Morgunblaðið - 24.10.1999, Qupperneq 64

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF5691181, PÓSTHÓLF 3040,
ÁSKRIFT-AFGREIÐSLA 5691122, NETFANG: RITSTJ@MBL.IS, AKUREYRI: KAUPVANGSSTRÆTI1
SUNNUDAGUR 24. OKTÓBER 1999
VERÐ í LAUSASÖLU 150 KR. MEÐ VSK
Verið að setja upp nffia tegund umferðarmyndavéla
Róið á
hverjum
degi
Grímsey. Morgunblaðið.
SUÐLÆGIR vindar hafa leikið
um Grímsey síðustu daga og
hefur veðrið verið einstaklega
gott miðað við árstíma, heiður
himinn, logn og hitastigið hefiu-
farið allt upp í 12 gráður, en á
sama tíma í fyrra var komið vit-
laust veður.
Veiðin hefur verið mjög góð
og afli á línu hinn fínasti og er
uppistaðan aðallega þorskur en
eitthvað hefur einnig veiðst af
steinbít. Þá hefur veiði á hand-
færi verið góð og aðeins hefur
veiðst á net, einkum ufsi. Sök-
um veðurblíðunnar hafa menn
nú getað róið á hverjum degi
frá 3. október og hafa einhverjir
sjómenn róið fram á Kolbeins-
ey. I fyrra var ekki hægt að róa
frá 19. október fram til mánaða-
móta sökum leiðinlegs veðurs.
Börnin hafa sannarlega notið
blíðunnar og hefur það minnt á
vorið að sjá þau að leik með
sippubönd, húlahringi, í bolta-
leikjum og snú snú.
• •
Olvaður ók
á tvo lög--
reglubíla
TVEIR lögreglubílar skemmdust í
fyrrinótt eftir ákeyrslu ölvaðs öku-
manns, sem var að reyna að komast
undan handtöku. Þegar lögreglunni
tókst að stöðva manninn eftir nokkra
eftirfór var hann handtekinn og sett-
ur í varðhald.
Að sögn lögreglu sást maðurinn í
eftirlitsmyndavél setjast upp í jeppa-
bifreið sína í miðbæ Reykjavíkur og
aka á brott, áberandi ölvaður. Var
lögreglubíll sendur á vettvang til að
stöðva manninn.
Maðurinn sinnti ekki tilmælum
um að nema staðar og vildi raunar
ekkert við lögreglu ræða. Hann hélt
því áfram för sinni að Ægisgarði og
voru lögreglubílarnir orðnir tveir
sem veittu honum eftirför. Lögregl-
unni tókst loks að króa manninn af,
en þá reyndi hann að komast undan
með því að bakka burt. Hann keyrði
af töluverðu afli á annan lögreglubfl-
inn og í framhaldi af því einnig á
hinn lögreglubflinn.
Engin meiðsli urðu á fólki.
Einmuna veður-
blíða í Grímsey
Mæla hraða og akst-
rauðu ljósi
UMFE RÐARMYNDAVÉ LAR og
skynjarar, sem mæla bæði hraða
og akstur gegn rauðu ljósi, munu
verða teknar í notkun á næstu vik-
um, en að sögn Dagbjarts Sigur-
brandssonar, umsjónarmanns um-
ferðarljósa, er verið að setja bún-
aðinn upp við fímm gatnamót á
höfuðborgarsvæðinu.
Búnaðurinn, sem kemur frá
Þýskalandi, samanstendur af
myndavélum og skynjurum, sem
settir eru ofan í malbikið. Mynda-
vélarnar mynda þá bíla sem keyra
gegn rauðu ljósi, en einnig þá bfla
sem keyra of hratt yfir gatnamót-
in gegn rauðu eða grænu ljósi.
Dagbjartur sagði að tveir skjmjar-
ar væru settir í hverja akrein og
að þeir mældu hraðann. Hann
sagði að skynjararnir mældu
einnig hvers konar bifreiðar færu
yfir gatnamótin, t.d. hvort um
væri að ræða vörubifreið eða
fólksbifreið.
Búnaðurinn verður settur upp
við fimm gatnamót á höfuðborgar-
svæðinu, þ.e. við Bústaðaveg og
Flugvallarveg, Sæbraut og Holta-
veg, Reykjanesbraut og Nýbýla-
veg, Hafnarfjarðarveg og Vífils-
staðaveg og við Reykjanesbraut
og Lækjargötu í Hafnarfirði.
