Morgunblaðið - 07.12.1999, Blaðsíða 4

4 ÞRIÐJUDAGUR 7. DESEMBER 1999
MORGUNBLAÐIÐ
FRÉTTIR
Dómsmálaráðherra spurður um sérstakar aðgerðir til að
sporna við fíkniefnaglæpum hér á landi
Gert er ráð fyrir
auknum fjárveit-
inguni til lögreglu
SÓLVEIG Pétursdóttir dómsmála-
ráðherra upplýsti í fyrirspurnatíma
á Alþingi í gær að unnið væri að
heildstæðum tillögum til úrbóta í
fíkniefnamálum og sagði ráðherr-
ann jafnframt að gera mætti ráð
fyrir auknum fjárveitingum til
málaflokksins, ekki síst til að
stemma stigu við glæpaverkum
tengdum fíkniefnanotkun. Lagði
hún áherslu á að þessi mál væru
tekin afar alvarlega af hálfu stjórn-
valda.
Tildrög orða ráðherrans var fyrir-
spurn Kristjáns Pálssonar, þing-
manns Sjálfstæðisflokksins, um það
hvort í bígerð væru sérstakar að-
gerðir til að spoma við glæpum og
ofbeldi í höfuðborginni. Gerði Krist-
ján að umtalsefni í þessu samhengi
morðið á eldri konu síðastliðinn
föstudag og vopnað rán sem framið
var í sjoppu í Reykjavík á sunnudag.
Kristján sagði það vissulega
ófagra lýsingu að segja, að rán og
ofbeldi virtust orðið daglegt brauð,
en hún væri hins vegar sönn á
ástandinu eins og það væri í dag.
„Fíkniefnalýður gengur hér laus í
stórum stíl í hópum, og virðist lítið
við ráðið. Þeir viðurkenna brot sín
og sleppa jafnharðan út, nema þá
harðsvíraðir morðingjar. Eg heyri
að sumir þessara manna gangi með
skammbyssur á sér. A sama tíma og
þessir ofbeldismenn ganga lausir,
og valda ótta og öryggisleysi hjá
saklausum borgurum, eru fangelsi
landsins að tæmast.“
Aukin löggæsla getur
skapað vandamál
Sólveig Pétursdóttir dómsmála-
ráðherra sagðist deila áhyggjum
þingmannsins en fullvissaði hann
hins vegar um að þessi mál væru
tekin af fullri alvöru af hálfu stjórn-
valda. Þannig hefði t.a.m. verið mót-
uð ákveðin stefna í fíkniefnamálum
á síðasta kjörtímabili, sem fylgt
væri fast eftir. Hér væri hins vegar
á ferðinni margþætt vandamál sem
snerti löggæslumál, heilbrigðismál
og félagsmál.
„En það er alveg óhætt að segja
að ríkisstjórnin vinnur nú að heild-
stæðum tillögum til úrbóta á þessu
sviði og auknum fjárveitingum til
þessa málaflokks," sagði Sólveig.
Benti hún hins vegar á að það væru
ekki nýtt að alvarleg afbrot eins og
manndráp tengdust ofneyslu áfeng-
is- og fíkniefna.
„Og því miður er það nú í raun að-
alreglan," sagði hún. „Löggæsla
vegna fíkniefnabrota hefur hins
vegar stóraukist á síðustu árum,
eins og sjá má af þessum stóru mál-
um sem eru núna til rannsóknar hjá
lögreglu. En það má hinsvegar
benda á það að það getur skapað
ákveðið vandamál vegna þess að við
stóraukna löggæslu að þá eykst
vandi fíkniefnaneytenda enn frekar
vegna þess að framboð efna á mark-
aðnum minnkar, verðið hækkar og
fjárþörfin eykst þannig hjá
fíkniefnaneytendum.“
Kvaðst Sólveig ekki sammála
þeim orðum Kristjáns að sýnd væri
alltof mikil linka gagnvart þeim
mönnum sem rændu verslanir í
borginni trekk í trekk. Þvert á móti
hefði lögreglan staðið sig mjög vel
og eftirlit hefði meðal annars mjög
verið aukið. Vissulega mætti þó allt-
af gera betur.
ANNA Steinunn Jónasdóttir er
fyrsta konan sem útskrifast sem
brunavörður. En nú um helgina
lauk hún fyrsta stigi af þremur í
Brunavarðarskólanum.
