Árbók Hins íslenzka fornleifafélags - 01.01.1894, Page 40

40
dýrina er mannshöfuð með kollháan hatt á höfði og stórt skygni
fram af, en á hinu neðra er fuglshaus; miðmyndin er af annars-
konar dýri og er á því fuglshaus með löngum fjaðraskúfi, er
stendur beint upp; skottið er langt og mjótt og breiðkar í end-
ann og klofnar þar í þrent; það sýnist helzt hafa 4 fætur eða
hramma. — Skrá afarstór og með óvanalegri gerð hefir verið
fyrir kistunni.
Kistufjalir þessar eru komnar til safnsins 1883 frá Hlíðar-
enda í Fljótshlíð og var kista sú, sem þær eru úr, höfð þar í
bæjardyrum og mun hafa verið orðín fúin og ónýt, er fjalirnar
voru teknar. Er eigi ólíklegt að kistan hafi upphaflega verið
skrúðkista í kirkju þeirri, er var á Hlíðarenda í kaþólskum sið,
en kistan mun hafa verið smíðuð um 1400 eða um það leyti, er
gotneskt lag tók að ryðja sér til rúms hér á landi, einkum á
ýmsu kirknaskrauti, og gæti því verið kista sú, sem Vilkinsmál-
dagi (1397) segir að kirkjan eigi; en það er bert að hún er gerð
á þeim tímamótum, þvf að blöðin á grunnmúrnum (sbr. Worsaae,
Nord. Oldsager. Kh. 1859, nr. 527) og dýramyndirnar eru ann-
ars ekki tíðkaðar á gripum með. gotnesku lagi, heldur er það
alt miklu eldra.