Árbók Hins íslenzka fornleifafélags - 01.01.1894, Page 25

25
verið byggðir síðar. En ekki er hægt að fá neina víssu um
þetta, þvi sögurnar vanta.
Guðmundur bóndi Guðmundsson i Teigi, greindur maður og
fróður, sýndi mjer tóft þessa og gat þess um leið, að bráðum
mundi vatnsveitingaskurður verða grafinn svo nálægt henni, að
af þeim vatnsaga, sem þar af hlyti að orsakast, mætti búast við
að tóftin yrði eftir eigi alllangan tíma niður sokkin og horfin
með öllu. Kom okkur því ásamt um, að vert væri að geta
hennar áður.
III. Þingskálaþingstaður.
Af því Sigurður Vigfússon rannsakaði Þingskálaþingstað
1883, gjörði jeg ekki uppdrátt af honum, en skoðaði hann þó og
taldi þar yfir 40 búðatóftir, sem flestar liggja eins og í belti yfir-
um þvert túnið og niður með því að vestan. Sumar eru þó of-
ar eða neðar. Gil hefir brotið sumar burt að mestu, og traðirn-
ar liggja gegnum sumar. Búðir Njáls og Gunnars eru sýndar
fyrir neðan bæinn og búð Marðar Gígju á að hafa verið þar sem
bærinn er. Dómhringurinn á að hafa verið þar sem bærinn
Kaldbak er, og þar í túninu eru fáeinar búðatóftir. »Blótsteinn«
er sýndur i bæjarvegg á Þingskálum. Hann er úr »breccie» og
því án efa aðfiuttur.

4