Morgunblaðið - 10.06.2000, Blaðsíða 11
MORGUNBLAÐIÐ
LAUGARDAGUR 10. JÚNÍ 2000 11
FRÉTTIR
Nýtt Edduhótel opnað á Laugum
Gamla heimavist-
in endurbyggð
NÝTT hótel var formlega opnað á
Laugum í Sælingsdal í Dalabyggð
í fyrradag. Sturla Böðvarsson
samgönguráðherra annaðist at-
höfnina. Flugleiðahótel hf. reka
hótelið undir nafni Hótels Eddu.
Á vegum fyrirtækisins Dala-
gistingar ehf. hefur í vetur verið
unnið að endurbyggingu gömlu
heimavistarinnar á Laugum.
Framkvæmdinni er lokið. Fólst
hún í endurgerð á 22 herbergjum
með alls 40 rúmum. Öll herbergi
eru með snyrtingu, síma, sjón-
varpi og þeim þægindum sem fyr-
ir hendi eru í þriggja stjörnu hót-
eli. Jafnframt hefur verið útbúin
ný móttaka ásamt 30 manna full-
búnum fundarsal og umhverfi
hússins lagfært.
í ræðu Einars Mathiesens,
sveitarstjóra Dalabyggðar, við
opnunarathöfnina kom fram að
kostnaður við verkið er áætlaður
70 milljónir kr. Hlutafé Dalagist-
ingar ehf. hefur verið aukið og er
meginhluti stofnkostnaðarins fjár-
magnaður með eigin fé félagsins
en Ferðamálasjóður hefur veitt 25
milljóna kr. lán til verksins. Dala-
byggð á rúmlega 50% hlut í Da-
lagistingu ehf., Búnaðarsamband
Dalamanna 22%, Byggðastofnun
20%, Flugleiðahótel hf. 5% og aðr-
ir aðilar minna.
Fram kom í máli Sigurðar Rún-
ars Friðjónssonar, oddvita Dala-
byggðar, að uppbygging hótels á
Laugum er liður í áætlun sveitar-
stjórnar um að bæta búsetuskil-
yrði í sveitarfélaginu. Lagði hann
áherslu á að svæðið byði upp á
ýmis tækifæri á þessu sviði og
sagði að áfram yrði unnið að upp-
byggingu ferðaþjónustu.
Rekið hefur verið Edduhótel á
Laugum undanfarin tíu ár. Flug-
leiðahótel hf., sem reka Hótel
Eddu, komu að uppbyggingunni á
Laugum og gerður hefur verið
fimm ára samningur um leigu
þeirra á aðstöðu hótelsins á sumr-
in. í húsnæði skólans eru fyrir 23
herbergi með handlaug og sam-
tals tekur hótelið því um 100
manns í einu, auk gistingar í
svefnpokum. Á staðnum er
íþróttahús, útisundlaug með heit-
um pottum og tjaldsvæði. Kári
Kárason, framkvæmdastjóri Flug-
leiðahótela, sagði að hótelið á
Laugum ætti eftir að vekja at-
hygli og það myndi koma mörgum
á óvart.
Nýir stjórnendur hafa ráðist til
hótelsins, hjónin Þurý Bára Birg-
isdóttir hótelstjóri og Þráinn Lár-
usson yfirmatreiðslumaður.
Viðræður um
sameiningu skóia
Dalabyggð og Saurbæjarhrepp-
ur hafa rekið grunnskóla á Laug-
um. Sveitarstjórn Dalabyggðar
hefur lagt til að öll kennsla, önnur
en íþróttir, fari fram í grunnskól-
anum í Búðardal frá og með
hausti. Niðurstaða er ekki komin í
málið en það verður rætt á fundi
forystumanna þessara tveggja
hreppa í sumar. Hótel Edda hefur
hótelið á.leigu í þrjá mánuði á
sumri, reyndar er ætlunin að hót-
elið verði opið fram eftir septem-
ber í haust vegna mikillar aðsókn-
ar. Einar Mathiesen segir að verið
sé að kanna möguleika á því að
nýta húsakynnin lengur, bæði í
samvinnu við Flugleiðahótel og
aðra aðila.
Endur-
hæfingar-
starfsemi
efld og
samhæfð
LANDSPÍTALINN - Háskóla-
sjúkrahús, Reykjalundur og Heilsu-
stofnun NFLI hafa gert með sér
samkomulag um samstarfsráð um
endurhæfingu. Markmiðið er að efla
og samhæfa endurhæfingarstarf-
semi þessara stofnana auk þess sem
stefnt verður að frekari verkaskipt-
ingu.
Samstarfsráðið verður skipað 2
fulltrúum Landspítalans - Háskóla-
sjúkrahúss, 2 fufitrúum frá Reykja-
lundi og 1 fulltrúa Heilsustofnunar
NFLI. Verkefni ráðsins verða meðal
annars að stuðla að bættri endur-
hæfingarþjónustu og aukinni hag-
kvæmni í nýtingu húsrýmis, tækja-
búnaðar og mannafla. Arni
Gunnarsson, framkvæmdastjóri
Heilsustofnunar NFLÍ, segir í sam-
tali við Morgunblaðið að samkomu-
lagið sé mjög ánægjulegur áfangi á
þeirri leið að fá mikilvægi endurhæf-
ingar innan heilbrigðiskerfisins við-
urkennt, en endurhæfing sé mjög
mikilvæg þar sem hún auki lífsgæði
einstaklinga og sé auk þess þjóð-
hagslega gífurlega hagkvæm. Arni
segir að ætlunin sé að koma betra
skipulagi á endurhæfingarstarfsemi
og auðvelda þar með flokkun sjúk-
linga sem þurfa á aðstoð að halda.