Að sögn Björns Gíslasonar,
brunavarðar og fulltrúa í skóla-
nefnd Brunavarðarskólans, er það
góð nýbreytni að fá konur í stétt-
ina. „Þetta hefur verið karlastétt
hingað til,“ segir Björn og kveður
kröfur um þrek og líkamsstyrk
e.t.v. eiga þar hlut að máli.
Anna Steinunn starfar í
slökkviliði Keflavíkurflugvallar
og scgist hún liafa gaman af
starfinu sem sé spennandi og lær-
dómsríkt, þó það sé einnig líka-
mlega erfitt. „Þetta er ekki fyrir
alla,“ útskýrir hún. Frekara nám
í Brunavarðarskólanum er mögu-
leiki sem Anna Steinunn er opin
Morgunblaðið/Jónas
Anna Steinunn Jónasdóttir tekur við skírteini úr hendi fulltrúa Bruna-
varðarskólans, þeirra Péturs Valdimarssonar og Björns Gíslasonar.
fyrir, þó hún hafi ekki tekið
ákvörðun um framhaldið ennþá.
„Það hljómar spennandi og ef
maður ætlar að halda áfram þá
verður maður að taka meira,“
segir Anna Steinunn.
Fyrsta konan útskrifast
sem brunavörður
Morgunblaðið/Ami Sæberg
Fjöldi manns safnaðist saman á Ingólfstorgi þegar kveikt var á
Óslóartrénu á sunnudag.
, Kveikt á
Oslóartrénu
MARGMENNI hafði safnast saman
á Ingólfstorgi þegar kveikt, var á
Óslóartrénu á sunnudag. Tréð
skreytir að þessu sinni Ingólfstorg
í stað Austurvallar, vegna þeirra
framkvæmda sem þar eiga sér
stað.
Borgarbúar létu hráslagalegt
veður ekki á sig fá, heldur fylgdust
g^rannt með þegar kveikt var í
fertugasta og áttunda sinn á trénu
sem Óslóbúar færa Reykvíkingum.
Tréð er um 13 metrar á hæð, sem
er svipað og áður, en hæðin miðast
við að tréð rúmist í 40 feta gámi.
Það var Ingibjörg Sólrún Gísla-
dóttir, borgarstjóri Reykjavíkur,
sem veitti trénu viðtöku af Kjcll
Halvorsen, sendiherra Noregs á
íslandi. Átta ára norsk-íslensk
stúlka, Kolbrún Matthíasdóttir,
kveikti síðan ljósin á trénu að lok-
inni tölu Halvorsens.
Lúðrasveit Reykjavíkur lék
nokkur lög og Dómkórinn söng
jólasálma fyrir gesti á Ingólfstorgi
við þetta tækifæri. Þá komu jóla-
sveinar í heimsókn og skemmtu
börnunum, sem fylgdust áhugasöm
með uppátækjum þeirra bræðra.
HOLTAGARÐAR
OPIÐ í DAO KL«
10-18:10
BÓNUt FRÁ 12-18:30
Mörg hitamet voru
slegin í nóvember
TVISVAR gerði mjög góða
hlýindakafla á landinu í nó-
vember síðastliðnum og voru
mörg hitamet slegin sam-
kvæmt upplýsingum frá Veð-
urstofu íslands. Dagana 10. til
12. var mjög hlýtt og mældist
þá mesti hiti sem mælst hefur
á íslandi á Dalatanga að
kvöldi þess tíunda eða 22,7°
hiti á Celsíus. Á sjálfvirku
stöðinni þar á sama tíma
mældist hitinn hins vegar
23,3° á Celsíus. Á Dalatanga
hafði áður mælst mestur hiti á
landinu, 19,7°, 10. nóvember
1971.
Hitinn komst yfír 20° á
Sauðanesvita 11. og 19. nó-
vember sl. og á Akureyri
mældust 17° hinn 11. Hefur
ekki orðið svo hlýtt þar síðan
3. nóvember 1964 en þá mæld-
ust 17,6°. í síðari hitakaflanum
í kringum 19. komst hitinn í
Reykjavík í 12,6°, sem er það
mesta í nóvember frá upphafi
mælinga. Eldra metið var
11,7° frá 8. nóvember 1956.
Haustið vætusamt
í Reykjavík var meðalhitinn
í nóvember tvær gráður á
Celsíus sem er 0,9° yfir meðal-
tali áranna 1961 til 1990. Á
Akureyri var meðalhitinn 1,4°
sem er 1,8° yfir meðaltali.
Samkvæmt upplýsingum frá
Veðurstofunni var haustið,
október og nóvember, almennt
fremur vætusamt og hlýtt en
mun hlýrra var haustið 1997.