Árbók Hins íslenzka fornleifafélags - 01.01.1894, Síða 15

15
asta, alls eigi ólík þvi, að hún gæti verið hoftóft. En hjer er
ekki við neitt að styðjast, nema mismunandi tilgátur. Gat jeg
því ekki ráðist í að láta grafa í þessa staði.
í fljótu bragði lægi næst að ímynda sjer, að í fyrstu hafi
þingstaðurinn verið að öllu leyti frammi í Arnesi, en verið að
öllu leyti fluttur upp fyrir, þegar áin skar Arnesið frá. En ef
búðirnar hefðu verið frammi 1 Arnesi, þá hlyti tóftir þeirra að
sjást þar. En þar sjást engin merki til fornra mannaverka nema
dómhringurinn.
XI. „Brúnahaugur“.
Landnáma segir (V. 10.) að Olafur tvennumbrúni liggi »í
Brúnahaugi undir Vörðufelli«. Sú sögn hefir gengið, að Brúna-
haugur sje sama sem »Einbúi«, er stendur í fögrum hvammi, sem
Nátthagi heitir, uppi undir háfjallinu fyrir norðan túnið í Fram-
nesi. »Einbúinn« er raunar ekki annað en stór klettur, einstakur
og nokkuð einkennilegur í lögun, aflangur og söðulbakaður, sem
menn kalla. Mest-allur er hann hulinn þunnum jarðvegi. Ekki
þótti mjer hann liklegur til þess, að fornmenn hefðu valið hann
fyrir greftrunarstað, þó náttúrlegir hólar hafi stundum verið not-
aðir til þess. Dálítil upphækkun var á suðurenda hans og sá
þar á steina, er hreifa mátti. Ljet jeg því grafa þar i, ef þetta
kynni að vera dys. En það sýndi sig brátt, að upphækkunin
var föst klöpp, þegar búið var að taka buit hina lausu steina.—
Líklega er hinn rjetti Brúnahaugur fyrir neðan fjallsrætur, þar
sem nú er mýri, og getur hann verið þar í einhverjum smárim-
anum, eða þá niðursokkinn og horflnn.
XII. Helgahváll.
Helgahóll heitir í hrauninu fyrir sunnan Arhraun. Það er
hár kringlóttur hraunhóll, og er það án efa »Helgahváll«, sem
Landn. nefnir, þar sem Helgi trausti fjell. A hólnum er upp-
hækkun, sem þó er næstum í tvennu lagi. Gæti það verið dys,
er siðar hefði þá verið grafið upp. Það er líka sennilegt, að
Helgi hafi verið »heygður« þar í hólnum. — Munnmæli segja,
að Helgi trausti hafi búið á Helgastöðum á Skeiðum.