Morgunblaðið - 26.01.2000, Page 46

46 MIÐVIKUDAGUR 26. JANÚAR 2000
MORGUNBLAÐIÐ
Dýraglens
Hundalíf
Ljóska
Smáfólk
WHEN I WA5 WALKIN6
HOME TOPAY, I MET A
LAPT ON THE SIDEIaIALK..

Þeðar ég var að koma heim úr
skólanum þá mætti ég hefðar-
konu á leiðinni.
I PIP JUST WHAT YOU
TOLP ME..I 5AIP/HAPPY
THANK56IVIN6.'.'. 50 5HE
YELLEP AT ME.
Ég gerði það sem þú sagðir mér
að gera, sagði „Gleðilega þakkar-
gjörðarhát/ð" og hún öskraði á mig.
Hún hefur haldið þetta
vera aulabrandara.
PlírtgmmMalíili
BRÉF
TIL BLAÐSINS
Kringlunni 1103 Reykjavík • Sími 569 1100 • Símbréf 569 1329
Ánægja með 24-7
Frá Gunnari Má Gunnarssyni:
SÍÐASTLIÐINN laugardag birtist
hér í Velvakanda athugasemd frá
konu sem sýnilega er mjög ergileg út
í vikuritið 24-7 sem nú er dreift með
Morgunblaðinu á fimmtudögum.
Fann hún þessari nýjung allt til for-
áttu. Verst fannst henni þó að geta
ekki farið fram á það við áskriftar-
deild Morgunblaðsins að hennar
eintaki af þessu vikuriti yrði ekki
dreift til hennar. Einnig þótti henni
efni blaðsins ekki höfða til sín heldur
þeirra sem hún kallaði „frekar
þröngan lesendahóp". Loks varð
henni tíðrætt um fjölskylduhagi
sína. Á kona þessi tvö börn, frekar
ung að aldri, og er henni meinilla við
að þau komist í slíkt sorprit. Ég get
því miður ekki sagt að ég sé sammála
konunni. Nánast á hverjum degi
fylgir Mogganum eitthvert sérblað
og ekki höfða þau öli til mín. Nægir
þar að nefna sérblaðið sem kemur
inn um lúguna mína á miðvikudögum
og nefnist Úr verinu. Ég hef lítinn
sem engan áhuga á sjávarútvegi og
efni tengdu honum. Aldrei hefur
hvarflað að mér að krefjast þess að
þetta blað berist ekki til mín. Mín
lausn hefur verið, hingað til, að
sleppa því einfaldlega að lesa það
sem ekki höfðar til mín. Slíkt efni er
ekki vandfundið í Morgunblaðinu.
Afar mikið efni er í blaðinu og ekki
er hægt að ætlast til að það höfði til
allra sem það lesa, sem ég held að sé
meirihluti þjóðarinnar. Því er afar
mikið efni sem höfðar til ákveðinna
hópa. Til dæmis má nefna Viðskipta-
síður, Barnasögumar og Iþróttasíð-
ur og svo get ég ekki annað en efast
um að allar minningargreinar sem
birtast í blaðinu höfði beint til henn-
ar. Ég fagna því að Morgunblaðið
skuli gera sitt besta til að þjóna öll-
um sínum lesendum. Mér sýnist
þetta nýja blað höfða til fólks á aldr-
inum 18-30 ára, sem að mínu mati er
langt frá því að vera lítill hópur. Efni
blaðsins er að vísu ekki ýkja merki-
legt. Léttmeti héðan og þaðan, hrað-
soðin viðtöl við hina og þessa
skemmtikrafta. En það má nú samt
hafa gaman af því. Nú veit ég ekki
hvort þessi grein höfðar beint til
konunnar títtnefndu eða hvort hún
telur hana ekki við hæfi barna sinna
tveggja. Hún vill kannski hafa sam-
band við áskriftardeild Morgun-
blaðsins og krefjast þess að hugsan-
legar greinar sem ég sendi í blaðið í
framtíðinni verði ekki í hennar ein-
taki af Morgunblaðinu?
GUNNAR MÁR GUNNARSSON
Sjávargrund 3B, 210 Garðabæ.
Uin „þrælslund“
Islendinga
Frá Gunnari Stefánssyni:
ÁRNI Snævarr leggur furðulega
lykkju á leið sína þegar hann mælir
með því að íslendingar leggi meiri
rækt við franska tungu. (Morgun-
blaðið 20. jan.) Þessi fyrrverandi
fréttamaður Ríkisútvarpsins í Dan-
mörku ræðst á þá stefnu að kenna
dönsku í íslenskum skólum og læst
ekki skilja hvers vegna það er gert,
enda „opni það engar dyr“. En það
er auðvitað gert til þess að undir-
strika að íslendingar teljast til nor-
rænna þjóða og vilja tilheyra þeim
hópi. Fyrir það þurfum við að gjalda
að hafa sæmilegt vald á skandína-
vísku máli. Má furðu gegna að frétta-
maðurinn skuli ekki vita af þessu.
Hann fræðir lesendur Mbl. á að Dön-
um þyki hlægilegt að íslendingar
læri dönsku og líti niður á þá ef þeir
sýni „þá þrælslund“ að reyna að tala
danska tungu. Sjálfur virðist Ámi
hafa orðið fyrir einhverju hnjaski
sem íslendingur í Danmörku, hverj-
ar sem skýringarnar eru á því.
Ég get ekki ímyndað mér að nein-
um Dana finnist það „þrælslund" að
íslendingar tali við þá dönsku - með
sínu lagi auðvitað. Eg hef að minnsta
kosti ekki orðið þess var. Islenskir
forsetar hafa til dæmis allir sýnt
þessa „þrælslund" í heimsóknum
sínum til Danmerkur og enginn talið
það þeim til hnjóðs nema síður sé.
Ég man ekki betur en Árni tæki
sjónvarpsviðtal við Danadrottningu
skömmu fyrir íslandsheimsókn
hennar og ávarpaði hana á fullgóðri
dönsku. Varla hefur hann orðið fyrir
lítilsvirðingu af þessum sökum? Það
er leitt að forseti Alliance francaise
skuli spilla fyrir góðum málstað sín-
um með hrokafullum slettum og
gaspri af þessu tagi.
GUNNAR STEFÁNSSON,
Kvisthaga 16, Reykjavík.
Rafgeymaknúin
farartæki
Frá Gísla Júlíussyni:
VEGNA mikilla skrifa að undan-
fömu um að vetnisknúðir strætis-
vagnar verði líklega komnir á götur
Reykjavíkur eftir um það bil 1-2 ár
langar mig til að skrifa nokkrar lín-
ur.
Við búum í landi, þar sem gnægð
er af mengunarlausri orku til að
vinna raforku.
Vetni er, að mínu mati, óþarfa
milliliður, þar sem raforku þarf til að
vinna það, og síðan þarf að vinna aft-
ur úr því raforku til að knýja farar-
tækin. Mér er spurn. Hvers vegna í
ósköpunum er verið að fá erlend fyr-
irtæki til þess að gera einhverjar til-
raunir hér á landi með svokallaða
vetnisknúða bíla? Hvað vakir fyrir
þessum fyrirtækjum? Er ekki jafn-
gott hjá þeim að gera þessar tilraun-
ir heima hjá sér? Vetnisknúðir
strætisvagnar era margfalt dýrari
en vagnar knúðir með raforku frá
rafgeymum, sem eru þegar prófaðir
og í notkun víða um heim. Það þarf
ekki neinar tilraunir.
GÍSLIJÚLÍUSSON rafmagns-
verkfræðingur.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.