð.
„Það má segja að meginniður-
staðan sé í samræmi við það sem
hefur komið fram frá mér og utan-
ríkisráðherra að það væri rétt að
tryggja að það verð fengist fyrir
hlut ríkisins sem best væri þannig
að þær aðgerðir, sem hafa farið
fram áður og hefðu getað skaðað
ríkið, mundu ekki skaða ríkið,“
sagði Davíð og sagði að meginhugs-
unin væri að selja hlutinn í einu lagi
en þó dreifðum hópi.
Forsætisráðherra sagðist eiga
von á að forval færi fram eftir eina
til tvær vikur og síðan verði salan
nokkrum vikum síðar. „Það ætti að
verða tilkynnt um fyrirkomulagið
innan fárra daga, vona ég,“ sagði
Davíð og sagði að verið væri að
hugsa um forval með svipuðum
hætti og við einkavæðingu SKÝRR.
Hreinn Loftsson, formaður
einkavæðingarnefndar, sagði í sam-
tali við Morgunblaðið í gærkvöldi að
einkavæðingamefnd væri að vinna
að máiinu en taka þyrfti ákvarðanir
um mörg útfærsluatriði. „Við erum
að reyna að ná fram þeim markmið-
um að fá sem mest verðmæti fyrir
eignina en jafnframt að standa
þannig að málum að dreifð eignar-
aðild náist með því að setja reglur í
sambandi við útboðið, sem taka á
því máli,“ sagði Hreinn.
Þurfa að uppfylla
ákveðin skilyrði
Hann sagði að hugsunin með for-
valinu væri fyrst og fremst sú að áð-
ur en tilboð koma fram gefi hópar
sem hafa áhuga á að bjóða í hlutinn
í sameiningu sig fram. „Þeir þurfa
að uppíylla ákveðin skilyrði sem
sett verða um skyldleika og tengsl
sín á milli. Forvalið lýtur að því að
menn gangi úr skugga um að svo sé
áður en menn bjóða í bréfin. Ef
skýringamar uppfylla ekki þær
reglur sem settar verða, verður gef-
inn stuttur frestur til að kippa því í
liðinn áður en útboðið sjálft fer
fram,“ sagði Hreinn og sagði að til-
boð frá öðrum en þeim sem tækju
þátt í forvalinu yrðu ekki tekin gild.
Hreinn sagði að í fjárlögunum
væri gengið út frá sölu á hlut ríkis-
ins á þessu ári. Sölunni hefði verið
frestað fram yfir kosningar en nú
væri unnið að því að salan gæti farið
fram í október eða nóvember.
Sjávarútvegssýningin
45% um-
fangsmeiri
en síðast
ÍSLENSKA sjávarútvegssýningin
var 45% umfangsmeiri en sú síð-
asta, sýnendum fjölgaði og gestir
hafa aldrei verið fleiri. Sýningunni
lauk síðastliðinn laugardag.
16.993 gestir komu á sýninguna,
þar af 960 erlendir gestir frá 41
landi. Nánast allt gistirými á höfuð-
borgarsvæðinu var upppantað með-
an á sýningunni stóð.
John Legate, framkvæmdastjóri
sýningarinnar, segist ánægður með
fjölda gesta. „í fyrsta lagi varð mik-
0 aukning miðað við fyrir þremur
árum og svo er salan á staðnum
mjög ánægjuleg. Mikil viðskipti
fóru fram og sambönd komust á.
Erlendum gestum fjölgaði um nær
50% og sama er hvert litið er, alls
staðar er um aukningu að ræða.“
■ Besta sýningin/23