Morgunblaðið - 04.01.2000, Blaðsíða 51

MORGUNBLAÐIÐ
HESTAR
ÞRIÐ JUDAGUR 4. JANÚAR 2000 51
WOKPANNA-
Wokpanna kr. 1.600.
Gufu-bambuspottur frá kr. 950.
Suzí-borðbúnaður.
PIPAROGSALT
Klapparstfg 44 4 Sími 562 3614 j
Stór þáttur í starfsemi hestamannafélaga hefur verið uppbygging móts-
svæða. Hér getur að líta Vindheimamela þegar haldið var þar landsmót.
fram og til baka en Gunnar stóð
þétt aftan við Ijósmyndarann og sló
létt í öxl hans til merkis um það
hvenær væri rétta augnablikið til
að smella af. Vissulega skemmtileg
aðferð og útkoman varð ótrúlega
góð. Er óhætt að fullyrða að þarna
hafi birst fyrstu myndirnar þar
sem hesturinn var í ákjósanlegri
stöðu á ljósmynd á íslandi. í dag er
öldin önnur og nú nota menn mót-
ordrifnar vélar eða stækka jafnvel
út úr myndbandsupptökum.
Skemmst er frá því að segja að
bókin rokseldist
Umræða um opinberan reiðskóla
var komin í gang fyrir 1970 og
samhliða henni rætt um byggingu
reiðhallar. Vísir að reiðskólanum
varð til á Bændaskólanum að Hól-
um eftir endurreisn hans. Hægt og
sígandi þróaðist skólinn yfir í reið-
skóla en sú starfsemi hefur verið
mest áberandi síðustu árin. Fyrsta
skóflustungan var tekin að Reið-
höllinni í Víðidal á íslandsmótinu
1986 og átti hún eftir að breyta
miklu í hestamennskunni þótt fé-
lagið sem stóð að byggingu og
rekstri hallarinnar yrði gjaldþrota
á sínum tíma. Þrátt fyrir áföll hef-
ur gildi Reiðhallarinnar alltaf verið
mikið fyrir hestamennskuna og
aðrar íþróttagreinar. í kjölfarið
voru byggðar minni skemmur víða
um land og er enn verið að í þeim
efnum.
Málgagn og varðveisla
heimilda
Eftir um áratugar starfsemi LH
var ráðist í útgáfu tímarits. A árs-
þinginu 1959 var stjórn samtak-
anna falið að gera nákvæma könn-
un á kostnaði við útgáfu tímarits og
1960 leit Hesturinn okkar dagsins
ljós. Þarna voru stigin afdrifarík
skref í framþróun hestamenn-
skunnar, blaðið var hvort tveggja í
senn mikilvægt málgagn og upp-
lýsingamiðill fyrir hestamenn en
um leið voru skrásettar ómetanleg-
ar heimildir. Hafa margir hesta-
menn yngri sem eldri legið yfir
Hestinum okkar og lesið árgan-
gana fram og til baka og víst er að
blaðið er eilíf uppspretta fyrir
hestamenn. Þá var blaðið með
fyrstu íslensku tímaritunum sem
buðu upp á litmynd á forsíðu og
fyrst allra til að vera með litmynd á
öllum forsíðum. Hesturinn okkar
hefur nú verið sameinað tímaritinu
Eiðfaxa sem fyrst kom út 1977.
Nokkur spenna myndaðist milli
blaðanna fyrst eftir að Eiðfaxi hóf
göngu sína en fljótlega kom í ljós
að blöðin höfðu sinn farveginn
hvort og komust bæði af í hóflegri
samkeppni þar til þau voru samein-
uð. Blaðið heitir í dag Eiðfaxi og
ber engin merki Hestsins okkar og
því hægt að segja að síðarnefnda
blaðið hafi lokið göngu sinni. Ekki
þótti lengur rými fyrir tvö blöð á
þessum markaði og því var brugðið
á það ráð að sameina.
Arið 1969 var afdrifaríkt í þróun
hestamennskunnar þegar stofnað
var í Aegidienberg í Þýskalandi
Evrópusamband eigenda íslenskra
hesta (FEIF) og árið eftir var blás-
ið til leiks á fyrsta Evrópumótinu
sem haldið var á sama stað. Með
stofnun þessara samtaka var lagð-
ur grunnur að frekari útbreiðslu ís-
lenska hestsins og öflugu félags-
starfi í aðildarlöndunum. Evr-
ópumótin og síðar heimsmeistara-
mótin, eftir að Kanada og Banda-
ríkin bættust í hópinn, urðu horn-
steinn og hápunktur í starfsemi
samtakanna. Þar hafa Þjóðverjar
og síðar Islendingar borið ægis-
hjálm yfir aðrar þjóðir og oftast
hirt bróðurpartinn af verðlaunum
mótanna.