Að sögn Dagbjarts eru nú um-
ferðarmyndavélar í notkun við sex
gatnamót og sagði hann að til stæði
að koma hinum nýja búnaði upp við
þrjú þeirra, þ.e. við Miklubraut og
Kringlumýrarbraut, Miklubraut og
Snorrabraut og annaðhvort Breið-
holtsbraut og Stekkjarbakka eða
Laugaveg og Kringlumýrarbraut.
Þýskur sérfræðingur, Lutz
Schlieper, frá fyrirtækinu Robot
Foto, sem framleiðir búnaðinn, er
staddur hér á
landi vegna upp-
setningar hans. Að
sögn Dagbjarts
hefur búnaðurinn
reynst mjög vel í
Þýskalandi.
Skekkjumörkin
við hraðamælingu
eru 3%, eða 3
km/klst. miðað við
100 km/klst.
Morgunblaðið/Jón Svavarsson
Verið er að setja upp sérstakan búnað, sem samanstendur af umferðarmyndavélum og skynjurum, við fimm gatnamót á höfúðborgarsvæðinu, en
búnaðurinn mælir bæði hraða bifreiða og hvort ekið sé gegn rauðu ljósi. Lutz Schlieper, sem er á innfelldu myndinni, þýskur sérfræðingur, frá fyr-
irtækinu Robot Foto, er staddur hérlendis vegna uppsetningar búnaðarins.
250 þúsund gestir
í Bláa lónið í ár
FORSVARSMENN Bláa lónsins
segja að aðsókn hafi aukist veru-
lega síðan nýi baðstaðurinn var
opnaður hinn 9. júlí sl. Gert er
ráð fyrir alls um 240-250 þúsund
gestum þetta árið en þeir voru
rösklega 170 þúsund í fyrra.
Aukningin er því milli 40 og
50%.
Veltan á baðstaðnum hefur
aukist að sama skapi. Á síðast-
liðnu ári var hún 120 milljónir en
fer yfir 200 milljónir á þessu ári,
að sögn Onnu G. Sverrisdóttur,
rekstrarstjóra Bláa lónsins.
Hagnaður af starfseminni varð í
fyrra um 13 milljónir en í ár er
ekki reiknað með hagnaði vegna
mikiis kostnaðar við uppbygg-
ingu staðarins. Hins vegar er
gert ráð fyrir að árið 2000 verði
veltan hátt í 400 milljónir og
rekstrarafkoma jákvæð.
fslendingar 40% baðgesta
Anna segir helstu viðskipta-
vini Bláa lónsins frá upphafi
hafa verið erlenda ferðamenn og
ferðaskrifstofur sem skipuleggja
ferðir erlendra ferðamanna um
landið. Framan af hafí Islending-
ar verið aðeins lítill hluti af gest-
um Bláa lónsins, nú séu þeir um
40% en voru í fyrra 25% gesta.
Þess má geta að bresk ferða-
samtök völdu Bláa lónið eina af
þrjátiu bestu baðströndum heims
á siðastliðnu ári.
Að sögn Önnu er áætlað á
seinni stigum að reisa heilsulind-
arhótel í tengslum við Bláa lónið,
þar sem boðið verður upp á
margvíslegar fegrunar-, hvfldar-
og lækningameðferðir auk þess
sem hótelið á að vera fyrir hinn
almenna ferðamann. Gert er ráð
fyrir að Bláa lónið verði jafn-
framt miðstöð skoðunarferða á
Suðurnesjum þar sem jarðhitinn
og nýting hans verður í for-
grunni. Hagkvæmniathugun á
uppbyggingu og rekstri heilsu-
lindarhótels er nú í undirbún-
ingi.
■ Fjölsóttasti/30
Morgunblaðið/Asdís
Hansarós
í blóma
HLÝINDIN í október hafa haft
góð áhrif á gróðurinn. I garðin-
um við Sæbólsbraut 49 í Kópa-
vogi hefur þessi fagra hansarós
sprungið út innan um fölnaðan
gróðurinn íbúunum til yndis-
auka. Ekki er hægt að merkja að
1. vetrardagur hafi verið í gær.