Morgunblaðið - 23.09.2000, Page 62

62 LAUGARDAGUR 23. SEPTEMBER 2000
>------------------------------
MORGUNBLAÐIÐ
Ljóska
MAAM7I PON T UNPER5TANP
TMI5 FIR5T Ql/f 5TI0N..WHICH
OCEAN ARE UJE STUPYIN6?
Fröken, ég skil ekki fyrstu
spurninguna. Hvaða úthaf
erum við að fást við?
5PEClFlc)(uJHATEVER^ j
meira kyrrahafs?
Nákvæmari. Eða þannig.
BREF
TIL BLAÐSINS
Kringlunni 1 103 Reykjavik • Sími 569 1100 • Símbréf 569 1329
Sólvangur,
kyrrð og ró
Frá Guðrúnu Emilsdóttur:
KYRRÐ og ró, það er það sem við
viljum hafa innan dyra og utan á
sjúkrastofnun. Því til stuðnings má
nefna nýja og glæsilega líknar-
deild, sem Oddfellow-reglan kom á
fót með miklum glæsibrag. Deild-
inni var valinn staður við Kópavog.
Og hvað var það sem réð staðarval-
inu? Það var fallegt umhverfi,
græn tún - kyrrð og ró.
Það má segja að í dag sé
Sólvangur líknardeild. Þangað fer
enginn inn án strangs vistunar-
mats fyrir sjúkrarými. Það á jafnt
við, hvort sem um skammtímadvöl
er að ræða eða vistun til lengri
tíma. Þjónustuhópur aldraðra sér
um vistunarmatið í samræmi við
lög sem sett voru á Alþingi 1. júní
1989.
Aður hafði starfað á Sólvangi
þjónustuhópur, sem var stofnaður
1975 af þáverandi yfirlækni og
hjúkrunarforstjóra Sólvangs. Það
var fyrsti þjónustuhópurinn sinnar
tegundar hér á landi.
Sólvangur var vígður 25. október
1953. Þá voru stórhuga menn í
bæjarstjórn Hafnarfjarðar. Þá var
nóg pláss á Sólvangi bæði utan
dyra og innan. Eftir það var farið
að kalla svæðið Sólvangssvæðið og
það eyrnamerkt öldruðum.
Margt hefur breyst á tæpum 50
árum. Bærinn hefur stækkað og
þörfin fyrir hjúkrunarrými stór-
lega aukist. Sólvangur hefur einnig
breyst frá því að vera bæði dvalar-
og hjúkrunarheimili í það að vera
eingöngu sjúkrastofnun.
Arið 1986 samþykkti bæjar-
stjórn Hafnarfjarðar einróma að
stækka Sólvang. I framhaldi af því
var svo samþykkt ný viðbygging til
norðurs. Þar átti að verða rými
fyrir 40 til 50 sjúklinga. Þar átti
líka að verða aðstaða fyrir aðra
þjónustu, svo sem sjúkraþjálfun og
iðjuþjálfun. Einnig var gert ráð
fyrir æfingasundlaug í þessari við-
bótarbyggingu. En þessar fram-
kvæmdir hafa látið á sér standa og
örlar ekki á þeim enn í dag.
En þótt við hefðum þessa fyrir-
huguðu viðbygginu til afnota í dag
gætum við ekki fjölgað vistmönn-
um. Þeir eru nú tæplega 90 og búa
við mikil þrengsli, sem standast
hvergi nærri þær kröfur sem nú-
gildandi lög gera ráð fyrir. Til þess
vantar hvorki meira né minna en
tíu fermetra fyrir hvern sjúkling
eða um 900 fermetra samtals. Þessi
þrengsli há starfsemi Sólvangs
verulega og koma þau hvað harðast
niður á vistmönnum.
Það er því komið harkalega aftan
að vistmönnum og starfsfólki Sól-
vangs með nýrri samþykkt um að
byggja á lóðinni okkar skóla fyrir
um 700 börn á aldrinum tveggja til
sextán ára, auk íþróttahúss og
sundlaugar. Það á aldrei að valta
yfir aðra, allra síst sjúka og aldr-
aða sem ekki geta varið sig. Þess
vegna segjum við einum rómi nei!
Það fer engan veginn saman að
hafa skólabjölluhringingar tvisvar
á klukkustund og leikvöll með
ærslum og hávaða fram á nótt við
húsgaflinn á sjúkrastofnun. Sama
máli gegnir um útblástur frá bílum
framan við gluggana, en þar eru
fyrirhuguð bílastæði.
Auðvitað er nauðsynlegt að leysa
skólamálin. En það er ekki viðun-
andi að gera það á lóð Sólvangs.
Hafnfirðingar! Höldum opnum
möguleika á að stækka og bæta
þjónustu fyrir aldraða á Sólvangs-
svæðinu. Staðsetningin er ákjósan-
leg fyrir aldraða, heilsugæslan við
bæjardyrnar og miðbærinn í ná-
lægð.
Við bæjarstjórn segi ég þetta:
Leyfið okkur Sólvangsfólkinu,
sjúkum, öldruðum og starfsfólki,
að vera áfram á okkar lóð í kyrrð
og friði. Leggið til hliðar yfirþyrm-
andi byggingaráætlanir og umferð
á svæðinu. Leysið skólamálin ann-
ars staðar og án þess að níðast á
sjúkum og öldruðum. Hlustið á all-
an þann fjölda Hafnfirðinga sem
segja nei við skólabyggingarfyrir-
ætlunum á þessu svæði. Þið vitið
að víðast þar sem þessar hugmynd-
ir ber á góma er svarið: nei - og
aftur nei.
GUÐRÚN EMILSDÓTTIR,
Miðholti 2, Hafnarfirði.
Allt efni sem birtist i Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.