Með þessu eigi að nást fram meiri
sérhæfing, þar sem verkefnin og þau
svið sem stofnanirnar fást við hver
um sig verði betur skilgreind.
Morgunblaðið/Arnaldur
Gamla heimavistin á Laugum hefur verið endurbyggð og komið þar fyr-
ir 22 herbergjum og gestamóttöku.
Morgunblaðið/Arnaldur
Einar Mathiesen sveitarstjdri Dalabyggðar afhendir Sturlu Böðvars-
syni samgönguráðherra borðann eftir að ráðherra hafði klippt á hann
til staðfestingar opnunar nýs hótels á Laugum. Til vinstri við Sturlu sést
Sigurður Rúnar Friðijónsson oddviti á tali við Tryggva Guðmundsson,
forstöðumann Eddu-hótelanna.
Ræður verjenda í stora fíkniefnamálinu
Lögmaður krafðist
frávísunar frá dómi
SVEINN Andri Sveinsson hdl.,
verjandi eins af sakborningunum í
stóra fíkniefnamálinu, lagði fram
frávísunarkröfu fyrir sinn skjól-
stæðing í réttarhaldi í héraðsdómi
Reykjavíkur í fyrradag. Frávísun-
arkröfuna byggir Sveinn Andri á
því að skipaður saksóknari í mál-
inu, Kolbrún Sævarsdóttir, hafi
jafnframt stjórnað rannsókn máls-
ins. Gagnrýni hafi komið fram á
skýrslutökur í málinu og kvartað
hafi verið undan þrúgandi yfir-
heyrslum. í ljósi þessarar gagnrýni
spyr Sveinn Andri hvernig hægt sé
að ætlast til þess að skipaður sak-
sóknari, sem stjórnaði rannsókn
málsins, geti beitt hlutleysi í hlut-
verki sínu við að gæta jafnt þeirra
atriða sem benda til sektar og
sýknu sakborninganna.
Upptökukröfum mótmælt
Þá mótmælti Guðmundur Óli
Björgvinsson, verjandi eins sak-
borninganna í málinu, fyrir sína
hönd og annarra verjenda, upp-
tökukröfum ákæruvaldsins. Guð-
mundur Óli segir að í hegningar-
lögum og lögum um ávana- og
fíkniefni sé heimilt að beita svo-
kallaðri jafnvirðisupptöku sem
gengur út á það að gera upptöku á
jafnvirði þess sem telst vera sann-
aður ávinningur brotamannsins af
brotinu og skiptir þá engu máli í
hvaða eignum upptakan er gerð.
Guðmundur Óli segir að eðlilegt sé
að upptökukrafa sé gerð í ákveðnu
og sérgreindu verðmæti sem nær
þá hugsanlega ekki allri ávinnings-
kröfunni. Þess í stað krefjist
ákæruvaldið upptöku án þess að
hún sé gerð í sérgreindum verð-
mætum fyrir allri fjárhæðinni.
Guðmundur Óli segir að með þessu
eignist ríkið aðfararhæfa fjárkröfu
sem fyrnist á tíu árum en hægt er
að halda fyrningarfresti við. I stóra
fíkniefnamálinu er upptökukrafa á
hendur eins sakbomings t.a.m. 105
milljónir kr. og gæti ríkið haldið
fymingarfrestinum við að lokinni
afplánun refsingar en þetta sé mun
hærri fjárhæð en viðkomandi ein-
staklingur komi nokkurn tíma til
með að eignast. Krafa af þessu tagi
kæmi til með að hanga yfir höfði
sakborninga jafnvel eftir að þeir
afpláni sína refsingu.
Meiri hluti mála rekinn af
þeim sem rannsökuðu málin
Kolbrún Sævarsdóttir, skipaður
saksóknari, sagði við réttarhöldin
að hún hefði oft flutt mál á móti
Sveini Andra sem hún hafi einnig
stjómað rannsókn á og einnig sótt
slík mál fyrir ríkissaksóknara. Hún
sagði að t.d. samkvæmt lögum um
meðferð opinberra mála væri lög-
reglustjórum falið ákæruvald í
mörgum afbrotamálum og mikill
meirihluti mála sem væru höfðuð
fyrir héraðsdómum væru mál sem
lögreglustjórinn sjálfur hefur
rannsakað og sækti sjálfur. Þannig
væri mikill meirihluti mála rekinn
af þeim sem rannsökuðu málin líka.
Varðandi upptökukröfuna vitnaði
Kolbrún m.a. í dóm Hæstaréttar í
kvótamálinu svokallaða. Þar var
fyrirtækið Hyrnan hf. dæmt til að
sæta upptöku á fjárhæð jafnvirði
þorskaafla án þess að athugað væri
hvort Hyrnan ætti einhver sér-
greind verðmæti.
Þal knenr iur
Vandaðar þakrennur á góðu verði
Fjórir litir
Frábær ending
OPID ÖLL KVÖLD TIL KL. 21
JH,METRO
Skeifan 7 • Sími 525 0800
Zífe Pallhús
fyrir sumarli
Eigum fyrirliggjandi margar gerðir af vönduðum pallhúsurr
fyrir ameríska og japanska pallbíla. Sérstaklega smíðuð fyrii
íslenskar aðstæður. Pallhús í sérfokki, 10 ára góð reynsla
Pallhúsin sem bílaleigurnar velja.
allhús sf.
Ármúla 34, simar 553 7730 og 897 3507.