Áratuga ganga í ÍSÍ
Það tók hestamenn á þriðja ára-
tug að fá inngöngu í samtök
íþróttamanna, ÍSÍ. Upp úr 1970
var fyrst kvatt dyra hjá samtökun-
um en ekki var dyrunum lokið upp
fyrir hestamönnum þá. Var meðal
annars fundið að því að veitt voru
peningaverðlaun í kappreiðum en
slíkt samræmdist ekki áhuga-
mennsku sem stunduð var í keppni
íþróttamanna. Einnig var talið úti-
lokað að hægt væri að veita hesta-
mannafélögum sem slíkum inn-
göngu í samtökin heldur þyrfti að
stofna sérstakar íþróttadeildir inn-
an hestamannafélaganna. Voru
slíkar deildir stofnaðar víða við
misjafnar undirtektir og þóttu þær
líklegar til að kljúfa félög hesta-
manna. Á svipuðum tíma var stofn-
að fyrirbæri sem kallað var íþrótta-
ráð LH sem var nokkurskonar
móðursamtök íþróttadeildanna og
voru haldin sérstök þing ráðsins
svipuð ársþingum LH. Á endanum
fengu íþróttadeildir inngöngu í ÍSÍ
og var þá eitt af skilyrðunum að
klippt yrði alfarið á öll lagaleg
tengsl við hestamannafélögin. Var í
framhaldinu stofnað Hestaíþrótta-
samband Islands og á ársþingi þess
1991 kom fram tillaga um að leita
eftir viðræðum við LH um samein-
ingu samtakanna. Það ferli tók ein
sjö ár og fara hestamenn nú sam;
einaðir undir merkjum LH og ÍSÍ
inn í nýja öld.
Hér hefur verið stiklað á ýmsum
mikilvægum viðburðum í þróun
hestamennskunnar á 20. öldinni og
verður framhald á að viku liðinni.
OPIN SAMKEPPNI
um lag við nýjan sálm sem frumfluttur verður
á Kristnitökuhátíð árið 2000
Kristnihátíðarnefnd hefur ákveðið að gangast fyrir opinni samkeppni um tónverk
við nýjan sálm eftir dr Sigurbjörn Einarssonar biskup.
Frumflutningur verksins er fyrirhugaður á Kristnihátíð á Þingvöllum sunnudaginn
2. júlí árið 2000. Jafnframt má gera ráð fyrir að verkið verði flutt við ýmis önnur
tækifæri sem tengjast kristnitökuafmælinu.
Hægt er að nálgast texta sálmsins hjá Kristnihátíðarnefnd og þangað skal senda
tillögur með utanáskriftinni:
Kristnihátíðarnefnd, tónverkasamkeppni.Aðalstræti 6, 101 Reykjavík.
Hvertillaga skal merkt dulnefni en nafn höfundar; ásamt heimilisfangi og símanúmeri,
skal fylgja með í lokuðu, ógagnsæju umslagi, merktu dulnefninu.
Skilafrestur er til 20. januar 2000
Dómnefnd og verðlaun:
Þriggja manna dómnefnd hefur verið skipuð og í henni sitja tveir fulltrúar
Kristnihátíðarnefndar og einn fulltrúiTónskáldafélags Islands.
Dómnefndin velur þær tillögur sem hljóta verðlaun. Dómnefndinni er heimilt
að hafna öllum tillögum ef þátttaka og/eða gæði þeirra laga sem berast í keppnina
teljast vera ófullnægjandi að hennar mati.
Þegar endanlegt val á tónverki liggur fyrir verða viðkomandi umslög opnuð,
vinningshöfum tilkynnt úrslit og verðlaun afhent við sérstakt tækifæri.
Veitt verða þrenn verðlaun:
I. verðlaun 200.000 krónur og tvenn 2. verðlaun 100.000 krónur hvor.
Kristnihátíðarnefnd áskilur sér notkunar- og ráðstöfunarrétt á tónverkinu sem
hlýtur fyrstu verðlaun þann tíma sem kristnihátíð stendur yfir Hátíðinni lýkur á
Páskum árið 2001.
Trúnaðarmaður dómnefndar er júlíus Hafstein, framkvæmdastjóri
Kristnihátíðarnefndar og veitir hann allar upplýsingar um samkeppnina f síma
575 2000 eða á skrifstofu Kristnihátíðarnefndar
K R 1 S T N I H A T í Ð A R N E F N D
Aðalstræti 6, 101 Reykjavík.
10 0 0 A R A K R I S T N I A í S 1. A N D I A R I D 2 0 0 0